Lajmet

Protestojnë punëtorët teknikë të spitaleve: Jemi diskriminuar nga qeveria

Thonë se kërkesa e vetme tash e sa muaj mbetet pagesa shtesë.

Published

4 years ago

November 24, 2021

Betim Gashi

Parullat me mbishkrimet “Kush ua dha shkollën e diskriminimit”, “Nuk tolerojmë diskriminimin njerëzor”, dhe disa uniforma të punëtorëve teknikë të spitaleve kanë mbetur në rrethojat e Ministrisë së Shëndetësisë. Në shenjë revolte ata kanë protestuar para këtij objekti, për mos-përfshirjen e kësaj kategorie në stimulimin me nga 60 euro nga Qeveria e Kosovës. Nga ora 11 deri në orën 12 këta punëtorë nuk kanë ofruar shërbime në spitalet ku punojnë.

Kryetari i Sindikatës së Pavarur të Sektorit Privat, Jusuf Azemi tha se kërkesa e vetme tash e sa muaj mbetet pagesa shtesë, ashtu siç është vendosur për mjekët dhe infermierët.

“Që nga sot po fillojmë një përshkallëzim të protestave dhe grevave. Qëllimi kryesor i kësaj proteste është ku kjo protestë ka shtrirjen në gjithë nivelin e Kosovës. Ju njoftoj që në të gjitha spitalet në Qendër të Mjekësisë Familjare dhe në ambulantë sot në orën 11:00 deri në orën 12:00, punëtorët teknikë dhe të sigurimit fizik, nuk do të kryejnë shërbimin e tyre për një arsye, pasi që Qeveria e Kosovës ka bërë një diskriminim të madh që është bërë për një benificion shtesë për infermierët me 60 euro. Ne mendojmë se ata meritojnë edhe më shumë. Megjithatë, e gjithë ironia është se ne në të njëjtën objekt, në të njëjtën ndërtesë punojmë bashkërisht dhe ndoshta jemi shumë më të rrezikuar se mjekët dhe infermierët”, ka theksuar ai.

Për këtë, theksoi se për kaq muaj kanë kërkuar takim me ministrin e shëndetësisë dhe me ministrin e financave dhe kryeministrin, por, që një gjë e tillë nuk ka ndodhur.

“Kjo është protesta e fundit me të cilën do të merremi. Sepse pas kësaj proteste, nëse nuk do të ketë lëvizje pozitive ne do të jemi të obliguar pa dashje që të futemi në grevë. Dhe sigurisht greva do të kushton edhe për neve edhe për punëtorët, por edhe në veçanti për MSh-në, por edhe për pacientët”, ka shtuar ai.

Edhe Sabri Ejupi, përfaqësues i sektorit të sigurimit në QKUK, e quan diskriminuese mospërfshirjen e sektorit të sigurimit në pagën stimuluese.

“Jemi diskriminuar ne punëtorët e sigurimit dhe kështu që për këtë nuk kemi koment. Kemi telashe, vjen pacienti në dhomë, është mjeku, infermieri, së pari do të kalojë nga punëtori i sigurimit. Sigurimi diskriminohet në atë masë sa që nuk ka koment, pse të anashkalohemi ne. Duam të dimë pse, edhe ne jemi njerëz, edhe ne kemi pasur raste të infeksionit kemi çuar në shtëpi. Ka pasur raste që i ka vdekur familjari”, u shpreh ai.

Zejnije Vranovci, e cila punon në Spitalin e Gjilanit tha se shteti po ju bën diskriminim njerëzor.

“Ne punën më të madhe e bëjmë në spital. E kam pasur COVID-in, 21 ditë kam qëndruar në spital, 600 euro më kanë shkuar, duke blerë antibiotikë, fraksiparina e barna të tjera. Unë COVID-in e kam marrë në spital duke i pastruar dhomat me pacientë me COVID. E sot nuk e gëzojmë asnjë të drejtë, pse? Jemi punëtorë të mirëmbajtjes. Pa hy unë me pastruar dhomën dhe dyshemenë e shtratin ku qëndron pacienti me COVID, mjeku nuk mund të hyjë të bëjë vizitën dhe infermieri me dhënë terapinë”, u shpreh ajo e mllefosur.

Në kohën që po protestonin kryetarët e shoqatave sindikale të punëtorëve shëndetësor, sekretari i Ministrisë së Shëndetësisë, Naim Bardiqi ka takuar protestuesit.

Më pas, kryetari i Sindikatës së Pavarur të Kosovës, theksoi se në këtë takim u tha se këto kërkesa do të adresohen. Ai ka ftuar punëtorët të kthehen në punë deri në kohën kur do të merret një vendim nga institucionet.

Në gusht të këtij viti, Qeveria e Kosovës kishte vendosur që të ndajë pagesë shtesë prej 10 për qind për punëtorët shëndetësor.

Lajmet

Rritet importi i energjisë elektrike, bie prodhimi i thëngjillit në Kosovë

Published

10 hours ago

October 16, 2025

UBTnews

Agjencia e Statistikave të Kosovës bën të ditur se gjatë muajit gusht të vitit 2025, energjia elektrike bruto në dispozicion ishte 502.12 GWh, kurse konsumi i energjisë elektrike ishte 411.92 GWh ose 1.29 për qind më i madh sesa në muajin e njëjtë të vitit paraprak.

Sipas ASK-së, pjesëmarrja e energjisë elektrike alternative në kuadër të konsumit të përgjithshëm ishte 7.78 për qind.

Agjencia e Statistikave të Kosovës njofton se importi i energjisë elektrike në gusht të këtij viti është rritur 69.95 për qind krahasuar me periudhën e njëjtë të vitit të kaluar. Sipas ASK-së ka shënuar rënie prodhimi bruto nga termocentralet në KEK.

ASK njofton po ashtu se importi i energjisë elektrike në gusht të vitit 2025 ishte 360.623 GWh, ndërsa në periudhën e njëjtë të vitit të kaluar, importi ishte 212,197 GWh ose 148. 432 GWh më shumë.

Kurse eksporti i energjisë elektrike në të njëjtën periudhë ishte 243.28 GWh (këtu janë të përfshira edhe sasitë e transmisionit).

Ndërsa, sipas ASK-së prodhimi i thëngjillit për muajin gusht 2025 ishte rreth 495.66 mijë ton, që paraqet një rënie prej 18.68 për qind në krahasim me të njëjtin muaj të vitit të kaluar./KP

Lajmet

Gjermania konfiskon 720 milionë euro nga asetet e ngrira të bankës ruse

Published

10 hours ago

October 16, 2025

UBTnews

Gjykata e Lartë gjermane synon të konfiskojë rreth 720 milionë euro nga asetet e ngrira të një institucioni financiar rus, njoftoi sot sistemi gjyqësor në landin qendror Hesen.

Sipas autoriteteve, janë hapur procedura të posaçme me kërkesë të Zyrës Federale të Prokurorit të Përgjithshëm, raporton ATSH.

Banka ishte përfshirë në listën e embargos së Bashkimit Evropian ndaj Rusisë në qershor të vitit 2022, pas pushtimit të plotë të Ukrainës nga Rusia në shkurt të atij viti, thuhet në një deklaratë.

Si pasojë, të gjitha pasuritë e kompanisë në institucionet financiare dhe kreditore evropiane u ngrinë në përgjigje të sulmit ndaj Ukrainës.

Pak pas vendosjes së sanksioneve, persona të panjohur në bankë thuhet se kanë tentuar të tërheqin fondet, por urdhri përkatës elektronik i transferimit nuk është ekzekutuar.

Sipas procedurave, paratë do të konfiskohen në favor të arkës shtetërore./KP

Lajmet

Bie numri i lindjeve në Kosovë

Published

10 hours ago

October 16, 2025

UBTnews

Në muajin gusht të këtij viti janë regjistruar 2 mijë e 516 lindje (brenda dhe jashtë Kosovës). Prej këtyre lindjeve të regjistruara, 1 mijë e 284 lindje janë meshkuj dhe 1 mijë e 232 lindje janë femra.

Sipas Agjencisë së Statistikave të Kosovës (ASK), në muajin gusht 2025 ka rënie të numrit të lindjeve me rreth 6.4 për qind, krahasuar me muajin korrik 2025.

Ndërkaq, gjatë muajit gusht 2025 janë regjistruar gjithsej 914 raste të vdekjeve (brenda dhe jashtë Kosovës). Nga gjithsej vdekje të regjistruara, 515 janë meshkuj dhe 399 janë femra. Krahasuar me muajin korrik 2025, në muajin gusht janë regjistruar 4,3% më shumë raste të vdekjeve.

Po ashtu sipas ASK-së, në muajin gusht 2025 janë regjistruar gjithsej 1 mijë 972 kurorëzime (brenda dhe jashtë Kosovës). Krahasuar me muajin korrik 2025, në muajin gusht ka rritje të numrit të kurorëzimeve për 59,5%.

Ndërsa, në këtë periudhë janë regjistruar 97 raste të shkurorëzimeve në Kosovë, ku krahasuar me muajin korrik 2025 ka rënie të numrit të shkurorëzimeve për (-45,2%)./KP

Lajmet

Debat i ashpër për Kosovën në Kuvendin e Shqipërisë

Published

11 hours ago

October 16, 2025

UBTnews

Kuvendi i Shqipërisë ka rrëzuar kërkesën e opozitës për një mocion me debat në lidhje me programin qeverisës për katër vitet e ardhshme. Me 73 vota kundër nga shumica, mocioni nuk kaloi, duke nxitur kështu reagime nga përfaqësues të opozitës.

Kryetari i Grupit Parlamentar të Partisë Socialiste, Taulant Balla, u shpreh se kërkesa e opozitës ishte e mangët dhe në kundërshtim me rregulloren e Kuvendit.

“Opozita nuk ka vullnet për debat real, ndaj dhe kërkesat e tyre nuk janë të plota”, tha Balla.

Debatet në seancë gjatë ditës së sotme, u përqendruan edhe rreth Kosovës, ka raportuar Euronews.

Kryetari i Partisë Demokratike, Sali Berisha e quajti kryeministrin Edi Rama “shërbëtor të Vuçiçit”, ndërsa kritikoi edhe mungesën e një rezolute në Kuvend për gjenocidin serb në Kosovë. Poashtu edhe deputeti demokrat Tomor Alizoti e kritikoi mungesën e trajtimit të çështjes së Kosovës në programin qeverisës.

“Asnjë fjalë për Kosovën, asnjë qëndrim i qartë për rezolutën për gjenocidin. Kjo është një turp publik”, tha Alizoti.

Pjesë e debatit u bë edhe deputeti i PS-së, Ardit Bido, i cili tha se në Kuvend po dëgjohen deklarata që përshkruajnë liderët e UÇK-së si të akuzuar për gjenocid në Serbi – një gjë që, sipas tij, nuk e ka bërë as vetë Serbia. Berisha e mohoi këtë, duke e akuzuar Bidon për deformim të deklaratave.

Më vonë, përmes një video-mesazhi, Bido tha se nuk iu përgjigj dot Berishës në foltore për shkak të një problemi familjar, ndërsa sqaroi se deklarata për gjenocidin ishte bërë nga Tritan Shehu, jo nga Berisha.

Tutje gjatë këtij debati dhe në këtë seancë të Kuvendit, kreu i Partisë Republikane, Fatmir Mediu, deklaroi se do të marrë pjesë në protestën e së premtes në Tiranë në mbështetje të UÇK-së, duke theksuar se atje do të jetë si qytetar, jo si politikan.

Balla konfirmoi se kryeministri Edi Rama nuk do të marrë pjesë në protestë me arsyetimin se prezenca e tij do të politizonte ngjarjen./EO