Lajmet

Qendra e Shëndetit Mendor pa objekt adekuat, trajton 1 mijë e 800 persona

Objekti është shumë i vogël.

Published

on

Numri i stafit shëndetësor te objekti i Qendrës së Shëndetit Mendor në Prishtinë është shumë i vogël. Përgjigjet e institucioneve shtetërore për zgjidhjen e një hapësire më të madhe sipas Sami Rexhepit, ishin gjithmonë pozitive, por asnjëherë diçka konkrete. Ai thotë se Qendra e Shëndetit Mendor duhet të jetë në mes të komunitetit e jo në periferi, në mënyrë që klientët të moslihen anash.

Sami Rexhepi, drejtor dhe neuropsikiatër në Qendrën e Shëndetit Mendor në Prishtinë për Ekonomia Online tha se në kuadër të Qendrës e Shëndetit Mendor në Prishtinë marrin ndihmë të rregullt 1 mijë e 800 persona.

“Në kuadër të Qendrës për Shëndet Mendor në Prishtinë funksionon shtëpia integruese në Fushë Kosovë dhe në Drenas ku janë të shtrirë nga 10 pacientë, 20 gjithsej të shtrirë të cilët marrin kujdes shëndetësor 24 orë. Ndërsa në Podujevë e kemi një qendër për shëndet mendor e cila ofron shërbime vetëm për qëndrim ditor për klientët tanë. Regjioni i Prishtinë e mbulon pak a shumë 1/3 e Kosovës si për nga sipërfaqja ashtu edhe për nga numri i banorëve. Në këtë qendër trajtohen marrin ndihmë të rregullt 1800 klientë të cilët janë të regjistruar, po flasim për sëmundje kronike psikiatrike të cilët vijnë për rehabilitim dhe risocializim”, deklaroi ai.

Rexhepi thotë se objekti në të cilën gjenden është shumë i vogël, e se nuk i plotëson nevojat e as kërkesat e tyre.

“Objekti për nga sipërfaqja e shfrytëzueshme është shumë i vogël dhe kjo na detyron se nëse grupi është më tepër se 10, 12 vetë puna nuk është efektive dhe nuk e arrijmë qëllimin i cili është para neve. Nuk mjafton për ti plotësuar nevojat dhe kërkesat për qytetin e Prishtinës e shumë më pak për regjionin e Prishtinës”, tha ai.

Rexhepi propozon që një lokacion i mirë i mundshëm kishte me qenë në Velani përballë shtëpisë së shëndetit.

“Kam tentu me Komunën e Prishtinës të gjendet një lokacion i përshtatshëm për ndërtimin edhe të një qendre, nuk e kam pas atë mirëkuptim në kuptimin e plotë të fjalës edhe pse gjithmonë premtimet kanë ekzistu se po, jo ka vend të përshtatshëm. Prej kur jam unë këtu, gjashtë ministra janë ndërru, asnjë nuk ka thënë jo. Të gjithë e kuptojnë rëndësinë e shëndetit mendor, mirëpo është problemi i lokacionit se edhe kudo lokacion kudo tjetër në periferi e këta me u ndje si të lënë anash nuk do ta ketë efektin e vetë.. Për lokacion atje në fillim të Velanisë është si kodër, ballë për ballë me shtëpinë e shëndetit është një hapësirë e pashfrytëzueshme, edhe ka popullatë për rreth, kish me qenë një zgjidhje ideale”, deklaroi ai.

Continue Reading

Lajmet

Plagosja e mbrëmshme në Prishtinë dyshohet se është kryer nga dy të dyshuar

Published

on

By

Një person dyshohet se është plagosur me armë zjarri mbrëmjen e së mërkurës nga dy të dyshuar në Prishtinë.

Në raporti  24 orësh të Policisë, thuhet se rasti ka ndodhur rreth orës 20:40 dhe u iniciua si “Vrasje në tentativë”, raporton “Betimi për Drejtësi“.

Prishtinë / 23.04.2025 – 20:40. Raportohet se viktima mashkull kosovar është plagosur me armë të zjarrit nga dy të dyshuar meshkuj kosovarë. Viktima është dërguar në QKUK për tretman mjekësor. Rasti është duke u hetuar”, thuhet në njoftim.

Continue Reading

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Të kërkuara