Lajmet

Qeveria e Kosovës do të marrë 60 milionë euro kredi për vaksinat antiCOVID

Published

on

Qeveria e Kosovës në mbledhjen e sotme ka miratuar nismën për negocimin e marrëveshjes kornizë së kredisë ndërmjet Kosovës dhe Bankës Zhvillimore të Këshillit të Evropës për financimin e projektit “Reagim Emergjent ndaj COVID-19”, përmes të cilës do të sigurohen edhe 25 milionë euro për blerje të vaksinave dhe pajisjeve të tjera për menaxhimin e masës anti-COVID, krahas 35 milionë të tjerave që tashmë janë të ratifikuara në Kuvendin e Kosovës.

Ministri i Financave, Punës dhe Transfereve, Hekuran Murati, tha se nga këto 60 milionë euro tashmë 35 milionë janë të negociuara dhe shtesë janë edhe 25 milionë të tjera. Ai tutje tha se kushtet e financimit nga kjo bankë janë më të favorshmet dhe norma e interesit mbetet e subvencionuar nga Banka Zhvillimore e KE-së.

“Ministria e Financave, Punës dhe Transfereve në përpjekjet e saj për luftimin e efekteve negative të pandemisë në ekonominë e vendit, ka ndërmarrë një sërë masash që mbështesin sektorin e shëndetësisë, mirëqenies sociale dhe sektorin privat. Në vazhdën e këtyre masave sot paraqes para jush nismën për negocimin e marrëveshjes së amandamentimit numër 1 të marrëveshjes ekzistuese me Bankën Zhvillimore të Këshillit të Evropës për financimin emergjent ndaj COVID-19. I tërë projekti kap vlerën totale prej 60 milionë eurosh, pra kemi 35 milionë euro tashmë negocimin të nënshkruara, ratifikuara në Kuvend, dhe po bëhet fjalë për një shtesë prej 25 milionë eurosh të cilat sigurohen me këtë amandamentim. Kjo do të sigurojë blerjen e vaksinave sipas marrëveshjeve që negociohen nga MSH dhe përfshirë çfarëdo lloj pajisje mjekësore që ka të bëjë me menaxhimin e pandemisë mes të tjerash. Edhe pse marrëveshja do të negociohet tek pas aprovimit të kësaj nisme dhe themelimit të ekipit negociator më lejoni të rikujtoj që kushtet e financimit të kësaj banke janë më të favorshme se kushtet e tregut dhe norma e interesit po ashtu mbetet e subvencionuar nga Banka Zhvillimore e Këshillit të Evropës deri në 1 milionë euro”, tha Murati.

Në mbledhjen e sotme Qeveria e Kosovës ka miratuar edhe koncept-dokumentin për pasurinë e pajustifikueshme.

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Lajmet

86 aksidente trafiku dhe mbi 2 mijë gjoba në 24 orët e fundit

Published

on

By

Policia e Kosovës ka raportuar se brenda 24 orëve të fundit janë regjistruar gjithsej 86 aksidente trafiku. Nga to, një ka rezultuar me fatalitet, 25 me lëndime trupore dhe 61 me dëme materiale.

Gjatë kësaj periudhe, janë shqiptuar gjithsej 2,241 gjoba për shkelje të rregullave në komunikacion.

Po ashtu, policia ka arrestuar 26 persona, ndërsa 15 janë dërguar në mbajtje.

Continue Reading

Të kërkuara