Lajmet

Prokuroria lëshon autorizime për intervistimin e personelit të qendrës së të moshuarve në Pejë

Kështu njofton zëdhënësi i Prokurorisë, Shkodran Nikçi, i cili ka shtuar se aktualisht janë tre persona të ndaluar për 48 orë.

Published

3 years ago

on

Prokuroria Themelore në Pejë ka lëshuar autorizim për Policinë e Kosovës që të intervistojë të gjithë personelin qendrës të moshuarve në Pejë dhe personave që jetojnë aty. Kështu njofton zëdhënësi i Prokurorisë, Shkodran Nikçi, i cili ka shtuar se aktualisht janë tre persona të ndaluar për 48 orë.

Pas publikimit të videos tronditëse ku shpërfaq dhunën e një infermiereje, ndaj një të moshuare rreth të 70-tave, Nikçi tregon se cilat janë masat që po ndërmerr Prokuroria Themelore në Pejë.

“Ka rezultuar me tre persona të ndaluar për 48 orë, të cilët po rezultojnë që kanë kryer vepër penale në bashkëkryerje. Dhe njëkohësisht janë lëshuar autorizime që të kryhen procese hetimore për ndriçimin e plotë të kësaj çështje penale dhe gjithashtu është lëshuar autorizimi për Policinë e Kosovës nga Prokurori i Shtetit që të intervistohet personeli i asaj strehimoreje dhe personat që strehohen aty. Në mënyrë që të kuptojmë informata që mund të ndihmojnë në ndriçimin e kësaj çështje penale dhe edhe në rastet tjera të cilat mund të kenë ndodhur në atë strehimore. Dhe gjithashtu edhe dhjetëra autorizime që janë konfidenciale”, ka njoftuar Nikçi.

I pyetur se a mund ta përfundojnë sot këtë intervistim, Nikçi tha se kjo është çështje e procesit hetimor. Sipas tij, janë lëshuar autorizimet dhe janë duke u ndërmarrë veprime konkrete.

“Prokuroria e Pejës ka lëshuar autorizim për Policinë e Kosovës që të intervistojë të gjithë personelin e asaj strehimoreje dhe gjithë personat që strehohen aty të moshuarit. Dhe eventualisht nga intervistimi i tyre nëse pranohen informata, do të shërbejnë përmes deklarimit të tyre që të ndriçohet kjo çështje penale, për të cilën kemi filluar hetimet apo edhe mund të kenë edhe informata të tjera të cilat mund të shërbejnë për zgjerimin e hetimeve, qoftë për persona juridik por edhe për persona të cilët mund të kenë kryer vepra penale në vazhdimësi”, ka shtuar ai.

Nikçi ka njoftuar se janë duke u marrë veprimet edhe për rastin e një qytetari, për të cilën është thënë se ka raportuar shqetësime të tilla.

“Pasi që ky qytetar ka shprehur shqetësimet e tij përmes opinionit publik në media, Prokurori i Shtetit ka autorizuar Policinë e Kosovës që të verifikohen këto informata dhe për rastin konkret nëse ka vepra penale, të veprohet sipas ligjit”, ka përfunduar ai.

Gjatë ditës së djeshme, është tronditur opinioni publik nga pamjet e publikuara të cilat dëshmojnë dhunën e një infermiereje ndaj një të moshuare, e cila ishte e strehuar në një qendër private në qytetin e Pejës. Për infermieren dhe dy të tjerat të cilat shihen në video, është caktuar masa e paraburgimit prej 48 orëve për bashkëkryerje të veprës penale. Ndërkaq, xhiruesja e kësaj videoje është liruar pas intervistimit.

Related Topics:
Continue Reading

Lajmet

KQZ hap periudhën për ndërrimin e Qendrës së Votimit për zgjedhjet lokale

Published

2 days ago

on

June 28, 2025

By

Komisioni Qendror i Zgjedhjeve (KQZ) ka njoftuar se më 28 qershor ka nisur periudha për ndërrimin e Qendrës së Votimit brenda komunës për Zgjedhjet Lokale, e cila do të zgjasë deri më 29 gusht 2025.

Gjatë kësaj periudhe 63-ditore, të gjithë qytetarët me të drejtë vote kanë mundësi të kontrollojnë qendrën e tyre aktuale të votimit dhe, nëse dëshirojnë, të kërkojnë ndërrimin e saj, duke zgjedhur një lokacion më të afërt me vendbanimin e tyre brenda të njëjtës komunë.

Ndërrimi i Qendrës së Votimit mund të bëhet në dy mënyra:

  • përmes platformës elektronike të KQZ-së në https://qv.kqz-ks.org

  • ose duke paraqitur kërkesën në Komisionin Komunal të Zgjedhjeve të komunës ku është i regjistruar votuesi.

Continue Reading

Lajmet

Serbët festojnë Vidovdanin mes masave të shtuara të Policisë së Kosovës

Published

2 days ago

on

June 28, 2025

By

Grupe serbësh janë drejtuar për në Graçanicë për të nisur festimet e atij që njihet si Vidovdan.  Festimet nisën në mëngjes në Manastirin e Graçanicës dhe po vazhdojnë në Gazimestan, ku janë paralajmëruar edhe ardhje të tjera gjatë ditës.

Për të siguruar mbarëvajtjen e aktivitetit, Policia e Kosovës ka ndërmarrë masa të rrepta sigurie. Në hyrje të Gazimestanit, po zhvillohen kontrolle për të gjithë të pranishmit, ndërkohë që njësi të shumta policore janë të vendosura në terren, bashkë me forcat e KFOR-it.

Policia ka njoftuar se masat planifikuese dhe operative janë ndërmarrë për ruajtjen e rendit publik, menaxhimin e trafikut dhe sigurinë kufitare. PK ka apeluar për një manifestim të qetë, duke kërkuar nga qytetarët të shmangin provokimet dhe të respektojnë ligjet dhe udhëzimet e organeve të sigurisë.

Në fillim të këtij muaji, Gjykata Themelore në Prishtinë anuloi vendimin e mëparshëm të komunës së Graçanicës që lejonte shfaqjen e flamurit serb për këtë rast, duke vlerësuar se një veprim i tillë ishte në kundërshtim me legjislacionin në fuqi, pasi Vidovdani nuk është festë zyrtare në Kosovë.

Vidovdani lidhet me Betejën e Kosovës të vitit 1389, ku princi serb Lazar humbi jetën. Në diskursin historik serb, kjo betejë përshkruhet si një humbje ushtarake por një fitore shpirtërore.

Gazimestani është gjithashtu një vend me ngarkesë historike dhe politike, pasi aty presidenti i atëhershëm i Serbisë, Slobodan Millosheviq, mbajti një fjalim të njohur në vitin 1989, i cili shpesh shihet si paralajmërim i konflikteve që pasuan në Ballkan.

Continue Reading

Lajmet

​PDK me kërkesë të qartë, zhbllokimi i Kuvendit sipas Kushtetueses

Published

2 days ago

on

June 28, 2025

By

Deputeti i Partisë Demokratike të Kosovës, Përparim Gruda tha se në takimin e sotëm të partive politike me kryeministrin në detyrë, Albin Kurti do të diskutohet dalja nga situata e krijuar në Kuvendin e Kosovës.

Gruda tha se kryetari i PDK-së, Memli Krasniqi do të shpreh qëndrimet e kësaj partie se si të zhbllokohet Kuvendi i Kosovës, bazuar në aktgjykimin e Gjykatës Kushtetuese.

Ndërkaq, se a do të arrihet ndonjë marrëveshje apo çështje të tjera siç tha Gruda, do të përgjigjet vetë Krasniqi.

Këtë deklarim Gruda e bëri pas pyetjeve të gazetarëve në konferencën e thirrur nga PDK.

Continue Reading

Lajmet

Trump flet sërish për Kosovën e Serbinë: Ishin gati për luftë të madhe, unë e ndala

Published

2 days ago

on

June 28, 2025

By

Presidenti Amerikan Donald Trump për të tretën herë në vetëm një javë është rikthyer të flasë për çështjen e raporteve të tensionuara midis Kosovës dhe Serbisë, teksa bën pasqyrën e konflikteve globale që ai pretendon se ka zgjidhur.

Gjatë një konference për shtyp në Shtëpinë e Bardhë, Trump sërish tha se Serbia dhe Kosova ishin gati të përplaseshin ushtarakisht, madje sipas tij në një luftë të madhe.

“Serbia dhe Kosova ishin gati të përplaseshin. Po shkonin drejt një lufte të madhe”, tha Trump.

Më tej ai zbuloi formulën e tij të suksesit, me të cilën e ndali shpërthimin e një lufte mes dy shteteve në Ballkan, shkruan A2 CNN.

Trump vazhdimisht gjatë javës së fundit, nga momenti kur vendosi armëpushimin midis Izraelit e deri tek samiti i NATO-s në Hagë, i është referuar marrëveshjes Kosovë-Serbi, të arritur në Uashington më 2020 si histori suksesi e ndërmjetësimit të tij.

“Ne e ndalëm Serbinë, e cila ishte gati të fillonte një përplasje”, deklaroi dy ditë më parë Trump.

Ai i referohet marrëveshjes së nënshkruar nga Presidenti i Serbisë, Aleksandër Vuçiq dhe kryeministri i Kosovës, Avdullah Hoti në Zyrën Ovale, më 04.09.2020 të ndërmjetësuar nga Donald Trump.

Continue Reading

Të kërkuara