Lajmet

Punëtorët teknikë të disa shkollave të kryeqytetit në grevë, kërkojnë rritje pagash

Ata kërkojnë pagë 400 euro.

Published

3 years ago

on

Punëtorët teknikë të disa shkollave në Prishtinë nga sot kanë hyrë në grevë si pasojë e pagave të ulta. Ata kanë paralajmëruar vazhdim të grevës nëse nuk merren vendim për rritje page, ndërsa kanë kërcënuar edhe me largim nga puna nëse nuk merren parasysh kërkesat e tyre.

Në grevë që nga ora 08:00 e mëngjesit janë edhe gjashtë punëtorët teknik të Shkollës së Mesme Ekonomike “Hoxhë Kadri Prishtina”, të cilët kërkojnë pagë rreth 400 eurove.

Feim Bislimi, punëtor teknik i kësaj shkolle i kontraktuar nga një kompani private, tha se kanë vendosur që të hyjnë në grevë për shkak të pagave të ulëta. Sipas tij, ata paguhen me rrogë prej 250 vetëm se janë të kontraktuar nga një kompani private, ndërsa kolegët e tyre të cilët janë në sektorin publik për të njëjtën punë, paguhen rreth 400 euro. Ai tha se nëse nuk ndërmerret diçka duke ju përgjigjur kërkesave të tyre, ata do të detyrohen që ta lënë punën.

“Pakënaqësia jonë është që pagat janë të vogla, ne i kemi 250 euro, kurse këta të tjerët i kanë 400 euro edhe pse kanë thënë se do të këtë lëvizje nuk ka asgjë. Kemi pasur takime edhe me nënkryetarin e Komunës, kanë thënë që 10 për qind do të këtë rritje, mirëpo edhe aty nuk ka kurrgjë. Jemi të pakënaqur që edhe nuk po mund t’ia dalim me këtë pagë dhe kanë vendosur që të hynë në grevë. Nëse nuk ndërmerret kurrgjë punëtorët janë deklaruar që do ta lenë krejt punën dhe nuk do ta vazhdojnë. Ne nuk po kërkojmë as më pak as më shumë se të jemi të barabartë me ta, kërkesa jonë është pagat të jenë të barabarta dhe të kthehemi në kuadër të komunës. Këta kanë marrë shujta e gjithçka ne nuk kemi marrë, thonë se nuk ju takojnë se jeni privat. Si privat si të shtetit në njerëz jemi, udhëtojmë, hamë e pimë, kemi obligime shtetërore. Paga është shumë e vogël. Në të shkollës sonë jemi gjatë edhe të shkollave tjera janë diku 37 veç shkollave të mesme, edhe ata të fillores kanë paralajmëruar por nuk e di a do të hyjnë”, tha ai.

Edhe punëtoret teknikë të Shkollës së Mesme të Bujqësisë “Avdyl Frashëri” i janë bashkuar kësaj greve. Nexhmije Hajdari, punëtore e kësaj shkolle tha se ky është një diskriminim i madh që është duke u bërë atyre dhe se grevën do ta vazhdojnë deri sa pagat t’u rritën.

“Ne jemi nga sot ne grevë për shkak të rrogave, i kemi rrogat më të ulëta se sa këta të sektorit publik. Këta i marrin 420 euro ne i marrim 250, kjo është diskriminim i madh për ne. Ne nuk jemi kundër kompanisë, por kundër komunës nuk na kanë rritur rrogat, na kanë premtuar që nga janari që të na rrisin nuk na kanë rrit. Grevën do ta vazhdojmë deri të na japin lajmin që na kanë rritur rrogën. Ne jemi pesë punëtorë në këtë shkollë”, tha ajo.

Related Topics:
Continue Reading

lajme

Tërmet 3.9 shkallësh godet Shqipërinë, lëkundjet ndihen në zonën qendrore

Published

5 minutes ago

on

August 19, 2026

By

Një tërmet me magnitudë 3.9 ka goditur Shqipërinë mesditën e sotme, duke shkaktuar lëkundje të perceptueshme në zonën qendrore të vendit.

Sipas të dhënave paraprake, lëkundjet u regjistruan në orën 12:44.

Epiqendra e tërmetit u lokalizua rreth 8 kilometra në verilindje të Lushnjës dhe 29 kilometra në jugperëndim të Elbasanit./Euronews/

Continue Reading

Lajmet

AAK: Përmbajtja e marrëveshjes politike është kryesore, jo emrat e kandidatëve

Published

23 minutes ago

on

August 19, 2026

By

Deputetët e Aleancës për Ardhmërinë e Kosovës (AAK), Burim Ramadani dhe Time Kadrijaj, deklaruan se kjo parti nuk ka kontestime lidhur me emrat e kandidatëve për president, por kërkon qartësi në përmbajtjen e marrëveshjes potenciale politike. Këto qëndrime ata i bënë të ditura gjatë një deklarate për media, ku ritheksuan gjashtë kërkesat kryesore të partisë për mbështetjen e formimit të institucioneve të reja.

“Për ne është e rëndësishme se institucionet e ardhshme të Kosovës a do e fusin Kosovën në gazin amerikan; a do të krijojnë kapacitetet me qymyr për energjetikën e Kosovës, dhe në secilin variant të partive tjera, ne do të shohim se çka ka në ato marrëveshje dhe jo kush janë. Aleanca mbetet në qëndrimin e vet sepse ka qenë e para dhe e vetmja që flet për përmbajtje e jo për emra”, u shpreh Ramadani në konferencë.

Tutje, Ramadani nënvizoi se për Aleancën prioritet mbetet substance dhe jo aspekti formal apo emrat e përveçëm. Ai sqaroi se partia do të shqyrtojë me kujdes nëse marrëveshjet politike përfshijnë projekte strategjike, si integrimi në gazin amerikan apo zhvillimi i kapaciteteve energjetike me qymyr. Sipas Ramadanit, Aleanca mbetet e vetmja që vendos përmbajtjen politike para emrave të kandidatëve.

Gjatë deklaratës, deputetja Time Kadrijaj foli edhe për aksionin e saj simbolik në seancën e fundit konstituive ndaj kryetarit të Lëvizjes Vetëvendosje, Albin Kurti. Ajo sqaroi se veprimi me vezë terminatesh ishte tërësisht spontan dhe nuk do të ndodhte nëse Kuvendi do të konstituohej. Kadrijaj hodhi poshtë pretendimet për organizime paraprake, duke e cilësuar këtë si një manipulim të radhës dhe theksoi se qëllimi i veprimit ishte thirrja për respektimin e Kushtetutës së Kosovës.

“Aksioni im ka qenë krejt spontan. Nëse kish ndodhë konstituimi i Kuvendit nuk kish pasë gjuajtje me vezë. Nuk ka pasë skenar tjetër. S’ka pasë organizim tjetër. Ky është një manipulim i radhës i LVV-së. Unë kam marrë aksion simbolik që ky njeri [Albin Kurti] të respektojë Kushtetutën e Republikës së Kosovës”, deklaroi Kadrijaj.

Ndërkohë, në ditët e fundit në opinionin publik janë ngritur debate rreth statusit institucional të u.d. presidentes Albulena Haxhiu pas betimit të saj si deputete. /E.A/

Continue Reading

Vendi

Mbyllet shqyrtimi gjyqësor për rastin e Gllogjanit, vendimi shpallet më 24 gusht

Published

33 minutes ago

on

August 19, 2026

By

Gjykata Themelore në Pejë ka shpallur të mbyllur shqyrtimin gjyqësor në rastin e vrasjes së trefishtë në Gllogjan.

Pas përfundimit të seancës, gjykata ka njoftuar se vendimi për këtë rast do të shpallet më 24 gusht, në ora 14:30.

Ky vendim vjen pas zhvillimit të rigjykimit, gjatë të cilit gjykata ka shqyrtuar provat e administruara në proces.

Në kuadër të seancës së sotme, Gjykata Themelore në Pejë kishte vendosur gjithashtu që si provë të administrohej video-incizimi ku shihet Kreshnik Mehmetaj duke gjuajtur me armë në një bjeshkë të Deçanit./Ekonomia online/

Continue Reading

Lajmet

Haxhiu e Hargreaves diskutojnë për ngërçin politik në vend

Published

2 hours ago

on

August 19, 2026

By

Ushtruesja e detyrës së presidentes së Kosovës, Albulena Haxhiu, ka pritur në takim ambasadorin e Mbretërisë së Bashkuar në Kosovë, Jonathan Hargreaves, me të cilin ka biseduar për zhvillimet e fundit politike dhe situatën institucionale në vend.

Përmes një njoftimi për medie, bëhet e ditur se fokus kryesor i takimit ishte nevoja për dialog politik dhe gjetja e një rrugëdaljeje nga ngërçi aktual, me qëllim formimin e parakohshëm të institucioneve në përputhje me rendin kushtetues.

Gjatë këtij takimi, u.d. presidentja Haxhiu lartësoi mbështetjen e vazhdueshme të Mbretërisë së Bashkuar për Kosovën, duke e cilësuar Londrën si një ndër partnerët më të rëndësishëm strategjikë të vendit. /E.A/

Continue Reading

Të kërkuara