Lajmet

Produktet për zbardhjen e lëkurës ende përdoren në Kamerun pavarësisht rreziqeve

Produktet me emra si “White now” dhe “Super white”, dallohen menjëherë në raftet e dyqaneve.

Published

on

Në Kamerun, 63-vjeçarja Jeanne mbante një kapelë për të mbrojtur fytyrën nga rrezet e diellit, për shkak se u diagnostikua me kancer të lëkurës pasi përdori produkte për zbardhjen e lëkurës.

Ajo është një nga shumë gra në Kamerun që përdorin këto produkte që tashmë janë ndaluar pas reagimit në rrjete sociale.

“Turpërohem kur njerëzit më shikojnë”, deklaroi ajo, duke kërkuar që t’i publikohet vetëm emri.

Pas problemeve me lëkurë, ajo u kontrollua te një mjek, ku edhe u diagnostikua me një kancer të rrallë të lëkurës. Sipas mjekëve, kanceri u shkaktua nga përdorimi i produkteve për zbardhjen e lëkurës për 40 vjet. Jeanne, si miliona gra në mbarë botën, i përdori produktet për lëkurë më të mirë.

Sipas Shoqatës së Dermatologjisë së Kamerunit (Socaderm), gati 30 për qind e banorëve në kryeqytetin ekonomik Douala dhe një e katërta e nxënëseve përdorën këto produkte në vitin 2019.

Për disa si studentja 20-vjeçare Annette, efektet mund të jenë të ashpra. Ajo tha se vuan nga njolla të kuqe në fytyrë dhe gjithashtu djegie.

Produktet me emra si “White now” dhe “Super white”, dallohen menjëherë në raftet e dyqaneve.

Kimikatet e rrezikshme

Reagimi ndaj këtij produkte filloi gjatë verës pasi përdoruesit e rrjeteve sociale kritikuan deputeten e opozitës, Nourane Fotsing, për kompaninë e saj që shet produktet, siç thanë ata një deputete e zgjedhur synon të përfitojë nga ta.

Shumë prej produkteve nuk janë testuar kurrë shkencërisht dhe përmbajnë nivele të rrezikshme të kimikateve që pengojnë prodhimin e melaninës, një substancë e prodhuar në trup nga ekspozimi ndaj diellit.

Një nga kimikatet është hidrokinoni, i ndaluar në Bashkimin Evropian që nga viti 2001 për shkak të rrezikut të kancerit dhe mutacioneve gjenetike.

Ministria e Shëndetësisë e Kamerunit më 19 gusht ndaloi importin, prodhimin dhe shpërndarjen e produkteve kozmetike dhe të higjienës personale që përmbajnë substanca të rrezikshme si hidrokinoni dhe merkuri. Hidrokinoni është në fakt një nga produktet më të përdorura në zbardhjen e lëkurës në Kamerun, sipas një studimi të vitit 2019 nga Universiteti Yaounde I./UBTNews/

Lajmet

Duda Balje: Nuk ndryshojmë qëndrim për koalicion me Vetëvendosjen

Published

on

By

Deputetja nga radhët e komunitetit boshnjak dhe kryetare e Unionit Socialdemokrat, Duda Balje, ka deklaruar se partia e saj nuk ka ndryshuar qëndrim sa i përket bashkëpunimit me Lëvizjen Vetëvendosje. Deklarata e saj erdhi si përgjigje ndaj deputetit të VV-së, Arbër Rexhaj, i cili kishte përmendur një ofertë për pozitë ministrore ndaj Unionit Socialdemokrat.

“Unë jam mbrapa qëndrimit, të cilin e kemi marrë si parti. Ne nuk e ndryshojmë qëndrimin,” u shpreh Balje.

Ajo gjithashtu reagoi ndaj komenteve të Rexhajt lidhur me deputetët me pak vota, duke rikujtuar se ajo dhe partia e saj kanë mbështetur Vetëvendosjen në të kaluarën.

“Arbër Rexhaj ka pasur një pikëpyetje se çka është duke ndodhur me deputetët që i kanë pasur 500 vota. Unë e kam një përgjigje për Arbërin se ku ishte Arbëri kur ne kemi votuar për qeverisjen lokale të VV-së dhe për kryeministrin Kurti. Unë i them se kjo nuk ka logjikë prej Arbërit,” tha Balje

Continue Reading

Lajmet

Murati: Propozimi për Albulena Haxhiun nuk do të ndryshojë, zgjedhjet janë opsioni i fundit

Published

on

By

Ministri në detyrë i Financave, Hekuran Murati, ka deklaruar se propozimi i Vetëvendosjes për kandidatin për kryetare të Kuvendit, Albulena Haxhiu, do të mbetet i pandryshuar. Ai theksoi se ky propozim është bërë pas shfrytëzimit të të drejtës së Vetëvendosjes si fituese e zgjedhjeve.

Murati theksoi gjithashtu se zgjedhjet e reja nuk janë qëllimi i Vetëvendosjes dhe se ato do të ishin opsioni i fundit. Ai theksoi se duhet të arrihet një dakordim politik për nënkryetarët, duke shtuar se strategjitë aktuale janë më shumë taktizime.

“VV-ja si fitues e zgjedhjeve e ka të drejtën e propozimit të kandidatit dhe këtë të drejtë e ka shfrytëzuar duke propozuar Albulena Haxhiun. Këto sjellje janë më shumë taktizime. Kemi propozuar gruan më të votuar. Ky është propozimi ynë dhe nuk do të ndryshojë. Duhej dakordim politik, i cili mund të arrihet për nënkryetarët. Nuk është qëllimi ynë për të shkuar në zgjedhje. Ai do të ishte opsioni ynë i fundit”, tha Murati.

Continue Reading

Lajmet

Krasniqi: Nëse nuk ka zgjidhje, zgjedhjet mund të mbahen në maj ose qershor

Published

on

By

Pas dështimit të sërishëm të seancës konstituive, kryetari i PDK-së, Memli Krasniqi, ka deklaruar se nëse nuk arrihet një zgjidhje për konstituimin e Kuvendit, Kosova mund të shkojë në zgjedhje të reja në muajin maj ose qershor.

Krasniqi ka theksuar se partia në pushtet, Vetëvendosje, nuk ka arritur të sigurojë votat e nevojshme për formimin e qeverisë dhe për zgjedhjen e kryetarit të Kuvendit. Ai ka shtuar se nëse nuk ka një marrëveshje politike për të zhbllokuar situatën, zgjedhjet janë një opsion i mundshëm.

“Nuk i ka votat as për qeveri. Sikur t’i kishte votat për qeveri do t’i kishte edhe votat për kryetar të Kuvendit. Ose duhet konstituar Kuvendi ose një marrëveshje politike, ose të shkohet në zgjedhje. Duhet ta propozojmë dikë tjetër. Nuk dua t’ua imponoj kandidatin. Veten ta propozon ai (Albin Kurti). Nëse nuk dalim nga kjo situatë, zgjedhje do të kemi në maj ose në qershor. Albulena Haxhiu nuk kalon. I ftoj të ndërrojnë kandidatin, nxirreni dikë që i merr votat”, tha Krasniqi.

Continue Reading

Lajmet

Dështon për të gjashtën herë konstitutimi i Kuvendit të Kosovës

Published

on

By

Konstitutimi i Kuvendit të Kosovës ka dështuar për të gjashtën herë, pasi kandidatja e Vetëvendosjes për kryeparlamentare, Albulena Haxhiu, nuk ka arritur të sigurojë më shumë se 57 vota. 

Emri i Albulena Haxhiut u hodh në votim pas propozimit të deputetit Glauk Konjufca, i cili kërkoi mirëkuptimin e deputetëve për të zhbllokuar situatën politike.

“Emri ynë i vetëm është Albulena Haxhiu, për kryetare të Kuvendit të Kosovës, ju kërkoj mirëkuptimin tuaj që ta zhbllokojmë situatën në të cilën kemi mbetur”, tha Konjufca para procesit të votimit.

Continue Reading

Të kërkuara