Një agjenci turistike portugeze ka zbuluar se cilat destinacione të nxehta janë më të mira për t’i vizituar në nëntor dhe dhjetor, përcjell UBT News.
Secili prej këtyre vendeve do të ishte perfekt për një pushim të shkurtër dimëror – ndoshta edhe për festat e fundvitit.
Tiranë, Shqipëri
Kryeqyteti i Shqipërisë, Tirana është i famshëm për arkitekturën e tij shumëngjyrëshe, duke përfshirë monumentet nga periudha osmane dhe sovjetike. Tirana gjithashtu krenohet me një pyll të jashtëzakonshëm vertikal nga arkitekti Stefano Boeri.
Temperaturat mesatare maksimale të jashtme në nëntor dhe dhjetor janë 15 gradë Celsius.
Afër Tiranës ka shumë plazhe të mira, ndër to plazhi i Durrësit.
Romë, Itali
Roma, si Parisi, është gjithmonë një ide e mirë. Ka shumë plazhe të bukura lokale për të zgjedhur, dhe do të jeni të lumtur të bëni një zhytje me temperatura mesatare prej 21C në ujë, edhe në dhjetor.
Në fakt, temperaturat lokale të detit pritet të jenë më të ngrohta se temperaturat e jashtme, kështu që nëse jeni duke kërkuar për një pushim në qytet me një anë të notit, Roma është një opsion i shkëlqyeshëm.
Temperaturat mesatare maksimale të jashtme në nëntor dhe dhjetor janë 15 gradë Celsius.
Plazhi më i mirë afër është plazhi Tibidabo.
Athinë, Greqi
Një tjetër pushim klasik i qytetit, Athina përfiton gjithashtu nga temperaturat e ngrohta të ujit.
Ndërsa shumica e udhëtarëve do të mendojnë për pamjet historike dhe rrënojat greke kur marrin parasysh Athinën, ka një numër plazhesh publike jashtë qytetit që janë shtesa perfekte për një itinerar të pushimit të qytetit, transmeton UBT News.
Qyteti gjithashtu ka ditët më me diell të regjistruara nga pesë kryeqytetet këtu, me 268 ditë me diell në vitin 2020 (që është pothuajse 75 për qind diell).
Temperaturat mesatare maksimale të jashtme në nëntor dhe dhjetor janë rreth 17 gradë Celsius.
Plazhi më i mirë në afërsi është plazhi Glyfada në Glifada.
Lisbonë (dhe Cascais), Portugali
Kryeqyteti i Portugalisë, Lisbona dhe rajoni përreth Cascais-it, zhyten në diell gjatë gjithë vitit, me temperatura mesatare prej 17 gradë Celsius deri në fund të vitit.
Portugalia është destinacioni i përsosur për njerëzit që kërkojnë të shpëtojnë nga moti i tyre i zymtë dhe të lahen në det edhe gjatë stinës së dimrit.
Plazhi më i mirë aty pranë është Praia do Tamariz në Cascais.
Valeta, Maltë
Por nëse dielli është me të vërtetë prioriteti juaj numër një, atëherë kryeqyteti i vogël i Maltës, Valletta është zgjedhja më e mirë që mund të bëni.
Me temperaturat mesatare maksimale të detit nga 20 deri në dhjetor, Malta është destinacioni ideal për ata që duan të shijojnë notin në det deri në Vitin e Ri.
Malta ka më shumë se 230 ditë me diell çdo vit (duke e bërë atë me diell më shumë se 63 për qind të vitit), dhe temperatura mesatare maksimale të jashtme prej 19 gradë Celsius gjatë muajve nëntor dhe dhjetor.
Plazhi më i mirë në afërsi është St. Elmo Bay./UBTNews/
Komisioni Qendror i Zgjedhjeve në bashkëpunim me Komisionin e Venecias të Këshillit të Evropës organizoi punëtorinë për mësimet nga zgjedhjet e fundit për Kuvendin e Kosovës, të cilat u mbajtën më 9 shkurt 2025.
Gjatë kësaj punëtorie, ku morën pjesë anëtarë dhe zyrtarë të KQZ-së, përfaqësues të institucioneve të ndryshme (Avokati i Popullit, Paneli Zgjedhor për Ankesa dhe Parashtresa dhe Agjencioni për Parandalimin e Korrupsionit) u trajtuan çështje të ndryshme nga zgjedhjet e 9 shkurtit, me theks të veçantë zgjidhjen e kontesteve zgjedhore dhe monitorimin, dokumentimin dhe sanksionimin e keqpërdorimit të burimeve shtetërore.
Në hapje të punëtorisë, kryesuesi i KQZ-së, Kreshnik Radoniqi shprehu mirënjohje për Komisionin e Venecias për prezencën e tyre në vendin tonë, si një dëshmi e qartë e përkushtimit të përbashkët për të mbështetur standardet demokratike, transparencën dhe sundimin e ligjit në proceset zgjedhore në Kosovë dhe më gjerë.
Po ashtu, kryesuesi Radoniqi shpalosi ecurinë e procesit të fundit zgjedhor dhe sfidat me të cilat është përballur KQZ dhe për mësimet që të bëhen përmirësimet e nevojshme për proceset e ardhshme zgjedhore.
Ndërkaq, nga Sekretariati i Komisionit të Venecias, Michael Janssen falënderoi KQZ-në për këtë organizim të përbashkët dhe shprehu rëndësinë e trajtimit të rekomandimeve.
Punëtoria e organizuar është në përputhje me praktikën standarde të Komisionit të Venecias, i cili zakonisht ofron asistencë para ose pas zgjedhjeve gjatë të cilave merr pjesë në misione vëzhgimi të Asamblesë Parlamentare të Këshillit të Evropës (PACE). Qëllimi i takimit është të ndihmojë në analizën paszgjedhore dhe të kontribuojë në forcimin e integritetit dhe funksionalitetit të proceseve zgjedhore në Kosovë.
Në zgjedhjet e fundit për Kuvendin e Kosovës, një delegacion i Asamblesë Parlamentare të Këshillit të Europës (PACE) ka qëndruar në Kosovë me qëllim që të vlerësojë fushatën zgjedhore dhe klimën politike para zgjedhjeve parlamentare të cilat u mbajtën më 9 shkurt 2025.
Komisioni Qendror i Zgjedhjeve (KQZ) ka hapur zyrtarisht periudhën për aplikim të subjekteve politike që synojnë të marrin pjesë në zgjedhjet lokale të 12 tetorit 2025. Afati për aplikim do të zgjasë 49 ditë, deri më 13 gusht.
Zëdhënësi i KQZ-së, Valmir Elezi, ka bërë të ditur se për të lehtësuar këtë proces, aplikimi do të mund të bëhet online përmes platformës elektronike të KQZ-së.
“Duke filluar nga sot, subjektet politike mund të aplikojnë për certifikim për pjesëmarrje në zgjedhje. Gjatë kësaj periudhe, ato duhet të dorëzojnë edhe listën me emrat e kandidatëve për kryetarë të komunave dhe për kuvendet komunale”, tha Elezi.
Ai shtoi se vendimi për llojin e pjesëmarrjes dhe për komunat ku do të garojnë i mbetet në dorë secilit subjekt politik. “Subjektet politike mund të vendosin nëse duan të garojnë vetëm për kryetar komune, për kuvend komunal ose për të dyja”, deklaroi Elezi.
Njësia për Hetimin e Krimeve Ekonomike në Prishtinë ka ndaluar një person nën dyshimin për prodhim të parasë së falsifikuar. Sipas raportit 24-orësh të Policisë së Kosovës, i dyshuari është arrestuar pas një pune operative hetimore.
Me urdhër të prokurorit, është kryer bastisje në banesën e të dyshuarit, ku janë sekuestruar materiale të ndryshme që shërbenin për prodhimin e kartëmonedhave false. Në mesin e provave të konfiskuara janë: 135 fletë formati A4 me fotokopje të kartëmonedhave të ndryshme, një xham me holograme të prera, një skalper dhe vizore, katër ngjitës, shirit izolues, një printer, një telefon dhe një shumë parash në vlerë prej rreth 4,796 euro.
Pas intervistimit, me vendim të prokurorit, i dyshuari është dërguar në mbajtje.
Në raportin 24-orësh të Policisë së Kosovës janë evidentuar gjithsej gjashtë raste të dhunës në familje në qytete të ndryshme të vendit. Rastet përfshijnë dhunë fizike dhe psikike, ndërsa në disa prej tyre janë ndërmarrë masa ligjore ndaj të dyshuarve.
Në Prishtinë janë regjistruar dy raste. Në një rast, një grua ka raportuar se bashkëshorti i saj ka ushtruar dhunë psikike ndaj saj pas një mosmarrëveshjeje. Palët janë shoqëruar në stacionin policor dhe rasti është proceduar në procedurë të rregullt. Në një rast tjetër, një burrë është arrestuar pasi dyshohet se ka sulmuar fizikisht partneren me të cilën bashkëjeton. I njëjti është dërguar në mbajtje me vendim të prokurorit.
Në Ferizaj, është arrestuar një person pasi nëna e tij ka raportuar se i dyshuari, nën ndikim të alkoolit, kishte fyer dhe shtyrë atë. Pas intervistimit, i dyshuari është dërguar në mbajtje.
Në Pejë, është raportuar se një grua ka qenë viktimë e keqtrajtimit fizik nga i dashuri i saj. I dyshuari nuk është gjetur në vendbanimin e tij dhe rasti është duke u hetuar.
Në Vitomiricë, është arrestuar një person nën dyshimin se kishte ushtruar dhunë psikike ndaj babait të tij. I njëjti është dërguar në trajtim psikiatrik dhe më pas i është caktuar masa e ndalimit për 48 orë me vendim të prokurorit.
Në Mitrovicën e Jugut, është raportuar se një grua ka qenë viktimë e dhunës nga bashkëshorti i saj. Është bërë bastisje në shtëpinë e të dyshuarit, por nuk është gjetur ndonjë provë dhe nuk është raportuar për ndonjë arrestim.