Lajmet
Pse ekspertët e shëndetit rekomandojnë heqjen e maskave të pëlhurës në luftën kundër Omicron?
“Ne duhet të mbajmë të paktën një maskë kirurgjikale me tre shtresa”, tha Dr. Leana Wen.
“Maskat e pëlhurës janë pak më shumë se dekorime të fytyrës. Nuk ka vend për to pas shfaqjes së Omicron”, tha Dr. Leana Wen.
Me variantin omicron të COVID-19 që vazhdon të përhapet me një ritëm alarmant, disa ekspertë mjekësorë po u bëjnë thirrje të gjithëve të rivlerësojnë se çfarë maskash po zgjedhin të mbajnë.
“Ne duhet të mbajmë të paktën një maskë kirurgjikale me tre shtresa”, tha analistja mjekësore e CNN, Dr. Leana Wen. “Mund të vishni një maskë pëlhure mbi të, por mos mbani vetëm një maskë pëlhure”.
Thirrja për mos vendosje të maskave të pëlhurës bie ndesh me rekomandimet nga Qendrat e SHBA-së për Kontrollin dhe Parandalimin e Sëmundjeve, të cilat inkurajojnë që maskat të “kenë dy ose më shumë shtresa të materialit të cilin mund ta pastroni dhe përmes së cilit mund të merrni frymë”.
Këto rekomandime u përditësuan për herë të fundit më 25 tetor, rreth një muaj përpara se të zbuloheshin rastet e para të Omicron në Afrikën e Jugut.
Wen shtoi se në mënyrë ideale, “ju duhet të mbani një maskë KN95 ose N95” – e cila gjithashtu është në konflikt me rekomandimet e Qendrës për Kontrollin dhe Parandalimin e Sëmundjeve – që ende thotë se “maskat N95 duhet të kenë përparësi për personelin e kujdesit shëndetësor”.
Wen gjithashtu vuri në dukje se vende të ndryshme, përfshirë Gjermaninë dhe Austrinë, kanë “ndryshuar standardin e tyre për të thënë se mbulimi i fytyrës në publik duhet të jetë të paktën një maskë kirurgjikale e shkallës mjekësore” në mjedise të caktuara.
Në një studim të veçantë, CDC vuri në dukje se “efektshmëria e maskave të pëlhurës është përgjithësisht më e ulët se ajo e maskave mjekësore dhe respiratorëve; megjithatë, ato mund të ofrojnë njëfarë mbrojtjeje nëse përdoren siç duhet”./UBTNews/
Si të parandalohet rivaliteti midis fëmijëve?
Kosova ballafaqohet sot me Spanjën për Euro U21
Bombardimet e sotme në Gaza, vriten 11 persona, 20 rezultojnë të zhdukur
Arrestohet një shtetas serb në Kamenicë, solli mall ilegalisht nga Serbia
Kosova mposht Suedinë në stadiumin “Fadil Vokrri”
Policia shqipton mbi 2000 gjoba trafiku për 24 orët e fundit
Komuna e Prishtinës njofton se nga nesër rikthehet funksionaliteti i plotë i “Prishtina Parking
Ky është Turbo S i ri – 911 më i fuqishëm i Porsche ndonjëherë
Tre mënyra të thjeshta për të larguar dhimbjen e kokës më shpejt
-
Aktualitet2 weeks agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months agoProfesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months agoBSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT2 months agoUBT shpall konkurs për pranimin e studentëve të rinj për vitin akademik 2025/26