Teknologji

Pse Franca i ndaloi aplikacionet e njohura në telefonat e zyrtarëve francezë?

Franca vendosi një lloj ndalese edhe për aplikacionet tjera sikurse: Netflix, Instagram, Candy Crush dhe Twitter.

Published

3 years ago

on

Nga Shiona McCallum

Gjatë muajve të fundit në mbarë botën qeveritë dhe institucionet e kanë ndaluar TikTok-un nga telefonët dhe pajisjet e zyrtarëve.

Edhe Holanda dhe Norvegjia iu bashkuan listës së shteteve që ndaluan këtë aplikacion nga pajisjet qeveritare, aplikacion ky që është nën pronësi të kompanisë kineze ByteDance.

Dhe pavarësisht insistimit të TikTok-ut se vepron i pavarur dhe nuk i ndan të dhënat me qeverinë kineze, Franca është vendi i fundit që ua ndaloi qasjen zyrtarëve të vendit. Por është gjithashtu edhe vendi i parë që bëri një lloj ndalese edhe për aplikacionet tjera sikurse: Netflix, Instagram, Candy Crush dhe Twitter.

Ndalesa që po monitorohet nga agjencia franceze kibernetike, do të prek rreth 2.5 milionë nëpunës civil.

“Aplikacionet rekreative nuk ofrojnë nivele të mjaftueshme të sigurisë kibernetike dhe mbrojtjes së të dhënave për t’u mbajtur në mjetet digjitale të administratës. Këto aplikacione mund të përbëjnë rrezik për mbrojtjen e të dhënave të këtyre administratave dhe zyrtarëve të tyre publikë”, tha ministri i Shërbimit Civil, Stanislas Guerini.

Megjithëse tha se ka përjashtime për shkak të komunikimit institucional.

Prandaj duket që Franca, për dallim nga vendet tjera të Perëndimit, i trajton kompanitë teknologjike amerikane dhe kineze në të njëjtën mënyrë. Megjithëse, nuk është hera e parë që ka tensione në sferën e teknologjisë mes Shteteve të Bashkuara të Amerikës dhe Francës.

Në vitin 2019, Franca miratoi një taksë për shërbimet digjitale, pavarësisht kërcënimeve për hakmarrje nga SHBA, të cilat thanë se Franca shënjestroi në mënyrë të padrejtë gjigantët amerikanë të teknologjisë si Google dhe Facebook. Dhe që nga viti 2018, Franca ka qenë kundër ligjit të SHBA-së, Cloud Act, i cili u jep autoriteteve amerikane të zbatimit të ligjit fuqinë për të kërkuar të dhëna të ruajtura nga shumica e ofruesve kryesorë të cloud, edhe nëse ato ndodhen jashtë SHBA-së.

Ditë pas ditësh, qeveritë dhe institucionet publike po e ndalojnë TikTok-un nga pajisjet e stafit, por vendimi i Francës për të shtypur të gjitha “aplikacionet argëtuese” bie në sy dhe po vlerësohet nga aktivistët e privatësisë.

Frika rreth TikTok-ut është rritur, dhe krahas bujës, njerëzit po vënë në dyshim praktikat e privatësisë edhe të aplikacione të tjera, pavarësisht se ku ndodhen kompanitë. Dhe me gjasë duket se këtë moment aktivistët e privatësisë ka kohë që e kanë pritur.

Po shtrohen pyetje se si mblidhen dhe përdoren të dhënat nga Facebook, Instagram, Snapchat dhe madje edhe Candy Crush.

Fokusi politik është aktualisht te TikTok-u sepse kompania e saj mëmë është në Kinë, porse qeveria franceze e tha qartë se të gjitha këto kompani mediatike duhet t’iu përgjigjen disa pyetjeve./UBTNews/

Related Topics:
Continue Reading

Teknologji

Pse Google dëshiron t’ju pengojë të përdorni ChatGPT?

Published

5 hours ago

on

November 7, 2025

By

Në përditësimin e fundit të shfletuesit Chrome, Google ka shtuar një buton të ri të quajtur “AI Mode”, i cili shfaqet direkt nën fushën e kërkimit në telefonat inteligjentë.

Ky opsion aktualisht është i disponueshëm për përdoruesit në SHBA në pajisjet iOS dhe Android, ndërsa Google planifikon ta zgjasë përhapjen globale në deri 160 vende në javët në vijim.

Butoni ndodhet mbi shkurtesat e faqeve më të vizituara, duke e bërë të lehtë qasjen për përdoruesit sapo të hapin një tab të ri.

Qëllimi është i qartë: Google synon që përdoruesit të klikojnë “AI Mode” para se të përdorin shërbime si ChatGPT ose Perplexity.

AI Mode ofron qasje të shpejtë në kërkimin me AI të Google e mbështet disa gjuhë. Në praktikë, kjo do të thotë se përdoruesit bëjnë pyetje dhe të marrin përgjigje, përmbledhje apo rekomandime pa pasur nevojë të hapin aplikacione të tjera.

Google ka prezantuar përmirësime të reja me “agentic AI”, që mundësojnë që AI Mode të rezervojë automatikisht bileta për ngjarje ose termine në sallonet e bukurisë. Ndërkohë, konkurenca nuk qëndron pasive – Perplexity po zhvillon shfletuesin e vet, Comet, ndërsa OpenAI po punon në Atlas, një shfletues me bazë AI që mund të ndryshojë mënyrën e përdorimit të internetit.

Përdoruesit e Chrome përfitojnë nga kjo veçori duke përditësuar shfletuesin; AI Mode duhet të shfaqet automatikisht kur hapin një tab të ri. /A.Z/UBT News/

Continue Reading

Teknologji

Italia bëhet vendi i parë i BE-së që miraton ligj gjithëpërfshirës për Inteligjencën Artificiale

Published

7 hours ago

on

November 7, 2025

By

Italia ka bërë histori duke u bërë vendi i parë në Bashkimin Evropian që miraton një ligj të plotë për Inteligjencën Artificiale, vendosur rregulla të qarta dhe dënime të rrepta për abuzimet me teknologjinë.

Sipas ligjit të ri, përdorimi i AI për të krijuar ose shpërndarë përmbajtje të manipuluar, si “deepfakes”, mund të sjellë dënime nga 1 deri në 5 vjet burg. Masat bëhen edhe më të rënda nëse teknologjia përdoret për krime si mashtrimi, vjedhja e identitetit ose dëmtimi i reputacionit.

Ligji vendos rregulla për transparencën dhe mbikëqyrjen njerëzore në vendet e punës, për të siguruar që AI të mos dëmtojë proceset sociale dhe të drejtësisë. Kryeministrja Giorgia Meloni e konsideroi hap vendimtar për të ardhmen e Italisë dhe të BE-së.

“Qëllimi ynë është një inteligjencë artificiale e përqendruar te njeriu, transparente dhe e sigurt, që ruan privatësinë dhe sigurinë kibernetike, ndërsa nxit inovacionin”, tha ajo.

Një pikë kyçe e ligjit është mbrojtja e të miturve: fëmijët nën 14 vjeç nuk mund të përdorin AI pa miratimin e prindërve.

Ky ligj, i harmonizuar me Aktin Evropian për Inteligjencën Artificiale, pritet të shërbejë si model për vendet e tjera anëtare, duke vendosur Italinë në qendër të diskutimeve mbi përdorimin etik dhe të sigurt të teknologjisë. /A.Z/UBT News/

Continue Reading

Teknologji

WhatsApp teston “drynin” për siguri maksimale

Published

9 hours ago

on

November 7, 2025

By

WhatsApp po përgatit një veçori të re, të quajtur përkohësisht “dryn”, që synon të ofrojë mbrojtje të avancuar për përdoruesit që mund të jenë në rrezik nga sulmet kibernetike a ndërhyrjet e programeve spiune Pegasus apo Graphite.

Sipas faqes së specializuar WaBetaInfo, funksioni është zbuluar në versionin beta 2.25.33.4 të aplikacionit për Android, dhe aktualisht ndodhet në fazën e testimit.

“Dryni” përfshin një kombinim të opsioneve të sigurisë dhe privatësisë, që aktivizohen automatikisht për të forcuar mbrojtjen e përdoruesit.

Këto përfshijnë:

Bllokimin e skedarëve mediatikë dhe bashkëngjitjeve nga dërgues të panjohur;

Çaktivizimin e pamjeve paraprake të lidhjeve në mesazhe;

Heshtjen e thirrjeve hyrëse nga persona që nuk janë në listën e kontakteve;

Kufizimin e shtimit në grupe vetëm nga kontaktet tuaja;

Njoftime automatike kur ndryshon kodi i sigurisë në një bisedë të enkriptuar nga fillimi në fund;

Aktivizimin e verifikimit me dy hapa;

Kufizimin e dukshmërisë së fotos së profilit, informacionit, statusit dhe datës së fundit të lidhjes vetëm për kontaktet;

Dhe madje fshehjen e adresës IP gjatë thirrjeve, duke i bërë ato të kalojnë përmes serverëve të WhatsApp-it.

Nëse zbatohet. kjo veçori do të rrisë ndjeshëm nivelin e mbrojtjes kundër kërcënimeve të mundshme, pa qenë nevoja që përdoruesit të ndryshojnë manualisht shumë cilësime të privatësisë.

Aktualisht, nuk dihet ende se kur WhatsApp do ta lëshojë këtë funksion për të gjithë përdoruesit, por pritet të jetë hap i rëndësishëm drejt sigurisë së avancuar në komunikimet digjitale. /A.Z/UBT News/

Continue Reading

Automobilizëm elektrikë

Këto janë veturat elektrike dhe hibride me bateritë më të qëndrueshme

Published

10 hours ago

on

November 7, 2025

By

Platforma suedeze e ankandeve të automjeteve Kvdbil ka kryer një hulumtim mbi gjendjen e baterive të më shumë se 1300 veturave elektrike dhe hibride plug-in të përdorura.

Rezultatet tregojnë se tetë nga dhjetë automjete janë ende në gjendje të shkëlqyer, sipas testimeve të “gjendjes së shëndetit të baterisë” (SOH – State of Health), që mat se sa kapacitet ka mbetur në krahasim me një bateri të re.

Sipas raportit të publikuar nga Göteborgs-Posten, shumica e makinave elektrike të përdorura ruajnë mbi 90% të kapacitetit fillestar të baterisë, edhe pas disa vitesh përdorimi.

Drejtuesi i testimit, Martin Reinholdsson, theksoi se ky rezultat është meritë e teknologjisë së përparuar të ftohjes dhe menaxhimit të temperaturës, që përdoret në paketat moderne të baterive.

Sipas tij, këto të dhëna rrëzojnë mitin se makinat elektrike të përdorura janë të pasigurta apo jo të qëndrueshme.

Për blerësit potencialë të automjeteve elektrike të përdorura, raporti thekson se Kia del si marka më e besueshme, duke arritur rezultatet më të larta si në kategorinë e hibrideve plug-in ashtu edhe në atë të veturave elektrike.

Hulumtimi konkludon se frika për degradimin e shpejtë të baterive është në masë të madhe e pabazuar. Në fakt, makinat elektrike të përdorura mund të jenë një zgjedhje e mençur ekonomike dhe ekologjike.

Reinholdsson shton se, përveç markës dhe modelit, zakonet e drejtuesit, kushtet klimatike dhe mosha e automjetit janë faktorë kyç për jetëgjatësinë e baterisë. Ai këshillon që:

të shmanget karikimi i shpeshtë mbi 80%,

të ruhet automjeti nga temperaturat ekstreme,

dhe të përdoren me kujdes karikuesit e shpejtë.

Nëse këto rregulla respektohen, kapaciteti i baterisë humbet vetëm disa për qind çdo vit.

Kvdbil nuk ka zbuluar listën e plotë të modeleve pas dhjetëshes më të mirë, por ka publikuar renditjet kryesore:

Top 10 hibride plug-in me bateritë më të mira:

Kia Sportage

Kia Optima

Volvo XC60

Kia Ceed

Volvo V60

Peugeot 3008

BMW 530e

Volkswagen Passat GTE

BMW X1

BMW 330e

Top 10 makina elektrike me bateritë më të mira

Kia EV6

Kia e-Niro

Tesla Model Y

Opel Mokka-e

Mazda MX-30

Audi Q4 e-tron

Fiat 500

Volvo XC40 Recharge

Citroën ë-C4

Volkswagen ID.4

Duke u bazuar në këto të dhëna, Kia del si lider i qartë në besueshmëri dhe qëndrueshmëri të baterive, ndërsa rezultatet në përgjithësi tregojnë se automjetet elektrike të përdorura janë shumë më të qëndrueshme sesa mendohej më parë. /A.Z/UBT News/

 

 

Continue Reading

Të kërkuara