Lajmet
Programi i Energjisë në UBT sjell praktikën në fokus përmes vizitave në industri
Studentët e programit të Inxhinierisë së Energjisë në UBT po vazhdojnë të dëshmojnë përkushtimin e tyre drejt përgatitjes profesionale përmes aktiviteteve praktike në terren, duke realizuar një vizitë studimore në Termocentralin Kosova B – një nga asetet më të rëndësishme energjetike në vend.
E udhëhequr nga profesorët Armend Ymeri, Vehebi Sofiu, Sami Gashi dhe Nexhmi Krasniqi, kjo vizitë u mundësoi studentëve të ndërlidhin njohuritë teorike të fituara në auditor me proceset reale të prodhimit dhe menaxhimit të energjisë elektrike.
Gjatë qëndrimit në termocentral, studentët u pritën nga Drejtori Ekzekutiv, Jonuz Saraçi, i cili prezantoi kapacitetet gjeneruese, funksionimin e blloqeve prodhuese dhe sfidat aktuale të sektorit energjetik, duke ofruar një pasqyrë të qartë mbi rëndësinë strategjike të këtij sektori për zhvillimin e vendit.
Një ndër pikat kyçe të vizitës ishte turi teknik i udhëhequr nga Inxhinieri Kryesor, Enver Shabani, përmes të cilit studentët patën mundësinë të shohin nga afër funksionimin e sistemeve të avancuara si SCADA, rrjeti i tensionit 6.3 kV, sistemet DC dhe mbrojtjet rele – elemente thelbësore për operimin e sigurt dhe efikas të impianteve energjetike moderne.
Vizita u pasurua edhe me inspektimin e transformatorëve energjetikë me kapacitet 400 MVA dhe sektorit të turbinave, ku studentët u njohën me procesin e kogjenerimit dhe rolin e tij në furnizimin me ngrohje për qytetin e Prishtinës përmes Termokos-it.
Këto aktivitete dëshmojnë qasjen praktike dhe të orientuar drejt industrisë që ofron programi i Inxhinierisë së Energjisë në UBT, duke përgatitur studentët për tregun e punës përmes përvojave reale dhe bashkëpunimeve me institucionet kyçe të sektorit.
UBT vazhdon të mbetet një nga institucionet lider në zhvillimin e profesionistëve të së ardhmes në fushën e energjisë, duke krijuar ura të forta lidhëse ndërmjet akademisë dhe industrisë.
Inspektim në 65 auto-parkingje në Prishtinë, evidentohen shkelje tatimore
Arrestohet një person në Lipjan për ngacmim seksual
Sekuestrohen pistoleta, thika dhe drogë
Arrestohet i dyshuari për dhunim në Mitrovicën e Veriut
Disa raste të dhunës në familje në Komoran, Prishtinë, Kaçanik, Pejë dhe Gjakovë
U përmbyll me sukses Akademia Verore “Karrierë, Inovacion dhe Punësim” në kuadër të Global UBT Fest 2026
Kosova U18 nis rrugëtimin në Evropian, ndeshjen e parë e luan ndaj Bullgarisë
Dukagjini e mbyll aventurën evropiane pas humbjes nga Lugano
Ermal Hadribeaj do të boksojë për titullin e botës në versionin WBC
-
Lajmet1 month agoYll Limani falënderon fansat pas dy netëve koncert në Tiranë
-
Lajmet6 days agoSHBA vendos tarifa ndaj 60 vendeve për punën e detyruar
-
Lajmet nga UBT2 months agoStudentët e vitit të tretë në UBT prezantojnë ekspozitën përfundimtare “The Graduets”
-
Aktualitet7 days agoTrumpi paralajmëron Houthit pas sulmit ndaj anijeve saudite