Lifestyle

Profesionet më të mira për personat empatikë

Published

on

Është shumë e rëndësishme për të gjithë që ta gjejnë një karrierë të përshtatshme, por kjo është e domosdoshme sidomos për personat empatikë, që janë të ndjeshëm ndaj persona të tjerë më shumë sesa njerëzit mesatarë. Në rolin e duhur kjo ndjeshmëri mund t’ju ndihmojë që të ndërtoni karrierë të shkëlqyeshme, por ka edhe profesione në të cilat një person me veti të tilla, të provojë përgjegjësi të madhe për paraqitjen dhe lumturinë tuaj.

Në qoftëse e konsideroni veten që jeni në këtë grup, a e keni pyetur veten se në cilin mjedis pune mund të lulëzoni? Cilat janë pikat e forta që do t’i keni nëpër pozita të ndryshme dhe në cilat duhet të keni kujdes? Akademi Pune do të përgjigjet në të gjitha pyetjet që keni.

Çfarë është empatia dhe cilat tipare e karakterizojnë atë?

Një empatik është dikush i cili ka nivel më të lartë të ndjeshmërisë sesa një person mesatar. Ai është i ndjeshëm dhe në një ritëm me energjinë, emocionet dhe mendimet e njerëzve edhe nëse nuk i njeh ata.

Ekzistojnë disa karakteristika kryesore dhe tiparet e personalitetit që shkojnë paralelisht me të qenurit empatikë. Këta priren të jenë më shumë:

Intuitivë: Empatikët janë të shkëlqyer në leximin e mendimeve, energjisë, motivimeve dhe dëshirave të njerëzve përtej fjalëve të tyre.

Kujdesi: Emaptikët kujdesen shumë për njerëzit. Ata kanë një ndjenjë të lindur të mirësisë dhe dhembshurisë.

Dhënia: Emaptikët janë gjithashtu “dhurues natyral”. Ata preferojnë më shumë të japin sesa të marrin. Gjejnë kënaqësi ekstreme duke ndihmuar të tjerët t’i zgjidhin problemet.

Ndjeshmëria: Empatikët janë shumë të ndjeshëm ndaj ndjenjave dhe emocioneve të të tjerëve, por edhe të tyre.

Çfarë duhet të marrë në konsideratë një empatik/e kur e zgjedhë punën?

Empatikët priren të shkëlqejnë në industritë që ofrojnë një shërbim për të tjerët, si mikpritja, mjekësia, mësimdhënia dhe puna sociale. Punët në këto industri kërkojnë një sens të shtuar të intuitës, ndjeshmërisë dhe lidhjes në mënyrë që t’u shërbejnë në mënyrë efikase të tjerëve.

Nga ana tjetër janë pikërisht këto profesione që kërkojnë kujdes të madh e që nganjehrë perosnave me ndjeshmëri mund t’ju shkaktojnë ngarkesa të mëdha emocionale. Për shembull fusha e mjekësisë përballet me raste shumë të rënda, ose ajo e punës sociale. Prandaj empatikët duhet ta vlerësojnë veten se cfarë rastesh mund të durojnë dhe deri ku shkon ndjeshmëria e tyre.

A e vlerëson lidhjen mjedisi i punës? Empatikët duhet të kërkojnë mjedise pune që i lejojnë ata të krijojnë lidhje autentike me të tjerët, e cila është vendi ku ata shkëlqejnë dhe ndihen më rehat. Kur merrni parasysh një pozitë, empatikët duhet ta shikojnë kulturën e kompanisë dhe të sigurohen se ata do të kenë mundësinë të lidhen me të tjerët rregullisht

A janë vlerat e organizatës të përafërta me të tyret? Empatikët kujdesen jo vetëm për njerëzit e tjerë, por edhe për vlerat e tyre. Kur vlerësojnë një mundësi, empatët duhet të bëjnë kujdes të veçantë për t’u siguruar që kompania dhe pozita janë në përputhje me vlerat e tyre personale.

Por cilat janë punët specifike që mund t’i bëjnë empatikët?

Infermierë

Punëtorë social

Trajneri i karrierës

Menaxher i Burimeve Njerëzore

Menaxher i Marketingut

Shkrues

Mësues

Hulumtues i kompanisë për njohje të tregut

3 punë të cilat nuk janë shumë të përshtatshme për empatikët

Ka edhe role që mund të jenë nganjëherë në kundërshtim me personalitetin tuaj dhe nëse doni të jeni të lumtur në punë, do të doni të shmangni këto lloj të mundësive.

Udhëheqja ekzekutive: Ekzekutivët shpesh duhet të marrin vendime të vështira që ndikojnë te punonjësit, ndonjëherë duke i vendosur fitimet dhe nevojat e biznesit mbi njerëzit, të cilat mund të jenë sfiduese për personat e ndjeshëm.

Shitjet: Kur një empati punon në këtë lloj mjedisi, jo vetëm që ata mund të ndiejnë stres për t’i “prekur” objektivat e tyre, por ata gjithashtu mund ta marrin edhe stresin e kolegëve të tyre, gjë që mund të ndikojë në përformancën e tyre.

Politika: Politika mund të jetë intensive, me stres të lartë dhe, në shumë mënyra dhe me qëndrim të prerë.

Continue Reading

Lifestyle

Kujdesi për bimët, ja sa dritë dhe ujë duan ato

Published

on

Kur të blini lule, mendoni mirë për zgjedhjen që bëni, sepse luleve duhet përshtatur ambientin ku rriten.

Se për çfarë lloji të luleve do të vendosni varet nga preference por edhe mundësia për t’u kujdesur për to!

Nëse disa lule nuk kanë nevojë për ndonjë kujdesje të madhe me disa të tjera duhet treguar më shumë kujdes.

Bimët të mbahen larg nga burimi i nxehtësisë

Bimët nuk duhet të vendosen në afërsi të trupave që çlirojnë nxehtësi. Gjithashtu, mos i mbani bimët në afërsi të televizorët, sepse bimët do të absorbojnë nxehtësinë dhe do t’u thahen rrënjët dhe gjethet.

Ujitja e rregullt e bimëve

Uji është njëri ndër faktorët vendimtarë për zhvillimin e rritjen e bimëve, andaj duhet pasur më së shumti kujdes. Pas ujitjes, dheu do ta lirojë tepricën e ujit në enën e vendosur nën vazo, ndërkaq atë ujë duhet ta hiqni, sepse bimët nuk e duan lagështinë e tepërt.

Temperatura dhe drita

Disa bimëve u përshtaten këndet e errëta të dhomave, disa të tjerave pozicionet afër dritareve, duhet pasur kujdes edhe temperaturën, megjithatë këta elementë ndryshojnë në varësi të bimëve, ndaj informohuni me luleshitësin përpara se të blini një lule.

Continue Reading

Lifestyle

Sot, Dita Ndërkombëtare e Lumturisë

Published

on

Asambleja e Përgjithshme e Kombeve të Bashkuara 13 vjet më parë e shpalli 20 marsin, Ditën Ndërkombëtare të Lumturisë, duke njohur rëndësinë e lumturisë dhe mirëqenies si synime dhe aspirata universale në jetën e qenieve njerëzore.

Nismëtar për këtë rezolutë u bë Butani, një vend sipas të cilit vlera e lumturisë kombëtare qëndron mbi të ardhurat kombëtare. Butani në fillim të viteve ’70 miratoi një paketë objektivash që u bënë të famshme në të gjithë botën, “Lumturia Kombëtare Bruto në Produktin Kombëtar Bruto”.

OKB thotë se, lumturia është qëllim themelor i njeriut. Asambleja e Përgjithshme bën thirrje për “një qasje më gjithëpërfshirëse, të barabartë dhe të ekuilibruar ndaj rritjes ekonomike që promovon lumturinë dhe mirëqenien e të gjithë popujve”.

OKB bën thirrje që qeveritë e organizatat ndërkombëtare duhet të investojnë në kushte që mbështesin lumturinë duke mbështetur të drejtat e njeriut e përfshirë mirëqenien dhe dimensionet mjedisore në kornizat e politikave, siç janë 17 Objektivat e Zhvillimit të Qëndrueshëm.

Efektiviteti i qeverive në ruajtjen e paqes dhe rendit shoqëror, si dhe në fushat e taksave, institucioneve ligjore dhe ofrimit të shërbimeve publike, lidhet fuqishëm me kënaqësinë mesatare të jetës.

Kombet e Bashkuara ftojnë çdo person të çdo moshe, të çdo niveli arsimor, biznese dhe qeveri të bashkohen në festimin e Ditës Ndërkombëtare të Lumturisë.

Continue Reading

Lifestyle

A janë të rrezikshme suplementet për lëkurën?

Published

on

Kemi dëgjuar shpesh të flitet për kolagjenin.

Atë e hasim më së shumti në produktet kozmetike e po ashtu tek ato të kujdesit për lëkurën.

Por, sa është e rrezikshme që ta merrni si suplement?

UBT News ju rendit disa arsye:

Si proteinë e rëndësishme që gjendet në lëkurë, flokë, thonj, kocka dhe muskuj, kolagjeni ndihmon në përmirësimin e elasticitetit dhe volumit të lëkurës.

Ajo zbeh procesin natyror të plakjes, dëmtimet nga dielli dhe faktorët e stilit të jetesës, si duhani dhe dieta, ndikojnë në nivelet e kolagjenit.

Ka dyshime të shumta nëse kokrrat nëse funksionojnë.

Laura Dowling, një farmaciste e specializuar, përmend një studim nga 2019 që “gjeti prova të mira për të mbështetur përdorimin e suplementeve orale të kolagjenit për përmirësimin e shëndetit të lëkurës”.

Dr. Yannis Alexandrides, themelues i klinikës “111 Harley St”, thotë: “Suplementet e kolagjenit nuk janë provuar ende se përmirësojnë cilësinë e lëkurës.”

Pra, cilat këshilla duhet të ndjekësh?

Dowling thotë: “Njerëzit vijnë në farmaci dhe blejnë produkte kolagjeni pasi raportojnë se lëkura e tyre është bërë më e butë dhe më pak e thatë.”

Dowling thotë: “Efekti anësor më i zakonshëm mund të jenë problemet me tretjen, por në përgjithësi tolerohen mirë nga stomaku.” Nëse çmimi i lartë ju shqetëson, mund të rrisni marrjen e kolagjenit përmes ushqimeve të pasura me të, si lëngu i kockave, peshku dhe të bardhat e vezëve.

Morali i historisë?

Si për çdo suplement, efektet ndryshon nga personi në person dhe nëse mendon se i’a vlen të provosh, duhet të konsultohesh me një profesionist para se ta blesh. /UBTNews/

Continue Reading

Lifestyle

Psikologët: Duke lexuar librat e shkruar në vetën e parë, njerëzit shndërrohen në personazhe

Published

on

Njerëzit të cilët “humbin” duke lexuar librin mund të ndryshojnë sjelljen e tyre ashtu që t’u ngjajnë karaktereve që u pëlqejnë më së shumti.

Ky efekt në veçanti është i fuqishëm te leximi i librave që janë të shkruar në vetën e parë dhe nëse personi i cili i lexon është në atë moment.

Psikologët këtë efekt e quajnë marrje a përvetësim të përvojës duke lexuar librin, njerëzit fillojnë të ndiejnë atë që ndiejnë personazhet dhe marrin mënyrën e tyre të të menduarit, ndërsa ndonjëherë mund të ndryshojnë edhe mënyrën e sjelljes.

Në një eksperiment njerëzit që janë identifikuar me personazhin nga libri i cili është dënuar dhe nuk është pranuar për shkak të racës ose besimit, edhe në realitet kanë shmangur sjelljen stereotipe ndaj njerëzve që janë të ndryshëm nga ata.

“Marrja apo përvetësimi i përvojës na ndryshon, sepse mundëson të lidhim jetën tonë dhe të karaktereve të imagjinuara, dhe kjo mund të çojë te rezultatet e mira”, thotë Geoff Kaufman, një nga udhëheqësit e këtij eksperimenti në Universitetin Ohio.

Në eksperimentin tjetër personat e testuar kanë lexuar një tregim të shkurtër për studentin i cili në ditën e zgjedhjeve kalon në disa situata problematike për të arritur në vendin në të cilin do të votonte. Një grup ka lexuar rrëfimin në vetën e parë, e tjetri në vetën e tretë.

Madje 65 për qind të atyre që kanë lexuar rrëfimin në vetën e parë kanë dalë në zgjedhje, të cilat kanë qenë një javë pas hulumtimit të kryer. /UBT News/

Continue Reading

Të kërkuara