Kulturë

Publikohen detaje të reja rreth akuzave ndaj Alec Baldwin

Zyra e Porkurorit akuzoi aktorin për “shumë raste të veprimeve jashtëzakonisht të pamatura”.

Published

on

Alec Baldwin ishte në telefon gjatë stërvitjes me armë zjarri për një film, ku ai qëlloi për vdekje një kineaste në xhirime, thanë prokurorët, pasi ata e akuzuan atë për vrasje të pavullnetshme.

Zyra e Prokurorit të Qarkut të Santa Fe akuzoi aktorin për “shumë raste të veprimeve jashtëzakonisht të pamatura”.

Halyna Hutchins vdiq në xhirimet e “Rust” në New Mexico pasi Baldwin dyshohet se e ka qëlluar me një armë mbështetëse.

Dokumentet e publikuara të martën detajojnë akuzat – të shpallura fillimisht më 19 janar.

Baldwin ishte “i hutuar” duke folur me anëtarët e familjes në telefonin e tij gjatë trajnimit se si të përdornin armët mbështetëse, shkroi Robert Shilling, hetues special për zyrën e prokurorit të qarkut.

Nëse Baldwin do të kishte kryer kontrolle të detyrueshme sigurie me Hannah Gutierrez-Reed dhe nuk do ta drejtonte armën nga Hutchins, “tragjedia nuk do të kishte ndodhur”, argumentoi Shilling.

“Ky devijim i pamatur nga standardet e njohura dhe praktika dhe protokolli shkaktoi drejtpërdrejt të shtënat fatale”, tha ai.

“Baldwin e dinte se rregulli i parë i sigurisë së armëve është që të mos drejtoni kurrë armën drejt dikujt që nuk keni ndërmend ta qëlloni”, shtoi Shilling.

Dokumenti përshkruan të paktën një duzinë “veprime ose mosveprime të pakujdesisë” që çuan në të shtënat, ku disa prej tyre përfshijnë:

-Mospërdorimin w një arme zjarri joreale për të bërë prova
-Pakujdesia për ankesat e sigurisë në set
-Mosrealizimi i kontrolleve të kërkuara të sigurisë me personin përkatës, që ishte punësuar pa certifikim adekuat.

Avokatët e Baldwin dhe zonjës Gutierrez-Reed kanë thënë se synojnë t’i luftojnë akuzat në gjykatë./UBTNews/

Kulturë

Parisi nderon Ismail Kadarenë me pllakë përkujtimore në zemër të qytetit

Published

on

Një nderim i veçantë i është bërë shkrimtarit të madh shqiptar Ismail Kadare në zemër të Parisit.

Këshilli Bashkiak ka votuar unanimisht për vendosjen e një pllaka përkujtimore me emrin e tij në adresën “63 boulevard Saint-Michel”, vendi ku Kadare dhe familja e tij jetuan për shumë vite, dhe ku autori krijoi disa prej faqeve më të rëndësishme të letërsisë moderne shqipe.

Lajmin e ka bërë të ditur Ambasada e Shqipërisë në Francë, e cila e ka cilësuar këtë vendim si një homazh të gjallë dhe prekës ndaj kolosit të letrave shqipe dhe, nëpërmjet tij, ndaj Shqipërisë dhe kulturës shqiptare.

“Faleminderit Parisit, faleminderit Francës”, – është shprehur Ministria, duke e vlerësuar këtë si një gjest mirënjohjeje dhe respekti për kontributin e Kadaresë në letërsinë botërore.

Parisi, qyteti ku Kadare zgjodhi të jetonte për dekada, ka qenë gjithmonë një hapësirë frymëzimi për krijimtarinë e tij – një vend ku fjala shqipe u bë universale përmes artit të tij.

Ky homazh i ri e vendos përjetësisht emrin e Ismail Kadaresë në rrugët e kryeqytetit francez, si simbol i miqësisë kulturore franko-shqiptare dhe i trashëgimisë së përbashkët letrare që ai la pas. /A.Z/UBT News/

Continue Reading

Kulturë

Autori hungarez László Krasznahorkai, fitues i çmimit Nobel në Letërsi

Published

on

Autori hungarez László Krasznahorkai është shpallur fitues i Çmimit Nobel në Letërsi për vitin 2025 për veprën e tij “të fuqishme dhe vizionare që, në mes të tmerrit apokaliptik, riafirmon fuqinë e artit”.

Akademia Suedeze e nderoi atë për “veprën e tij të fuqishme dhe vizionare që, në mes të tmerrit apokaliptik, riafirmon fuqinë e artit”.

Krasznahorkai ka bashkëpunuar ngushtë me regjisorin Béla Tarr për adaptimin e disa veprave të tij në film.

Një shembull i njohur është adaptimi i “Satantango” në një film të gjatë që ka marrë vlerësime të larta nga kritika.

Me këtë çmim, Krasznahorkai bëhet autori i dytë hungarez që fiton Çmimin Nobel në Letërsi, pas Imre Kertész, i cili e mori këtë çmim në vitin 2002 AP News.

Continue Reading

Kulturë

Shkrimtarët nga Kosova nderohen në Takimin Ndërkombëtar “Seneka” në Bari

Published

on

Në Bari të Italisë, ditë më parë u zhvillua Takimi i nëntë ndërkombëtar “Seneka”, organizuar nga Akademia e Arteve Filozofike të Barit.

Në një program të veçantë prezantimi të pjesëmarrësve, me ftesë të Akademisë ishin të pranishëm edhe shkrimtarët kosovarë, Ibrahim Kadriu dhe Mehdi Krasniqi.

Pas vlerësimit nga komisioni ndërkombëtar, shkrimtari Ibrahim Kadriu u nderua me çmimin “Vula e Akademisë”, me titullin “Anëtar nderi i Akademisë” dhe me medaljen “Seneka” për arritjet e tij në fushën e letërsisë – çmimi më i lartë i këtij manifestimi, i cili u zhvillua në kështjellën “Norman-Shuar”.

Në këtë eveniment, nga Kosova mori pjesë edhe poeti Mehdi Krasniqi, i cili u vlerësua me çmimin “Ambasador i Kosovës”, me titullin “Anëtar nderi i Akademisë” dhe me medaljen “Seneka”. /A.Z/UBT News/

Continue Reading

Kulturë

Sonte jepet premiera e shfaqjes ‘Sytë e Ujkut’

Published

on

Shfaqja “Sytë e ujkut”, me tekst të Doruntina Bashës dhe regji të Kushtrim Koliqit, do të vijë për herë të parë para publikut më 8 tetor.

Premiera do të zhvillohet vetëm me ftesa, ndërsa reprizat e para do të mbahen më 9, 10 dhe 11 tetor, të hapura për publikun, por me rezervim paraprak të ulëseve.

Shfaqja do të interpretohet në Barabar Centre, duke filluar nga ora 20:00.

Në skenë do të ngjiten aktorët Irena Aliu, Edona Reshitaj, Armend Smajli dhe Albina Krasniqi, të cilët do të sjellin personazhet e tyre në këtë produksion të ri teatror. /A.Z/UBT News/

Continue Reading

Të kërkuara