Lajmet

Punëtorët teknikë të disa shkollave të kryeqytetit në grevë, kërkojnë rritje pagash

Ata kërkojnë pagë 400 euro.

Published

2 years ago

on

Punëtorët teknikë të disa shkollave në Prishtinë nga sot kanë hyrë në grevë si pasojë e pagave të ulta. Ata kanë paralajmëruar vazhdim të grevës nëse nuk merren vendim për rritje page, ndërsa kanë kërcënuar edhe me largim nga puna nëse nuk merren parasysh kërkesat e tyre.

Në grevë që nga ora 08:00 e mëngjesit janë edhe gjashtë punëtorët teknik të Shkollës së Mesme Ekonomike “Hoxhë Kadri Prishtina”, të cilët kërkojnë pagë rreth 400 eurove.

Feim Bislimi, punëtor teknik i kësaj shkolle i kontraktuar nga një kompani private, tha se kanë vendosur që të hyjnë në grevë për shkak të pagave të ulëta. Sipas tij, ata paguhen me rrogë prej 250 vetëm se janë të kontraktuar nga një kompani private, ndërsa kolegët e tyre të cilët janë në sektorin publik për të njëjtën punë, paguhen rreth 400 euro. Ai tha se nëse nuk ndërmerret diçka duke ju përgjigjur kërkesave të tyre, ata do të detyrohen që ta lënë punën.

“Pakënaqësia jonë është që pagat janë të vogla, ne i kemi 250 euro, kurse këta të tjerët i kanë 400 euro edhe pse kanë thënë se do të këtë lëvizje nuk ka asgjë. Kemi pasur takime edhe me nënkryetarin e Komunës, kanë thënë që 10 për qind do të këtë rritje, mirëpo edhe aty nuk ka kurrgjë. Jemi të pakënaqur që edhe nuk po mund t’ia dalim me këtë pagë dhe kanë vendosur që të hynë në grevë. Nëse nuk ndërmerret kurrgjë punëtorët janë deklaruar që do ta lenë krejt punën dhe nuk do ta vazhdojnë. Ne nuk po kërkojmë as më pak as më shumë se të jemi të barabartë me ta, kërkesa jonë është pagat të jenë të barabarta dhe të kthehemi në kuadër të komunës. Këta kanë marrë shujta e gjithçka ne nuk kemi marrë, thonë se nuk ju takojnë se jeni privat. Si privat si të shtetit në njerëz jemi, udhëtojmë, hamë e pimë, kemi obligime shtetërore. Paga është shumë e vogël. Në të shkollës sonë jemi gjatë edhe të shkollave tjera janë diku 37 veç shkollave të mesme, edhe ata të fillores kanë paralajmëruar por nuk e di a do të hyjnë”, tha ai.

Edhe punëtoret teknikë të Shkollës së Mesme të Bujqësisë “Avdyl Frashëri” i janë bashkuar kësaj greve. Nexhmije Hajdari, punëtore e kësaj shkolle tha se ky është një diskriminim i madh që është duke u bërë atyre dhe se grevën do ta vazhdojnë deri sa pagat t’u rritën.

“Ne jemi nga sot ne grevë për shkak të rrogave, i kemi rrogat më të ulëta se sa këta të sektorit publik. Këta i marrin 420 euro ne i marrim 250, kjo është diskriminim i madh për ne. Ne nuk jemi kundër kompanisë, por kundër komunës nuk na kanë rritur rrogat, na kanë premtuar që nga janari që të na rrisin nuk na kanë rrit. Grevën do ta vazhdojmë deri të na japin lajmin që na kanë rritur rrogën. Ne jemi pesë punëtorë në këtë shkollë”, tha ajo.

Related Topics:
Continue Reading

Lajmet

Arrestohet në Graçanicë për fotografim të fletës së votimit

Published

1 hour ago

on

October 13, 2025

By

Policia e Kosovës ka arrestuar të dyshuarin, shtetas kosovar, pasi kishte fotografuar fletën e votimit gjatë procesit zgjedhor në Graçanicë. Gjatë marrjes në pytje, ai ka deklaruar se i ishin ofruar 50 euro në këmbim të forografimit të votës.

“N.N Është arrestuar i dyshuari mashkull kosovar, pasi që dyshohet se kishte fotografuar fletën e votimit dhe i njëjti deklaron se per këtë i janë ofruar 50 euro. Me vendim të prokurorit i dyshuari është dërguar në mbajtje.” thuhet në njoftim nga Policia e Kosovës.

Me urdhër të prokurorit, i dyshuari është dërguar në mbajtje, ndërsa rasti po hetohet për “dhënie ose marrje ryshfeti në lidhje me votime.”./D.B/UBTNews

Continue Reading

Lajmet

​Kosova sfidon sot Suedinë

Published

2 hours ago

on

October 13, 2025

By

Kombëtarja e Kosovës rikthehet sonte në fushë për ndeshjen e dytë të tetorit, ku do të përballet me Suedinë në stadiumin “Nya Ullevi” të Goteborgut.

Pas barazimit të vlefshëm ndaj Sllovenisë në “Fadil Vokrri”, Dardanët udhëtojnë drejt skandinavisë me besim dhe synim për të ruajtur ritmin pozitiv në Grupin K të kualifikimeve për Botërorin 2026.

Në anën tjetër, Suedia ndodhet në një periudhë të vështirë. Kombëtarja nordike ka grumbulluar vetëm një pikë në tre ndeshjet e para dhe do të kërkojë me ngulm fitoren e parë për të ringjallur shpresat e saj.

Ndeshja fillon me fillim nga ora 20:45.

Një numër i madh tifozësh shqiptarë pritet të jenë prezent në shkallët e stadiumit për të krijuar atmosferë elektrizuese dhe për t’i dhënë mbështetje maksimale Dardanëve në këtë sfidë të rëndësishme./S.K/EO/

Continue Reading

Lajmet

Presidenti Trump mbërrin në Izrael

Published

2 hours ago

on

October 13, 2025

By

Presidentit amerikan i SHBA-së, Donald Trump ka mbërritur në Izrael.

Kreu i Shtëpisë së Bardhë u prit me tapet të kuq, teksa të pranishëm në aeroport ishin presidenti i Izraelit, Isaac Herzog dhe kryeministri izraelit, Benjamin Netanyahu.

Trump do të qëndrojë për disa orë në Izrael, ku pritet të takohet me disa prej pengjeve të liruara nga Hamasi, si dhe do të mbajë një fjalim në parlamentin izraelit.

Mijëra njerëz janë mbledhur në sheshet kryesore të Izraelit, ku pritën me ovacione mbërritjen e Trump./S.K/EO/

Continue Reading

Lajmet

Mbahet Asambleja Parlamentare e NATO-s, e ftuar presidentja Osmani

Published

2 hours ago

on

October 13, 2025

By

Sesioni i 71-të Vjetor i Asamblesë Parlamentare të NATO-s do të zhvillohet në kryeqytetin e Sllovenisë, Lubjanë.

Kjo është një ngjarje e rëndësishme ndërkombëtare që mbledh parlamentarë nga shtetet anëtare të Aleancës, si dhe përfaqësues të partnerëve të saj.

Presidentja e Kosovës, Vjosa Osmani, të dielën ka udhëtuar për në Slloveni, ku do të marrë pjesë në Asamblenë Parlamentare të NATO-s, që po mbahet në Lubjanë.

Në njoftimin e Presidencës është bërë e ditur se Osmani është e ftuar speciale në këtë sesion nga Presidenti i Asamblesë Parlamentare të NATO-s, Marcos Perestrello.

“Gjatë vizitës njëditore në Slloveni, presidentja Osmani do të zhvillojë një takim bilateral me presidenten e Republikës së Sllovenisë, Natasha Pirc Musar.

Po ashtu, sipas njoftimit zyrtar gjatë qëndrimit në Lubjanë, Osmani do të marrë pjesë në pritjen zyrtare të organizuar për nder të sesionit të Asamblesë Parlamentare nga Kryetarja e Asamblesë Kombëtare të Sllovenisë.

Osmani do të zhvillojë edhe takime të tjera gjatë këtij sesioni të Asamblesë Parlamentare të NATO-s./S.K/EO/

Continue Reading

Të kërkuara