Sport

Promovohet libri “Kryemjeshtri” kushtuar trajnerit Driton Kuka

Roli i trajnerit Kuka në promovimin e Kosovës në arenën ndërkombëtare u vlerësua lartë nga figura të shquara nga fusha e sportit dhe politikës.

Published

4 years ago

February 22, 2023

Betim Gashi

“Kryemjeshtri” është titulli i librit i promovuar sot në Bibliotekën Universitare të Kosovës kushtuar trajnerit më të mirë në botë në sportin e xhudos, Driton Kuka, me autor Arsim Maxherran.

Roli i trajnerit Kuka në promovimin e Kosovës në arenën ndërkombëtare u vlerësua lartë nga figura të shquara nga fusha e sportit dhe politikës në vend duke e cilësuar atë si udhëheqësin e sukseseve të njëpasnjëshme që Kosova i ka arritur me anë të sportit të xhudos.

Ministri i Ministrisë së Kulturës, Rinisë dhe Sportit, Hajrulla Çeku tha se ky libër do të dëshmojë dhe do të shpërfaq rrugën e gjatë të përshkuar nga trajneri Driton Kuka deri te sukseset kulminante. Ai tutje theksoi se sporti i xhudos do të ketë përkrahjen e vazhdueshme të kësaj ministrie dhe të shtetit në mënyrë që të sigurohet vazhdimësia e sukseseve në këtë sport, formulën e të cilave Kuka duhet ta mbaj sekrete përballë shteteve të tjera.

Nga ana tjetër, presidenti i Komiteti Olimpik të Kosovës, Ismet Krasniqi, duke e falënderuar autorin për librin e botuar, tha se medaljet e shumta, në mesin e të cilave tri të arta olimpike dëshmojnë dhe vërtetojnë se puna e Tonit është e pakrahasueshme dhe e papërsëritshme në këtë sport.

Autori i librit Maxherra theksoi se megjithëse ka shumë më shumë për tu thënë për Driton Kukën, aty ka detaje që asnjëherë më parë nuk janë bërë publike.

Vet “kryemjeshtri”, Driton Kuka pasi pranoi kopjen e parë të librit tha para të pranishmëve se ndihet krenar për punën dhe sukseset e arritura deri më tani, por që është i bindur gjithmonë se ka mundur dhe mund të bëhet edhe më shumë. Ai tha se libri i promovuar sot do të mundësojë sukseset e arritura të mbeten si trashëgimi për brezat e rinj.

Related Topics:libri Driton Kuka "Kryemjeshtri"

Up Next

Drita fiton derbin ndaj Prishtinës

Don't Miss

Championsi vazhdon sot edhe me dy sfida të tjera

Sport

Flaka Loxha kalon në gjysmëfinale të Lojërave Mesdhetare “Taranto 2026”

Published

31 minutes ago

August 28, 2026

UBT News

Xhudistja kosovare Flaka Loxha është kualifikuar në gjysmëfinale të Lojërave Mesdhetare “Taranto 2026”, duke bërë një tjetër hap drejt medaljes.

Në luftën e parë, Loxha u përball me italianen Michela Terranova, të cilën e mposhti në kohën shtesë me “Yuko”.

Loxha po garon në kategorinë deri në 57 kilogramë, ndërsa tash synon të sigurojë një vend në finale dhe të luftojë për medaljen në Lojërat Mesdhetare.

D.L

Sport

Akil Gjakova kalon në çerekfinale të Lojërave Mesdhetare

Published

1 hour ago

August 28, 2026

UBTNews

Akil Gjakova e ka nisur me fitore garën në Lojërat Mesdhetare “Taranto 2026”.

Xhudisti kosovar e mposhti qipriotin Andreou Kyprianos në luftën e parë të kategorisë deri në 73 kilogramë.

Dueli ishte i barabartë dhe fituesi u përcaktua në kohën shtesë. Gjakova realizoi një hedhje për “Yuko”, duke siguruar fitoren dhe kualifikimin në çerekfinale.

Në çerekfinale, Gjakova do të përballet me francezin Maxime Gobert.

D.L

Sport

Dardan Cena kalon tutje, në çerekfinale përballet me serbin Mihajlo Simin

Published

2 hours ago

August 28, 2026

UBTNews

Dardan Cena e ka kaluar me sukses pengesën e parë në Lojërat Mesdhetare “Taranto 2026”.

Xhudisti kosovar, në kategorinë deri në 81 kilogramë, e mposhti spanjollin Jose Maria Mendiola pas një dueli të fortë.

Cena triumfoi me “Yuko”, duke siguruar kështu kualifikimin në çerekfinale.

Në këtë fazë, kosovari do të përballet me xhudistin serb Mihajlo Simin, në duelin për një vend në gjysmëfinale.

D.L

Sport

Fenerbahçe veçon Muriqin pas golit ndaj Benficas

Published

3 hours ago

August 28, 2026

UBTNews

Vedat Muriqi ishte protagonist të mërkurën, duke shënuar një gol të rëndësishëm për Fenerbahçen në ndeshjen që i siguroi skuadrës turke rikthimin në fazën e ligës së Champions League pas 18 vjetësh.

Dy ditë pas ndeshjes, gjiganti nga Stambolli ka bërë një postim të veçantë për sulmuesin kosovar, duke zbuluar edhe bisedën që i parapriu golit të tij.

Muriqi kishte komunikuar me bashkëlojtarin Oguz Aydin, i cili po përgatitej për të harkuar topin në zonë.

“Harkoje topin lart dhe gjuaje në mes”, i kishte thënë Muriqi bashkëlojtarit të tij, duke i kërkuar një krosim të përshtatshëm për të sulmuar topin.

Disa momente më vonë, gjithçka ndodhi pikërisht ashtu siç e kishte parashikuar sulmuesi kosovar.

Aydin harkoi topin në zonë, ndërsa Muriqi u ngrit dhe goditi me kokë. Pas rikthimit të topit, kosovari reagoi shpejt dhe e dërgoi sërish në rrjetë për epërsinë 1:0 në minutën e 24-t.

Fenerbahçe më pas e shënoi edhe golin e dytë dhe, pavarësisht se kundërshtari ngushtoi rezultatin, skuadra turke e ruajti fitoren 2:1, duke siguruar një vend në elitën e futbollit evropian.

Për Muriqin, ky ishte një tjetër moment i rëndësishëm në rikthimin e tij te Fenerbahçe, ndërsa klubi turk nuk ka ngurruar ta veçojë kontributin e sulmuesit kosovar në një prej ndeshjeve më të rëndësishme të sezonit.

D.L