Lajmet

Protestojnë punëtorët e sigurimit fizik të KEK-ut: Grevë nëse nuk plotësohen kërkesat tona

Azemi thotë se që më shumë se 15 vite padrejtësitë ndaj shërbimit të sigurisë së KEK-ut nuk kanë të ndalur.

Published

4 years ago

on

Punëtorët e sigurimit fizik në Korporatën Energjetike të Kosovës (KEK) kanë protestuar duke kërkuar realizimin e kërkesave të tyre që i kanë tash e sa vite. Me pankartat me mbishkrimet “Ne jemi të huazuar dhe jo të privatizuar”, “Nuk lejojmë të shitemi tutje”, kanë protestuar nga sheshi “Zahir Pajaziti” drejt objektit të Qeverisë. Ata kërkojnë respektimin e të drejtave të garantuara me ligj si dhe kthimin e Departamentit të sigurisë fizike në KEK. Sipas tyre, nëse kërkesat e tyre nuk realizohen së shpejti, ata do të hyjnë në grevë prej datës 24 mars.

Kryetari i Shoqatës Sindikale “Mbrojtja dhe Siguria”, Haki Azemi thotë se që më shumë se 15 vite padrejtësitë ndaj shërbimit të sigurisë së KEK-ut nuk kanë të ndalur dhe se qëllimi i tyre është t’u thonë stop manipulimeve.

“Ne ishim pjesë e saj, ishim dikur, por më të drejtë kërkojmë që të jemi prapë të kthehemi aty ku ishim dikur sepse padrejtësisht na kanë ndarë, na kanë tjetërsuar dhe për interesa të grupeve, që unë di t’ju them edhe kriminale të disa individëve, të cilët ishin shumë të ngushtë me qeveritë e kaluara dhe me anën e tenderëve na kanë tenderuar, shitur, rraskapitur dhe në fund na kanë plaçkitur”, tha ai.

Nga sheshi pranë objektit qeveritar, Azemi paralajmëroi grevë nëse nuk ka ndonjë përgjigje qoftë edhe ajo me vendim të shkruar deri me datën 23 mars.

“Në emër të Shoqatës Sindikale ‘Mbrojta dhe Siguria’, kryeministrit të Republikës së Kosovës, Albin Kurti, ministres Rizvanolli dhe të gjithë të tjerëve akterë në këtë proces në qoftë se kërkesat tona legjitime hasin në vesh të shurdhër atëherë ne jemi të detyruar ta përdorim edhe mjetin e fundit, por jo të paligjshëm, të ligjshëm që ta shpallim një grevë gjithëpunëtore… Prandaj kërkesa jonë është legale, legjitime në qoftë se Qeveria, ministria edhe KEK-u nuk merren me punën tonë seriozisht me datën 24 mars, unë paralajmëroj nga këtu grevë gjithëpunëtore, do i mbyllim laurat e KEK-ut edhe do i vështirësohet puna e prodhimit të energjisë elektrike… Që padrejtësitë në të kaluarën t’i korrigjojmë jemi të shtyrë grevën ta mbajmë deri në realizimin e kërkesës sonë”, u shpreh ai.

Kryetari i Sindikatës së Re të KEK-ut, Nexhat Llumnica thotë se ky departament është huazuar ne vitin 2004, 2 plus 1, mirëpo që asnjë e drejtë nuk ka ndodhur që atëherë. Nga Qeveria e Kosovës po kërkojnë realizimin e kërkesave, duke theksuar se në këtë departament nuk ka vetëm penzioner të punësuar, por ka edhe të rinj.

“Kjo qeveri e tanishme në një të kaluar na ka thënë se keni të drejtë plotësisht, sepse huazimi nuk është privatizim, sepse kjo shoqëri nuk ka marrë aksione se këtë shoqëri nuk e ka privatizuar askush. Kjo po tenderohet paligjshëm, prandaj sot po i themi mos i kërkoni edhe ju 20 vite, filloni punë ashtu siç keni premtuar ndaj kësaj klase punëtore, ndaj këtij departamenti… Nëse dje ka qenë i padrejtë tenderimi unë, besoj që Ligji i punës edhe ligjet në Kosovë nuk kanë ndryshuar prandaj kemi të drejtë”, theksoi ai.

Para objektit të Qeverisë protestuesit kanë qëndruar të ulur në tokë rreth 10 minuta duke kërkuar takim me kryeministrin, por që ky i fundit nuk është paraqitur. Nga aty vazhduan drejt Kuvendit të Kosovës ku edhe nga aty kërkuan takim me deputetë, por të njëjtit nuk i janë përgjigjur kërkesë së tyre. 

Related Topics:
Continue Reading

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

9 hours ago

on

October 21, 2025

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

10 hours ago

on

October 21, 2025

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

10 hours ago

on

October 21, 2025

By

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

“Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Continue Reading

Lajmet

​Vdes në moshën 29-vjeçare kampioni amerikan i shahut

Published

11 hours ago

on

October 21, 2025

By

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara