Pse kolla mbetet pas të ftohurës – Trajtimet natyrale që duhet të bëni

Ka raste që kolla bëhet kronike dhe tregon praninë e azmës.

Published

2 years ago

March 30, 2023

UBT news

Kolla është një simptomë shumë e zakonshme e të ftohurës.

Ajo është një instrument, nëpërmjet të cilit organizmi nxjerr jashtë sekrecionet e akumuluara në rrugët e frymëmarrjes.

Megjithatë, në shumë raste, edhe kur e ftohura ikën, kolla mbetet e shpesh vazhdon për shumë gjatë.

Ka njerëz të cilët nuk gjejnë paqe nga kolla për muaj të tërë.

Kolla që mbetet pas të ftohurës ose infeksionit, ndikohet nga një sërë faktorësh.

Sipas të dhënave të AgroWeb.org, një prej tyre është irritimi i rrugëve të frymëmarrjes të cilat janë më të ndjeshme pas sëmundjes.

Ndjeshmëria e lartë e rrugëve të frymëmarrjes bën që edhe ajri i ftohtë ose edhe sasia më minimale e pluhurit të nxisë kollën.

Ka raste që kolla bëhet kronike dhe tregon praninë e azmës.

Mjekët thonë se azma është përgjegjëse për deri në 25% të rasteve të kollës kronike.

Një tjetër fenomen që vërehet pas kalimit të sëmundjes është ajo që në termat popullorë njihet si kolla e mirë.

Bëhet fjalë për një infeksion bakterial të rrugëve të frymëmarrjes që prek fëmijë dhe të rritur dhe mund të zgjasë për muaj të tërë.

Shpërthimet e kollës së mirë janë të forta. Krizat e kollës bëhen të njëpasnjëshme e të pandërprera duke vështirësuar marrjen e frymës.

Trajtimet e nevojshme të kollës pas të ftohurës

Përveç tabletave të kollës që shkrihen në gojë dhe shurupit që zbut rrugët e irrituara të frymëmarrjes, ekspertët rekomandojnë hapat e mëposhtëm.

Mjalti

Mjalti është një nga kurat më të lashta kundër kollës.

Të rriturit mund të konsumojnë nga një lugë çaji me mjaltë sa herë që kanë kollë për të zbutur rrugët e frymëmarrjes dhe zbutur krizat e kollës.

Lëngjet

Kollitja bëhet e vështirë nëse fyti është i thatë.

Pini sa më shumë lëngje të shëndetshme për të njomur fytin por qëndroni larg pijeve alkolike, ato me kafeinë, lëngut të portokallit dhe agrumeve që mund të acarojnë fytin.

Çajrat

Sipas të dhënave të AgroWeb.org, çajrat e ngrohtë dhe supat janë gjithnjë të këshillueshme kundër kollës.

Ato luajnë rol hidratues dhe nxehtësia e tyre shpërbën sekrecionet.

Trajtimet me avull

Trajtimet me avull zbusin rrugët e frymëmarrjes dhe largojnë nevojën për t’u kollitur.

Mbushni një enë me ujë të nxehtë dhe mundohuni të thithni përmes gojës dhe hundës avullin duke vendosur mbi kokë një peshqir.

Për më tepër këto trajtime zbusin sekrecionet dhe lehtësojnë frymëmarrjen.

Kujdes me ajrin e ndotur

Ajri i ndotur, pluhuri, cigarja janë të dëmshëm për rrugët e frymëmarrjes por ashpërsojnë edhe kollën.

Trupi ka Nevojë për pushim

Kolla është drobitëse për të gjithë organizmin, ndaj ju duhet të pushoni dhe të qëndroni shtrirë.

Nëse nuk merrni kohën e duhur, problemi do t’ju shoqërojë për më gjatë.

E ftohura me të ftohtë

Ndonjëherë duhet t’i lejoni vetes diçka të ftohtë.

Duke qenë se fyti është në flakë nga kollitja e përsëritur, dhimbjen mund ta mpini me diçka të ftohtë./AgroWeb.org

Ushqimet më të mira kundër fryrjes së stomakut

Published

2 days ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

2 days ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

2 days ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

2 days ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!