Shëndeti

Pse kemi marramendje kur zgjohemi nga gjumi?

Published

4 months ago

December 6, 2024

Albina Zeneli

Ekzistojnë një mori shkaqesh që mund të shkaktojnë marramendjen tuaj në mëngjes. Marramendja e mëngjesit është diçka që u ndodh herë pas here shumë njerëzve dhe nuk është shkak për shqetësim.

Nëse ndiheni të trullosur në mëngjes, menjëherë pasi jeni zgjuar, kjo mund të jetë rezultat i ndryshimit të papritur të ekuilibrit pasi trupi juaj përshtatet nga një pozicion i shtrirë në një pozicion në këmbë.

Nëse keni probleme me ftohjen ose sinuset, mund të vëreni se marramendja keqësohet për shkak të lëngjeve të tepërta dhe ënjtjes në sinus.

Ekspertët kanë renditur disa shkaqe tjera pse na ndodh të kemi marramendje sapo jemi zgjuar, të cilat i kemi renditur si më poshtë:

Apnea e gjumit – Marramendja gjatë ditës është simptomë e zakonshme e apneas së gjumit. Apnea është gjendje penguese e frymëmarrjes, që do të thotë se ndaloni përkohësisht frymëmarrjen gjatë natës nëse e keni atë. Këto ndërprerje çojnë në nivele më të ulëta të oksigjenit, që mund të shkaktojë marramendje kur zgjoheni në mëngjes.

Dehidrimi – Një nga shkaqet më të zakonshme të zgjimit me marramendje është dehidrimi. Nëse pini alkool para gjumit, mund të jeni veçanërisht të dehidratuar kur zgjoheni në mëngjes. Edhe nëse nuk pini, mund të dehidratoheni nëse punoni në një mjedis të nxehtë, nuk pini mjaft lëngje, konsumoni shumë pije me kafeinë ose djersitni shumë.

Sheqeri i ulët në gjak – Nëse zgjohuni të trullosur në mëngjes mund të jetë shenjë se keni sheqer të ulët në gjak. Kjo gjendje mund t’ju bëjë me marramendje para se të keni ngrënë mëngjes. Nëse keni diabet dhe merrni insulinë ose medikamente tjera, mund të bëheni hipoglikemik (sheqer i ulët në gjak) në mëngjes nëse nuk hani mjaftueshëm një natë më parë ose nëse doza e mjekimit është shumë e lartë.

Medikamentet – Nëse jeni duke marrë rregullisht ndonjë medikament, mund të jenë shkaku i marramendjes stë mëngjesit. /UBT News/

Up Next

E thotë shkenca: Kush ha thonjtë, ka prirje të jetë i përsosur!

Don't Miss

Ushqimet kundër kancerit dhe diabetit

Shëndeti

Këto sëmundje mund t’i trajtoni me qepë

Published

4 hours ago

March 21, 2025

Albina Zeneli

Qepa është një nga perimet më të mira e të shëndetshme të nëntokës. Qepa përmirëson imunitetin, rregullon nivelin e sheqerit në gjak, ul kolesterolin, mbron zemrën dhe trajton reumatizmën.

Si ta përdorni qepën kundër sëmundjeve dhe problemeve shëndetësore?

Qepa mund të përdoret me efikasitet kundër etheve, rënies së flokëve, infeksioneve të veshit e të tjerë.

Kolla – Ato përmbajnë sulfur që lufton bakteret e mikrobet që shkaktojnë kollë. Prijeni gjysmën e qepës e spërkateni me sheqer kafe. Qepët e sheqerosura mund të hahen dy herë në ditë kundër kollës. Bllokimi i rrugëve të frymëmarrjes. Përziejeni qepën e grirë me vaj të arrës së kokosit e lyeni kraharorin. Mbulohuni me peshqir e do vëreni si qepa ndihmon në zhbllokimin e rrugëve të frymëmarrjes nga sekrecionit.

Temperatura – Nëse keni temperaturë, lyeni shputat e këmbëve me vajin e arrës së kokosit dhe në pjesën e harkut vendosni feta të holla. Mbështillni këmbët me qese plastike e vishni çorape. Qepët duhet t’i mbani në shputat e këmbës të përthithin toksinat e ulin temperaturën.

Të vjellat – Grijeni qepën hollë, vendoseni në një napë dhe shtrydhni lëngun. Shtoni çaj nenexhiku të ngrohtë. Pasi lëngu të jetë ftohur, pini dy lugë nga lëngu i qepës dhe 5 minuta më vonë të njëjtën sasi të çajit të nenexhikut. Këtë duhet ta përsërisni deri sa të vjellat të mbarojnë.

Infeksionet e veshit – Grini një qepë të plotë dhe më pas futeni në një çorape të pastër pambuku. Atë vendoseni mbi veshin e sëmurë që të përthithë infeksionin.

Qepa për pastrimin e ajrit – Qepën mund ta përdorni edhe për pastrimin e ajrit, duke vendosur copa të saj nëpër zona të ndryshme të shtëpisë. Ajo do të përthithë të gjitha bakteret dhe viruset nga ajri.

Rënia e flokëve – Zieni një kokërr qepë dhe lëngun e saj përdoreni për të lagur flokun para se ta lani me shampo. Lëngu i qepës do të përshpejtojë rritjen e flokut, do të parandalojë rënien e tij dhe do të zhdukë zbokthin.

Shëndeti

Çfarë të bëni kur vuani nga tensioni i ulët?

Published

5 hours ago

March 21, 2025

Albina Zeneli

Studimet tregojnë se nga tensioni i ulët më së shumti vuajnë femrat në mes moshës 30 dhe 40-vjeçare, sidomos ato që merren me punë intelektuale.

Për to rekomandohet ndryshimi i mënyrës së jetesës, marrja e lëngjeve të mjaftueshme, kripë në ushqim, aktiviteti i rritur fizik, shmangia e ngritjes së papritur nga shtrati dhe disa herë si dhe me rekomandimin e mjekut nevojiten edhe barnat.

Më poshtë do të gjeni disa këshilla nëse vuani nga tensioni i ulët:

Bëni një gjumë të mirë – Flini dhe ushqehuni shëndetshëm. Këto janë gjërat themelore që duhet t’i bëni për veten që të jeni më mirë.

Jo shumë kafe – Personat me tensionin e ulët të gjakut janë pires të kafes, ata nuk mund të zgjohen nëse nuk marrin kafeinë . Tri kafe gjatë ditës janë në rregull, por këtë kufi nuk guxoni ta kaloni, pasi që gjendja do t’ju përkeqësohet.

Qëndorni në lëvizje – Lëvizni sa më shumë. Nëse keni mundësi shkoni në notim a vrapim të lehtë. Këto aktivitete janë ndër zgjidhjet më të mira për personat me tension të ulët.

Ilaçet – Ekzistojnë metoda të ndryshme alternative të shërimit. Preparati homeopatik në formë të pikave “Vivoton S”, është me përbërës natyrorë, kapërcen gjendjet e ndryshme me origjinë hipotensione dhe simptomat tjera të lidhura, ndihmon përshpejtimin e procesit të shërimit, duke aktivizuar mbrojtjen e tyre dhe forcave mbrojtëse të organizimit. /UBT News/

Shëndeti

Formula që ju llogarit sa orë duhet të flini

Published

13 hours ago

March 21, 2025

Albina Zeneli

Për shumë njerëz, koha e zgjimit është e njëjtë, por koha e fjetjes ndryshon në varësi të jetës sociale, orarit të punës ose detyrimeve familjare.

Dhe nëse e dini se keni nevojë për një sasi specifike gjumi, thjesht duhet të kuptoni se në cilën orë duhet të shkoni në shtrat.

Për sa gjumë keni nevojë?

Një i porsalindur : 14 deri në 17 orë;

Një fëmijë nga mosha 5 vjeç – 12 vjeç: 10 deri në 13 orë;

Një adoleshent: 8 deri në 10 orë;

Një i rritur: 7 deri në 9 orë;

Një i moshuar: 7 deri në 8 orë.

Kjo mund të jetë e ndryshme për çdo individ, pasi nevojat e trupit ndryshojnë nga një njeri tek tjetri.

Si të llogarisni sa orë duhet të flini?

Për të llogaritur se sa orë duhet të flini, ju duhet të bazoheni në:

– kohën tuaj të zgjimit;

– plotësimin e pesë ose gjashtë cikleve 90-minutëshe të gjumit.

Nëse synoni të flini nga 7-9 orë, ju nevojiten 5-6 cikle 90-minutëshe. P.sh, nëse duhet të zgjoheni në orën 6 të mëngjesit, për 7 orë gjumë, ju duhet të flini rreth orës 10 të mbrëmjes.

Nëse ju duhet të zgjoheni në orën 7 të mëngjesit, për 7 orë gjumë, ju duhet të flini rreth orës 11 të mbrëmjes.

Shenjat që tregojnë se nuk po flini mjaftueshëm:

– përgjumje gjatë ditës;

– jeni të irrituar;

– jeni më pak produktiv dhe i fokusuar;

– oreksi më i madh;

– gjykimi dhe vendimmarrja juaj është e dobët;

– keni rrathë të errët poshtë syve.

Këshilla për një gjumë më të mirë:

Ushtrohuni rregullisht gjatë ditës dhe jo para se të flini, sepse kjo ndërpret ciklin e gjumit, ekspozimi në diell mund të ndihmojë në ruajtjen e ritmit cirkadian të trupit tuaj, që ndikon në ciklin e gjumit dhe zgjimi.

Mundohuni të mos bëni flini pasditeve vonë.
Mundohuni të zgjoheni në të njëjtën orë çdo ditë.
Kufizoni alkoolin, kafeinën dhe nikotinën në mbrëmje.
Fikni pajisjet elektronike 30 minuta para gjumit. Drita stimulon trurin tuaj e ta bëjë më të vështirë të bini në gjumë.

Krijoni një rutinë relaksuese para gjumit, si të bëni një banjë të ngrohtë, të dëgjoni muzikë qetësuese ose të lexoni një libër.