Lajmet

Puna që është e sigurt nga inteligjenca artificiale, tani për tani

Por një profesion mund të jetë i sigurt për momentin.

Published

3 years ago

on

Në vazhdën e publikimit të ChatGPT – platforma teknologjike me rritje më të shpejtë ndonjëherë – është folur për përdorimin e AI për punët e shkrimtarëve, artistëve, muzikantëve dhe koduesve.

Por një profesion mund të jetë i sigurt për momentin. Sipas një studimi nga Universiteti Brigham Young (BYU) në SHBA, kontabilistët ende e kalojnë ChatGPT në provimet e kontabilitetit.

Studimi përfshiu 327 bashkautorë nga 186 institucione të ndryshme arsimore në 14 vende, në përgjithësi duke kontribuar me 25,181 pyetje të provimit të kontabilitetit.

Pyetjet mbuluan sistemet e informacionit të kontabilitetit, auditimin, kontabilitetin financiar, kontabilitetin menaxherial dhe tatimet. Ato ndryshonin në vështirësi dhe lloj, duke përfshirë pyetje me zgjedhje (e vërtetë/e gabuar), pyetje me zgjedhje të shumëfishta dhe pyetje me përgjigje të shkurtra.

ChatGPT – pasi kishte kaluar më parë provimet juridike – çuditërisht performoi mirë. Mesatarja e përgjithshme e tij ishte 47.4%, më mirë se studentët (11.3%).

Por, në tërësi, studentët ia kaluan makinës. Notat mesatare të tyre arritën në 76.7% dhe ata ishin më të mirë në pyetjet mbi vlerësimet tatimore, financiare dhe menaxheriale, ndërsa ChatGPT hasi vështirësi.

Për sa i përket llojit të pyetjeve, ChatGPT doli më mirë në pyetjet e vërtete/ e gabuar (68.7% të sakta) dhe me zgjedhje të shumëfishta (59.5%), por hasi vështirësi në pyetjet me përgjigje të shkurtra.

Një ndryshim në mësimdhënie dhe të mësuarit

Autori kryesor i studimit, profesori i kontabilitetit në BYU, David Wood, donte të rekrutonte sa më shumë profesorë për të parë se si AI performoi kundër studentëve, për të ndihmuar në informimin e debatit se si modelet e gjuhës së AI duhet të përfshihen në arsim.

“Kur kjo teknologji doli për herë të parë, të gjithë ishin të shqetësuar se, studentët tani mund ta përdorin atë për të mashtruar”, tha Wood.

“Por mundësitë për të mashtruar kanë ekzistuar gjithmonë. Pra, ne po përpiqemi të përqendrohemi në atë, që mund të bëjmë tani me këtë teknologji, gjë të cilën nuk mund ta bënim më parë, për të përmirësuar procesin e mësimdhënies për fakultetin dhe procesin e të mësuarit për studentët”.

Studiuesit thonë se, ndërsa ka ende punë për të bërë në fushën e kontabilitetit, është një ‘ndryshim loje’, që do të ndryshojë për mirë, mënyrën e të mësuarit.

Studimi nxori në pah edhe disa gjetje të tjera interesante. ChatGPT nuk e njeh gjithmonë kur është duke bërë matematikë dhe bën gabime të pakuptimta, si shtimi i dy numrave në një problem zbritjeje ose pjesëtimi i numrave gabimisht. Ai gjithashtu jep shpjegime për përgjigjet e tij, edhe nëse ato janë të pasakta.

ChatGPT është ndërtuar në modelin e gjuhës së mësimit të thellë GPT3.5 të OpenAI. OpenAI që atëherë ka lëshuar GPT4, i cili tejkalon GPT3.5 në aftësi. Studiuesit presin, që teknologjia të përmirësohet në mënyrë eksponenciale, në pyetjet e kontabilitetit të paraqitura në studimin e tyre.

Ajo që mendohet të jetë më premtuese, është se si chatbot mund të ndihmojë në përmirësimin e mësimdhënies dhe të nxënit, duke përfshirë aftësinë për të hartuar dhe testuar detyra, ose ndoshta të përdoret për hartimin e pjesëve të një projekti./Euronews

Related Topics:
Continue Reading

Rajoni

Nga arkivat e QKK-së te kujtimet e luftës: Një vizitë studimore e studentëve të Artit dhe Medias Digjitale në UBT

Published

2 minutes ago

on

November 7, 2025

By

Në kuadër të programit akademik të Fakultetit të Artit dhe Medias Digjitale (AMD) në UBT, studentët e klasave Dizajn Multimedia 1 dhe Efekte Vizuale dhe Film 1, nën udhëheqjen e ligjëruesve Dardan Luta dhe Laura Ymeri, zhvilluan një vizitë studimore me dy ndalesa kryesore që pasqyrojnë rëndësinë e njohjes së praktikës profesionale dhe historisë kulturore të Kosovës.

Vizita e parë u zhvillua në Qendrën Kinematografike të Kosovës (QKK), ku studentët u takuan me drejtoreshën Blerta Zeqiri. Gjatë këtij takimi u diskutua mbi misionin dhe vizionin e QKK-së, mundësitë për aplikim të studentëve për financimin e filmave studentor në vitin 2026, si dhe rëndësia e mbështetjes së talenteve të reja në fushën e kinematografisë. Përveç kësaj, përgjegjësi arkivor Ilir Gjoci prezantoi studentët me arkivin e QKK-së dhe mënyrën e ruajtjes dhe mirëmbajtjes së materialeve filmike ekzistuese.

Vizita e dytë u realizua në Muzeun e Fëmijëve të Vrarë dhe Zhdukur gjatë Luftës, ku studentët patën mundësinë të njihen me ekspozitën “Na ishte njëherë që kurrë mos qoftë”. Ata zhvilluan një bisedë të frytshme me udhëheqësen dhe kuratoren e ekspozitës, Blerta Hocia, duke theksuar rëndësinë e ruajtjes së kujtesës historike dhe të drejtave humanitare.

Këto vizita studimore kanë një vlerë të veçantë për studentët e AMD-së, pasi ofrojnë një eksperiencë praktike që lidh dijen teorike me realitetin profesional dhe kulturor. Njohja me institucionet kulturore dhe historike ndihmon studentët të zhvillojnë aftësi kritike, të kuptojnë më mirë sfidat e industrisë së medias dhe kinematografisë, dhe të frymëzohen për projekte kreative dhe kërkimore.

UBT vazhdon të nxisë iniciativa të tilla, duke u siguruar studentëve infrastrukturën, mbështetjen dhe mundësitë për të zhvilluar aftësitë e tyre profesionale dhe për të kontribuar në zhvillimin e artit, medias dhe kulturës digjitale në Kosovë.

Continue Reading

Lajmet

Finlanda ofron mbështetje për dialogun Kosovë-Serbi

Published

34 minutes ago

on

November 7, 2025

By

Emisari i Bashkimit Evropian për dialogun Kosovë–Serbi, Peter Sorensen, ka thënë se ishte sot për vizitë pune në Helsinki të Finlandës.

Në një postim në platformën “X”, ai ka deklaruar se vizita u organizua nga Elina Valtonen, ministrja e Punëve të Jashtme të Finlandës.

“Diskutuam në detaje për dialogun e lehtësuar nga BE-ja”, ka thënë Sorensen.

Në fund, ai ka pohuar se është mirënjohës për interesin dhe mbështetjen e ofruar për procesin e normalizimit të marrëdhënieve Kosovë–Serbi.

Continue Reading

Sport

​Foda publikon listën e Kosovës për dy ndeshjet vendimtare drejtë Botërorit 2026

Published

35 minutes ago

on

November 7, 2025

By

Përzgjedhësi i Kombëtares së Kosovës, Franco Foda ka publikuar listën e lojtarëve të grumbulluar për dy ndeshjet e fundit kualifikuese të Kupës së Botës 2026 ndaj Sllovenisë, më 15 nëntor dhe Zvicrës, më 18 nëntor.

Foda ka ftuar 28 futbollistë, derisa në listën rezervë janë edhe 11 futbollistë tjerë.

Dardanët grumbullohen, të hënën, më 10 nëntor, kur edhe do të mbahet stërvitja e parë në Kampin Nacional në Hajvali në orën 17:00, kurse paraprakisht në të njëjtën ditë, në orën 12:00, në hotel ‘Emerald’ përzgjedhësi Foda do të paraqitet në konferencë për media.

Ndeshjen e parë Dardanët e zhvillojnë në Lubjanë kundër Sllovenisë, kurse më pas në stadiumin ‘Fadil Vokrri’ përballen me Zvicrën.

Aktualisht Kosova renditet në pozitën e dytë në Grupin B, me 7 pikë, derisa Zvicra kryeson me 10 pikë. Dardanëve u mjafton një pikë ndaj Sllovenisë për ta siguruar ‘play-off’-in, por në rastin më të mirë mund edhe të kualifikohen direkt në Botërorin 2026./KP

Continue Reading

Lajmet

​Publikohet lista e Shqipërisë për ndeshjet ndaj Andorrës dhe Anglisë

Published

39 minutes ago

on

November 7, 2025

By

Trajneri i Kombëtares së Shqipërisë Silvinjo ka publikuar listën e lojtarëve të grumbulluar për dy ndeshjet e fundit kualifikuese të Kupës së Botës 2026 ndaj Andorrës dhe Anglisë.

Tekniku kuqezi ka përzgjedhur 25 futbollistë dhe grumbullimi i Kombëtares nis të hënën, më 10 nëntor, në Barcelonë, ku kuqezinjtë do të përgatiten për ndeshjen ndaj Andorrës, e cila do të luhet më 13 nëntor në stadiumin “Estadi FAF Encamp”, në orën 20:45.

Lista e plotë:

Portierë: Thomas Strakosha, Mario Dajsinani, Simon Simoni

Mbrojtës: Elseid Hysaj, Ivan Balliu, Mario Mitaj, Naser Aliji, Ardian Ismajli, Berat Gjimshiti, Arlind Ajeti, Klisman Cake

Mesfushorë: Ylber Ramadani, Juljan Shehu, Kristjan Asllani, Medon Berisha, Qazim Laçi, Adrion Pajaziti, Nedim Bajrami, Arbër Hoxha, Jasir Asani

Sulmues: Armando Broja, Myrto Uzuni, Rey Manaj, Mirlind Daku, Indrit Tuci

Sfida e fundit e kuqezinjve në këto kualifikuese do të zhvillohet më 16 nëntor, në stadiumin “Air Albania”, ndaj Anglisë, në orën 18:00./S.K/KP/

Continue Reading

Të kërkuara