Lifestyle

Pse problemet me gjumin rrisin rrezikun e tensionit të lartë?

Published

on

Tensioni i lartë i gjakut është një nga rreziqet që i kanosen njeriut nga mungesa e një gjumi cilësor.

Studime të reja shkencore, të cilave u referohet AgroWeb.org, tregojnë se pagjumësia, sjell një rrezik të madh të tensionit të lartë.

Një prej këtyre studimeve analizoi problemet me gjumin të 200 njerëzve të prekur nga pagjumësia kronike.

Pagjumësia kronike është një term që përshkruan vështirësinë e vazhdueshme në të fjetur për më shumë se 6 muaj.

Në studim u përfshinë edhe 100 njerëz që nuk kishin probleme me gjumin.

Të gjithë pjesëmarrësit duhej të flinin në drekë.

Shkencëtarët matën kohën që u duhej atyre për të fjetur.

Të dhënat konfirmuan se njerëzit me pagjumësi kronike të cilëve iu duhej më shumë se 14 minuta për të fjetur, ishin 3 herë më të rrezikuar nga tensioni i lartë.

Sa më shumë kohë ju duhet njerëzve që t’i zerë gjumi, aq më i madh është rreziku i tensionit të lartë.

Pagjumësia kronike ka ndikim tek njeriu gjatë gjithë ditës.

Njerëzit e prekur nga pagjumësia, ata që e kanë të vështirë të flenë pa ndërprerje apo ata të cilët i zë gjumi me vështirësi, e kanë të pamundur të flenë edhe gjatë ditës.

Ndonëse të pagjumë, ata janë të lodhur, por nuk qetësohen dot dhe janë shumë aktivë.

Këshilla e AgroWeb.org është të përpiqeni të keni një regjim sa më të mirë gjumi.

Problemet me gjumin dhe tensionin prekin më shumë gratë!

Gratë janë më të prekura nga problemet me gjumin.

Kjo ndodh jo vetëm për shkak të volumit të punës. Ndodh edhe  prej ndryshimeve hormonale jo vetëm në muaj, por gjatë gjithë jetës.

Studime të tjera thonë se gratë që përjetojnë probleme sado të vogla me gjumin, kanë tension më të lartë.

Sipas studimeve, ndonëse gratë mund të plotësojnë sasitë e orëve të gjumit, shqetësimet më të vogla gjatë natës rrisin rrezikun e tensionit të lartë./AgroWeb.org

Lifestyle

Kujdes me planet këtë fundjavë, ja parashikimi i motit

Published

on

Sot Kosova pritet të ndikohet nga kushte të qëndrueshme atmosferike, duke sjellë një mot kryesisht të kthjellët dhe me vranësira të pakta kalimtare në disa zona.

Era do të fryjë nga drejtimi veriperëndimor me një shpejtësi mesatare prej 7 metra në sekondë, duke mbajtur ajrin të freskët dhe të pastër.

Temperaturat do të lëvizin nga 19°C deri në 24°C.

Edhe nesër do të jetë një mot i ngjashëm me temperatura që do të sillen mes 15°C dhe 26°C. /UBT News/

Continue Reading

Lifestyle

Rritja e flokëve pa kimikate: Katër vajrat natyralë më efektivë për forcim dhe rigjenerim

Published

on

Nëse doni të stimuloni rritjen e flokëve, të forconi rrënjët dhe të rigjallëroni skalpin e kokës, këto vajra duhet të bëhen aleatët tuaj.

Në një epokë kur po largohemi nga kimikatet agresive dhe po kërkojmë zgjidhje më të buta, vajrat natyralë po fitojnë vend të merituar në rutinat e bukurisë.

Flokët e shëndetshëm, të trashë dhe me shkëlqim nuk janë një ideal i paarritshëm. Vajrat kanë qenë pjesë e ritualeve tradicionale të bukurisë për shekuj me radhë, ato po konfirmohen edhe si një alternativë moderne ndaj përgatitjeve laboratorike.

Vaji i ricinit, një aleat i provuar për forcimin e rrënjëve

Një klasik me arsye. I pasur me acid ricinoleik, ka veti antiinflamatore, antibakteriale dhe stimulon mikroqarkullimin në skalpin e kokës, çka forcon rrënjët dhe nxit rritjen. Ngrohni pak disa pika, masazhon skalpin e lëreni të veprojë për 30 minuta, ideale është gjatë gjithë natës. Shpëlajeni mirë me shampo.

Vaji i kokosit, mbrojtje dhe hidratim i thellë

Për ata që kanë probleme me flokë të thatë vaji i kokosit është zgjedhja ideale. Ai depërton në boshtin e flokëve dhe e mbron atë nga humbja e proteinave, duke ruajtur elasticitetin dhe shkëlqimin e tij. Më i miri për flokë të thatë e skalp të dehidratuar, kombinoni me disa pika vaj rozmarine për efekt më të fortë.

Vaji i rozmarinës, një alternativë natyrale ndaj minoksidilit

Vaji esencial i rozmarinës është bërë viral me të drejtë, efektiviteti në stimulimin e rritjes së flokëve është i krahasueshëm me minoksidilin, por pa përbërës agresivë. Përzieni 3-5 pika vaj rozmarine me vaj bazë (jojoba, bajame ose kokos), masazhoni skalpin e kokës dy deri në tre herë në javë.

Vaji i rrodheve, një zgjidhje qetësuese për rënien e flokëve

Ideal për ata që vuajnë nga rënia e flokëve. Ai stimulon qarkullimin e gjakut, ushqen folikulat, ka efekt qetësues, ndihmon gjithashtu në luftimin e zbokthit.

Vaji i jojobës, hidratim i lehtë për çdo lloj flokësh

Vaji i jojobës është ndër vajrat më të butë e më të ekuilibruar. Përbërja e tij i ngjan sebumit natyral të lëkurës, nuk bllokon poret dhe nuk e rëndon flokun, ndërsa njëkohësisht e hidraton dhe e mbron nga tharja. Rekomandohet veçanërisht për skalpin me yndyrë, sepse siguron hidratim pa yndyrë të tepërt.

Si t’i përfshini vajrat në rutinën tuaj – pa dështuar?

Para shamponit: Aplikoni vajin e zgjedhur në skalpin e kokës dhe në gjatësinë e flokëve. Lëreni 30 minuta deri në disa orë, shpëlajeni mirë.

Në një masazh të skalpit: Masazhi i rregullt me vaj të ngrohtë stimulon mikroqarkullimin dhe rritjen.

Si mbrojtës për majat: Pas larjes, aplikoni një ose dy pika në maja për t’i mbrojtur nga tharja dhe këputja.

Continue Reading

Lifestyle

Parashikimi i motit për ditën e sotme

Published

on

Të enjten parashikohet të mbajë mot me diell dhe pjesërisht i vranët.

Sipas Institutit Hidrometeorologjik të Kosovës, temperaturat minimale do të lëvizin ndërmjet 11 deri 14 gradë Celsius, ndërsa maksimalet e ditës parashihen të lëvizin ndërmjet 27-30 gradë Celsius.

Ndërkaq, pritet të fryjë erë nga drejtimi i jugperendimit e lehtë deri mesatare.

Continue Reading

Lifestyle

Mot me diell e vranësira të shpërndara

Published

on

Për ditën e sotme parashihet të mbajë mot me diell dhe vranësira të shpërndara.

Sipas Institutit Hidrometeorologjik të Kosovës, vranësirat nëpër disa zona të vogla mund të shoqërohen me riga shiu.

Ndërkaq, temperaturat minimale do të lëvizin ndërmjet 10 deri 13 gradë Celsius, ndërsa maksimalet e ditës parashihen të lëvizin ndërmjet 27- 29gradë Celsius.

 

Continue Reading

Të kërkuara