Lajmet

Protestojnë punëtorët e KEK-ut, kanë pesë kërkesa

Ata po kërkojnë realizimin e kërkesave që janë adresuar më parë.

Published

on

Sindikata e Re e KEK-ut është duke protestuar para ndërtesës së Toskanës në Prishtinë. Tashmë disa nga punëtorët janë mbledhur për të protestuar, e ku po kërkojnë realizimin e kërkesave që janë adresuar më parë.

Ata po kërkojnë rrogën e 13-të për punëtorët e KEK-ut, sigurimi shëndetësor të bëhet për afat njëvjeçar, e jo për çdo tre muaj sikurse është tani, zbatimi i marrëveshjes kolektive, sektoriale, sigurimi i pajisjeve personale mbrojtjes për punëtorë si dhe mjetet higjienike, janë disa nga arsyet e protestës së sotme.

Po ashtu po kërkohet që të paguhen kushtet e punës për të gjithë punëtorët e KEK-ut. 

Botë

Mbretëria e Bashkuar, Australia dhe Kanadaja kanë njohur shtetin palestinez

Published

on

Mbretëria e Bashkuar, Australia dhe Kanadaja kanë njohur shtetin palestinez, ndërsa Franca dhe vende të tjera pritet ta bëjnë këtë në ditët në vijim.

Kryeministri izraelit Benjamin Netanyahu paralajmëroi më parë se vendimet do të shpërblenin terrorizmin monstruoz të Hamasit.

SHBA-të gjithashtu kanë shprehur kundërshtim të fortë ndaj këtij veprimi, shkruan BBC.

Çfarë do të thotë njohja e një shteti palestinez?

Palestina ka një shkallë të lartë njohjeje ndërkombëtare, misione diplomatike jashtë vendit dhe ekipe që garojnë në gara sportive, përfshirë Lojërat Olimpike.

Por për shkak të mosmarrëveshjes së gjatë të palestinezëve me Izraelin, ajo nuk ka kufij të dakordësuar ndërkombëtarisht, as kryeqytet dhe as ushtri.

Për shkak të pushtimit ushtarak të Izraelit në Bregun Perëndimor, autoriteti palestinez, i krijuar pas marrëveshjeve të paqes në vitet 1990, nuk ka kontroll të plotë mbi tokën ose popullin e saj. Gaza, ku Izraeli është gjithashtu fuqia pushtuese, është në mes të një lufte shkatërruese.

Duke pasur parasysh statusin e saj, njohja është në mënyrë të pashmangshme disi simbolike. Do të përfaqësojë një deklaratë të fortë morale dhe politike, por do të ndryshojë pak në terren.

Por simbolika është e fortë. Siç theksoi ish-sekretari i jashtëm i Mbretërisë së Bashkuar David Lammy gjatë një fjalimi në OKB në korrik: “Britania mban një barrë të veçantë përgjegjësie për të mbështetur zgjidhjen me dy shtete.”

Kush e njeh Palestinën si shtet?

Palestina njihet aktualisht nga rreth 75% e 193 shteteve anëtare të OKB-së.

Në OKB, ajo ka statusin e një shteti vëzhgues të përhershëm, duke lejuar pjesëmarrjen, por pa të drejtë vote, shkruan BBC.

Me njohjen nga Britania dhe Franca, Palestina së shpejti do të gëzojë mbështetjen e katër prej pesë anëtarëve të përhershëm të Këshillit të Sigurimit të OKB-së.

Kina dhe Rusia e njohën Palestinën në vitin 1988. Kjo do ta lërë SHBA-në, aleatin më të fortë të Izraelit deri tani.

Uashingtoni e ka njohur Autoritetin Palestinez, të kryesuar aktualisht nga Mahmoud Abbas, që nga formimi i tij në mesin e viteve 1990.

Që atëherë, disa presidentë kanë shprehur mbështetjen e tyre për krijimin përfundimtar të një shteti palestinez.

Por Donald Trump nuk është njëri prej tyre. Nën dy administratat e tij, politika amerikane është anuar shumë në favor të Izraelit./S.K/KP/BBC/

Continue Reading

Aktualitet

Sot nis dëshminë në Hagë dëshmitari i tretë nga mbrojtja e Thaçit

Published

on

E përditësuar:

08:10

Pas dëshmisë së ish-ndihmëssekretarit amerikan të Shtetit, James Rubin dhe ish-këshilltarit ligjor të delegacionit të Kosovës gjatë negociatave në Rambuje, Paul Williams  sot do të dëgjohet edhe dëshmitari i tretë.

Në Dhomat e Specializuara të Kosovës në Hagë do të dëgjohet dëshmia e një britaniku, dëshmitar ky i thirrur nga mbrojtja e ish-presidentit Hashim Thaçi.

Seanca do të nis me fillim nga ora 09:00.

Mbrojtja e Thaçit dhe ish-krerëve të UÇK-së ka thirrur gjithsej 11 dëshmitarë përpara Dhomave të Specializuara në Hagë, të cilët do të paraqiten gjatë javëve në vijim.

Ndërsa dy të tjerë janë nga mbrojtja e Jakup Krasniqit, ndërsa mbrojtja e Kadri Veselit dhe Rexhep Selimti nuk ka ende të paraqitur dëshmitar./S.K/EO/

Continue Reading

Botë

Mbretëria e Bashkuar pritet të njoh shtetin palestinez

Published

on

Përmes një deklarate të bërë dje, kryeministri Keir Starmer tha se pritet të njoftojë njohjen e shtetit palestinez nga Mbretëria e Bashkuar.

Kryeministri tha në korrik se Mbretëria e Bashkuar do të ndryshonte qëndrimin e saj nëse Izraeli nuk përmbushte disa kushte, duke përfshirë rënien dakord për një armëpushim në Rripin e Gazës dhe angazhimin për një proces paqeje afatgjatë që çon në bashkëjetesën e një shteti palestinez me Izraelin.

Udhëheqja izraelite e ka përjashtuar këtë mundësi që nga fillimi i luftës pas sulmit të Hamasit në Izraelin jugor më 7 tetor 2023, në të cilin u vranë 1,200 persona dhe u morën peng 251.

Vepra e kryeministrit ka tërhequr kritika të ashpra nga qeveria izraelite, familjet e pengjeve të mbajtura në Gaza dhe disa konservatorë./S.K/KP/BBC

Continue Reading

Lajmet

Cena pas shpalljes kampion ballkanik: Disiplina dhe fokusi janë çelësi i suksesit

Published

on

Xhudisti nga Kosova, Dardan Cena është shpallur kampion i Ballkanit në Kampionatin Ballkanik. Cena triumfoi ndaj të gjithë rivalëve të tij në kategorinë deri në 73 kilogram, duke treguar kështu fuqinë dhe potencialin e madh që ka për të ardhmen e tij në sportin e xhudos.

Për ta arritur një sukses të tillë, Cena tha se ushtron tre herë në ditë për përkushtim maksimal dhe se ia doli të triumfojë edhe për kundër rivalëve shumë të fortë që i kishte në rrugën drejt medaljes së artë në këtë kampionat.

“Normalisht ne ushtrojmë tre herë në ditë dhe jemi gjithmonë të përgatitur pavarësisht kohës edhe kemi ushtruar shumë jo vetëm për Kampionatin Ballkanik por edhe për garat tjera që na presin në të ardhmen. Edhe besoj që kjo performanca e Kampionatit Ballkanik do të vazhdojë edhe në garat tjera. Normalisht nuk ka rival të dobët, ka qenë konkurrenca mjaftë e fortë por kemi arritur që t’i mposhtim gjithashtu kundërshtarët tjerë dhe të dal rezultati i kënaqur për të gjithë, jo vetëm për mua”, theksoi Cena.

Në suksesin e tij, Cena thotë se meritat kryesore shkojnë për trajnerët Driton Kuka, Majlinda Kelmendi dhe trajnerë të tjerë.

“Unë kam pasur biseda gjithmonë para luftës, pas luftës, gjatë luftës me trajnerin Tonin, Majlindën, Fatosin dhe të gjithë trajnerët që kanë qenë aty të pranishëm, do të thotë nuk ka munguar asgjë brenda në sallë aty, kam qenë i përmbushur si me taktikë, si me forcë, si me gjithçka duke iu falënderuar trajnerëve. Puna ime kryesore është me Tonin (Driton Kuka), ajo është puna e gjithkujt, por pastaj kemi edhe ndihmës-trajnerët si Majlinda Kelmendi, Nora Gjakova, Fatos Tabaku e të tjerë.“, vijon tutje ai.

Përtej Ballkanikut, Cena thotë se në të ardhmen synon që trofe të tjerë edhe në garat që vijnë, derisa shton se sporti i xhudos tashmë i është bërë mënyrë jetese e përditshme.

“Synimet janë të mos ndalem, të vazhdojë kështu në çdo lloj gare edhe të jap maksimumin nga vetja që ta bëjë krenar trajnerin, klubin dhe të gjithë ata që na përkrahin…Gjithçka që duhet është disiplina dhe fokusi, të tjerat nuk janë problem. Ne punojmë në bazë të programit të trajnerit dhe nuk kemi asnjëherë probleme as për stërvitje as për asgjë. Do të thotë na u ka bërë pjesë e jetës xhudos, ushtrime gjumë, ushtrime gjumë dhe kjo është e gjitha për ne”, bëri të ditur Cena.

Ndryshe, Kosova shkëlqeu në Kampionatin Ballkanik me gjashtë medalje të arta, gjashtë të argjendta dhe një medalje të bronztë./S.K/KP/

Continue Reading

Të kërkuara