Sport

​Pse FFK vendosi të ndalojë video-materialet falas? Flet Agim Ademi

Published

1 year ago

on

Kryetari i Federatës së Futbollit të Kosovës, Agim Ademi e ka arsyetuar vendimin e fundit të kësaj federate për ndalimin e dhënies pa pagesë të momenteve kryesore të ndeshjeve të Superligës së Kosovës në futboll.

Sipas tij, kjo praktike aplikohet në të gjithë botën, derisa ka shtuar se FFK-së xhirimi i vetëm një ndeshje i kushton deri në 1800 euro.

Ademi ka thënë se shuma e kërkuar nga FFK që këto materiale t’iu dërgohen mediave është 115 euro për një ndeshje.

“Injorantë që nuk e njohin çështjen ose injorantë që duan të flasin keq për federatën mund të flasin gjithçka. Kjo është në tërë botën e njohur, ne deri më tani i kemi lënë pa para, jo që nuk kemi dashur t’ua marrim ose nuk kemi dashur ta bëjmë këtë punë, këto mjete shkojnë të gjitha në klube. Ne këtë vit e kemi një ndryshim tek operatori i blerjes së të drejtave të televizionit dhe sigurisht që ndeshjet ne i organizojmë vet, e xhirojmë vet dhe i paguajmë vet…Ne na kushton 1500 deri 1800 në ndeshje për ta xhiruar dhe nëse e shohim sa sa kemi kërkuar për t’i mbuluar këto, kemi kërkuar një shumë që çdo televizioni, nëse e përpjestojmë me ndeshje i bie 115 euro për një ndeshje dhe të thuhet nuk i kemi ato mjete është marri”, ka thënë Ademi.

Tutje, i pari i FFK-së theksoi se mediat mund të bashkëpunojnë me federatën edhe duke ofruar pajisjet e tyre për xhirimin e ndeshjeve dhe në këmbim do t’i merrnin pamjet e ndeshjeve.

“Ky është produkt i FFK-së dhe nuk kemi kërkuar strikt që të na i japin ato para, por pse nuk mund të na i lirojnë për aq para të televizionit, ose me këto kombit e regjisë, të jenë bashkëpunues me ne dhe më atë kombi do ta na i xhironin aq lojë sa i bie një kompanie televizive pa para dhe ne ua japim pa para sepse nuk janë para që federata i merr për vete, asnjë cent, po e përsëris, asnjë cent, nga të drejtat televizive dhe nga këto momente më të rëndësishme të ndeshjeve që i kemi bërë dhe marrin kaq bujë i marrin të gjitha klubet sepse është produkt i klubeve”, theksoi ai

I pari i FFK-së gjithashtu ka bërë të ditur se tashmë me disa media është arritur marrëveshja për dhënien e këtyre video materialeve edhe me kushte e reja të vendosura nga ana e federatës.

Related Topics:
Continue Reading

Lajmet

​Prezantohet topi zyrtar i Botërorit 2026

Published

36 minutes ago

on

October 3, 2025

By

FIFA ka prezantuar topin zyrtar të Kampionatit Botëror 2026, i cili do të quhet TRIONDA.

Emri i tij, që në spanjisht do të thotë “tre valë”, simbolizon tri vendet organizatore: Kanadanë, Meksikën dhe Shtetet e Bashkuara.

Dizajni i topit është i gjallë me ngjyrat kuqe, jeshile e blu, duke nderuar vendet nikoqire. Ai përmban gjithashtu simbole kombëtare, gjethe panje për Kanadanë, shqiponjën për Meksikën dhe yllin për SHBA, si dhe elementë të artë që kujtojnë trofeun e Kupës së Botës.

TRIONDA ka një strukturë inovative me katër panele, që ofrojnë stabilitet optimal gjatë fluturimit, si dhe teknologjinë e avancuar të topit të lidhur me një çip sensor 500Hz, i cili ndihmon gjyqtarët në vendime të rëndësishme, përfshirë rastet e pozitës jashtë loje.

Presidenti i FIFA-s, Gianni Infantino, e përshkroi topin si të bukur dhe simbol të unitetit e pasionit të vendeve nikoqire, duke shtuar se mezi pret ta shohë në fushë.

Botërori 2026 do të mbahet për herë të parë në tre shtete, me shortin final që do të zhvillohet më 5 dhjetor 2025 në Uashington./S.K/KP/

Continue Reading

Lajmet

Shpaloset lista e Shqipërisë për ballafaqim me Serbinë

Published

2 hours ago

on

October 3, 2025

By

Kombëtarja shqiptare do të rikthehet në aksion për ndeshjen e radhës kualifikuese të Kupës së Botës 2026 ndaj Serbisë dhe për sfidën miqësore ndaj Jordanisë.

Grumbullimi zyrtar do të nisë më 6 tetor, ndërsa shpallja e listës së lojtarëve të grumbulluar nga trajneri Sylvinho është programuar për ditën e sotme.

Gjithashtu sot në orën 11:00, do të mbahet edhe konferenca për shtyp e trajnerit në ambientet e “Shtëpisë së Futbollit”.

Seanca e parë stërvitore e Kombëtares do të zhvillohet më 6 tetor.

Ndeshja Serbi-Shqipëri do të luhet më 11 tetor, në stadiumin “Gradski stadion Dubočica” në Leskovac, në orën 20:45.

Ndërsa, miqësorja Shqipëri-Jordani do të zhvillohet më 14 tetor, në stadiumin “Air Albania”, në orën 19:00./S.K/KP/

 

Continue Reading

Lajmet

​Shaqiri shkëlqen në fitoren e Baselit ndaj Stuttgartit

Published

2 hours ago

on

October 3, 2025

By

FC Basel ka marrë fitoren e parë këtë sezon në fazën e grupeve të Europa League, duke mposhtur Stuttgartin me rezultat 2-0.

Albian Ajeti zhbllokoi ndeshjen që në minutën e tretë pas një gabimi në mbrojtjen gjermane. Stuttgart pati mundësinë të barazonte me penallti në minutën e 35-të, por Marwin Hitz priti goditjen e Ermedin Demirović.

Në pjesën e dytë, Xherdan Shaqiri vulosi fitoren e zviceranëve me një gol nga afërsia, duke i dhënë fund serisë prej tre ndeshjesh pa fitore të Baselit në Evropë.

Stuttgart humbi pas tri fitoreve radhazi dhe në ndeshjen e ardhshme do të udhëtojë në Stamboll për t’u përballur me Fenerbahçen./S.K/KP/

Continue Reading

Lajmet

​Liga Konferenca, Drita nxjerr një pikë si mysafire

Published

3 hours ago

on

October 3, 2025

By

Drita e Gjilanit ka nisur mbarë sezonin historik të klubit gjilanas në Ligën Konferenca duke luajtur baras në ndeshjen e parë në udhëtim ndaj skuadrës finlandeze KuPS.

Ndeshja u zhvillua në stadiumin Tammela në Tempere të Finlandës, me kapacitet prej tetë mijë ulësesh.

Polaku Piotr Parzyszek solli KuPS në epërsi në minutën e 74-të, pas asistimit nga Voutilainen.

Skuadra gjilanase u rikthye në lojë me golin e Albert Dabiqajt në minutën e 80-të, pas asistimit të Blerton Shejit.

Njëherësh Dabiqaj shënoi golin historik për Dritën në Ligën Konferenca pasi ky është goli i parë i skuadrës gjilanase në debutimin e saj në këtë ligë, e cila ka 36 ekipe evropiane,/S.K/KP/

Continue Reading

Të kërkuara