Teknologji

Pse Mark Zuckerberg mund të detyrohet të shesë Instagram dhe WhatsApp?

Published

on

Kompania Meta, në pronësi të Mark Zuckerberg, është duke u përballur me një gjyq vendimtar në SHBA, që mund të çojë në ndarjen e saj nga platformat Instagram dhe WhatsApp.

Procesi gjyqësor nisi më 14 prill, pas një hetimi gjashtëvjeçar nga Komisioni Federal i Tregtisë, që pretendon se Meta ka shkelur ligjet e konkurrencës.

Sipas padisë, Meta përdori praktika antikonkurruese për të mbrojtur dominimin në tregun e rrjeteve sociale personale.

FTC pretendon se blerjet e Instagram më 2012 dhe WhatsApp më 2014 ishin mënyra për të eliminuar kërcënimet konkurruese ndaj Facebook. Në dokumente citohet një email i Zuckerberg nga viti 2008 ku thuhet: “Është më mirë të blesh sesa të konkurrosh”.

Për më tepër, Meta akuzohet se ka vendosur kushte kufizuese për zhvilluesit që përdorin platformën e saj, në mënyrë që të frenojë rritjen e konkurrentëve potencialë. FTC argumenton se kjo sjellje ka dëmtuar përdoruesit, duke kufizuar zgjedhjen, cilësinë dhe inovacionin në rrjetet sociale.

Nga ana tjetër, Meta i është përgjigjur akuzave me një deklaratë ku i konsideron pretendimet e FTC-së si të dobëta dhe të shkëputura nga realiteti.

Jennifer Newstead, drejtuese e çështjeve ligjore në Meta, theksoi se tregu i rrjeteve është kompleks përfshin konkurrentë si TikTok, YouTube, iMessage dhe X.

Sipas saj, Instagram ka përfituar nga blerja nga Meta e ofron përvojë më të mirë për përdoruesit. Megjithatë, nëse Meta humbet procesin, Zuckerberg mund të detyrohet të shesë Instagram dhe WhatsApp – një vendim që do të kishte pasoja të mëdha për të ardhmen e rrjeteve sociale globale.

Teknologji

Nvidia dhe AMD do t’i paguajnë SHBA-së 15 për qind të të ardhurave nga Kina

Published

on

Gjigantët e çipave Nvidia dhe AMD kanë rënë dakord t’i paguajnë qeverisë amerikane 15% të shitjeve të tyre të gjysmëpërçuesve në Kinë.

Marrëveshja është pjesë e një marrëveshjeje tjetër për të siguruar licenca eksporti në ekonominë e dytë më të madhe në botë.

“Ne ndjekim rregullat që qeveria amerikane vendos për pjesëmarrjen tonë në tregjet botërore. Ndërsa nuk kemi dërguar H20 në Kinë për muaj të tërë, shpresojmë që rregullat e kontrollit të eksportit do ta lejojnë Amerikën të konkurrojë në Kinë dhe në mbarë botën”, tha Nvidia.

Sipas marrëveshjes, Nvidia do t’i paguajë qeverisë amerikane 15% të të ardhurave të saj nga shitjet e çipave H20 në Kinë, ndërsa AMD do t’i japë të njëjtën përqindje nga të ardhurat e saj nga çipat MI308, gjë që u raportua për herë të parë nga Financial Times.

Uashingtoni më parë ka ndaluar shitjen e çipave H20 të Nvidia në Pekin për shkak të shqetësimeve për sigurinë, megjithëse kompania njoftoi së fundmi se kjo do të anulohej, shkruan BBC.

Drejtori ekzekutiv i Nvidia, Jensen Huang, ka kaluar muaj duke lobuar për një rifillim të shitjeve të çipave në Kinë. Ai thuhet se u takua edhe me presidentin e SHBA-së, Donald Trump, javën e kaluar. Rifillimi i shitjeve të çipave në Kinë vjen në një kohë kur tensionet tregtare midis Pekinit e Uashingtonit janë zbutur.

Pekini ka zbutur kontrollet mbi eksportet e metaleve të rralla, ndërsa SHBA ka hequr kufizimet mbi kompanitë e softuerëve të dizajnit të çipave që operojnë në Kinë. Në maj, dy ekonomitë më të mëdha në botë ranë dakord për një armëpushim 90-ditor në luftën e tyre të tarifave.

Që atëherë, zyrtarët më të lartë të tregtisë nga të dyja palët janë takuar në disa raste, megjithëse një marrëveshje për të zgjatur pauzën e tarifave nuk është konfirmuar ende përpara afatit të 12 gushtit.

Continue Reading

Automobilizëm elektrikë

Njihuni me veturën që e tejkalon shifrën e pabesueshme prej 800 mijë eurosh

Published

on

Një Prodrive 25 i rrallë është shfaqur në tregun e veturave të përdorura, çmimi i të cilit tejkalon shifrën e pabesueshme prej 800,000 eurosh.

Një homazh modern i rrallë dhe i ndërtuar me kujdes për një nga veturat sportive më legjendare të Subarus tani po arrin një çmim afër shtatë shifrave në tregun e veturave të përdorura.

Prodrive 25, model me edicion të kufizuar bazuar në WRX STI të Subaru, u prezantua disa vite më parë si homazh bashkëkohor për modelin legjendar 22B. U prodhuan vetëm 25 ekzemplarë, dhe njëri prej tyre përfundoi në tregun e veturave të përdorura me një çmim prej 700,000 paundësh, ose 808,206 eurosh.

Përshpejtimi nga 0 në 100 km/h zgjat më pak se tre sekonda.

Vetura është e lyer me ngjyrën e kaltër klasike të Subaru, është në gjendje të shkëlqyer dhe ka përshkuar vetëm 306 kilometra.

Continue Reading

Automobilizëm elektrikë

Ja 10 veturat elektrike më të shitura në Evropë

Published

on

Pavarësisht vështirësive të muajve të fundit, kompania e Elon Musk, Tesla, vazhdon të kryesojë në renditjet e veturave elektrike më të shitura në Evropë. Si në qershor, ashtu edhe në gjysmën e parë të vitit, Model Y është vetura elektrike më e shitur në kontinent.

Pavarësisht një rënieje prej 33 për qind në shitje, Model Y mbetet vetura elektrike më e shitur në tregun evropian.

Model Y i ridizenjuar deri tani nuk ka arritur të sjellë rritjen e pritur të shitjeve për markën. Ndërkohë, konkurrenca nga BYD dhe Grupi Volkswagen e bën të vështirë për Teslan të mbajë pozicionin e saj kryesues.

Kështu, VW ID.7 bëri kërcimin më të madh, duke pasur parasysh se shitjet e Passatit elektrik u rritën me plot 573 për qind në gjysmën e parë të vitit.

Skoda ka një performancë shumë të dukshme me vetëm dy modele, ndërsa modeli Elroq vazhdon të ngjitet. Renault 5 është vetura më e përballueshme që hynë në këtë listë. Pavarësisht pozicioneve të larta, të gjitha modelet e Teslas kanë rënie të dukshme në shitje.

Tregu i automjeteve elektrike pati 1,193,397 regjistrime në gjashtë muajt e parë, rritja 25 për qind u gjenerua nga pothuajse të gjitha markat, përveç Teslas.

Continue Reading

Teknologji

Apple po sjell një Siri më të zgjuar që do të bëjë më shumë për ju

Published

on

Në vitin 2024, Apple prezantoi një Siri të ripërtërirë në veprim: një asistent digjital që mund të kryente detyra komplekse nëpërmjet një komande të thjeshtë zanore.

Ky Siri – pjesa më e rëndësishme e Apple Intelligence – nuk gjendet askund, por kompania ka punuar në heshtje për një përmirësim që do të dalë shpejt.

Njohësi i brendshëm i Apple, Mark Gurman, në buletinin e tij Power On, thotë se kompania po bën përmirësime masive, shkruajnë mediat e huaja.

Këto përmirësime janë planifikuar të publikohen në pranverën e vitit të ardhshëm dhe do t’i lejojnë Siri-t të kryejë të paktën disa operacione të dobishme.

Siri u prezantua si e aftë për të gjetur edhe informacione specifike, kjo mbetet ëndërr e paparashikuar, përmirësimet e reja do t’i lejojnë Siri-t të kryejë të paktën operacione më të thjeshta si më poshtë:

Komentimi në një postim;

Gjetja, redaktimi dhe dërgimi i një imazhi të caktuar;

Shtimi i diçkaje në shportën tuaj të blerjeve;

Hyrja në një aplikacion. 

Continue Reading

Të kërkuara