Sport

Puyol ka një kërkesë për Barcelonën, dëshiron rikthimin e ish-sulmuesit në “Camp Nou”

Në 108 paraqitje për Arsenalin, Alexis ka shënuar 20 gola dhe ka asistuar në 23.

Published

4 years ago

July 22, 2022

UBT.News

Alexis Sanchez është sugjeruar të rikthehet në Barcelonë nga legjenda e klubit Carles Puyol. Sulmuesi kilian kaloi tre vjet me gjigantin e La Ligas përpara se të bashkohej me Arsenalin në Premier Ligë.

Sanchez u bë shpejt i preferuari i tifozëve të Arsenalit, ndërsa pas aventurës me “Topçinjtë”, ai kaloi në Manchester United, ku kishte një sezon e gjysmë jo të mirë para se të huazohej te Interi, i cili më pas e transferoi atë në formë të përhershme falas.

33-vjeçari nuk ka qenë në gjendje të rimarrë formën që tregoi me Arsenalin te Interi, pavarësisht se është ndër lojtarët më të paguar në ligë. Në 108 paraqitje për gjigantët e Serisë A, Alexis ka shënuar 20 gola dhe ka asistuar në 23.

Me vetëm një vit të mbetur në kontratën e tij, dhe Interi i etur për ta lënë atë të largohet, ai është lidhur me një rikthim te Barcelona.

Sanchez ka marrë një vulë miratimi nga një prej legjendave më të mëdha të Barcelonës, Puyol, i cili e cilësoi Alexis si një nga lojtarët më të talentuar me të cilët ka luajtur.

“Nuk varet nga unë, por unë do të doja që Alexis të kishte mundësinë të luante përsëri për Barcelonën”, tha Puyol për “SPORT”.

“Përveçse është shumë profesionist, ai është një nga lojtarët më të talentuar me të cilët kam luajtur ndonjëherë. Gjërat në këto ekipe ku ka kaq shumë konkurrencë nuk janë kurrë të lehta. Por me punë dhe disiplinë jam i bindur se ai mund të bëjë një paraqitje të shkëlqyer në klubin që përfaqëson. I uroj atij më të mirën dhe për mua skuadra më e mirë është Barcelona, kështu që kjo është përgjigja”, shtoi më tej Puyol.

Alexis iu ofrua Barcelonës në merkaton aktuale verore, por klubi me sa duket hodhi poshtë mundësinë për ta nënshkruar atë pasi ka transferuar Raphinhan dhe Robert Lewandowskin në departamentin e sulmit dhe gjithashtu kanë rinovuar kontratën e Ousmane Dembeles.

“Nerazzurrët” janë aq të dëshpëruar për t’u ndarë me Alexis, sa thuhet se i kanë ofruar katër milionë euro për t’i dhënë fund kontratës, por kiliani nuk e pranoi ofertën.

Sport

Ronaldo i shpreh ngushëllime Messit për humbjen e babait

Published

4 hours ago

August 12, 2026

UBTNews

Cristiano Ronaldo i ka dërguar një mesazh të ndjerë ngushëllimi rivalit të tij të hershëm, Lionel Messi, pas vdekjes së babait të tij, Jorge Messi, në moshën 68-vjeçare pas një sëmundjeje të gjatë.

Duke lënë mënjanë rivalitetin sportive në fushë, ylli portugez reagoi në postimin e Messit me fjalët:

“Përqafime për ty dhe të dashurit në këtë moment të vështirë, Leo. Qëndro i fortë”.

Sport

Tronditet pozita e Infantinos, shumica e federatave kundër mandatit të katërt

Published

1 day ago

August 11, 2026

UBTNews

Pozita e Gianni Infantinos në krye të FIFA-s është tronditur ndjeshëm, vetëm pak javë pasi ai konsiderohej favorit absolut për të fituar një mandat të katërt në drejtimin e organizatës.

Sipas BBC Sport, aktualisht vetëm 73 nga 210 federatat anëtare të FIFA-s janë në mbështetje të Infantinos, ndërsa 124 janë kundër tij. 13 federata të tjera ende nuk kanë përcaktuar qëndrimin e tyre.

Megjithatë, këto shifra mund të ndryshojnë në muajt e ardhshëm, përpara zgjedhjeve.

Situata për Infantinon është përkeqësuar pas kundërshtimeve të forta ndaj planit të tij, tashmë të braktisur, për t’u shitur investitorëve privatë një pjesë e të drejtave komerciale të Kupës së Botës dhe kompeticioneve të tjera të FIFA-s.

UEFA, CONCACAF dhe Konfederata Aziatike e Futbollit (AFC), të cilat së bashku përfaqësojnë 136 federata, kanë kritikuar ashpër FIFA-n dhe Infantinon, duke i akuzuar për shkelje të besimit dhe “mashtrim” lidhur me mënyrën se si është menaxhuar plani.

Kështu, ajo që deri vonë dukej si një garë e sigurt për Infantinon, tashmë është shndërruar në një betejë të pasigurt për mbijetesën e tij në krye të futbollit botëror.

D.L

Sport

Sigal Prishtina mirëpret David Krizanic: “Mirë se vjen në shtëpinë e kampionëve”

Published

1 day ago

August 11, 2026

UBTNews

Sigal Prishtina ka zyrtarizuar afrimin e David Krizanic.

Klubi prishtinas e ka prezantuar lojtarin e ri përmes një postimi në rrjetet sociale, duke e mirëpritur me mesazhin: “Mirë se vjen në shtëpinë e kampionëve, David Krizanic.”

Me këtë përforcim, Sigal Prishtina vazhdon të ndërtojë skuadrën për sezonin e ri, me synimin për të mbrojtur trofetë dhe për të mbetur në majën e basketbollit kosovar.

D.L

Sport

Drita përforcohet me Eduard Rrocën

Published

1 day ago

August 11, 2026

UBTNews

Eduard Rroca është futbollisti më i ri i Dritës së Gjilanit.

Kampionia në fuqi e Kosovës e ka zyrtarizuar të martën transferimin e sulmuesit 33-vjeçar, i cili rikthehet në futbollin kosovar pas një eksperience të gjatë jashtë vendit.

Rroca së fundmi ishte pjesë e skuadrës turke Ankara, ndërsa gjatë karrierës së tij ka luajtur edhe për disa klube të tjera në Turqi, si dhe në Shqipëri.

Me ardhjen e Rrocës, Drita synon të shtojë alternativat në repartin ofensiv dhe të forcojë skuadrën për sezonin e ri.

Klubi gjilanas po ashtu ka bërë një ndryshim të rëndësishëm në pankinë. Të hënën, Drita riktheu Ardian Nuhiun në postin e trajnerit, me të cilin synon të vazhdojë objektivat e saj për edicionin e ri.

D.L