

Lajmet nga UBT
Publikohet studimi shkencor në fushën e inxhinierisë kimike dhe materialeve nga profesorë, studentë të UBT-së dhe studiues nga Turqia
Published
1 year agoon
By
Betim GashiPublikohet studimi i ri në fushën e inxhinierisë kimike dhe materialeve me titull “Production of activated carbons from Quercus cerris acorn shell under various experiment conditions, and their characterizations”.
Punimi shkencor i profesorëve të UBT-së, Cengiz Çesko, Hyrije Koraqi, Demokrat Nuha, Berat Durmishi, profesorëve nga universitetet e Turqisë, Ünal Geçgel, Osman Üner dhe Hatice Palüzar dhe me studentët e masterit Roland Daci dhe Diellëza Elshani me titull “Production of activated carbons from Quercus cerris acorn shell under various experiment conditions, and their characterizations”, është publikuar në “Adsorption Journal of the International Adsorption Society”, revistë kjo e indeksuar në Scopus dhe në Web of Science. Ky studim është realizuar me mbështetjen e Ministrisë së Arsimit, Shkencës, Teknologjisë dhe Inovacionit.
Studimi ka synuar të përdorë karbonet e aktivizuara për aplikime të ndryshme, duke përfshirë konvertimin dhe ruajtjen e energjisë, trajtimin e ujërave të ndotura, adsorpsionin, katalizën dhe fotokatalizën.
Në këtë studim, u sintetizuan karbonet e aktivizuara (QCACs) duke përdorur aktivizimin kimik me ZnCl2 nën kushte të ndryshme prodhimi. Efektet e temperaturës së karbonizimit, periudhës së karbonizimit dhe raporteve të impregnimit në rendimente, zhvillimin e poreve dhe izotermat e adsorpsionit-desorpsionit të N2 të karboneve të aktivizuara u analizuan në detaje.
Studimi gjithashtu zbuloi se QCACs përmbante kryesisht pore të mesme të ngushta dhe një sasi të vogël poresh mikro. Analizat e shtesave të SEM, FTIR, titrimit të Boehm, dhe analizave elementare po ashtu sollën informacione më të hollësishme rreth karakteristikave të QCACs të sintetizuar.
Ky studim paraqet një kontribut të rëndësishëm në përmirësimin e kuptimit tonë mbi sintezën dhe përdorimin e materialeve karbonike të aktivizuara për aplikime të ndryshme industriale dhe mjedisore në fushën e inxhinierisë kimike dhe materialeve. Artikulli është i disponueshëm për lexim të lirë në numrin e fundit të revistës “Adsorption Journal of the International Adsorption Society”./UBTNews/
Më poshtë gjeni linkun për artikullin e plotë: [https://link.springer.com/article/10.1007/s10450-024-00517-z?fbclid=IwZXh0bgNhZW0CMTAAAR07z_OHQwGEUs19DDFmZDoVaMcHn9AK3cbNuwMHCrIzMD_UYjb7Xlg5WyI_aem_nlKPBzaYFDaZgLEckVW6hg]
You may like
-
Profesori Cengiz Çesko emërohet Drejtor i Institutit të Forenzikës në UBT
-
Punimi i profesorit të UBT-së, Demokrat Nuha, rreth komponimeve të reja të derivateve të oksadiazolit dhe triazolit, publikohet në revistën “Journal of Molecular Structure”
-
Profesori i UBT-së, Demokrat Nuha mori pjesë në konferencën shkencore “FeS Clusters from Chemistry to Biology and Beyond”, në Lisbonë të Portugalisë
Aktualitet
Rektori i UBT-së, folës kryesor në Konferencën Shkencore Ndërkombëtare të Institutit Pedagogjik të Kosovës
Published
3 hours agoon
September 18, 2025By
Driton Iseni
Në kuadër të Konferencës Shkencore Ndërkombëtare me temën: “Arsimi gjatë gjithë jetës: qasje gjithëpërfshirëse nga fëmijëria e hershme deri te arsimi profesional”, të organizuar nga Instituti Pedagogjik i Kosovës, Rektori i UBT-së, Prof. Dr. Edmond Hajrizi, ishte folës kryesor, ku ndau vizionin e tij për transformimin e arsimit në Kosovë dhe rajon.
Në fjalën e tij, Rektori Hajrizi theksoi se nuk mjafton vetëm pjesa universitare për të ndërtuar një sistem funksional, por është e domosdoshme lidhja e saj me arsimin parauniversitar.
“Procesi i ndërtimit të një sistemi arsimor gjithëpërfshirës nuk ka qenë i mjaftueshëm vetëm me arsimin universitar. Është dashur të krijojmë edhe sistemin parauniversitar, në mënyrë që nxënësit dhe studentët të kenë një qasje më të lehtë në tregun e punës”, tha ai.
Ai foli për kalimin nga klasa tradicionale drejt klasave digjitale, duke prezantuar konceptet inovative të zhvilluara edhe në UBT:
Klasa 2.0 – me laboratorë, kompjuterë, hapësira për gaming, hackathon dhe eksperimente praktike.
Klasa 3.0 – që solli dimensionin virtual dhe perceptimin 3D, duke rritur njohuritë dhe kompetencat e studentëve.
Klasa 4.0 – sistemi më i avancuar, që integron të gjitha teknologjitë smart dhe Inteligjencën Artificiale (AI).
“Nga klasa tradicionale kemi kaluar në klasa 2.0 e 3.0, ndërsa sot jemi në gjendje të aplikojmë edhe klasën 4.0, ku studentët përjetojnë kompetencat e së ardhmes në mënyrë reale dhe të menjëhershme”m u shpreh Rektori Hajrizi.
Ai shtoi se për Kosovën ky transformim ka pasur një rëndësi të madhe, pasi teknologjitë e reja e kanë bërë arsimin më të qasshëm dhe më të lirë.
“Nëpërmjet digjitalizimit, ne e kemi ulur koston e arsimit deri në 60%. Arsimi sot është më i shpejtë, më i qasshëm dhe më i lidhur me nevojat e tregut”, theksoi ai.
Një tjetër pikë e rëndësishme që ai ngriti ishte vendosja e Inteligjencës Artificiale (AI) në gjithë strukturën arsimore të UBT-së.
“Ne kemi integruar AI në të gjithë strukturën e UBT-së, duke krijuar një qendër unike në Ballkanin Perëndimor, ku studentët dhe nxënësit detyrimisht përdorin teknologjitë e së ardhmes”, theksoi Rektori Hajrizi.
Konferenca vazhdoi me një panel diskutimi mbi temat e trajtuara nga folësit kryesorë. U theksua se, përkundër zhvillimeve teknologjike, roli i familjes, brezit dhe shoqërisë nuk mund të eliminohet, pasi mbeten elementë themelorë të modelit tradicional të edukimit.
Aktualitet
UBT hap thirrjen për abstrakte në Konferencën Ndërkombëtare të Stomatologjisë
Published
22 hours agoon
September 17, 2025By
Driton Iseni
UBT ka shpallur hapjen zyrtare të thirrjes për dorëzimin e abstrakteve për Konferencën Ndërkombëtare për Stomatologji (IC-DS 2025), e cila do të zhvillohet në kuadër të aktiviteteve të edicionit të 14-të të Konferencës Ndërkombëtare të UBT-të.
Kjo konferencë synon të bashkojë studiues, profesionistë dhe praktikues të fushës së stomatologjisë nga vende të ndryshme të botës, për të ndarë njohuri, përvoja dhe rezultatet më të fundit kërkimore në këtë fushë gjithnjë në zhvillim.
Fokusimi tematik
IC-DS 2025 mbulon një spektër të gjerë temash nga fusha e shkencave dentare dhe disiplinave të ndërlidhura, përfshirë:
- Stomatologji e Përgjithshme
- Mjekësi Orale
- Kërkime në Stomatologji
- Inovacione dhe Avancime në Stomatologji
- Stomatologji me Laser
- Nano-Stomatologji
- Stomatologji Kozmetike
- Kirurgji Orale dhe Maksilofaciale
- Stomatologji Pediatrike
- Shëndeti Publik Dentar
- Stomatologji Restauruese
- Anesteziologji Dentare
- Higjiena Dentare
- Pedodontikë dhe Stomatologji Preventive
- Ortodontikë dhe Ortopedi Dentofaciale
Datat e rëndësishme për aplikuesit:
Dorëzimi i abstrakteve: deri më 10 tetor 2025
Njoftimi për pranim: më 17 tetor 2025
Rishikimi shkencor (peer-reviewed): më 17 tetor 2025
Regjistrimi i hershëm: deri më 17 tetor 2025
Regjistrimi i vonuar: deri më 20 tetor 2025
Dorëzimi i punimeve të plota: deri më 14 nëntor 2025
Dorëzimi i punimeve
Punimet që do të prezantohen në konferencë duhet të jenë origjinale, të papublikuara më parë dhe të mos jenë në shqyrtim në ndonjë konferencë apo revistë tjetër. Gjatësia maksimale e punimit është 6 faqe.
Të gjitha punimet që nuk përputhen me formatin e kërkuar do të refuzohen automatikisht. Për udhëzime më të detajuara rreth formatimit dhe dorëzimit, pjesëmarrësit inkurajohen të vizitojnë faqen zyrtare të konferencës në faqen e UBT-së.
UBT ka kënaqësinë t’i ftojë të gjithë të interesuarit – akademikë, profesionistë të shëndetit, studiues dhe studentë – të marrin pjesë në IC-DS 2025 dhe të kontribuojnë me punimet e tyre në këtë ngjarje me karakter ndërkombëtar dhe me rëndësi të veçantë për zhvillimin e shkencave dentare në rajon dhe më gjerë.
Për më shumë informacione, vizitoni faqen zyrtare të konferencës në UBT: KONFERENCA E UBT-së
Aktualitet
Profesoresha e UBT-së, Jeta Kiseri – Kubati, me publikim në revistën ndërkombëtare IJBM
Published
1 day agoon
September 17, 2025By
Driton Iseni
Prof. Asoc. Dr. Jeta Kiseri – Kubati, profesoreshë në UBT, ka botuar punimin e saj të fundit në revistën shkencore ndërkombëtare International Journal of Biomedicine (IJBM), e indeksuar në Scopus, një prej databazave më prestigjioze shkencore në botë.
Artikulli i titulluar: “Retention Practices of Orthodontists in the Western Balkans”, është rezultat i një bashkëpunimi ndër-rajonal mes UBT-së, Fakultetit të Stomatologjisë në Universitetin e Rijekës dhe Fakultetit të Stomatologjisë në Shkup.
Ky studim origjinal përfshiu një hulumtim të gjerë me mbi 450 ortodontë nga Kroacia, Maqedonia e Veriut dhe Kosova, duke analizuar praktikat dhe protokollet e mbajtjes pas trajtimit ortodontik. Rezultatet zbuluan dallime të rëndësishme mes vendeve sa i përket përdorimit të pajisjeve, ndjekjes së pacientëve dhe faktorëve që ndikojnë në zgjedhjen e metodave të mbajtjes.
Studimi thekson se:
- Ortodontët në Kosovë i kushtojnë më shumë rëndësi moshës së pacientëve dhe rritjes biologjike,
- Në Kroaci dhe Maqedoninë e Veriut përzgjedhja bazohet kryesisht në llojin e malokluzionit,
- Praktikat e kujdesit dhe dhënies së udhëzimeve të shkruara për pacientët ndryshojnë dukshëm mes vendeve.
Ky publikim jo vetëm që pasuron literaturën shkencore ndërkombëtare në fushën e ortodonciës, por gjithashtu nënvizon rëndësinë e bashkëpunimit akademik rajonal dhe potencialin që ka UBT për të kontribuar në shkencë dhe inovacion.
Për më shumë, punimi është publikuar më 5 shtator 2025 dhe mund të lexohet në linkun zyrtar: Retention Practices of Orthodontists in the Western Balkans – IJBM
Aktualitet
UBT hap thirrjen për dorëzimin e abstrakteve për Konferencën Ndërkombëtare për Modë dhe për Dizajn të Integruar
Published
2 days agoon
September 16, 2025By
Driton Iseni
UBT ka nisur pranimin e abstrakteve për dy prej konferencave më atraktive dhe bashkëkohore që zhvillohen në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion:
Të dyja konferencat janë peer-reviewed dhe ofrojnë një platformë shkencore e profesionale ku akademikë, studiues, studentë të programeve master e doktorale, si dhe ekspertë të industrisë, ndajnë njohuri dhe ide mbi zhvillimet më të fundit.
Datat kryesore:
Dorëzimi i abstrakteve: deri më 10 tetor 2025
Njoftimi për pranim: më 17 tetor 2025
Rishikimi shkencor (peer-reviewed): më 17 tetor 2025
Afati i hershëm i regjistrimit: deri më 17 tetor 2025
Afati i vonuar i regjistrimit: deri më 20 tetor 2025
Dorëzimi i punimit të plotë: deri më 14 nëntor 2025
Tema qendrore e këtij viti është “Resilience and Sustainability”, duke trajtuar mënyrat se si moda dhe dizajni ndërveprojnë me teknologjinë, kulturën, politikën dhe sfidat globale.
Fushat kryesore të IC-FAS (Fashion):
- Fashion Activism dhe ndikimi i tij në politikë
- Moda dhe Teknologjia
- Dizajni i Modës dhe Edukimi
- Vetëdija sociale në industrinë e modës
- Nga ambicia në veprim (Ambition to Action)
Fushat kryesore të IC-ID (Integrated Design):
- Ndërthurja e dizajnit grafik, teknologjisë dhe kulturës
- Roli i teknologjisë në dizajn
- AI, AR/VR dhe ndikimi i tyre në praktikat e dizajnit
- Të ardhmen e branding dhe identitetit vizual
- Moda në epokën e AI, identitetet virtuale dhe kriza klimatike
- Dizajn i interierit të integruar me AI
- Metaverse dhe hapësira virtuale
- Materiale të zgjuara dhe hapësira reaguese
- Dizajn qarkullues dhe i qëndrueshëm
Dorëzimi i punimeve: Punimet duhet të jenë origjinale, të papublikuara dhe jo në shqyrtim diku tjetër. Gjatësia maksimale është 6 faqe dhe punimet që nuk i përmbushin kriteret e formatimit nuk do të merren në konsideratë.

Si ndihmon lëngu i bizeleve në pastrimin e mëlçisë?

Basha pret në takim ambasadorin e Shqipërisë, Petrit Malaj

Haradinaj takohet me ambasadoren greke, kërkon njohjen e Kosovës nga Greqia

Jessie J rikthehet me albumin e ri pas 8 vitesh pauzë

Armatimi i kapur në Zveçan, Elshani: Dyshohet se lidhen me të akuzuarin Nemanja Radivojeviq – Gandi

Shkencëtarët kinezë zhvillojnë një ngjitës të ri për shërimin e eshtrave

Spanja diskuton tërheqjen nga Botërori 2026 nëse kualifikohet Izraeli

Pse Apple po tërheq disa modele të vjetra?

Rektori i UBT-së, folës kryesor në Konferencën Shkencore Ndërkombëtare të Institutit Pedagogjik të Kosovës
Të kërkuara
-
Aktualitet3 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26