

Shëndeti
Pse ju dhemb gjuri dhe kyçet në këtë periudhë – A ndikon vërtetë i ftohti?
Dhimbjet e kyçeve mund të shfaqen për arsye të ndryshme.
Published
2 years agoon
By
UBT news“Pse më dhembin këmbët kur është ftohtë?” – është një nga pyetjet e shpeshta që dëgjojmë kur moti fillon të ftohet.
Dhimbjet e kyçeve mund të shfaqen për arsye të ndryshme, por shpesh janë simptoma të një dëmtimi ose e një sëmundjeje.
Pse ndodh dhimbja në këmbë për shkak të motit të ftohtë?
Ju mund të përjetoni dhimbje në çdo pjesë të trupit tuaj, por shqetësimi nga ndryshimi i motit ndodh kryesisht në ije, gjunjë dhe kyçet e këmbës.
Nëse kaloni më shumë kohë duke ushtruar në të ftohtë, do të ushtroni më shumë presion në nyjet që mbajnë peshë. Dhimbja që ndjeni mund të shkaktohet nga rrjedhja e kufizuar e gjakut në nyje ose ndryshimet në presion.
Në disa raste, përgjigja është e qartë, pasi studimet kanë treguar se njerëzit me artrit zakonisht përjetojnë dhimbje kyçesh kur moti ftohet.
Disa teori të tjera sugjerojnë ndryshime në presionin atmosferik ose barometrik, i cili i referohet peshës së ajrit që zvogëlohet në mot të ftohtë. Kjo rënie e presionit barometrik mund të ushtrojnë presion mbi nyjet tuaja, duke bërë që nervat të transmetojnë sinjale dhimbjeje.
Një tjetër teori sugjeron se lëngu sinovial brenda nyjeve tuaja trashet në temperatura të ftohta, duke shkaktuar ngurtësim dhe dhimbje të kyçeve në mot të ftohtë.
Po ashtu, dihet se gjatë muajve të ftohtë trupi përpiqet të ruajë më shumë nxehtësi dhe dërgon më shumë gjak në organet në pjesën e mesme të trupit tuaj, si zemra, mushkëritë dhe organet e tretjes.
Si rezultat, trupi juaj dërgon më pak gjak në këmbë, gjunjë, krahë, shpatulla dhe tek nyjet e tjera.
Kjo rrjedhje e reduktuar e gjakut, bën që enët e gjakut në nyje të ngushtohen, duke i bërë ato zona më të ashpra dhe më të ftohta, dhe duke shkaktuar dhimbje dhe parehati.
Ky shpjegim vlen vetëm për dhimbjen që ndjeni ndërsa jeni jashtë. Një dhimbje e tillë rritet ndjeshëm kur jeni aktiv ose kur ushtroni presion në nyjet e këmbëve si për shembull gjatë vrapimit.
Siç e shihni shumë teori që shpjegojnë këtë fenomen, por pavarësisht tyre, nuk ka një teori të caktuar që shpjegon shkakun kryesor.
Çfarë mund të bëni për të reduktuar dhimbjet e këmbëve në mot të ftohtë?
Qëndrimi ngrohtë mund t’ju ndihmojë të zvogëloni dhimbjet e kyçeve.
Disa mënyra për të qëndruar ngrohtë dhe për të shmangur dhimbjet e këmbëve në mot të ftohtë janë:
Bëni ushtrime që ju nxehin
Kryeni ushtrime që nxisin sistemin tuaj kardiovaskular duke rritur rrjedhjen e gjakut në muskuj dhe duke rritur temperaturën e trupit tuaj.
Vishuni më trashë
Vishni rroba të përshtatshme që ju mbrojnë nga i ftohti, sidomos në rastet kur stërviteni jashtë. Ndërsa trupi juaj ngrohet, ju mund të hiqni disa rroba sipas nevojës.
Mos e ndalni papritmas stërvitjen
Kjo do të parandalojë shtrëngimin e muskujve dhe ngurtësimin e kyçeve, do të mbajë rrjedhjen optimale të gjakut dhe do të ruajë ritmin dhe motivimin tuaj për të vazhduar.
Shtrini muskujt
Menjëherë pas stërvitjes, bëni disa ushtrime për shtrirjen e muskujve, për të reduktuar shtrëngimin që ndodh menjëherë pas ushtrimeve të zgjatura.
Qëndroni brenda në ditët shumë të ftohta
Nëse e keni të nevojshme të stërviteni çdo ditë, uhtrohuni në ambiente të mbyllura kur dimri është i ashpër.
Për më tepër, ju mund t’i menaxhoni simptomat përmes zakoneve të shëndetshme, disa përfshijnë:
- Ruajtjen e një peshe të shëndetshme.
- Ushqehuni shëndetshëm.
- Qëndroni aktiv.
- Qëndroni ngrohtë në dimër duke u veshur në mënyrë të përshtatshme.
- Forcimi i tendinave, muskujve dhe kockave të këmbëve. /AgroWeb.org
You may like

Debatet për të mirat dhe të këqijat e të qenit vegjetarian duket se do të jenë të përjetshme.
E disa ekspertë shëndetësorë kësaj radhe janë përqendruar vetëm pas të mirave që i sjell shmangia e mishit.
Ja disa prej përfitimeve që ka trupi kur nuk hani mish:
-Do të humbni peshë;
-Numri i baktereve të mira në zorrë rritet;
-Lëkura duket më e shëndetshme;
-Keni më shumë energji;
-Rreziku i sëmundjeve kardiovaskulare zvogëlohet.

Ozempic, i famshëm për ndihmën që u ka ofruar yjeve të Hollivudit për të humbur peshë, është cilësuar si “ilaç mrekullie”.
Por, kur diçka duket e mirë për të qenë e vërtetë, shpeshherë ka dhe kufizime, ndi rritjen e popullaritetit të Ozempic dhe ilaçeve të ngjashme, disa pacientë kanë raportuar se efektet në peshë zbehen me kalimin e kohës, duke nxitur kërkimin e alternativave tjera.
Një studim i ri, i botuar në “eClinicalMedicine” dhe i udhëhequr nga studiuesit e Universitetit të Kopenhagës, ofron shpresë të re për mbajtjen e rezultateve. Ky studim përfshiu 109 të rritur me obezitet, që u ndanë në katër grupe: një grup mori vetëm injeksione liraglutide (ilaç GLP-1 i ngjashëm me semaglutide) për një vit; një grup tjetër kombinoi injeksionet me program ushtrimesh dy orë në javë; grupi i tretë ndoqi vetëm ushtrime; ndërsa grupi i fundit nuk mori asnjë ndërhyrje.
Një vit pas përfundimit të trajtimit, studiuesit zbuluan se pjesëmarrësit që morën injeksione rifituan dy të tretat e peshës së humbur. Ata që kombinuan ilaçin me aktivitet fizik kishin ruajtur rezultatet më mirë, shumë prej tyre mbajtën të paktën 10% të humbjes fillestare të peshës trupore.
“Studimi ynë ofron shpresë të re, duke treguar se pacientët që marrin ilaçe për humbje peshe dhe ushtrojnë rregullisht, mund të ruajnë rezultatet edhe një vit pas përfundimit të trajtimit,” tha Dr. Signe Sørensen Torekov, profesore e Shkencave Biomjekësore dhe udhëheqëse e studimit.

Shumica e njerëzve e kanë përjetuar ndjesinë e thartirës në stomak, sidomos pas një vakti të rëndë, të shpejtë ose me ushqim djegës. Ky shqetësim quhet urth e shkaktohet nga refluksi acidik, kur acidi i stomakut ngjitet në ezofag e deri në gojë.
Sipas doktoreshës Yi Qin, specialiste e traktit gastrointestinal me kalimin e moshës, muskujt që ndalojnë acidin të ngjitet lart humbin fortësinë. Shtimi i peshës ose shfaqja e hernies hiatale e bën edhe më të shpeshtë këtë problem.
“Shumë raste të urthit mund të lehtësohen me ndryshime të thjeshta në stilin e jetesës dhe përdorim afatshkurtër të barnave”, ka thënë doktori Michael S. Smith, gastroenterolog në “Icahn School of Medicine” në New York.
Nëse urthi ndodh më shumë se dy herë në javë, bëhet fjalë për sëmundjen e refluksit gastroezofageal, kërkon trajtim serioz. Sipas doktorit Kyle Staller, gastroenterolog, GERD sjellë dhimbje krahu, kollë të thatë, vështirësi në gëlltitje, dhe në raste ekstreme, rrezik për kancer në ezofag.
Ndryshime në stilin e jetesës
Hapat e përditshëm bëjnë diferencë të madhe, një studim i Harvardit i 2021 i botuar në “JAMA Internal Medicine” ka zbuluar se gratë që:
-mbanin peshë trupore të shëndetshme,
-nuk pinin duhan,
-bënin 30 minuta aktivitet fizik çdo ditë,
-konsumonin jo më shumë se dy filxhanë kafe, çaj ose pije të gazuara në ditë,
-ndiqnin dietë të pasur me fruta, perime, drithëra të plota dhe peshk,
kishin gati 40% më pak rrezik për të zhvilluar urth.
Mos u shtrini për 2 deri në 3 orë pas ngrënies, sepse kjo favorizon ngjitjen e acidit.
“Rekomandoj që pacientët ta ngrenë anën e sipërme të shtratit. Kjo pozitë shfrytëzon gravitetin për ta mbajtur acidin në stomak”, ka thënë doktori Jacob Kurlander. Qin tha: “Flini në anën e majtë, pasi e mban lëngun e stomakut larg ezofagut”.
Kur keni urth herë pas here
Nëse e ndieni urthin një-dy herë në javë, menaxhoni vetë. Shikoni kur e çfarë ushqimesh e shkaktojnë, si kafeina, ushqimet yndyrore, çokollata, alkooli dhe përpiquni t’i shmangni.
Për lehtësim të shpejtë, përdorni ilaçe si kalcium karbonati ose alumini dhe magnezi hidroksid.
“Ato neutralizojnë acidin në stomak dhe ezofag, por veprimi i tyre zgjat vetëm 30 deri në 60 minuta”, ka thënë Smith.
Nëse urthi zgjat më shumë se një orë pas ngrënies, provoni ilaçe që krijojnë barrierë mbrojtëse mbi acidin.
Për efekt më të gjatë, përdorni ilaçe bllokuese si cimetidine apo famotidine të cilat ulin prodhimin e acidit për disa orë.
Kur duhet të shkoni te mjeku?
Nëse jeni mbi 60 vjeç e nuk keni pasur më parë urth, tani po përjetoni, vizitohuni tek mjeku. Kjo sinjalizon inflamacion, ndryshime para-kanceroze apo edhe kancer në ezofag. Nëse keni urth më shumë se dy herë në javë, mjeku mund të rekomandojë një trajtim me PPI (inhibitorë të pompës protonike).
Këto bllokojnë pompën që prodhon acid në stomak. Përdorimi lidhet me fraktura kockore, infeksione serioze të veshkave. “Përdorimi për disa javë është zakonisht i sigurt”, ka thënë doktori Fouad Moawad nga Scripps Clinic.
Trajtimi afatgjatë dhe ekzaminimet
Nëse urthi vazhdon pas dy javësh, mjeku rekomandon endoskopi, tub fleksibil me kamerë që futet në ezofag për të parë në brendi e bërë biopsi. “Në raste të rënda të refluksit, mund të shohim plagë në shtresën e ezofagut”, tha doktor Staller.
Nëse gjendet “Barrett’s esophagus”, që rrit rrezikun për kancer, trajtimi afatgjatë me PPI mund të jetë i domosdoshëm.
Mjeku mund të rekomandojë edhe ilaçin më të ri, quhet vonoprazan që ul acidin, por mund të ketë rreziqe si PPI-të.
“Mjekët duhet të kontrollojnë nëse pacientët kanë nevojë për ilaçin”, thonë Shoqata Amerikane e Gastroenterologjisë.
Dhe nëse nuk ndieni urth, por keni simptoma të tjera?
Edhe pa urth të ndjeshëm, disa të moshuar mund të kenë refluks “të heshtur”, i njohur si LPR.
Simptomat përfshijnë:
-dhimbje të vazhdueshme fyti,
-kollë të thatë,
-vështirësi në gëlltitje,
-ndjesinë sikur keni një “topth” në fyt.
Analiza për të matur sasinë e acidit që kalon në ezofag ndihmon. Rënia në peshë dhe ndryshimet në stilin e jetesës ndihmojnë, dhe nëse jo, një trajtim i shkurtër me ilaçe acid-bllokuese mund të jetë i nevojshëm.
Shëndeti
Për ju që e doni çokollatën, ja arsyet pse duhet ta hani më shpesh
Published
22 hours agoon
May 28, 2025
Admiruesit e çokollatës kanë një arsye më shumë të gëzohen pas këtij lajmi. Me sa duket, çokollata nuk përmbush vetëm atë shijen e ëmbëlsisë, por ka edhe vlera për shëndetin tuaj në shumë mënyra.
Një kimikat i gjetur te çokollata, i quajtur teobrominë i sjell shumë përfitime trupit dhe trurit, kjo sipas një studimi nga “Zhengzhou University” në Kinë, rezultatet e të cilit janë publikuar në “Journal of Functional Foods”.
Kimikati, i gjetur në kokrrat e kakaos është anti-inflamator, i pasur me anti-oksidantë që ndihmojnë mbrojtjen e trurit nga Alzheimeri, njëkohësisht ndikon edhe në peshën trupore. Shkencëtarët thonë se teobromina ndikon në nivelet e larta të kolesterolit në gjak, si edhe në pjesën e aftësisë njohëse te njerëzit.
Ky përbërës mund të ndikojë në funksionin gjak-tru për të rritur potencialisht funksionin e trurit, si dhe përmirësimin e humorit që lufton depresionin.
“Teobromina ka veti mbrojtëse për neuronet, si dhe shumë ndikime në kujtesën motorike dhe funksionet rregullatore njohëse,” thonë autorët e studimit.
Duke u nisur edhe nga ndikimi i ulët i efekteve anësore që mund të ketë çokollata në gjendjen e trupit, sidomos nëse konsumohet në sasi të përshtatshme, teobromina shihet si agjent në parandalimin e çrregullimeve të lidhura me trurin.
Ngrënia e çokollatës ndihmon në humbjen e peshës, teobromina ndihmon trupin që të shpërbëjë më shpejt yndyrat.
Për më tepër, çokollata forcon sistemin tuaj imunitar falë vetive inflamatore, thonë shkencëtarët!

Sot bllokohen hyrjet kryesore të Prishtinës në shenjë proteste për liberalizimin e energjisë

Tentimi i 23-të për konstituimin e Kuvendit

Të mirat që i sjell moskonsumimi i mishit

Hailey Bieber shfaqet e tensionuar mes thashethemeve për krizë martesore

Studim: Si ta ruani peshën pas përdorimit të Ozempic?

Rënie drastike e temperaturave

Shqipëria, një nga pesë vendet europiane më mikpritëse për amerikanët

Valë e të nxehtit ekstrem godet Spanjën

iPhone po arrin më në fund Samsung në garën me megapikselë
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur