Lajmet

Pse Japonia renditet ndër vendet më të dobëta sa i përket lirisë së shtypit?

Japonia është në vendin e 68-të nga 180 vende.

Published

on

Japonia renditet më e dobëta në mesin e vendeve të G7 kur bëhet fjalë për lirinë e medias. Cenueshmëria e gazetarëve, presioni i qeverisë dhe poashtu kultura e vetëcensurës janë për t’u fajësuar, thonë ekspertët.

Japonia u ngjit me tre vende në Indeksin Botëror të Lirisë së Shtypit 2023, por është ende në vendin e 68-të nga 180 vende dhe rajone të anketuara për studimin vjetor të Reporterëve pa Kufij.

Kjo e rendit ekonominë e tretë më të madhe në botë në fund të vendeve të G7 për sa i përket lirive të medias, dhe gjendet mes Lesotos dhe Panamasë në listë.

“Japonia, një demokraci parlamentare, mbështet parimet e medias dhe pluralizmit”, thoshte studimi, i botuar më 3 maj. “Megjithatë, pesha e traditave, interesave ekonomike, presionit politik dhe pabarazive gjinore i pengon gazetarët të ushtrojnë plotësisht rolin e tyre”.

Pretendimet e Japonisë për lirinë e shtypit dëmtohen veçanërisht nga një sistem klubesh shtypi të miratuara nga qeveria për ministritë dhe tendenca e medias për të vetëcensuruar me presionin më të vogël nga qeveria ose partnerët me ndikim të biznesit, sipas akademikëve dhe gazetarëve.

“Liria e fjalës është e garantuar në Japoni sipas nenit 21 të Kushtetutës, por ka probleme – siç është sistemi i klubit të shtypit – prandaj Japonia renditet kaq poshtë në indeks”, tha Renge Jibu, profesoreshë.

Revista e përjavshme e lajmeve Shukan Bunshun raportoi për herë të parë në 1999 se Kitagawa, themeluesi i agjencisë së talenteve Johnny & Associates, kishte abuzuar seksualisht me ata që apironin të ishin yje të pop-it.

Nga frika se mos humbisnin mundësinë e tyre për të arritur famën dhe pasurinë, asnjë nga të rinjtë nuk ishte i gatshëm të paraqiste ankesa zyrtare në polici dhe Kitagawa mbeti i lirë të abuzonte me më shumë djem deri në vdekje, më korrik 2019.

Dhe, pavarësisht se aktivitetet e Kitagawa-s ishin një sekret i hapur në botën e showbizit të Japonisë, mediat kryesore e shpërfillën problemin.

Një gazetar amerikan, i cili ka punuar për një gazetë japoneze për 30 vjet, vuri në dukje se kultura e vetëcensurës së medias japoneze shkon më thellë sesa thjesht gazetat, stacionet televizive dhe radiofonike që tërhiqnin njerëzit për tema të diskutueshme.

“Nuk është lloji i censurës zyrtare që shohim në Kinë, Korenë e Veriut apo vendet e tjera që janë në fund të listës”, thotë ai, i cili kërkoi të mos përmendet nga frika se mos humbiste punën e tij.

“Dhe nuk është vetëm autocensurë, që do të thotë se gazetarët nuk bëjnë pyetje të vështira. Është atmosfera e lirisë shoqërore dhe intelektuale që bën të mundur për gazetarët të bëjnë punën e tyre”.

“Nuk ka asnjë atmosferë që inkurajon diskutimin e çështjeve të rëndësishme sepse gazetarët e dinë se nëse bëjnë pyetje të vështira mund të ndëshkohen” tha ai.

Rezultati është një media që raporton saktësisht atë që qeveria dhe biznesi i madh dëshiron që ajo të raportojë bazuar në njoftimet zyrtare dhe një publik që shpesh mbahet në errësirë, shtoi ai. “Dhe kjo, për mua, do të thotë se media këtu po i bën një dëm të madh njerëzve”.

/Marrë me shkurtime nga DW/UBTNews/

Aktualitet

OEK: Gjykata Supreme shqyrton padinë kundër ZRrE për tregun e lirë të energjisë

Published

on

Oda Ekonomike e Kosovës, ka njoftuar se Gjykata Supreme do ta trajtojë padinë kundër Zyrës së Rregullatorit për Energji për tregun e lirë të energjisë.

“Oda Ekonomike e Kosovës njofton se Gjykata Supreme ka vendosur që padia e ushtruar nga OEK ndaj Zyrës së Rregullatorit për Energji (ZRrE), lidhur me daljen e detyrueshme në tregun e lirë të energjisë, do të procedohet dhe do të shqyrtohet për vendim meritor. Tashmë është caktuar kolegji i gjyqtarëve i cili do ta trajtojë padinë ndaj ZRrE”, njofton OEK.

OEK thotë se kanë pritje që gjykata të vendosë brenda afatit 60 ditorë dhe ‘të anulojë aktet nënligjore të ZRRE’së”.

Përkundër që kërkesa për vendosjen e masës së përkohshme për pezullimin e vendimit nuk është aprovuar, me arsyetimin se akti “Njoftimi i ZRrE-së” nuk i plotëson kriteret e një akti nënligjor normativ, çështja do të shqyrtohet në mënyrë meritore për të gjitha aktet nënligjore të ZRrE-së, përveç këtij njoftimi, sipas afateve ligjore.

Andaj, pritjet e Odës Ekonomike të Kosovës janë që gjykata të vendosë brenda afatit 60 ditor nga dita e parashtrimit të padisë, siç e parasheh ligji dhe të anulojë të gjitha aktet nënligjore të ZRrE-së me të cilat janë përcaktuar kriteret për daljen në tregun e lirë,” thuhet në këtë njoftim.

“Pavarësisht se masa e përkohshme e sigurisë nuk është aprovuar, Oda Ekonomike e Kosovës vlerëson pozitivisht faktin se lënda do të trajtohet në themel dhe shpreh besimin se vendimi final do të jetë në të mirë të ekonomisë, bizneseve dhe qytetarëve të Kosovës”, thuhet në njoftim.

Continue Reading

Bota

Administrata Trump miraton shitjen e armëve prej 825 milionë dollarësh për Ukrainën

Published

on

Administrata Trump ka miratuar një shitje armësh me vlerë 825 milionë dollarë për Ukrainën, e cila do të përfshijë raketa me rreze të gjatë veprimi dhe pajisje të ngjashme për të rritur aftësitë e saj mbrojtëse.

Përpjekjet e ShBA-së për të ndërmjetësuar paqen midis Ukrainës dhe Rusisë duket se kanë ngecur.

Departamenti i Shtetit njoftoi të enjten se kishte njoftuar Kongresin për shitjen e raketave me municion sulmi me rreze të gjatë veprimi dhe sistemeve të navigimit për Ukrainën. Shitja do të mbulojë 3,350 raketa ERAM, 3,350 njësi GPS, së bashku me komponentë, pjesë këmbimi dhe aksesorë të tjerë, si dhe trajnim dhe mbështetje teknike, shkruan AP.

Ai tha se Ukraina do të përdorte fonde nga aleatët e NATO-s, Danimarka dhe Holanda.

Continue Reading

Aktualitet

Tiranë: Sekuestrohen mbi 26 milionë euro pasuri në pronësi të një të dënuari për vrasje

Published

on

Policia në Tiranë ka sekuestruar pasuri me vlerë prej 26 milionë e 500 mijë euro, nën pronësi të një 45-vjeçari të dënuar për vrasje dhe për pjesëmarrje në grup kriminal për trafikim të lëndëve narkotike, nga autoritetet italiane.

Sipas njoftimit të policisë, pasuritë e sekuestruara janë konkretisht: 19 prona, 2 automjete dhe 20 llogari bankare, të regjistruara në emër të 45-vjeçarit ose të familjarëve të tij, me vlerë tregu rreth 26 milionë e 500 mijë euro.

“Vijon puna për gjurmimin dhe sekuestrimin e pasurive të tjera që dyshohet se kanë burim nga veprimtaritë kriminale të këtij shtetasi. Materialet procedurale iu referuan Prokurorisë së Tiranës, për veprime të mëtejshme”, thuhet tutje në njoftim.

Continue Reading

Aktualitet

Kosova e Shqipëria forcojnë partneritetin ushtarak, trajnime të përbashkëta për operacione ujore

Published

on

Bazuar në marrëveshjen bilaterale të bashkëpunimit ndërmjet Forcës së Sigurisë së Kosovës dhe Forcave të Armatosura të Republikës së Shqipërisë (FARSH), Kompania e Kërkim-Shpëtimit e Regjimentit të Mbrojtjes Civile (RMC) realizoi trajnim të përbashkët në fushën e zhytjes.

Trajnimi i përbashkët u realizua në Qendrën e Zhytjes në Pashaliman, Vlorë, Republika e Shqipërisë.

Sipas FSK-së qëllimi i këtij trajnimi ishte ruajtja, zhvillimi dhe avancimi i njohurive dhe aftësive profesionale në fushën e zhytjes, në thellësi dhe kushte të ndryshme operative si dhe shkëmbimin e përvojës dhe praktikave më të mira ndërmjet pjesëtarëve të të dy forcave ushtarake.

FSK po ashtu thotë se ky aktivitet i përbashkët dëshmon për rëndësinë e thellimit të bashkëpunimit ndërmjet institucioneve ushtarake të Kosovës dhe Shqipërisë, si dhe përkushtimin e ndërsjellë për ngritjen dhe përmirësimin e kapaciteteve specialistike në realizimin e operacioneve ujore me standarde të larta ndërkombëtare.

Continue Reading

Të kërkuara