Lajmet

Pse Perëndimi nuk është i gatshëm t’i ofrojë Ukrainës avionë luftarakë?

Nga Mark Stone i Sky News.

Published

on

Nga Mark Stone, korrespondent në Nju Jork

Pse vendet perëndimore nuk janë të gatshme t’i ofrojnë Ukrainës avionë të shpejtë, pavarësisht nga avantazhi i qartë që do t’i jepnin Ukrainës?

Një arsye kryesore është frika e vazhdueshme se do të përshpejtojë një zgjerim të konfliktit përtej kufijve të Ukrainës. Të gjitha armatimet e ofruara deri më tani janë me rreze më të shkurtër, duke i lejuar Ukrainës të shtyjë prapa një avancim rus, por jo më tepër.

Vendet perëndimore nuk mund të garantojnë që ushtria e Ukrainës nuk do të përdorë avionë perëndimorë (ose raketa me rreze të gjatë për këtë çështje) për të goditur objektivat brenda vetë Rusisë.

Presidenti rus paralajmëroi vetëm këtë javë se vendosja e armëve perëndimore me rreze të gjatë veprimi në Ukrainë do t’i jepte Rusisë justifikimin për të goditur më tej perëndimin – ndoshta brenda vendeve të NATO-s?

Mbrëmë në OKB në Nju Jork, pyeta ministrin e Jashtëm të Ukrainës për këtë çështje.

“A e pranoni shqetësimin në Perëndim që nëse keni avionë luftarakë, do të goditni Rusinë dhe më pas do të krijoni një konflikt shumë më të gjerë?”

Ai tha se,“Ne po përdorim armët që marrim nga partnerët për të goditur Rusinë në territoret e okupuara të Ukrainës”.

“A mund të garantoni se nuk do të goditni vetë Rusinë?”

Ai u përgjigj, “Ne mund të garantojmë se do të përdorim armët perëndimore për të çliruar territoret ukrainase”.

Dhe këtu qëndron çështja. Për të “çliruar territoret e Ukrainës”, sulmet ndaj trupave ruse dhe linjave të furnizimit me pajisje brenda Rusisë — pothuajse me siguri do të ishin të nevojshme!/UBTNews/

Lajmet

​Lëndohet ylli i Interit

Published

on

Futbollisti Henrikh Mkhitaryan është detyruar të lërë fushën në minutën e 32-të të ndeshjes kundër Napolit për shkak të një problemi fizik.

Sipas testeve mjekësore të kryera në Institutin “Humanitas” në Rozzano, mesfushori armen ka pësuar tendosje muskulore në muskulin semitendinosus të kofshës së majtë.

Interi njoftoi se gjendja e tij do të rivlerësohet javën e ardhshme, ndërsa koha e rikuperimit ende nuk është përcaktuar.

Skuadra e Cristian Chivu do të përballet të mërkurën (29 tetor) me Fiorentinën në “San Siro”, ndërsa më 2 nëntor udhëton në Verona për sfidën ndaj ekipit vendas./S.K/KP/

Continue Reading

Lajmet

​De Bruyne mbyll vitin 2025, dyshohet për një dëmtim të rëndë

Published

on

Kevin De Bruyne rrezikon ta mbyllë para kohe vitin 2025 pas lëndimit të pësuar në ndeshjen Napoli–Inter.

Mesfushori belg u detyrua të largohej nga fusha menjëherë pas shënimit të golit nga penalltia, pasi ndjeu dhimbje në kofshën e djathtë dhe më pas u pa me paterica në pankinë.

Sipas Gazzetta dello Sport, dyshohet për një këputje të rëndë në bicepsin femoris, e cila mund ta mbajë jashtë fushave për disa muaj. Napoli shpreson që dëmtimi të mos ketë prekur zonën ku lojtari u operua në vitin 2023 gjatë kohës së tij te Manchester City.

Nëse konfirmohet se bëhet fjalë për një dëmtim serioz, De Bruyne mund t’i nënshtrohet një operacioni, gjë që do ta detyronte të mungojë për pjesën e mbetur të sezonit. Edhe në rastin më të mirë, ai pritet të qëndrojë jashtë për dy ose tre muaj, duke i dhënë fund praktikisht vitit 2025.

Napoli ndërkohë mund të detyrohet të bëjë ndryshime në listën e Ligës së Kampionëve, me mundësi që në vend të belgut të përfshihet njëri mes Marianuccit apo Mazzocchit. Rezultatet e ekzaminimeve priten të përcaktojnë kohën e rikuperimit të mesfushorit./S.K/KP/

Continue Reading

Lajmet

​Juventusi shkarkon trajnerin Tudor

Published

on

Humbja ndaj Lazios i ka kushtuar trajnerit Igor Tudorit, ku klubi bardhezi ka vendosur ta shkarkojë trajnerin kroat pas një serie rezultatesh të dobëta në fillim të këtij sezoni.

Sipas La Gazetta dello Sport detyrën e përkohshme të trajnerit do ta marrë Massimo Brambilla, deri në emërimin e pasardhësit të ri.

Nën drejtimin e Tudorit, Juventusi ka zhvilluar tetë ndeshje në Serie A, ku ka grumbulluar vetëm 12 pikë dhe ndodhet aktualisht në vendin e tetë të renditjes.

Në fazën e grupeve të Champions League, bardhezinjtë kanë siguruar vetëm dy pikë në tre takime, çka ka thelluar krizën e skuadrës torineze./S.K/KP/

Continue Reading

Lajmet

Vihen nën mbrojtje Liqeni i Ujmanit dhe Mali Mokna

Published

on

Zëvendësministri në detyrë i Infrastrukturës Hysen Durmishi, ka njoftuar se kanë vënë nën mbrojtje Malin Mokna dhe Liqenin e Ujmanit. 

Ai ka thënë se javën e kaluar ka nënshkruar vendimin për mbrojtje paraprake të “Malit Mokna dhe Liqenit të Ujmanit”, i cili sipas tij është nga vendimet më të rëndësishme për mbrojtjen e natyrës në Kosovë.

“Me këtë vendim, Republika e Kosovës bëhet shteti me përqindjen më të lartë të territorit nën mbrojtje të natyrës në gjithë Ballkanin Perëndimor. Pas një studimi njëvjeçar në terren, është konstatuar se kjo zonë përbën pasuri të rrallë natyrore, me biodiversitet të pasur dhe peizazhe me rëndësi të veçantë ekologjike e shkencore”, ka shkruar Durmishi.

Ai ka shkruar se zona me sipërfaqe prej 192.19 km² tashmë vihet nën mbrojtje paraprake, siç ka thënë duke e ngritur në 12.4% përqindjen e territorit të Kosovës që mbrohet ligjërisht./S.K/EO/

Continue Reading

Të kërkuara