Lajmet

Qeveria e Maqedonisë së Veriut shpall gjendje krize

Published

5 years ago

on

Periudha për ekzistimin e gjendjes së krizës në territorin e Maqedonisë së Veriut është 30 ditë, duke filluar nga sot, ndërsa qeveria do të informojë presidentin dhe Kuvendin për këtë vendim.

Qeveria e Maqedonisë së Veriut miratoi vendim për shpalljen e gjendjes së krizës në tërë territorin e vendit.

Në njoftimin e qeverisë thuhet se kjo bëhet me qëllim të mbrojtjes së shëndetit publik shkaku i pandemisë së koronavirusit të ri (COVID-19) dhe në mënyrë që të parandalohet përhapja e tij në një vëllim të shtuar, i cili rrezikon sigurinë e popullatës.

“Kjo bëhet me propozimin e Komitetit Drejtues për koordinimin dhe menaxhimin e sistemit të menaxhimit të krizave, me propozimin e mëparshëm të Grupit të Vlerësimit. Më herët, Këshilli i Sigurimit në seancë rekomandoi shpalljen e gjendjes së krizës në të gjithë territorin e Republikës së Maqedonisë së Veriut, në mënyrë që të trajtohen në mënyrë efektive pasojat e krizës për shkak të krizës së koronës”, thuhet në kumtesë.

Periudha për ekzistimin e gjendjes së krizës në territorin e Maqedonisë së Veriut është 30 ditë, duke filluar nga sot, ndërsa qeveria do të informojë presidentin dhe Kuvendin për këtë vendim.

Në qeveria njoftojnë se do t’i propozojnë presidentit të vendosë për pjesëmarrjen e disa anëtarëve të Ushtrisë në ballafaqimin me krizën.

Qeveria gjithashtu erdhi në përfundimin se Shtabi i Përgjithshëm i Qendrës së Menaxhimit të Krizave duhet të fillojë menjëherë përgatitjen e një Plani të Veprimit për parandalimin dhe menaxhimin e përhapjes së koronavirusit, si dhe një rishikim të plotë të burimeve njerëzore dhe materiale-teknike me të cilat disponon dhe një plan për veprim të koordinuar.

“Qeveria gjithashtu vendosi që Ministria e Punëve të Brendshme, Ministria e Mbrojtjes, Ministria e Shëndetësisë, Ushtria, Qendra e Menaxhimit të Krizave dhe Drejtoria për Mbrojtje dhe Shpëtim të vendosin në dispozicion të gjitha kapacitetet dhe burimet në funksion të trajtimit të krizës”, thuhet në kumtesë.

Kujtojmë se për shkak të situatës me koronavirusin, qeveria më 13 mars shpalli situatë krize në komunat e Dibrës dhe Qendër Zhupa për një periudhë prej 30 ditësh.

Presidenti Pendarovski, shpalli gjendje të jashtëzakonshme për herë të parë në vend në 18 Mars. Kjo u pasua nga disa tjera sipas së cilave gjendja e jashtëzakonshme zgjati deri më 14 qershor, kur presidenti hoqi plotësisht masën.

Aktualisht, në vend janë në fuqi disa masa kundër përhapjes së pandemisë, duke përfshirë mbajtjen e detyrueshme të maskave në hapësira të hapura dhe të mbyllura, funksionimin deri në ora 21:00 të restoranteve dhe kafeneve, si dhe ndalimin e tubimeve të më shumë se katër personave në hapësira të brendshme ose të jashtme.

Sipas të dhënave të sotme të Ministrisë së Shëndetësisë, numri i përgjithshëm i rasteve të diagnostikuara me koronavirus në vend arriti në 52449. Prej tyre, 30.952 janë shëruar dhe 1.462 kanë humbur jetën, ndërsa 20.035 llogariten si raste aktive./anadoluagency

Related Topics:
Continue Reading

Lajmet

Kuriozitetet e ditës

Published

9 minutes ago

on

September 15, 2026

By

Lexoni pesë kuriozitete. Mund të mos i keni ditur:

 

  1. Në Singapor është e ndaluar të përtypësh çamçakëz në vende publike, për të mbajtur qytetin më të pastër.
  2. Netflix dikur u ofroi themeluesve të Blockbuster ta blinin kompaninë për vetëm 50 milionë dollarë, por ata refuzuan.
  3. Në Australi ekziston një gardh mbi 5 mijë kilometra i gjatë, i ndërtuar për të mbajtur larg qentë e egër.
  4. Trupi i njeriut krijon aq shumë nxehtësi në 30 minuta sa mund të vlojë rreth 2 litra ujë.
  5. Në Japoni ekziston një tren që ndalon vetëm për një nxënëse, vetëm që ajo të mund të shkojë në shkollë.

Continue Reading

Lajmet

PDK dërgon sërish në Kushtetuese zgjedhjen e Qeverisë: Albin Kurti dhe partia e tij shkelën afatet me qëllim

Published

20 minutes ago

on

September 15, 2026

By

Partia Demokratike e Kosovës i është drejtuar sërish sot Gjykatës Kushtetuese për të kontestuar ligjshmërinë e vendimit për zgjedhjen e Qeverisë së re të udhëhequr nga Albin Kurti.

Kërkesa zyrtare është dorëzuar nga deputetët e këtij subjekti politik, Përparim Gruda dhe Arian Tahiri, të cilët kërkuan nga Gjykata Kushtetuese që të vlerësojë në tërësi ligjshmërinë e procedurave të ndjekura gjatë votimit në Kuvend.

Sipas përfaqësuesve të PDK-së, mënyra e konstituimit të Kuvendit dhe hapat e ndërmarrë menjëherë pas tij përmbajnë shkelje seriosaze kushtetuese. Nga partia më e madhe opozitare janë shprehur se Albin Kurti dhe Lëvizja Vetëvendosje kanë shkelur afatet kushtetuese me qëllim gjatë këtij procesi.

Kjo lëvizje e PDK-së vjen vetëm një ditë pasi ky subjekt politik dërgoi një tjetër kërkesë në Gjykatën Kushtetuese, e cila lidhej me procedurën e konstituimit të legjislaturës së 11-të ku u zgjodh kryetarja dhe katër nënkryetarët e Kuvendit procedurë kjo që i hap rrugë edhe votimit të kabinetit të ri qeveritar. /Ekonomia online/

Continue Reading

Lajmet

IBM dhe NASA publikojnë modelin e ri të AI për Hënën

Published

28 minutes ago

on

September 15, 2026

By

IBM dhe NASA kanë publikuar një model të ri të Inteligjencës Artificiale, të trajnuar me të dhëna nga dekada të tëra vëzhgimesh të Hënës, i cili do të jetë i qasshëm publikisht për studiuesit dhe zhvilluesit.

“NASA-IBM Lunar Foundation Model” është publikuar në platformën Hugging Face, së bashku me një bazë të unifikuar të të dhënave hënore, të përgatitur posaçërisht për përdorim në teknologjitë e machine learning.

Për dekada, misionet hapësinore kanë mbledhur sasi të mëdha të dhënash për Hënën, por ato janë ruajtur në formate dhe rezolucione të ndryshme, duke e vështirësuar analizimin e tyre në mënyrë të integruar.

Për të adresuar këtë problem, ekipet e IBM dhe NASA kanë kombinuar më shumë se 30 shtresa të dhënash nga nëntë instrumente të përdorura në katër misione të ndryshme. Në mesin e tyre janë Lunar Reconnaissance Orbiter dhe GRAIL të NASA-s, si dhe misioni japonez SELENE/Kaguya.

Një nga përdorimet më interesante të modelit është identifikimi i zonave ku mund të ketë depozita akulli në Hënë. Krateret që ndodhen vazhdimisht në hije konsiderohen ndër zonat më premtuese për praninë e akullit nën sipërfaqe, por analizimi i tyre është veçanërisht i vështirë.

Sipas IBM, modeli i ri ka ulur me 23 për qind gabimin në identifikimin e zonave me potencial të lartë për akull, krahasuar me modelin e përgjithshëm të vizionit kompjuterik SwinV2-B.

Modeli i ri pritet t’u ofrojë studiuesve dhe zhvilluesve një mjet të hapur për analizimin e të dhënave hënore dhe për zhvillimin e aplikimeve të reja në eksplorimin e Hënës./A.K/

Continue Reading

Lajmet

Javier Bardem nderohet me “Çmimin për Arritje Jetësore” në Festivalin e Filmit në Romë

Published

29 minutes ago

on

September 15, 2026

By

Aktori i njohur spanjoll, Javier Bardem, do të nderohet me “Çmimin për Arritje Jetësore” në Festivalin e Filmit në Romë, një nga ngjarjet e rëndësishme kinematografike në Itali. Çmimi do t’i dorëzohet nga regjisori i njohur italian, Paolo Sorrentino.

Festivali do të mbahet nga 13 deri më 25 tetor, ndërsa Bardem do të prezantojë edhe filmin “The Beloved”, me regji të Rodrigo Sorogoyen.

Filmi, i cili pati premierën botërore në Festivalin e Filmit në Kanë, rrëfen historinë e regjisorit Esteban Martinez, të interpretuar nga Bardem, i cili pas shumë vitesh ribashkohet me vajzën e tij, një aktore në ngritje.

Bardem së fundmi ishte pjesë edhe e Festivalit të Filmit në Venecia, ku prezantoi filmin “Bunker”, me regji të Florian Zeller.

Aktori spanjoll pritet të rikthehet në ekran në rolin e Stilgarit në filmin e shumëpritur “Dune: Part Three”, me regji të Denis Villeneuve.

Ndërkohë, Bardem ka përfunduar edhe xhirimet e filmit “Hello & Paris” të Amazon MGM Studios, ku interpreton përkrah aktores Kate Hudson./A.K/

Continue Reading

Të kërkuara