Kronika e zezë

Pse sipërmarrësi shqiptar e qëlloi për vdekje bashkëkombësin në Gjermani

Detaje të reja për krimin që tronditi Gjermaninë: Ja pse Rinori qëlloi për vdekje shqiptarin tjetër.

Published

4 years ago

June 10, 2021

Betim Gashi

Shqiptari me origjinë nga Kosova që qëlloi për vdekje bashkëkombësin e tij pak ditë më parë në Gjermani është vetëdorëzuar në polici, transmeton albinfo.ch.

Mediat gjermane shkruajnë se R.Z., një sipërmarrës ndërtimi, dyshohet të ketë qëlluar për vetëmbrojtje. Avokati i tij ka deklaruar se ai është detyuar ta qëllonte, pasi nuk “kishte rrugë tjetër”.

Rinori dhe viktima, A.N., u konfliktuan fillimisht në një semafor në qendër të Hanoverit, e më pas degradoi në përdorimin e armëve.

Nga ana tjetër, prokuroria e Hanoverit nuk ka dhënë shumë detaje për ngjarjen e rëndë. “Mosmarrëveshja u përshkallëzua në atë pikë sa të paktën një e shtënë u bë nga vetura Mercedes-Benz. Pak kohë më pas, vetura Porsche shpejtoi, e kaloi udhëkryqin dhe goditi një shenjë trafiku në anën e kundërt të rrugës. Personi 30-vjeçar në Porsche doli nga vetura dhe ra në tokë. Pavarësisht përpjekjeve për ndihmë nga shërbimi i shpëtimit, burri vdiq në vendin e ngjarjes”, tha prokuroria.

Theksohet nga mediat gjermane se A.N. ishte një emër i njohur për policinë, pasi kishte vrarë një person në vitin 2017, pas një sherri për një femër.

Atëherë u tha se ai veproi për vetëmbrojtje. Ndërkohë A.N. ishte i njohur edhe për lidhjet e tij me yjet e ekranit. /Albinfo.ch

Kronika e zezë

Arrestohen tre persona për fajde në Prizren

Published

3 months ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Kronika e zezë

Një qytetar në veri të Mitrovicës sulmohet, fyhet në gjuhën shqipe dhe serbe

Published

3 months ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

3 months ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Kronika e zezë

Shpërthim në Podujevë, policia po e heton rastin

Published

3 months ago

September 30, 2024

UBTnews

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.