Lajmet nga UBT

Promovohet libri “Seksualiteti i Njeriut”, i profesorit të UBT-së, Hajrullah Fejza

Në prani të mysafirëve, studentëve dhe profesorëve, në ambientet e UBT-së, në Prishtinë, është promovuar libri “Seksualiteti i Njeriut”, i profesorit të UBT-së, Hajrullah Fejza.

Published

on

Rektori i UBT-së, prof.dr Edmond Hajrizi tha se botimi i këtij libri ishte shumë i nevojshëm për këtë kohë pasi që shpesh herë mënyrat jo të sakta të informimit përmes internetit dhe kanaleve tjera të internetit nuk ofrojnë njohuri të duhura.

“Kohëve të fundit, edukimi seksual është bërë një temë e cila po vërehet se në shoqërinë tonë ka nevojë të trajtohet, dhe konsiderojmë që është pikërisht akademia dhe aspekti profesional i trajtimit të saj, ai i cili prinë drejt kësaj teme në shqyrtimin dhe dhënien e përgjigjeve drejt pikëpyetjeve konkrete, në aspektin e edukimit dhe të ngritjes së debatit e trajtimit për informimin dhe edukimin mbi shëndetin seksual”, tha rektori Hajrizi.

Dekan i Shkencave Mjekësore në UBT, prof.dr Fitim Alidema, njëherësh edhe recenzent i librit, ka vlerësuar tejet lartë këtë libër të autorit Hajrullah Fejza duke thënë se edukimi mbi seksualitetin duhet të fillojë nga familja, nga prindërit, në shkollë nga mësimdhënësit të përgatitur për të trajtuar tema të tilla.

“Ky libër  dhe disa kapituj me rendësi të këtij libri do të ju shërbej studenteve tanë të Shkencave Mjekësore të edukohen më mirë rreth jetës seksuale po ashtu të marrin më shumë informacione rreth jetës seksuale të shëndetshme, Këto informacione t’i shpërndajnë edhe te moshatarët e tyre”, tha prof.dr Fitim Alidema.

Specialisti i sëmundjeve infektivë, njëherit edhe recenzent i librit, prof.dr Ilir Tolaj, ka vlerësuar punën e profesorit Fejza, duke thënë se ai i ka kushtuar një vëmendje të veçantë edukimit seksual për nga aspekti shkencorë.

“Seksualiteti është një pjesë integrale e të qënit njeri dhe një diskutim i hapur i çështjeve të seksualitetit është i rëndësishëm për promovimin e shëndetit dhe përgjegjësisë seksuale. Libri i doktorit të mjekësisë dhe shkencave, Hajrullah Fejza, i cili është i pari i këtij lloji në gjuhën shqipe, i adreson shumë aspekte seksuale, dhe zotëri Fejza seksualitetit të njeriut dhe shëndetin seksual i referohet përmes shumë faktorëve që ndikojnë në funksionimin seksual dhe riprodhimin”, ka thënë Tolaj.

Profesoresha e Psikologjisë në UBT, Violetë Zefi, nënvizoi rëndësinë e edukimit seksual duke theksuar se një lëndë e tillë do të ishte shumë e mirëseardhur në shkolla.

“Kjo e ka vënë në pah rëndësinë që e ka edukimi seksual dhe rrjedhimisht domosdoshmërisht një lëndë e tillë të fillohet të ligjërohet, personalisht do të preferoja ta quaja jo edukim seksual por edukim shëndetësorë”, ka thënë ajo.

Autori i librit, Hajrullah Fejza ka treguar se ky libër ju dedikohet atyre që duan të mësojnë për seksualitetin e që vijnë nga fusha e shkencave mjekësore, psikologjike e sociale e pastaj edhe gjithë atyre njerëzve kureshtar që duan të informohen për seksualitetin, duke filluar nga parahistoria e deri në ditët e sotme.

Tutje, Hajrullahu tha se shpreson shumë që ky libër do t’iu shërbej për të mësuar ato gjëra për të cilat lexuesit kanë nevojë më shumë, duke qenë i sigurt se të gjitha informatat e dhëna kanë mbështetje në evidencë të bazuar shkencore.

Continue Reading

Vendi

UBT sërish në mesin e institucioneve më të vlerësuara shkencore në Kosovë

Published

on

By

UBT vazhdon të dëshmojë përkushtimin dhe rezultatet e tij në avancimin e shkencës dhe kërkimit shkencor, duke ruajtur edhe këtë vit pozicionin në mesin e institucioneve më të vlerësuara shkencore në Kosovë, sipas renditjes së Kosovo National H-Index Ranking.

Në këtë renditje, UBT konfirmon vazhdimësinë e performancës së tij shkencore, duke u pozicionuar krahas Universitetit të Prishtinës në krye të institucioneve shkencore në vend. Ky vlerësim përbën një tjetër dëshmi të punës së vazhdueshme të stafit akademik, studiuesve dhe grupeve kërkimore të UBT-së në prodhimin e njohurive të reja dhe avancimin e shkencës.

Kosovo National H-Index Ranking është një renditje e pavarur që vlerëson ndikimin dhe produktivitetin shkencor të studiuesve dhe institucioneve në Kosovë, duke u bazuar në H-indeksin e konsoliduar dhe të dhënat nga platformat kryesore ndërkombëtare shkencore, përfshirë Web of Science, Scopus dhe Google Scholar.

Ruajtja e këtij pozicioni edhe këtë vit dëshmon për konsistencën e UBT-së në zhvillimin e kërkimit shkencor, rritjen e prezencës akademike dhe fuqizimin e bashkëpunimit me komunitetin shkencor ndërkombëtar.

Për UBT-në, ky rezultat përfaqëson jo vetëm një vlerësim të arritjeve të deritanishme, por edhe një motivim të mëtejshëm për të investuar në kërkim, inovacion dhe ekselencë akademike, duke kontribuar në zhvillimin e shkencës në Kosovë dhe përtej saj.

Linku: https://xk.h-index.com/al/wos?fbclid=IwAR1CKUcHFSGRtCMivI44ZZI-W5FlFad1d3E3O55BkULZRlvKqxMZg3i5mXA

 

Continue Reading

Vendi

Shiroka Pula me mesazh për NATO-n: Synimi ynë, ushtarët e Kosovës krah për krah me aleatët

Published

on

By

Presidentja e Kosovës, Justina Shiroka Pula, ka ritheksuar se anëtarësimi në NATO mbetet një nga synimet kryesore strategjike të vendit. Gjatë ceremonisë së shënimit të 10-vjetorit të Ekipit Këshillues dhe Ndërlidhës të NATO-s në Kosovë (NALT), ajo deklaroi se ambicia e Kosovës është zhvillimi i mëtejmë i Forcës së Sigurisë së Kosovës (FSK), në mënyrë që ushtarët kosovarë të shërbejnë një ditë krah për krah me ata të vendeve aleate.

Duke rikujtuar rolin vendimtar të Aleancës në çlirimin e vendit më 1999, me Shtetet e Bashkuara të Amerikës në krye, presidentja theksoi se NATO zë një vend të veçantë në historinë e Kosovës dhe mbetet simbol i lirisë dhe sigurisë së saj.

Shiroka Pula vlerësoi lart mbështetjen që NALT-i ka ofruar gjatë kësaj dekade për Ministrinë e Mbrojtjes, FSK-në dhe Agjencinë e Menaxhimit Emergjent. Sipas saj, kjo ndihmë ka ndikuar drejtpërdrejt në ngritjen e kapaciteteve profesionale, forcimin e strukturave institucionale, mbikëqyrjen demokratike dhe avancimin e menaxhimit të emergjencave.

Në përmbyllje të ceremonisë, presidentja falënderoi gjeneralin Thomas Schulte-Borghoff dhe të gjithë pjesëtarët e NALT-it për përkushtimin dhe mbështetjen e vazhdueshme ndaj institucioneve të Kosovës, duke i uruar me rastin e 10-vjetorit të themelimit. /E.A/

 

 

 

 

 

 

Continue Reading

lajme

UBT prezanton dy punime shkencore në Konferencën Ndërkombëtare “AI Horizon” të Akademisë së Shkencave të Shqipërisë

Published

on

By

UBT po merr pjesë në Konferencën Ndërkombëtare Shkencore “AI Horizon – A New Era of Creativity and Innovation”, të organizuar nga Akademia e Shkencave e Shqipërisë, më 12–13 nëntor 2026, në Tiranë, ku UBT është një nga partnerët e kësaj ngjarjeje të rëndësishme shkencore ndërkombëtare.

Në këtë konferencë, UBT përfaqësohet nga rektori, Prof. Dr. Edmond Hajrizi, dekani i Fakultetit të Shkencave Kompjuterike, Besnik Qehaja, dhe asistenti Elton Boshnjaku, të cilët prezantuan dy punime shkencore që trajtojnë zhvillimet më të fundit në fushat e Internetit të Gjërave (IoT), Qyteteve të Mençura (Smart City), Vizionit Kompjuterik dhe Inteligjencës Artificiale.

Dy punimet shkencore të prezantuara janë: “Mobile Augmented Reality with an LLM Assistant Connected to Live Sensor Data for Remote Learning in a University Campus Digital Twin”

Punimi trajton integrimin e realitetit të shtuar mobil me një asistent të bazuar në modele të mëdha gjuhësore (LLM), të ndërlidhur me të dhëna në kohë reale nga sensorët, duke krijuar mundësi të reja për mësim interaktiv dhe në distancë përmes binjakut digjital të kampusit universitar.

“Secure Protocol Translation and Weather-Referenced Drift Detection for Commercial IoT Devices on Azure IoT Hub: A 4G Node Case Study in a University Smart City”

Ky punim fokusohet në sigurinë dhe ndërveprimin e pajisjeve komerciale IoT, përmes përkthimit të protokolleve të komunikimit dhe zbulimit të devijimeve të të dhënave në raport me kushtet atmosferike, duke u mbështetur në një rast studimor me nyje 4G në kuadër të një Smart City universitar.

Përmes këtyre dy prezantimeve, përfaqësuesit e UBT-së sollën para komunitetit shkencor ndërkombëtar rezultate kërkimore dhe qasje inovative që ndërlidhin inteligjencën artificiale, sensorët inteligjentë, realitetin e shtuar dhe infrastrukturën e qyteteve të mençura.

Pjesëmarrja e UBT-së në këtë konferencë, krahas prezantimit të rezultateve shkencore, përfaqëson edhe një mundësi të rëndësishme për zgjerimin e bashkëpunimit me institucionet akademike dhe kërkimore, shkëmbimin e përvojave dhe avancimin e projekteve inovative.

UBT vazhdon të dëshmojë përkushtimin e tij ndaj kërkimit shkencor, inovacionit dhe bashkëpunimit ndërkombëtar, duke kontribuar aktivisht në zhvillimin dhe zbatimin e teknologjive të së ardhmes.

Continue Reading

Lajmet

Leonardo da Vinci sjell frymën e Rilindjes në UBT – ekspozitë që ndërthur artin, shkencën dhe inovacionin

Published

on

By

Kampusi Shkencor Inovativ dhe Teknologjik i UBT-së është bërë nikoqir i një ekspozite të veçantë kushtuar njërit prej mendjeve më të jashtëzakonshme në historinë njerëzore, Leonardo da Vincit.

Përmes kësaj ekspozite, studentët, stafi akademik dhe vizitorët kanë mundësi të njihen më nga afër me botën krijuese të Da Vincit, idetë e tij revolucionare dhe projektet që dëshmojnë gjenialitetin e tij në fusha të ndryshme, nga arti e anatomia, deri te inxhinieria dhe teknologjia.

E organizuar në kuadër të edicionit të XXVI të Javës së Gjuhës Italiane në Botë, me temën “Gjuhë e mirësjelljes, gjuhë gjeniale: të ideosh, të projektosh, të krijosh me italisht”, ekspozita sjell në vëmendje rëndësinë e gjuhës, kulturës dhe trashëgimisë italiane në zhvillimin e mendimit krijues dhe shkencor.

Ky aktivitet është realizuar në bashkëpunim me Ambasadën e Italisë në Prishtinë dhe përfaqëson një mundësi të rëndësishme për të nxitur kureshtjen intelektuale, kreativitetin dhe frymën inovative te gjeneratat e reja.

Përmes kësaj ekspozite, UBT sjell në kampusin e tij trashëgiminë e një figure që vazhdon të frymëzojë botën, duke dëshmuar se idetë e mëdha nuk njohin kohë dhe se arti, shkenca dhe teknologjia janë pjesë e së njëjtës gjuhë: gjuhës së inovacionit.

 

 

 

Continue Reading

Të kërkuara