Sport
“Qatar 2022” – fundi i një epoke të emrave të mëdhenj të futbollit botëror
Kjo ngjarje sportive filloi në vitin 1930 dhe sivjet po zhvillohet edicioni i 22-të.
Alketa Zejnullahu, studente në Fakultetin Media dhe Komunikim në UBT
Ngjarja më e madhe e futbollit në botë konsiderohet Kupa e Botës, e cila zhvillohet çdo katër vjet, e këtë vit aktualisht është duke u mbajtur në Katar. Kjo ngjarje sportive filloi në vitin 1930 dhe sivjet po zhvillohet edicioni i 22-të.
Brazili ka më së shumti tituj të Kupës së Botës – pesë (1958, 1962, 1970, 1994 dhe 2002), më pas vjen Gjermania – katër (1954, 1974, 1990 dhe 2014), vijon Italia me po aq tituj (1934, 1938, 1982 dhe 2006). Urugai ka dy të tillë (1930, 1950), bashkë me Francën (1998, 2018) dhe Argjentinën (1978, 1986), Anglia ka një (1966), njëjtë sikur Spanja (2010).
Teksa po i afrohemi finales së madhe të 18 dhjetorit në të cilën do të përballen Argjentina dhe Franca, më poshtë i kemi disa nga yjet e futbollit për të cilët potencialisht ky mund të jetë Botërori i fundit.
Lionel Messi, tanimë 35-vjeçar, debutoi me shtetin e Argjentinës në Kupën e Botës të vitit 2006. Pa llogaritur finalen e këtij viti, ai ka zhvilluar 25 ndeshje me fanellën argjentinase në këtë kompeticion dhe ka shënuar gjithsej 11 gola. Messi ka një karrierë shumë të pasur, pasi që ka fituar shtatë herë Topin e Artë (Ballon d’Or), më së shumti në histori të këtij çmimi. Aktualisht Messi është lojtar i Paris Saint-Germanit, ekip në të cilin u transferua në vitin 2021 nga ekipi i tij i parë, FC Barcelona, aty ku filloi karrierën si 17-vjeçar.
37-vjeçari Cristiano Ronaldo zhvilloi botërorin e vitit 2006, të parin në karrerën e tij. Ai është paraqitur 20 herë me fanellën e Portugalisë dhe ka shënuar tetë gola në kampionate botërore. Bashkë me Messin, llogariten si dy më të mirët e dekadave të fundit në histori të futbollit. Ronaldo ka fituar pesë Topa të Artë. Karriera e tij ka filluar në Sporting Clube de Portugal për të vazhduar më pas te Manchester United si 18-vjeçar. Real Madridi dhe Juventusi ishin dy ekipet tjera që Ronaldo mbrojti fanellat e tyre për t’u rikthyer përsëri në Manchester United vitin e kaluar. Tash do të ndërrojë sërish ekip.
Neymar është një 30-vjeçar që mbron ngjyrat e Brazilit. Në Botërorin e vitit 2014 e bëri debutimin e tij. Gjithsej në kampionate botërore ka zhvilluar 13 ndeshje dhe ka shënuar tetë gola. Ai para fillimit të këtij botërori ka deklaruar se ndoshta nuk do të ketë forcën psikologjike të vazhdojë karrerën futbollistike. Aktualisht është lojtar i PSG-së.
Botërori i vitit 2018 ishte i pari për polakun 34-vjeçar, Robert Lewandowski. Ai i ka zhvilluar shtatë ndeshje në këtë garë dhe ka shënuar dy gola. Lewandowski tani është lojtar i FC Barcelonës.
Luis Suarez, 35-vjeçar, është një nga sulmuesit më të mirë në futbollin modern dhe është golashënuesi më i mirë i Uruguait dekadave të fundit. Botërori i vitit 2010 ishte i pari për të. Ai zhvilloi 16 ndeshje në këtë garë dhe shënoi shtatë gola. Tani është lojtar i Club Nacional.
Edinson Cavani në Kampionatin Botëror debutoi në të njëjtin vit me Suarezin. Për Uruguain në këtë garë zhvilloi 17 ndeshje dhe shënoi pesë gola. 35-vjeçari luan për Valencian.
Fituesi i Topit të Artë në vitin 2018, Luka Modric ka zhvilluar 18 ndeshje në Kampionat Botëror dhe ka shënuar dy gola. Kroati e shijoi botërorin e parë në vitin 2006. 37-vjeçari është një titullar i padiskutueshëm në klubin e Real Madridit, pjesë e të cilit është që nga viti 2012.
Portieri i Gjermanisë, Manuel Neuer, filloi ta mbrojë portën gjermane në kampionate botërore të vitit 2010. Ai zhvilloi 19 ndeshje në kuadër të Botërorit dhe e fitoi atë të vitit 2014. 36-vjeçari është pjesë e klubit Gjerman, Bayern Munich.
Lojtari tjetër gjerman, Thomas Muller po ashtu botërorin e parë e zhvilloi në atë të vitit 2010, dhe e fitoi atë të vitit 2014. 33-vjeçari realizoi dhjetë gola në 18 ndeshje të kampionateve botërore. Sulmuesi udhëheq si kapiten ekipin e Bayern Munich.
Dani Alves është kapiteni më i vjetër në histori të Brazilit në Kupën e Botës. Ai debutoi në këtë garë 12 vjet më parë dhe zhvilloi 11 ndeshje, por nuk shënoi asnjë gol. 39-vjeçari luan për ekipin Club Universidad Nacional.
38-vjeçari, Thiago Silva është kapiteni i dytë më i vjetër në botëror në kuadër të Brazilit. Viti 2010 ishte fillimi i tij në këtë kometicion për t’i zhvilluar 15 ndeshje e shënuar dy gola. Aktualisht është pjesë e klubit anglez, Chelsea.
Belgu Eden Hazard po ashtu e filloi rrugëtimin e botërorit në vitin 2010. 31-vjeçari mbajti fanellën e Belgjikës në Kampionate botërore në gjithsej 14 ndeshje dhe shënoi tri gola. Hazard mbron ngjyrat e Real Madridit.
Portieri francez, Hugo Lloris është ndër lojtarët që debutoi në kampionatin botëror të vitit 2010. Ai fitoi Kupën e Botës në vitin 2018. Gjithsej e mbrojti portën franceze 19 herë ne KB. Që nga viti 2012, 35-vjeçari mban fanellën e Tottenham Hotspur.
2014 është viti i debutimit të Olivier Giroud në KB. Në 17 ndeshjet e zhvilluara të këtij kampionati 36-vjeçari shënoi pesë gola dhe e fitoi Kupën e Botës në vitin 2018. Giroud është pjesë e ekipit italian, AC Milan.
Spanjolli që e mbajti shiritin e kapitenit në këtë botëror, Sergio Busquets debutoi në Kampionatin Botëror të vitit 2010, në të cilin edhe u shpall kampion. Në 17 ndeshjet e zhvilluara të këtij kompeticioni ai nuk e shënoi asnjë gol. Nga viti 2008 është pjesë e ekipit katalonas, FC Barcelona, tanimë 34-vjeçari është edhe kapiten i saj.
Botërori i 2010-ës është edhe viti i debutimit të argjentinasit Angel Di Maria. 34-vjeçari u paraqit në17 ndeshje të kësaj gare dhe i shënoi dy gola. Nga vera e këtij vitit është pjesë e Juventusit.
Portugezi Pepe i shtohet listës së fillimit të Botërorit në 2010. 39-vjeçari shënoi dy gola në 12 ndeshjet e zhvilluara të kësaj gare. Pepe është pjesë e ekipit të Portos.
Futbolli ndër vite ka treguar që është sporti më i bukur dhe më i paparashikuar në botë e disa prej tyre edhe mund të paraqiten përsëri në botërorin e vitit 2026, por gjasat janë të vogla.
Bashkë me ta përfundon një epokë e futbollistëve që për disa ishin edhe arsyeja që filluan të shikonin futboll. Por me yjet e rinj që morën pjesë në këtë botëror si Mbappe, Pedri, Gavi, Belingham, e shumë të tjerë do të fillojë një epokë e re e sportit më të shikuar në botë./UBTNews/
Kosova ka mbërritur në Rumaninë me një mision të qartë: të fitojë patjetër në këtë transfertë të vështirë për të ruajtur shpresat për vendin e parë në grupin e kualifikuesve për Euro 2024. Në një konferencë për shtyp, një ditë para ndeshjes, trajneri i Kosovës, Pascal Foda, ka theksuar rëndësinë e kësaj sfide dhe ka pranuar se do të jetë e nevojshme të bëhen disa ndryshime në formacion për shkak të mungesave nga lëndimet.
Foda ka sqaruar se, për shkak të mungesave të disa lojtarëve të rëndësishëm, do të bëhen ndryshime si në aspektin taktik, ashtu edhe në mënyrën e qasjes ndaj kundërshtarëve. Sipas tij, kjo është një nevojë e domosdoshme për të kompensuar mungesat dhe për të ruajtur forcën e skuadrës.
“Duke pasur parasysh mungesat që kemi, do të detyrohemi të bëjmë disa ndryshime, qoftë taktike, qoftë në mënyrën se si do t’i qasemi kundërshtarëve. Kjo është e kuptueshme për shkak të mungesave që kemi,” tha trajneri gjerman, i cili gjithashtu theksoi se qëllimi i tij është të merret maksimumi nga ndeshja e nesërme.
Kur u pyet nëse Kosova është në Rumanisë vetëm për të marrë pikët e plota, Foda ishte i drejtpërdrejtë: “Natyrisht, do të futemi në fushë për t’i marrë pikët e plota. Është shumë e rëndësishme që të paraqitemi mirë si skuadër, të jemi më agresivë, të kontrollojmë topin kur e kemi, dhe kur nuk e kemi, të tentojmë ta rikuperojmë sa më shpejt.”
Foda theksoi se ka vetëm 90 minuta për të arritur fitoren dhe nuk është e nevojshme të kërkohet fitorja që në sekondat e para të ndeshjes. Megjithatë, ai nënvizoi se për të arritur vendin e parë në grup, është e domosdoshme të fitohen të gjitha ndeshjet, përfshirë atë me Rumaninë.
Ndeshja mes Rumanisë dhe Kosovës do të luhet të premten, më 15 nëntor, në orën 20:45./UBTNews/
Në prag të ndeshjes mes Kombëtares së Kosovës dhe asaj të Rumanisë, trajneri i skuadrës rumune, Mircea Lucescu, ka dhënë një mesazh të fuqishëm për gazetarët dhe tifozët, duke theksuar se Kosova është një kundërshtar i rrezikshëm dhe i denjë për respekt.
Në konferencën për shtyp të mbajtur në Bukuresht, përpara përballjes së vlefshme për Grupin 2 të Ligës C të Ligës së Kombeve, Lucescu ka kërkuar të qartësojë që Kosova nuk është një skuadër që mund të nënvlerësohet, pavarësisht nga pozita aktuale e saj në grup.
“Shpresoj të mos bëni shaka me Kosovën. Ata janë një ekip i madh që mund të fitojë kundër çdo skuadre”, u shpreh trajneri i Rumanisë. Ai vazhdoi duke theksuar se Kombëtarja e Kosovës ka lojtarë të cilët luajnë në kampionate të fuqishme evropiane dhe se kjo tregon për nivelin e lartë të skuadrës.
Në një ndërhyrje gjatë konferencës, Lucescu kërkoi të sqarohet një deklaratë e bërë më parë nga një lojtar i skuadrës, Valentin Mihaila, që mund të ishte interpretuar si nënvlerësim i Kosovës. Ai theksoi se, përkundër faktit që Kosova nuk ka arritur të krijojë një grup të qëndrueshëm me rezultate të jashtëzakonshme, ajo mbetet një skuadër shumë e rrezikshme.
“Disa skuadra, si Lituania, ka 6-7 lojtarë që luajnë në kampionate shumë të forta. Po ashtu, Qiproja ka 4-5 lojtarë që luajnë në ligat më të forta. Kjo nuk është më si dikur, kur skuadrat e tilla mund të ishin konsideruar të dobëta. Kosova është një ekip që nuk duhet nënvlerësuar,” shtoi Lucescu.
Këto deklarata të trajnerit rumun vijnë pas përgatitjeve të intensifikuara të dy skuadrave për këtë ndeshje të rëndësishme, që do të luhet të premten, më 15 nëntor 2024, me fillim nga ora 20:45. Ndeshja do të zhvillohet në Bukuresht dhe është e vlefshme për Ligën e Kombeve, ku Kosova kërkon të sigurojë një rezultat pozitiv për të ruajtur shanset për kualifikim.
Përballja me Rumaninë është një mundësi e artë për Kombëtaren e Kosovës për të treguar fuqinë dhe nivelin e saj në skenën ndërkombëtare të futbollit./UBTNews/
Keni dëgjuar për larjen e trefishtë të flokëve? Ja çfarë duhet të dini për këtë metodë
Claude Monet dhe revolucioni i dritës: 184 vjet pikturë impresioniste!
Dardanët arrijnë në Bukuresht!
Foda, i drejtpërdrejtë: Vetëm fitorja bën punë për vendin e parë!
Komiteti i OKB-së: Metodat e luftës të Izraelit ngjasojnë me gjenocid
Ide fantastike për një drekë të shijshme
Kroacia planifikon të blejë 394 raketa HIMARS me rreze veprimi deri në 80 km
Gladiatorët: Colosseumi si paraardhës i Reality TV?
Mafia, tortura dhe krimet e vërteta: Muzetë evropianë që zbulojnë botën e errët të krimit!
-
Bota2 weeks agoTrump premton paqe në Liban nëse rikthehet në Shtëpinë e Bardhë
-
Lajmet3 months agoZgjedh Menaxhment, Biznes dhe Ekonomi në UBT – Ferizaj dhe bëhuni liderët e së ardhmes
-
Lajmet2 months agoKurti: Përdhunimi është mjeti që përdori Serbia në Kosovë në mënyrë që të lë pasoja të përhershme në familje
-
Kulturë1 month agoMarigona Ferati, profesoresha e UBT-së, zëri i artit në jurinë ndërkombëtare në festivalin e teatrove në Oman