Lifestyle

Profesionet më të mira për personat empatikë

Published

on

Është shumë e rëndësishme për të gjithë që ta gjejnë një karrierë të përshtatshme, por kjo është e domosdoshme sidomos për personat empatikë, që janë të ndjeshëm ndaj persona të tjerë më shumë sesa njerëzit mesatarë. Në rolin e duhur kjo ndjeshmëri mund t’ju ndihmojë që të ndërtoni karrierë të shkëlqyeshme, por ka edhe profesione në të cilat një person me veti të tilla, të provojë përgjegjësi të madhe për paraqitjen dhe lumturinë tuaj.

Në qoftëse e konsideroni veten që jeni në këtë grup, a e keni pyetur veten se në cilin mjedis pune mund të lulëzoni? Cilat janë pikat e forta që do t’i keni nëpër pozita të ndryshme dhe në cilat duhet të keni kujdes? Akademi Pune do të përgjigjet në të gjitha pyetjet që keni.

Çfarë është empatia dhe cilat tipare e karakterizojnë atë?

Një empatik është dikush i cili ka nivel më të lartë të ndjeshmërisë sesa një person mesatar. Ai është i ndjeshëm dhe në një ritëm me energjinë, emocionet dhe mendimet e njerëzve edhe nëse nuk i njeh ata.

Ekzistojnë disa karakteristika kryesore dhe tiparet e personalitetit që shkojnë paralelisht me të qenurit empatikë. Këta priren të jenë më shumë:

Intuitivë: Empatikët janë të shkëlqyer në leximin e mendimeve, energjisë, motivimeve dhe dëshirave të njerëzve përtej fjalëve të tyre.

Kujdesi: Emaptikët kujdesen shumë për njerëzit. Ata kanë një ndjenjë të lindur të mirësisë dhe dhembshurisë.

Dhënia: Emaptikët janë gjithashtu “dhurues natyral”. Ata preferojnë më shumë të japin sesa të marrin. Gjejnë kënaqësi ekstreme duke ndihmuar të tjerët t’i zgjidhin problemet.

Ndjeshmëria: Empatikët janë shumë të ndjeshëm ndaj ndjenjave dhe emocioneve të të tjerëve, por edhe të tyre.

Çfarë duhet të marrë në konsideratë një empatik/e kur e zgjedhë punën?

Empatikët priren të shkëlqejnë në industritë që ofrojnë një shërbim për të tjerët, si mikpritja, mjekësia, mësimdhënia dhe puna sociale. Punët në këto industri kërkojnë një sens të shtuar të intuitës, ndjeshmërisë dhe lidhjes në mënyrë që t’u shërbejnë në mënyrë efikase të tjerëve.

Nga ana tjetër janë pikërisht këto profesione që kërkojnë kujdes të madh e që nganjehrë perosnave me ndjeshmëri mund t’ju shkaktojnë ngarkesa të mëdha emocionale. Për shembull fusha e mjekësisë përballet me raste shumë të rënda, ose ajo e punës sociale. Prandaj empatikët duhet ta vlerësojnë veten se cfarë rastesh mund të durojnë dhe deri ku shkon ndjeshmëria e tyre.

A e vlerëson lidhjen mjedisi i punës? Empatikët duhet të kërkojnë mjedise pune që i lejojnë ata të krijojnë lidhje autentike me të tjerët, e cila është vendi ku ata shkëlqejnë dhe ndihen më rehat. Kur merrni parasysh një pozitë, empatikët duhet ta shikojnë kulturën e kompanisë dhe të sigurohen se ata do të kenë mundësinë të lidhen me të tjerët rregullisht

A janë vlerat e organizatës të përafërta me të tyret? Empatikët kujdesen jo vetëm për njerëzit e tjerë, por edhe për vlerat e tyre. Kur vlerësojnë një mundësi, empatët duhet të bëjnë kujdes të veçantë për t’u siguruar që kompania dhe pozita janë në përputhje me vlerat e tyre personale.

Por cilat janë punët specifike që mund t’i bëjnë empatikët?

Infermierë

Punëtorë social

Trajneri i karrierës

Menaxher i Burimeve Njerëzore

Menaxher i Marketingut

Shkrues

Mësues

Hulumtues i kompanisë për njohje të tregut

3 punë të cilat nuk janë shumë të përshtatshme për empatikët

Ka edhe role që mund të jenë nganjëherë në kundërshtim me personalitetin tuaj dhe nëse doni të jeni të lumtur në punë, do të doni të shmangni këto lloj të mundësive.

Udhëheqja ekzekutive: Ekzekutivët shpesh duhet të marrin vendime të vështira që ndikojnë te punonjësit, ndonjëherë duke i vendosur fitimet dhe nevojat e biznesit mbi njerëzit, të cilat mund të jenë sfiduese për personat e ndjeshëm.

Shitjet: Kur një empati punon në këtë lloj mjedisi, jo vetëm që ata mund të ndiejnë stres për t’i “prekur” objektivat e tyre, por ata gjithashtu mund ta marrin edhe stresin e kolegëve të tyre, gjë që mund të ndikojë në përformancën e tyre.

Politika: Politika mund të jetë intensive, me stres të lartë dhe, në shumë mënyra dhe me qëndrim të prerë.

Continue Reading

Lifestyle

Kjo është mënyra më e mirë e përgatitjes së kafes

Published

on

Provojeni në mënyrën e vjetër, më të mirë kurrë nuk keni pasur rastin të pini! Ka diçka të veçantë në kafen turke.

E para dhe themelorja, për kafe të mirë turke është e nevojshme përzierja cilësore e mos kurseni në të, pini për t’u kënaqur, jo vetëm sa për ta pirë.

E dyta, pakkush e di që për kafen turke për fillim uji nuk duhet të vlojë!

Në xhezve uji nxehet deri mu para vlimit, pastaj hiqet nga zjarri. Një pjesë e ujit qitet në filxhan, ndërkaq në pjesën tjetër shtohet kafja (nga një lugë të vogël të plotë për çdo filxhan apo më shumë nëse filxhanët janë të mëdhenj apo nëse dëshironi kafe shumë të fortë).

Përzieni të mos mbeten droçka, ktheni në zjarr, kur të bymehet deri në skajin e xhezves hiqeni nga zjarri e shtoni ujin të cilin e keni qitur në filxhan.

Sërish ktheni në zjarr e lëreni të vlojë. Hiqeni nga zjarri, prisni pak e shtoni një lugë ujë të ftohtë, kafja do të jetë e gatshme për t’u pirë.

Gabimet themelore te përgatitja e kafes:

– Përzierja e tepërt e shkatërron shijen;

– Lënia që disa herë të ngrihet deri në skajin e sipërm të xhezves shkatërron shkumën dhe ndryshon shijen e kafes;

– Përzierja pasi që kafja të jetë e vluar, shumë e nxehtë dhe e hequr nga zjarri gjithashtu do të ndryshojë shijen e pijes së parapëlqyer të mëngjesit;

– Nëse kafja ëmbëlsohet, sheqerin më së miri është t’ia shtoni derisa është uji i ftohtë në xhezve, para zierjes së kafes.

Provoni, edhe vetë do të bindeni që shija është ndryshe – më e mirë. /UBT News/

Continue Reading

Lifestyle

Si të shpëtojmë nga thembrat e çara? Këshilla për këmbë të lëmuara dhe të kuruara

Published

on

Thembrat e çara janë një problem i zakonshëm, veçanërisht pas verës kur këmbët janë të ekspozuara ndaj diellit dhe këpucët e hapura. Përveç pamjes së shëmtuar, lëkura e plasaritur mund të bëhet një vend ideal për zhvillimin e infeksioneve kërpudhore dhe baktereve, kështu që kujdesi i rregullt i këmbëve është i rëndësishëm.

Një nga trajtimet natyrale dhe të thjeshta që mund të mos e keni provuar më parë përfshin vetëm një ushqim – limonin. Kjo metodë është e thjeshtë dhe me aplikim të rregullt mund të japë rezultate çuditërisht të mira.

Gjithçka që duhet të bëni është të merrni një limon të madh, ta prisni në gjysmë, ta vendosni në thembra, të vendosni çorape sipër dhe ta lini aty për rreth 30 minuta. Acidi citrik ndihmon në heqjen e qelizave të vdekura të lëkurës dhe zbutjen e zonave të vrazhda, duke e lënë lëkurën më të butë dhe më të lëmuar.

Përveç limonit, kujdesin e këmbëve mund ta kompletoni duke përdorur vajra natyralë, ulliri apo kokosi. Aplikuar drejtpërdrejt në këmbë ose duar, ndihmojnë në rivendosjen e lagështirës e parandalimin e tharjes. Vishni çorape gjatë natës pasi të keni aplikuar një hidratues të pasur.

Dermatologët këshillojnë që ky trajtim të përsëritet disa herë në javë për të arritur rezultatet më të mira të mundshme, sidomos për thembra të thata dhe të çara. Gjithashtu, mos harroni rutinën e përditshme të kujdesit, veçanërisht pas dushit. Rekomandohet të aplikoni një shtresë vazelinë ose krem ​​ushqyes menjëherë pas dushit. Kujdesi i rregullt, përbërësit natyralë dhe pak vëmendje mund të bëjnë një ndryshim të madh.

Continue Reading

Lifestyle

Mënyrat e shëndetshme për të pirë ujë me limon

Published

on

Një shprehje e përhapur thotë se “kur jeta të jep limonë, bëj një limonatë.”

E nëse për të bërë limonatë të duhen disa përbërës dhe shumë kohë, ju rekomandojmë ujin me limon.

Vlerat e ujit me limon

Pirja e rregullt e ujit me limon ju ndihmon të shëroni fytin e thatë, të përmirësoni tretjen dhe të largoni toksinat nga organizmi,

Mjaftojnë disa feta limoni (me lëkurë të pastruar mirë) në një gotë me ujë dhe do merrni përfitime të mëdha për organizmin. Studimet konfirmojnë se polifenolët që gjenden te lëkura e kësaj agrumeje të mirë ndihmojnë për rënien në peshë.

Limoni është i pasur me vitaminë C, e cila është e nevojshme për të prodhuar kolagjen, forcuar imunitetin dhe pastruar trupin nga toksinat.

Ujë i ftohtë, i vakët apo i nxehtë?

Uji të jetë i vakët, në këtë temperaturë çlirohen vitamin C dhe antioksidantët, uji i vakët është ideal se pihet edhe në sasi të konsiderueshme, ndërkohë që uji i nxehtë nuk pihet dot aq lehtë.

Koha e duhur për të pirë ujë me limon

Kur zgjohemi, trupi është i dehidratuar në mënyrë ekstreme, sapo të zgjoheni të pijni një gotë me ujë me limon. Gjatë gjumit, njeriu humbet shumë lëngje nëpërmjet frymëmarrjes. Hidratimi i mëngjesit me një gotë me ujë me limon është ideal për të zëvendësuar humbjet e natës.

Në mëngjes, limoni i jep forcë sistemit imunitar dhe ndihmon në prodhimin e kolagjenit.

Kujdesi për dhëmbët

Pirja e tepërt e ujit me limon rrezikon prishjen e enamelit të dhëmbëve. Kujdes me sasinë, njerëzit që kanë sasi të larta të hekurit në gjak duhet të tregojnë kujdes, sepse limoni përmirëson aftësitë përthithëse të hekurit në organizëm.

Continue Reading

Lifestyle

Gabimet që bëni gjatë udhëtimeve të gjata me avion

Published

on

Në listën e mënyrave sesi njerëzit duan ta kalojnë kohën e tyre, sidomos gjatë një udhëtimi të largët dhe ulur për orë të tëra në avion, ka shumë gjëra. Disa prej gjërave që bëjmë gabim po i rendisim si më poshtë:

Vishni rroba të papërshtatshme – Fakti që do të rrini ulur gjashtë apo tetë orë në avion, do të thotë që duhet të ndiheni sa më rehat. Shmangni veshjet e trasha apo të ngushta dhe në vend të tyre zgjidhni pëlhura të buta dhe elastike për rehati maksimale.

hikoni shpesh orën – Nëse e bëni shpesh këtë, do ju duket sikur koha kalon shumë ngadalë, sidomos gjatë një fluturimi të gjatë me avion.

Udhëtoni pa gjërat e nevojshme për gjumë – Kufje për veshët, ta izoloni veten nga çdo zhurmë e mundshme. Përveç kësaj, një maskë për sytë dhe një gjumë i mirë janë gjithçka që rekomandohet për t’u ndjerë rehat në avion.

Nuk shkarkoni filma apo muzikë të mirë – Para fluturimit, shkarkoni filma, muzikë në pajisjet elektronike si telefoni, iPad ose laptopi dhe sigurohuni që ato të jenë të karikuara para se të udhëtoni, që të keni mundësi për t’u argëtuar gjatë orëve të gjata në avion.

Udhëtoni pa një plan për gjumin – Është e rëndësishme të kuptosh çfarë do të bësh në fluturim, a është qëllimi juaj të dilni nga avioni me sy të kuq? Mundohuni të flini gjatë udhëtimit kur është natë, shmangni kafeinën para se të hipni në avion dhe shijoni fluturimin.

Ndiheni të detyruar të flisni gjithë kohës – Kur udhëtoni me kolegët, nuk keni pse të uleni pranë tyre, pasi nuk është e nevojshme t’ju shohin si flini apo si gërhisni gjatë gjumit. Zgjidhni një vend ku të ndiheni rehat,

Hani vetëm ushqimin e avionit – Nëse nuk jeni ulur në business class, nuk keni shumë opsione vaktesh, ndaj është mirë të hani diçka pak para fluturimit që të mos ndiheni me stomakun bosh.

Neglizhoni kujdesin ndaj vetes – Të jesh në fluturim të gjatë mund të duket si lloj realiteti alternativ ku koha e rregullat nuk zbatohen, është e rëndësishme të kujdesesh për veten. Mos harroni të qëndroni të hidratuar dhe të merrni vitaminat e duhura. /UBT News/

Continue Reading

Të kërkuara