Lajmet

Qeveria britanike do të lëshojë viza të përkohshme për 800 kasapë

800 kasapëve të huaj do t’u jepen viza pune për të punuar në thertoret e derrave.

Published

on

Qeveria britanike ka njoftuar se do të lëshojë viza pune për 800 kasapë të huaj për therjen e derrave para Krishtlindjeve.

Ministri Britanik i Mjedisit, Ushqimit dhe Bujqësisë, George Eustice, në një deklaratë tha se 800 kasapëve të huaj do t’u jepen viza pune për të punuar në thertoret e derrave për të përmbushur kërkesën në rritje për mish para Krishtlindjeve.

“Ajo që ne do të bëjmë është të lejojmë kasapët dhe therësit e derrave të vijnë përkohësisht në vend deri në gjashtë muaj si pjesë e programit të punëtorëve sezonalë. Dhënia e kësaj leje do të na ndihmojë të merremi me grumbullimin e derrave në ferma tani”, tha Eustice.

Ministri Eustice deklaroi se shumë qytetarë të BE-së që punonin në kujdesin dhe therjen e derrave në Britani shkuan në vendet e tyre për shkak të pandemisë dhe nuk u kthyen.

Sipas të dhënave të Shoqatës Britanike Kombëtare për Kujdesin e Derrave, numri i derrave që presin të theren në vend është rreth 120.000.

Pas Brexit-it, vendi ka përjetuar probleme furnizimi dhe prodhimi në shumë sektorë, veçanërisht në transport, për shkak të mungesës së personelit të kualifikuar.

Ekspertët thonë se numri i përgjithshëm i shoferëve të transportit në Mbretërinë Bashkuar është rreth 100.000 më pak se sa nevojitet aktualisht.

Thuhet se produktet e importuara në vend tashmë kanë filluar të grumbullohen në porte dhe shpërndarja e logjistikës nuk mund të bëhet në mënyrë efektive.

Maersk, kompania më e madhe në botë e transportit të kontejnerëve, deklaroi se Felixstowe, një nga portet e rëndësishme të vendit, është plot me kontejnerë për shkak të krizës së transportit, kështu që anijet e mëdha të ngarkesave janë dërguar në portet alternative.

Sipas të dhënave nga ONS, gjatë dy javëve të fundit, një në çdo gjashtë konsumatorë në vend nuk mund të arrijë në produktet bazë ushqimore, ndërsa 25 për qind e konsumatorëve nuk mund të sigurojnë produkte të tjera përveç ushqimit.

Sipas deklaratës së bërë nga Shoqata Britanike e Shitësve me Pakicë të Naftës (PRA) më 12 shtator, thuhet se dhjetë për qind e stacioneve të benzinës në kryeqytetin Londër dhe rajonin juglindor të vendit nuk kanë karburant.

Qeveria britanike njoftoi muajin e kaluar se 5.000 drejtuesve të automjeteve të rënda dhe 5.500 punonjësve të sektorit të shpendëve nga jashtë do t’u jepen viza të përkohshme për tre muaj./AA/

Continue Reading

Lajmet

KQZ hap periudhën për ndërrimin e Qendrës së Votimit për zgjedhjet lokale

Published

on

By

Komisioni Qendror i Zgjedhjeve (KQZ) ka njoftuar se më 28 qershor ka nisur periudha për ndërrimin e Qendrës së Votimit brenda komunës për Zgjedhjet Lokale, e cila do të zgjasë deri më 29 gusht 2025.

Gjatë kësaj periudhe 63-ditore, të gjithë qytetarët me të drejtë vote kanë mundësi të kontrollojnë qendrën e tyre aktuale të votimit dhe, nëse dëshirojnë, të kërkojnë ndërrimin e saj, duke zgjedhur një lokacion më të afërt me vendbanimin e tyre brenda të njëjtës komunë.

Ndërrimi i Qendrës së Votimit mund të bëhet në dy mënyra:

  • përmes platformës elektronike të KQZ-së në https://qv.kqz-ks.org

  • ose duke paraqitur kërkesën në Komisionin Komunal të Zgjedhjeve të komunës ku është i regjistruar votuesi.

Continue Reading

Lajmet

Serbët festojnë Vidovdanin mes masave të shtuara të Policisë së Kosovës

Published

on

By

Grupe serbësh janë drejtuar për në Graçanicë për të nisur festimet e atij që njihet si Vidovdan.  Festimet nisën në mëngjes në Manastirin e Graçanicës dhe po vazhdojnë në Gazimestan, ku janë paralajmëruar edhe ardhje të tjera gjatë ditës.

Për të siguruar mbarëvajtjen e aktivitetit, Policia e Kosovës ka ndërmarrë masa të rrepta sigurie. Në hyrje të Gazimestanit, po zhvillohen kontrolle për të gjithë të pranishmit, ndërkohë që njësi të shumta policore janë të vendosura në terren, bashkë me forcat e KFOR-it.

Policia ka njoftuar se masat planifikuese dhe operative janë ndërmarrë për ruajtjen e rendit publik, menaxhimin e trafikut dhe sigurinë kufitare. PK ka apeluar për një manifestim të qetë, duke kërkuar nga qytetarët të shmangin provokimet dhe të respektojnë ligjet dhe udhëzimet e organeve të sigurisë.

Në fillim të këtij muaji, Gjykata Themelore në Prishtinë anuloi vendimin e mëparshëm të komunës së Graçanicës që lejonte shfaqjen e flamurit serb për këtë rast, duke vlerësuar se një veprim i tillë ishte në kundërshtim me legjislacionin në fuqi, pasi Vidovdani nuk është festë zyrtare në Kosovë.

Vidovdani lidhet me Betejën e Kosovës të vitit 1389, ku princi serb Lazar humbi jetën. Në diskursin historik serb, kjo betejë përshkruhet si një humbje ushtarake por një fitore shpirtërore.

Gazimestani është gjithashtu një vend me ngarkesë historike dhe politike, pasi aty presidenti i atëhershëm i Serbisë, Slobodan Millosheviq, mbajti një fjalim të njohur në vitin 1989, i cili shpesh shihet si paralajmërim i konflikteve që pasuan në Ballkan.

Continue Reading

Lajmet

​PDK me kërkesë të qartë, zhbllokimi i Kuvendit sipas Kushtetueses

Published

on

By

Deputeti i Partisë Demokratike të Kosovës, Përparim Gruda tha se në takimin e sotëm të partive politike me kryeministrin në detyrë, Albin Kurti do të diskutohet dalja nga situata e krijuar në Kuvendin e Kosovës.

Gruda tha se kryetari i PDK-së, Memli Krasniqi do të shpreh qëndrimet e kësaj partie se si të zhbllokohet Kuvendi i Kosovës, bazuar në aktgjykimin e Gjykatës Kushtetuese.

Ndërkaq, se a do të arrihet ndonjë marrëveshje apo çështje të tjera siç tha Gruda, do të përgjigjet vetë Krasniqi.

Këtë deklarim Gruda e bëri pas pyetjeve të gazetarëve në konferencën e thirrur nga PDK.

Continue Reading

Lajmet

Trump flet sërish për Kosovën e Serbinë: Ishin gati për luftë të madhe, unë e ndala

Published

on

By

Presidenti Amerikan Donald Trump për të tretën herë në vetëm një javë është rikthyer të flasë për çështjen e raporteve të tensionuara midis Kosovës dhe Serbisë, teksa bën pasqyrën e konflikteve globale që ai pretendon se ka zgjidhur.

Gjatë një konference për shtyp në Shtëpinë e Bardhë, Trump sërish tha se Serbia dhe Kosova ishin gati të përplaseshin ushtarakisht, madje sipas tij në një luftë të madhe.

“Serbia dhe Kosova ishin gati të përplaseshin. Po shkonin drejt një lufte të madhe”, tha Trump.

Më tej ai zbuloi formulën e tij të suksesit, me të cilën e ndali shpërthimin e një lufte mes dy shteteve në Ballkan, shkruan A2 CNN.

Trump vazhdimisht gjatë javës së fundit, nga momenti kur vendosi armëpushimin midis Izraelit e deri tek samiti i NATO-s në Hagë, i është referuar marrëveshjes Kosovë-Serbi, të arritur në Uashington më 2020 si histori suksesi e ndërmjetësimit të tij.

“Ne e ndalëm Serbinë, e cila ishte gati të fillonte një përplasje”, deklaroi dy ditë më parë Trump.

Ai i referohet marrëveshjes së nënshkruar nga Presidenti i Serbisë, Aleksandër Vuçiq dhe kryeministri i Kosovës, Avdullah Hoti në Zyrën Ovale, më 04.09.2020 të ndërmjetësuar nga Donald Trump.

Continue Reading

Të kërkuara