Lajmet
Protesta masive në Koçan pas tragjedisë së rëndë: Sulmohen me gurë lokalet
Tragjedia e rëndë në qytetin e Koçanit, ku 59 persona humbën jetën dhe mbi 150 të tjerë u plagosën si pasojë e një zjarri masiv në klubin e natës “Pulse”, ka shkaktuar zemërim të madh në opinionin publik maqedonas. Qytetarët e Koçanit zhvilluan këtë të hënë një protestë masive, duke kërkuar dënimin e personave përgjegjës.
Qytetarët shprehën pakënaqësinë ndaj autoriteteve shtetërore për lejimin e funksionimit të një lokali nate që nuk plotësonte kushtet e sigurisë.
Mijëra protestues, kryesisht të rinj, u mblodhën në rrugët e qytetit duke shprehur revoltën e tyre ndaj institucioneve përgjegjëse. Demonstruesit sulmuan me gurë disa lokale nate dhe klube të tjera në qytet.
Në një mbledhje të jashtëzakonshme, Qeveria e Maqedonisë së Veriut shpalli 7 ditë zie kombëtare për të nderuar viktimat e tragjedisë. Gjithashtu, ajo urdhëroi Inspektoratin Shtetëror të Tregut të kryejë kontrolle të jashtëzakonshme në të gjitha objektet e hotelerisë, duke përfshirë klubet e natës dhe diskotekat, për të verifikuar nëse ato plotësojnë kushtet e sigurisë.
Sipas hetimeve fillestare, zjarri u shkaktua nga spërkatës të përdorur për efekte vizuale skenike, të cilët ndezën çatinë e përbërë nga druri. Më vonë u konfirmua se klubi “Pulse” funksiononte me një licencë të falsifikuar dhe se nuk kishte sisteme të duhura të sigurisë kundër zjarrit.
Pronari i klubit, i cili tentoi të largohej nga vendi, u arrestua së bashku me 19 persona të tjerë, përfshirë ish-zyrtarë shtetërorë që dyshohet se kanë lejuar funksionimin e paligjshëm të lokalit.
Kryeministri Hristijan Mickoski ka reaguar ashpër ndaj ngjarjes, duke e cilësuar atë si një “vrasje masive” të shkaktuar nga korrupsioni dhe neglizhenca institucionale. “Këtu nuk ka politikë, të gjithë do të përgjigjen. Nëse dikush mendon se mund të shpëtojë duke luajtur kartën etnike, e ka gabim. Nuk do të ketë mëshirë për përgjegjësit,” deklaroi ai.
Ngjarja e rëndë në Koçan ka tronditur mbarë opinionin publik dhe ka nxitur reagime të shumta mbi gjendjen e sigurisë në vend. Ndërkohë, familjarët e viktimave kërkojnë drejtësi, ndërsa hetimet vijojnë për të zbuluar të gjithë përgjegjësit e kësaj tragjedie.
Ish-presidenti, Hashim Thaçi pas vizitës që i bëri varrit të babait të tij, Haxhi Thaçi dhe shtëpisë së tij, ku është takuar me nënën dhe bashkëshortën e tij, është dërguar në EULEX, ku pritet të takojë edhe anëtarë tjerë të familjes.
Tek hyrja e EULEX kanë dal edhe disa qytetarët të cilët e kanë pritur me brohoritje.
Përndryshe, disa media kanë raportuar se Hashim Thaçi sonte do të qëndrojë në EULEX, por është raportuar edhe mundësia që ai të qëndrojë dy ditë ne EULEX, për të takuar anëtarë e tjerë nga familja.
Ish-presidenti i Kosovës, Hashim Thaçi sot vizitoi varrin e babait të tij, në fshatin Burojë të Skenderajt.
Nën masa të rrepta të sigurisë, Thaçi u soll nga Haga në Kosovë pesë ditë pas vdekjes së babait të vet, Haxhi Thaçit, dhe tri ditë pas varrimit.
Gjykata Speciale nuk i dha leje Thaçit të marrë pjesë në varrimin e babait të vet, të martën më 18 mars.
Thaçi po përballet me një proces të tejzgjatur gjyqësor, nën akuzat për krime të pretenduara të luftës.
Ai është deklaruar i pafajshëm për të gjitha pikat e aktakuzës
Lëvizja Vetëvendosje ka dorëzuar sot në Gjykatën Supreme ankesën për anulimin e rreth 19 mijë votave për Lidhjen Demokratike të Kosovës (LDK), në kuadër të zgjedhjeve parlamentare të 9 shkurtit, pasi konsideron se ato janë të manipuluara.
Në një postim në Facebook, Lëvizja Vetëvendosje thotë se edhe njëherë kërkon rivotimin me postë dhe largimin nga lista të kandidatëve “që kanë marrë vota në mënyrë të pakrahasueshme më shumë përmes votimit me postë sesa në vendvotime në Kosovë dhe mos zëvendësimin e tyre me anëtarë të tjerë të LDK-së.”
“Vetëm përmes pranimit të ankesës sonë mund të rivendoset legjitimiteti i zgjedhjeve në Kosovë. Faktet kanë dëshmuar për një vjedhje industriale të votave dhe presim nga Gjykata Supreme që të korrektojë vendimin e padrejtë të PZAP-së e të marrë vendimin e duhur për ta parandaluar një precedent të tillë në të ardhmen”, thuhet në postim.
Këto sëmundje mund t’i trajtoni me qepë
Princi William dërgon mesazh të drejtpërdrejtë pranë kufirit rus
Çfarë të bëni kur vuani nga tensioni i ulët?
Audi braktis planet për elektrifikim të plotë
“Dardanët” nisen drejt Spanjës, të gatshëm për ndeshjen e kthimit
Ish-punonjësi i Eminem, i akuzuar për shitjen e këngëve të papublikuara të reperit, dënohet me burg
Thaçi në EULEX, pritet të takojë anëtarët e tjerë të familjes
Vazhdojnë raportimet për kthimin e Messit te Barça
Bisedë me Jehona Shaqiri: Radio ka magji! Këngëtarja bën thirrje të dëgjohet zëri i gazetarëve të zellshëm
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota2 months agoTrump zbulon listën e zezë të Shtëpisë së Bardhë