Lajmet nga UBT

Profesorët e UBT-së Çadraku, Selimi dhe Xhafaj me kontribut shkencor për “Kornizën ligjore të ujit në Kosovë”

Published

on

Profesorët Hazir S. Çadraku, Ferid Selimi dhe Jorida Xhafaj kanë publikuar një punim të rëndësishëm në revistën Proceedings of the Institution of Civil Engineers – Water Management, e cila mund të aksesohet përmes ICE Virtual Library. Artikulli, me titull “Korniza institucionale dhe ligjore e sektorit të ujit në Kosovë përmes periudhave të ndryshme”, ofron një analizë gjithëpërfshirëse të menaxhimit dhe rregullativës së sektorit të ujit në Kosovë.

Punimi është publikuar online më 23 janar 2025 dhe ofron një pasqyrë të hollësishme të strukturave ligjore dhe institucionale që kanë formësuar menaxhimin e burimeve të ujit në Kosovë. Ai thekson rëndësinë jetike të ujit për zhvillimin dhe qëndrueshmërinë e çdo shteti, duke vënë në dukje se si korniza institucionale dhe ligjore duhet të sigurojë administratën e duhur, ndarjen e drejtë të të drejtave të ujit dhe përdorimin racional të burimeve ujore.

Në punim shqyrtohet administrata e ujit në Kosovë, e cila funksionon në dy nivele: qendror dhe lokal. Jurisdiksioni bazohet në Kushtetutën e Kosovës, e cila është akti më i lartë ligjor, si dhe në aktet ligjore të nxjerra nga kushtetuta që rregullojnë fusha të caktuara, përfshirë sektorin e ujit. Artikulli shqyrton këto rregullore dhe ndikimin e tyre në administrimin efikas dhe përdorimin e burimeve kombëtare të ujit në Kosovë.

Ky punim kontribuon me njohuri për komunitetin lokal dhe ndërkombëtar lidhur me sfidat dhe strategjitë për menaxhimin e burimeve të ujit në Kosovë, veçanërisht nga perspektiva ligjore dhe administrative.

Artikulli është në dispozicion me qasje të hapur (open access), duke mundësuar shpërndarjen dhe angazhimin më të gjerë me gjetjet. Për të lexuar artikullin e plotë, mund të klikoni këtu./UBTNews/

Aktualitet

Rektori i UBT-së, në mesin e pesë liderëve më të mirë globalë të arsimit të lartë nga Triple E Awards

Published

on

Një vlerësim tjetër ndërkombëtar për Kosovën dhe arsimin e lartë: Themeluesi dhe Rektori i UBT-së, Prof. Dr. Edmond Hajrizi, është përzgjedhur në mesin e pesë liderëve më të shquar globalë për çmimin prestigjioz Triple E Awards – Udhëheqësi Universitar i Vitit (Kategoria Globale).

Kjo përzgjedhje e vendos Rektorin Hajrizi krah personaliteteve që kanë transformuar arsimin e lartë dhe rolin e tij në shoqëri, duke e bërë UBT-në një shembull unik të inovacionit, zhvillimit dhe vizionit në nivel ndërkombëtar.

Në këtë kategori shumë konkurruese, finalistët tjerë krahas Rektorit Hajrizi janë:

Nuno Fernandes – President, American Public University System (Shtetet e Bashkuara)

Marie-Josée Lamothe – Drejtoreshë, McGill Dobson Centre for Entrepreneurship (Kanada)

Christina Ionescu – Mount Allison University (Kanada)

Zaur Samadov – Trinity College Dublin & Open Incubator (Irlandë)

Rektori Hajrizi është përzgjedhur për lidershipin e tij transformues të dëshmuar në arsimin e lartë. Si themelues vizionar i UBT-së, ai ka ndërtuar një ekosistem që e pozicionon universitetin si një nxitës të inovacionit, qëndrueshmërisë dhe rinovimit shoqëror.

Që nga themelimi i UBT-së me vetëm 29 studentë në vitin 2004, deri te zhvillimi në një institucion lider kombëtar me mbi 15,000 studentë sot, ai ka integruar ndërmarrësinë, transformimin digjital dhe qëndrueshmërinë në çdo nivel.

Nën udhëheqjen e tij, UBT ka gjeneruar mbi 100 spin-off-e, mbi 1,000 vende pune çdo vit dhe ka nisur iniciativa si UBT Accelerator, Kampi i Inovacionit, dhe Qendra e Inovacionit Digjital. I njohur ndërkombëtarisht për zhvillimin e kampusit të mençur, energjinë e rinovueshme dhe përafrimin me Objektivat e Zhvillimit të Qëndrueshëm (SDG), puna e tij dëshmon se si universitetet mund të shërbejnë si motorë të zhvillimit ekonomik dhe përparimit shoqëror.

Të qenurit në mesin e këtyre liderëve të shquar globalë është një dëshmi e lidershipit vizionar të Rektorit Hajrizi, njohjes ndërkombëtare dhe kontributit të tij të qëndrueshëm në arsimin e lartë dhe shoqëri.

Continue Reading

Aktualitet

Lidership, strategji dhe politika publike në një program të vetëm në Master në UBT

Published

on

Aftësimin analitik në bërjen e politikave publike dhe përgatitjen tuaj në rolet e lidershipit në rrafshin kombëtar dhe ndërkombëtar për një karrierë të bujshme, ua bën të mundur UBT përmes programit të nivelit master, Politika Publike dhe Menaxhim.

Ky program studimi iu ofron të gjitha mundësitë për të përmbushur synimet tuaja në vlerësimin e opsioneve dhe politikave për shërbimet publike, duke ndërthurur analizën e politikave publike, menaxhimin e financave publike, teknologjinë e informacionit, zhvillimin e lidershipit, menaxhimin e burimeve njerëzore dhe analizimin e të dhënave.

Studentët e nivelit master të programit Politika Publike dhe Menaxhim në UBT, do të kenë mundësi të përfitojnë praktikat më të njohura ndërkombëtare nga ekspertët dhe profesionistët më të mirë që ka vendi nga kjo fushë, e që gjenden në UBT.

APLIKO TANI ONLINE!

Continue Reading

Aktualitet

Studimet që formojnë liderët e së nesërmes – Master në Shkenca Politike në UBT

Published

on

Studimet master në UBT ju mundësojnë të kualifikoheni për një karrierë të suksesshme dhe të aftësoheni profesionalisht në punën tuaj të përditshme, duke u bërë pjesë e një ekosistemi arsimor modern dhe gjithëpërfshirës.

UBT ka marrë akreditimin për programin Shkenca Politike në nivelin master, duke ofruar një kurrikulë bashkëkohore të ndërtuar mbi standardet dhe praktikat më të mira ndërkombëtare. Ky program është i konceptuar për të ndihmuar studentët të kuptojnë më thellë sistemet politike, proceset vendimmarrëse, marrëdhëniet ndërkombëtare, si dhe zhvillimet globale që ndikojnë në demokraci, qeverisje dhe shoqëri.

Përmes këtij programi, studentët fitojnë:

  • Njohuri teorike të avancuara mbi politikat publike, qeverisjen, marrëdhëniet ndërkombëtare dhe sistemet politike.
  • Aftësi praktike për analizimin e proceseve politike, hartimin e politikave dhe zbatimin e tyre në nivel lokal e global.
  • Mundësi për t’u përfshirë në projekte kërkimore, debate akademike dhe simulime të institucioneve politike ndërkombëtare.
  • Mentorim nga profesorë, ekspertë dhe praktikues me përvojë në fushën e shkencave politike.

Shkencat PolitikeUBT shquhen për qasjen unike ndërdisiplinore, duke i lidhur studimet politike me fusha të tjera si ekonomia, drejtësia, diplomacia, siguria dhe teknologjia. Kjo u jep studentëve një perspektivë të gjerë dhe aftësi të fuqishme për të kuptuar e ndikuar në zhvillimet politike në Kosovë, rajon dhe botë.

Ky program hap horizonte të reja karriere për studentët në institucione shtetërore, organizata ndërkombëtare, organizata joqeveritare, media, diplomaci, institute kërkimore dhe sektorin privat.

APLIKO TANI ONLINE!

Continue Reading

Aktualitet

UBT dhe AMIK nisin trajnime falas për fuqizimin e vajzave në ndërmarrësi këtë tetor

Published

on

UBT, në bashkëpunim me Shoqatën e Institucioneve Mikrofinanciare të Kosovës (AMIK), hap aplikimet për serinë e trajnimeve “Inkuadrimi i Vajzave në Ndërmarrësi”, një program falas i dedikuar vajzave dhe grave të reja që synojnë të ndërtojnë ose të zhvillojnë iniciativat e tyre biznesore.

Programi parashikon katër sesione intensive, të fokusuara në njohuri praktike dhe aftësi të menjëhershme të zbatueshme në treg:

  • Administrim Biznesi – 3 tetor 2025
  • Aspektet Ligjore & Etika në Biznes – 6 tetor 2025
  • Financat & Mbledhja e Fondeve – 10 tetor 2025
  • Marketingu & Rrjetëzimi – 13 tetor 2025

Kush mund të aplikojë?

Vajza dhe gra të reja me interes për sipërmarrje, pavarësisht nëse janë në fazën e idesë apo kanë tashmë një aktivitet në zhvillim. Trajnimet vendosin theks te praktika, këshillat profesionale dhe ndërtimi i rrjetit.

Detajet logjistike

Vendet e lira: vetëm 25 për secilin trajnim

Orari: 10:00 – 16:00

Vendi: Qyteti i Mençur i UBT-së, Lipjan

Përfitime: drekë e ofruar nga UBT

Tarifa: FALAS (vendet janë të kufizuara)

Si të aplikoni?

Aplikimi bëhet online nëpërmjet formularit zyrtar:

APLIKIMI ONLINE!

Continue Reading

Të kërkuara