Shëndeti

Pse ju dhemb gjuri dhe kyçet në këtë periudhë – A ndikon vërtetë i ftohti?

Dhimbjet e kyçeve mund të shfaqen për arsye të ndryshme.

Published

on

“Pse më dhembin këmbët kur është ftohtë?” – është një nga pyetjet e shpeshta që dëgjojmë kur moti fillon të ftohet.

Dhimbjet e kyçeve mund të shfaqen për arsye të ndryshme, por shpesh janë simptoma të një dëmtimi ose e një sëmundjeje.

Pse ndodh dhimbja në këmbë për shkak të motit të ftohtë?

Ju mund të përjetoni dhimbje në çdo pjesë të trupit tuaj, por shqetësimi nga ndryshimi i motit ndodh kryesisht në ije, gjunjë dhe kyçet e këmbës.

Nëse kaloni më shumë kohë duke ushtruar në të ftohtë, do të ushtroni më shumë presion në nyjet që mbajnë peshë. Dhimbja që ndjeni mund të shkaktohet nga rrjedhja e kufizuar e gjakut në nyje ose ndryshimet në presion.

Në disa raste, përgjigja është e qartë, pasi studimet kanë treguar se njerëzit me artrit zakonisht përjetojnë dhimbje kyçesh kur moti ftohet.

Disa teori të tjera sugjerojnë ndryshime në presionin atmosferik ose barometrik, i cili i referohet peshës së ajrit që zvogëlohet në mot të ftohtë. Kjo rënie e presionit barometrik mund të ushtrojnë presion mbi nyjet tuaja, duke bërë që nervat të transmetojnë sinjale dhimbjeje.

Një tjetër teori sugjeron se lëngu sinovial brenda nyjeve tuaja trashet në temperatura të ftohta, duke shkaktuar ngurtësim dhe dhimbje të kyçeve në mot të ftohtë.

Po ashtu, dihet se gjatë muajve të ftohtë trupi përpiqet të ruajë më shumë nxehtësi dhe dërgon më shumë gjak në organet në pjesën e mesme të trupit tuaj, si zemra, mushkëritë dhe organet e tretjes.

Si rezultat, trupi juaj dërgon më pak gjak në këmbë, gjunjë, krahë, shpatulla dhe tek nyjet e tjera.

Kjo rrjedhje e reduktuar e gjakut, bën që enët e gjakut në nyje të ngushtohen, duke i bërë ato zona më të ashpra dhe më të ftohta, dhe duke shkaktuar dhimbje dhe parehati.

Ky shpjegim vlen vetëm për dhimbjen që ndjeni ndërsa jeni jashtë. Një dhimbje e tillë rritet ndjeshëm kur jeni aktiv ose kur ushtroni presion në nyjet e këmbëve si për shembull gjatë vrapimit.

Siç e shihni shumë teori që shpjegojnë këtë fenomen, por pavarësisht tyre, nuk ka një teori të caktuar që shpjegon shkakun kryesor.

Çfarë mund të bëni për të reduktuar dhimbjet e këmbëve në mot të ftohtë?

Qëndrimi ngrohtë mund t’ju ndihmojë të zvogëloni dhimbjet e kyçeve.

Disa mënyra për të qëndruar ngrohtë dhe për të shmangur dhimbjet e këmbëve në mot të ftohtë janë:

Bëni ushtrime që ju nxehin

Kryeni ushtrime që nxisin sistemin tuaj kardiovaskular duke rritur rrjedhjen e gjakut në muskuj dhe duke rritur temperaturën e trupit tuaj.

Vishuni më trashë

Vishni rroba të përshtatshme që ju mbrojnë nga i ftohti, sidomos në rastet kur stërviteni jashtë. Ndërsa trupi juaj ngrohet, ju mund të hiqni disa rroba sipas nevojës.

Mos e ndalni papritmas stërvitjen

Kjo do të parandalojë shtrëngimin e muskujve dhe ngurtësimin e kyçeve, do të mbajë rrjedhjen optimale të gjakut dhe do të ruajë ritmin dhe motivimin tuaj për të vazhduar.

Shtrini muskujt

Menjëherë pas stërvitjes, bëni disa ushtrime për shtrirjen e muskujve, për të reduktuar shtrëngimin që ndodh menjëherë pas ushtrimeve të zgjatura.

Qëndroni brenda në ditët shumë të ftohta

Nëse e keni të nevojshme të stërviteni çdo ditë, uhtrohuni në ambiente të mbyllura kur dimri është i ashpër.

Për më tepër, ju mund t’i menaxhoni simptomat përmes zakoneve të shëndetshme, disa përfshijnë:

  • Ruajtjen e një peshe të shëndetshme.
  • Ushqehuni shëndetshëm.
  • Qëndroni aktiv.
  • Qëndroni ngrohtë në dimër duke u veshur në mënyrë të përshtatshme.
  • Forcimi i tendinave, muskujve dhe kockave të këmbëve. /AgroWeb.org

Continue Reading

Shëndeti

A janë të sigurta pijet me kafeinë për personat me diabet?

Published

on

Personat me diabetë duhet të tregojnë shumë kujdes me ushqimin ashtu si edhe me lëngjet. Ata duhet të heqin dorë nga ëmbëlsirat e përpunuara dhe karbohidratet tjera të rafinuara, që rrisin ndjeshëm nivelet e sheqerit.

Nga ana tjetër ka disa ushqime e pije të përditshme, të cilat është e pamundur t’i shmangesh aq lehtë.

Miliona njerëz në botë tregohen më dorëlëshuar kur vjen puna te pijet me kafeinë, sepse ndryshe nga sheqeri, kafeina supozohet të jetë më pak e dëmshme për personat me diabetë.

A janë të sigurta pijet me kafeinë për personat me diabetë?

Kafeina ul ndjeshmërinë e insulinës dhe rrit nivelin e sheqerit në gjak tek njerëzit e diagnostikuar me diabet të tipit 2, një studim i vitit 2017 shpjegoi se kafeina rrit nivelin e glukozës dhe e mban lart atë për shumë kohë.

Kjo nuk duket diçka e mirë e megjithatë, studimet tjera thonë se disa aspekte të kafeinës janë mirëbërëse për njerëzit që vuajnë nga diabeti. Nëse nuk vuani nga diabeti, ekspertët thonë se nuk duhet të hiqni dorë nga kafeja.

Pirja e dy filxhanëve në ditë ul rrezikun e diabetit të tipit 2 me 12 përqind, sipas studiuesve si kafeja dhe çaji kanë vlera shtesë për shkak të antioksidantëve të cilat mbrojnë trupin dhe rrisin aftësitë mbrojtëse të sistemit imunitar.

Çaji jeshil mundet të ulë rrezikun e shfaqjes së diabetit të tipit dy, është i pasur me antioksidantë. Ky çaj është shumë i mirë për rënien në peshë sepse mbipesha është problem për diabetikët.

Pijet më të mira dhe më të këqija për personat me diabet:

Pijet e gazuara dhe me kafeinë nuk duhen konsumuara, thonë specialistët.

Këto pije kanë më shumë sheqer se sa kafeinë.

Një pije e gazuar ka 37 gramë sheqer ose 9 lugë çaji sheqer dhe vetëm 33 miligram kafeinë.

Pijet me ëmbëlsues artificialë rrisin rrezikun e sëmundjeve të metabolizmit dhe diabetit të tipit 2.

Pijet energjike apo ato pije që pretendojnë të kenë vitamina janë të tmerrshme. Një kanaçe përmban 27 gramë sheqer dhe 28 gramë karbohidrate, duke u kthyer në tmerr të vërtetë për diabetikët dhe jo vetëm.

Vitaminat dhe mineralet merren më mirë nëpërmjet ushqimit e jo pseudo pijeve të shëndetshme.

Sasia e duhur e kafeinës të prekurit me diabet dhe jo vetëm, kur vjen puna tek sasia, ajo nuk është e njëjtë për çdo njeri.

Niveli i sheqerit në gjak rritet ndryshe nga njëri tek tjetri, ndaj i takon njerëzve të mbajnë nën vëzhgim racionet dhe sasitë e pijeve që konsumojnë dhe pasojat që lënë pas. Pirësit e rregullt të kafesë duhet të mbajnë nën kontroll edhe kolesterolin.

Continue Reading

Shëndeti

Shtatë perimet që bëhen më të shëndetshme nëse i gatuani

Published

on

Perimet na bëjnë mirë, është e vërtetë, por mënyra e gatimit ose më saktë, nevoja për gatim ose jo, luan një rol jo pak të rëndësishëm në aspektin e vlerave shëndetësore që ato ofrojnë.

Kohët e sotme, nevoja e gatimit luan një rol kyç në sasinë dhe volumin e ushqyesve që marrim prej perimeve.

Disa prej tyre janë mirë të hahen të pagatuara e disa të tjera bëhen më të shëndetshme nëse gatuhen.

Këto 7 perime bëhen më të shëndetshme nëse i gatuan

Procesi i gatimti është i domosdoshëm për perimet se aktivizon vitaminat e mineralet, i bën të përthithshme prej trupit.

Domatet

Ka pretendime që gjatë gatimit, domatet humbasin shumë prej sasisë së vitaminës C që ofrojnë, gatimi rrit sasinë e likopenit, një prej antioksidantëve më të fuqishëm, i cili ul rrezikun e sëmundjeve kronike si të zemrës dhe tumoret.

Ekspertët thonë se duhet të siguroheni që domaten ta gatuani me një yndyrë të shëndetshme siç është vaji i ullirit.

Shpargu

Plot me vitaminat A, C dhe E. Gatimi e përmirëson aktivitetin e antioksidantëve me 16 deri 25 përqind e rrit nivelet e acidit fenolik që ul rrezikun e kancerit.

Spinaqi

Duhet gatuar në avull të pakësojë acidin oksalik i cili ndërhyn në përthithjen e hekuri me 53%. Avulli ndihmon në ruajtjen e folatit, që luan rol thelbësor tek ADN-ja dhe ul rrezikun e disa sëmundjeve kancerogjene.

Kërpudhat

Janë të mbushura me antioksidantë, aktiviteti i të cilëve zmadhohet drastikisht kur kërpudhat gatuhen, ato përmbajnë shumë kalium, niacinë dhe zink.

Karrotat

Përmbajnë beta karoten të cilin trupi e transformon në vitaminë A. Gatimi i karrotës me lëkurë trefishon fuqinë e antioksidantëve por mënyrat e duhura janë pjekja, zierja dhe mikrovala. Skuqja e karrotës ul sasinë e antioksidantëve .

Patëllxhani

Nëse patëllxhani gatuhet në avull, përbërësit ndërveprojnë mirë me lëngjet biliare duke lejuar mëlçinë të shpërbëjë më mirë përbërësit dhe sidomos kolesterolin. Studimet thonë se nëse patëllxhani gatuhet në skarë, perimja ruan sasi të larta të acidit klorogenik që ngadalëson çlirimin e glukozës në gjak dhe mundet të ulë tensionin e gjakut dhe rrezikun e diabetit.

Kur patëllxhani zihet, ai arrin të ruajë pjesën më të madhe të antioksidantëve.

Argjinarja

Konsiderohet si e plotfuqishme sa i përket antioksidantëve, që përftohen më shumë kur ajo gatuhet me avull. Kjo mënyrë gatimi rrit me 15 herë sasinë e antioksidantëve.  Zierja nuk rekomandohet shumë për argjinaren nëse dëshironi që ajo të ruajë pjesën dërrmuese të vitaminave.

 

Continue Reading

Shëndeti

Vitaminat e nevojshme për verën

Published

on

Përveç se një regjim ushqimor i shëndetshëm, disa vitamina specifike mund të jenë të dobishme gjatë muajve të nxehtë të verës për një shëndet optimal, thonë ekspertët botërorë të shëndetit.

Vitamina A – Ndihmon në formimin dhe mirëmbajtjen e lëkurës, dhëmbëve, indeve skeletore dhe membranave të mukozës të shëndetshme. Përfitimi që lëkura merr nga vitamina A është më i rëndësishmi verës. Kjo se priremi të kalojmë më shumë kohë jashtë kësaj stine, është thelbësore të përmirësoni dhe të kujdeseni për shëndetin e lëkurës. Nëse nuk merrni mjaftueshëm, mund të konsideroni marrjen e suplementeve të vitaminës A.

Vitamina C – Kjo vitaminë, është antioksidant që ndihmon në mbrojtjen e qelizave nga dëmtimi i radikaleve të lira, forcon sistemin imunitar, i cili mund të dobësohet si rezultat i udhëtimeve të shumta gjatë verës. Temperaturat e ngrohta shkaktojnë simptoma të ftohjes dhe gripit, që shmangen me vitaminën C.

Vitamina D – Duket e çuditshme që mund t’ju duhet të rrisni marrjen e vitaminës D gjatë verës, pasi trupi ynë prodhon vetë “vitaminën e diellit” kur lëkura e zhveshur ekspozohet ndaj diellit, e gjeneruar nga dielli nuk shpërndahet në mënyrë të barabartë. Faktorë të tillë si koha e ditës, vendndodhja gjeografike, ndotja e ajrit, mosha, ngjyra e lëkurës dhe përdorimi i kremit të diellit, mund të kufizojnë efektivitetin e saj. Nëse nuk po merrni mjaftueshëm vitaminë D nga rrezet e diellit, ngrënia e ushqimeve të fortifikuara me këtë vitaminë dhe marrja e suplementeve të saj, mund të ndihmojë në ngushtimin e hendekut.

Vitamina E – I siguron lëkurës antioksidantë për të eliminuar radikalet e lira të dëmshme e për të mbrojtur lëkurën nga dëmtimet. Kjo vitaminë është e njohur për aftësinë e saj për të nxitur prodhimin e kolagjenit, i cili është thelbësor për ruajtjen e elasticitetit të lëkurës. Kjo është ajo që lëkura ka nevojë gjatë muajve të nxehtë të verës. Përveç kësaj, vitamina E luan një rol në luftimin e mikrobeve. /UBT News/

Continue Reading

Shëndeti

Keni diabet? Këto ushqime duhen shmangur

Published

on

Menaxhimi i nivelit të lartë të sheqerit në gjak është thelbësor për personat me diabet dhe ndonjëherë edhe disa ushqime të shëndetshme mund të ndikojnë negativisht.

Diabeti i Tipit 2 është forma më e zakonshme, lidhet me mbipeshën, mungesën e aktivitetit fizik apo faktorët gjenetikë.

Sipas institucioneve të shëndetësisë në Britani, rreth 1 në 10 persona mbi 40 vjeç atje vuajnë nga kjo gjendje.

Nëse nuk menaxhohet siç duhet, diabeti çon  në komplikime serioze si sulmi në tru, sëmundjet e zemrës e dëmtimet e organeve

Për këtë arsye, njohja e ushqimeve që rrisin sheqerin në gjak është jetike. Ja disa prej tyre që duhen shmangur ose konsumuar me shumë kujdes:

Rrushi

Edhe pse i pasur me antioksidantë, një kokërr rrushi përmban rreth 1 gram karbohidrate. Sasia duket e vogël, por nëse hani një grusht, karbohidratet e sheqeri shtohen. Mjekët kanë këshilluar ta konsumoni në sasi të vogla dhe ta krahasoni me burime të tjera frutash që kanë më pak ndikim në glukozë.

Supat e gatshme

Shumë lloje të supave të gatshme kanë karbohidrate të rafinuara dhe shumë natrium, që mund të ndikojnë negativisht në sheqerin në gjak dhe tensionin e lartë. Mjekët këshillojnë që ato të zëvendësohen me supë me perime të freskëta dhe makarona integrale.

Patatet

Të ziera apo të skuqura, patatet kanë indeks të lartë glikemik, përthithen shpejt dhe rrisin nivelin e sheqerit në gjak. Mjekët këshillojnë që ato të zëvendësohen me patate të ëmbla, të cilat e kanë më të ulët indeksin glikemik dhe përmbajnë më shumë fibra.

Sushi

Ndonëse përmban peshk të shëndetshëm, orizi i bardhë në sushi është i përpunuar e rrit menjëherë nivelin e sheqerit në gjak. Mjekët këshillojnë që të konsumoni sasi të vogla ose provoni sushi me oriz integral.

Frutat e thata

Vetëm një lugë gjelle me rrush të thatë ka 20 gramë karbohidrate dhe sheqer total. Përqendrimi i sheqerit rritet shumë pas tharjes. Mjekët këshillojnë që ta zëvendësoni me fruta të freskëta si mollë apo dardhë në copa të vogla.

Lëngjet e frutave

Edhe pa sheqer të shtuar, një gotë me lëng portokalli përmban aq sheqer sa një pije e gazuar. Mjekët këshillojnë  që të zëvendësohen me fruta të freskëta ose ujë me limon dhe mente për freski natyrale.

Drithërat e përpunuara të mëngjesit (cereal)

Shumë marka të drithërave të përpunuara kanë sheqer të fshehur. Ato treten e rrisin sheqerin në gjak menjëherë. Zgjidhja më e mirë është konsumimi i tërshërës së papërpunuar ose drithërave pa sheqer, të kombinuara me fara chia dhe fruta mali.

Continue Reading

Të kërkuara