Teknologji

Pse nuk duhet të debatoni kurrë me askënd në Facebook?

Studimi më i fundit këshillon të reagoni ndryshe ndaj një komenti që lexoni në internet.

Published

on

Nga Brooke Nelson

“Reader Digest”

Le të jemi të sinqertë: shumica prej nesh janë fajtorë për një ose dy gafa në Facebook. Kush është më e rënda prej tyre? Ekspertët e rrjeteve po na paralajmërojnë të largohemi nga tastiera, sidomos kur bëhet fjalë për çështjet kryesore. Sipas tyre, problemi nuk është vetëm se po bëni shumë “share” në Facebook.

Studimi më i fundit këshillon të reagoni ndryshe ndaj një komenti që lexoni në internet.

Studiuesit në Universitetin e Kalifornisë dhe studiues të Universitetit të Çikagos rekrutuan 300 vullnetarë për të lexuar, parë një video, apo për të dëgjuar argumente rreth temave të diskutueshme.

Më pas, pjesëmarrësit iu përgjigjën pyetjeve rreth opinioneve me të cilat ata nuk binin dakord. Rezultatet? Njerëzit që dëgjonin ose shihnin dikë që fliste me zë të lartë mbipikëpamjet e kundërta, kishin më pak gjasa ta karakterizonin folësin si “të painformuar ose të pashpirt”.

Ndërkohë, ata që i lexuan argumentet, ishin më shpërfillës ndaj mendimeve të kundërta. Disa ekspertë e shpjegojnë këtë me anonimitetin e perceptuar të rrjetit botëror. “Njerëzit janë shumë më të guximshëm në Facebook sesa në jetën reale”- thotë Uendi Mensell, drejtoreshë e  Shkollës Kanadeze të Protokollit dhe Etiketave.

“Ekziston një shkëputje midis asaj që shkruajnë, dhe mënyrës se si do të silleshin në rrethana të tjera. Dhe shpesh ata harrojnë se fjalët e tyre mund të ofendojnë njerëzit. Mediat sociale na bëjnë më të ekspozuar ndaj të tjerëve, dhe ne duhet të jemi të vetëdijshëm se çfarë mesazhi po i paraqesim botës”, shton ajo.

Në dritën e këtyre gjetjeve, studiuesit i këshillojnë njerëzit që t’i sheshojnë mosmarrëveshjet midis tyre duke folur me njëri-tjetrin personalisht, në vend se të përdorin tastierën e kompjuterit. Ndërsa është e lehtë që temperamentet e njerëzve të shpërthejnë në mediatsociale, komunikimi ballë për ballë mund të zbusë mosmarrëveshjet dhe madje të krijojë kompromis, thonë ata.

Prandaj herën tjetër që josheni të bëheni pjesë e debate veçanërisht pasionant në Facebook, kujtohuni të planifikoni më mirë një kafe apo një telefonatë me personin në fjalë. Na besoni, kjo mund të shpëtojë reputacionin por edhe marrëdhëniet tuaja./bota.al

Teknologji

Google planifikon investim prej 5 miliardë eurosh në Belgjikë

Published

on

Google ka njoftuar planet për të investuar 5 miliardë euro gjatë viteve 2026–2027 për zgjerimin e qendrës së saj të të dhënave në Saint-Ghislain, Hainaut.

Ky projekt pritet të krijojë 300 vende pune me kohë të plotë dhe 15,000 pozicione indirekte çdo vit përmes partnerëve dhe furnizuesve.

Zgjerimi vjen si pasojë e kërkesës në rritje për shërbime cloud, e nxitur edhe nga përparimet në Inteligjencën Artificiale. Përveç kësaj, qendra e re do të përmirësojë performancën e produkteve kryesore të Google, si Search dhe Maps.

Google po kërkon specialistë IT, inxhinierë dhe staf sigurie për këtë projekt. Sipas Tom De Block, menaxherit të vendit të Google në Belux, “Pozicioni konkurrues i Belgjikës kërkon që kompanitë të përqafojnë IA-në; infrastruktura dhe aftësitë janë thelbësore”.

Kompania gjithashtu do të ofrojë trajnime për IA-në për të zhvilluar ekspertizën lokale.

Qendra e zgjeruar, e cila pritet të përfundojë brenda dy vitesh, do t’i sjellë përfitime organizatave të bazuara në të dhëna, si Odoo dhe UZ Leuven, dhe mund të tërheqë biznese të reja në Belgjikë.

Ajo do t’u mundësojë institucioneve publike ruajtjen e të dhënave brenda kufijve kombëtarë. Qendra e parë e Google në Belgjikë, në Saint-Ghislain, ka marrë mbi 11 miliardë euro investime që nga hapja dhe aktualisht punëson rreth 600 persona në Hainaut. /A.Z/UBT News/

Continue Reading

Teknologji

DB12 S i ri nga Aston Martin, performancë maksimale dhe dizajn unik

Published

on

Aston Martin ka prezantuar modelin e ri DB12 S, i cili i bashkohet linjës së performancës së lartë të markës britanike, përkrah DBX S dhe Vantage S, si pjesë e strategjisë së CEO-s Adrian Hallmark për të ofruar më shumë versione sportive të modeleve ekzistuese.

Modeli DB12 S sjell përmirësime të dukshme në performancë dhe dizajn, duke e bërë edhe më emocionuese përvojën e drejtimit.

Nën kapakun elegant ndodhet motori V8 4.0 litra me dy turbo, i cili tani prodhon 691 kuaj fuqi, duke e bërë makinën të arrijë nga 0 në 100 km/orë për vetëm 3.4 sekonda (3.5 sekonda për versionin Volante). Shpejtësia maksimale arrin 320 km/orë.

Përveç fuqisë së shtuar, DB12 S përfshin frena qeramike karboni standarde, me disqe 16.1 inç përpara dhe 14.2 inç mbrapa, si dhe sistemin e ri të kontrollit të frenimit në kthesa.

Përmirësimet përfshijnë amortizatorët Bilstein DTX, diferencial elektronik të pasmë të avancuar e ngurtësim të shufrave kundër rrotullimit, për një drejtim më të saktë dhe stabilitet të lartë. Në pamje të jashtme, DB12 S dallohet me ndarësin aerodinamik të përparmë me dy elementë, grilat e reja të motorit (me ngjyrë të zezë ose fibra karboni).

Dhe, një spojler të fiksuar të pasmë e katër tuba shkarkimi inox – me mundësi për sistem titaniumi që ofron zë më të fuqishëm dhe peshë më të ulët. Brendësia e makinës kombinon luksin me sportivitetin, duke përfshirë lëkurë premium dhe Alcantara, si dhe një buton metalik rrotullues të kuq në qendër të konsolës – simbol i versionit “S”.

Modeli DB12 S do të jetë i disponueshëm në variantet kupé dhe kabriolet, me porosi që nisin që tani dhe dorëzime të planifikuara për tremujorin e parë të vitit 2026. Çmimi ende nuk është zbuluar, por pritet të jetë mbi 275 mijë dollarë, duke pasur parasysh që versioni bazë DB12 fillon nga 250 mijë dollarë. /A.Z/UBT News/

Continue Reading

Teknologji

Meta përditëson algoritmin e Facebook për të treguar më shumë Reels

Published

on

Meta njoftoi të martën një përditësim të ri të algoritmit të Facebook, i cili synon të shfaqë më shumë video Reels të personalizuara bazuar në preferencat e përdoruesve.

Ndryshimi përfshin funksione të reja që ofrojnë përdoruesve më shumë kontroll mbi përmbajtjen që shohin, sugjerime kërkimi të mundësuara nga inteligjenca artificiale dhe “flluska” miqsh të rinj që tregojnë postimet e preferuara të miqve.

Përdoruesit mund të zgjedhin opsionin “nuk jam i interesuar” në një Reel ose të raportojnë komente të papërshtatshme, duke ndihmuar algoritmin të përshtatet me preferencat e tyre.

Funksioni “Ruaj” është përditësuar gjithashtu, duke e bërë më të lehtë mbledhjen e Reels dhe postimeve të preferuara në një vend.

Ky përditësim vjen pas ankesave të përdoruesve për përmbajtje mashtruese, bezdisëse ose video të gjeneruara nga AI me cilësi të ulët. Meta ka investuar në këtë drejtim, duke lansuar edhe burimin video “Vibes”, i cili ofron përmbajtje të gjeneruar nga AI.

Sipas kompanisë, përdoruesit do të shohin 50% më shumë Reels të ngarkuara në të njëjtën ditë, duke favorizuar përmbajtjen më të freskët.

Sugjerimet e reja të kërkimit i ndihmojnë përdoruesit të zbulojnë më shumë video të ngjashme me interesat e tyre, flluskat e miqësisë do t’u lejojnë përdoruesve të shohin cilat video kanë pëlqyer miqtë e tyre dhe të hapin mesazhe private me një trokitje. /A.Z/UBT News/

Continue Reading

Teknologji

Amazon investon 1 miliard euro në Belgjikë për të përmirësuar dërgesat brenda ditës

Published

on

Gjigandi amerikan i teknologjisë, Amazon, ka njoftuar planet për të investuar një miliard euro në Belgjikë gjatë periudhës 2025–2027, raportoi të mërkurën gazeta L’Echo.

Kompania synon të zhvillojë infrastrukturën lokale dhe të forcojë partneritetet me operatorin belg të postës Bpost dhe me kompanitë e vogla dhe të mesme në vend.

Qëllimi kryesor është të përmirësojë zinxhirët e furnizimit në Belgjikë, duke mundësuar dërgesa brenda ditës për klientët.

Aktualisht, Amazon punëson rreth 400 persona në Belgjikë dhe ka investuar afërsisht 800 milionë euro gjatë 10 viteve të fundit në vend. /A.Z/UBT News/

 

 

Continue Reading

Të kërkuara