Kulturë

Producenti i ‘Friends’ për mungesën e diversitetit: ‘Çfarë mund të them? Do të doja që Lisa të ishte me ngjyrë?’

Published

on

Nostalgjia e “Friends” ka lindur pas ribashkimit të HBO Max, por ekziston një çështje që krijuesit ende kanë për të adresuar: mungesën e diversitetit në shfaqjen televizive.

Marta Kauffman dhe David Crane, të cilët krijuan serialin, dhe producenti ekzekutiv Kevin Bright, kishin pikëpamje të ndryshme mbi temën kur flisnin për diversitetin në serial. Kur u pyetën nëse do të kishin bërë ndonjë gjë ndryshe sa i përket hedhjes në skenë, Bright tha: “Jo”.

“Nuk kam ndonjë keqardhje. Unë do të isha i ‘çmendur’ po të mos merrja ata gjashtë aktorë”, u përgjigj Bright, duke iu referuar yjeve Jennifer Aniston, Courtney Cox, Lisa Kudrow, Matt LeBlanc, Matthew Perry dhe David Schwimmer.

“Çfarë mund të them? Do të doja që Lisa të ishte me ngjyrë? Unë i kam dashur këta aktorë,” vazhdoi regjisori. “E doja serialin dhe eksperiencën. E di që Marta ka një ndjenjë tjetër për të. Mendoj se prek të gjithë ne”.

Kauffman ka shprehur pendim që nuk ka bërë më shumë për të promovuar diversitetin në Friends, i cili filloi nga 1994 në 2004.

“Ka ndoshta njëqind gjëra që unë do t’i kisha bërë ndryshe. Unë kam folur për këtë në të kaluarën dhe kam ndjenja shumë të forta për pjesëmarrjen time në një sistem”, tha ajo.

Nëse shfaqja do të bëhej sot, do të dukej shumë ndryshe, sipas Bright.

“Shumë do të ndryshonte, por për t’i bërë ata të sillen realisht brenda kësaj kohe, do të duhej që të ndryshohet shumë rreth tyre. Dhe përbërja racore e tyre do të ndryshonte për shkak të kësaj. Nëse do të bënim ‘Friends’ sot, unë nuk mund të imagjinoj se ata do të përfundonin duke qenë një kast i [gjithi] i bardhë”.

Crane më parë pranoi se diversiteti nuk ishte i dhënë me përparësi në shfaqeje televizivee rrjetit në atë kohë.

“Pra është diçka për të cilën, në një mënyrë bashkëkohore, ju jeni të vetëdijshëm. Mendoj se po t’i afroheshit shfaqjes sot, sigurisht që do t’i qaseshit ndryshe. Por nga ana tjetër, këta ishin absolutisht gjashtë njerëzit që ndiheshin të përsosur për këto pjesë, kështu që është e vështirë të futesh në një makinë kohe dhe ta imagjinosh ndryshe” përfundoi Crane./UBTNews

Magazinë

Angelina Jolie tregon se cili rol i ndryshoi karrierën dhe e ndihmoi të përballonte pasojat e varësisë

Published

on

Angelina Jolie ka zbuluar se cili prej filmave në të cilin ka luajtur ka ndryshuar tërësisht karrierën e saj.

Pas një sërë rolesh të vogla filmike gjatë viteve të 90-ta, duke përfshirë“Cyborg 2”, “Without Evidence”, “Hackers” dhe “Love Is All There Is”, Jolie tërhoqi vëmendjen duke fituar një Golden Globe për rolin e saj në filmin televiziv “George Wallace”.

Megjithatë, një kthesë e veçantë ndodhi një vit më vonë me filmin “Gia” në të cilin ajo luajti rolin e supermodeles Giu Carangi

Historia e Gias, një ikonë e modës që vdiq nga SIDA në moshën 26 vjeç, ishte emocionuese për Jolie. Në atë kohë, ashtu si personazhi i saj, Angelina ende po luftonte me pasojat e varësisë nga drogat e forta si kokaina dhe heroina.

Në një intervistë për Variety, Jolie zbuloi: “Nuk doja ta bëja, nuk doja të futesha në të. Ndoshta sepse nuk e doja rolin, sepse kisha frikë se ku mund të më çonte, producentët e dinin që unë isha personi i duhur për të”.

Jolie përfundimisht e pranoi rolin dhe, siç pretendon ajo, gjeti terapi në të.

“Unë u identifikova me Gian. Nga të gjithë personazhet që kam luajtur, është më e afërta me mua. Në mënyrë të çuditshme, ai rol më ndihmoi të shmang fatin e saj”, tha ajo.

Anxhelina e mori seriozisht me synimin për të treguar, përmes historisë së Gias, humanizmin pas varësisë, dhimbjen e heshtjen që publiku shpesh nuk e sheh.

“Ajo kishte aq shumë brenda saj dhe askush nuk e dinte. Të gjithë mendonin se ajo ishte thjesht e bukur dhe problematike”, pohon ajo.

Filmi “Gia” me regji të Michael Cristofer shkaktoi shumë entuziazëm. Jolie fitoi një tjetër Golden Globe për performancën e saj, si dhe një çmim SAG. Ky film shënoi përparimin e Angelinës në industrinë e filmit dhe shfaqi aftësitë e saj në aktrim.

Pas Gias, ajo u shfaq në filma të suksesshëm si “Girl, Interrupted” me regji të James Mangold, në të cilin fitoi Oscar për aktoren më të mirë dytësore.

Kjo u pasua edhe nga shndërrimi i saj në një heroinë aksioni global me rolin e Lara Croft në ekskluzivitetin e filmit “Tomb Raider”, i cili i solli famë botërore.

Continue Reading

Lifestyle

Forconi flokët duke konsumuar këto ushqime

Published

on

Nëse po të bien flokët, duken të holluar, pa jetë apo thjesht kërkon më shumë volum dhe shkëlqim – zgjidhja ndoshta nuk është vetëm në shampo apo trajtime të jashtme.

Ajo që ha ndikon direkt në shëndetin e flokëve. Rrënjët e flokëve janë të gjalla dhe si çdo pjesë tjetër e trupit, kanë nevojë për ushqyes të mirë për të prodhuar flokë të fortë dhe të shëndetshëm.

Më poshtë janë disa nga ushqimet më të fuqishme për të nxitur rritjen e flokëve dhe për të rritur volumin në mënyrë natyrale.

Salmoni për shkëlqim natyral

Peshqit si salmoni, sardelet dhe skumbria janë të pasur me yndyrna të shëndetshme omega-3. Trupi nuk i prodhon vetë këto yndyrna, duhet t’i marrësh nga ushqimi. Omega-3 ndihmojnë në mbrojtjen e trupit nga sëmundjet, por janë të rëndësishme për rritjen e flokëve e për t’i mbajtur të shëndetshëm.

Kosi grek për rritjen e flokëve

I pasur me proteinë, që është baza kryesore për ndërtimin e flokëve. Ai përmban një vitaminë të quajtur vitamina B5 (acid pantotenik), e cila ndihmon në përmirësimin e qarkullimit të gjakut në kokë dhe nxit rritjen e flokëve. Kjo vitaminë mund të ndihmojë gjithashtu kundër rënies apo hollimit të flokëve. Nëse ke parë etiketa në produkte për flokët apo lëkurën, mund të kesh parë këtë përbërës.

Spinaqi për flokë të fortë, jo të brishtë

Ashtu si shumë perime të gjelbra me gjethe, spinaqi është i mbushur me lëndë ushqyese të mrekullueshme. Ai përmban vitaminë A, hekur, beta-karoten, acid folik dhe vitaminë C. Këto përbërës punojnë për të mbajtur skalpin të shëndetshëm dhe për të parandaluar thyerjen dhe thatësinë e flokëve. Nëse do një ndryshim, edhe lakra jeshile (kale) është një alternativë shumë e mirë.

Drithëra të pasuruara me hekur për të parandaluar rënien e flokëve

Mungesa e hekurit mund të shkaktojë rënien e flokëve. Fatmirësisht, hekuri mund të gjendet në drithëra, makarona apo bukë të pasuruara me këtë mineral, por edhe te soja, thjerrëzat dhe mishi i kuq, sidomos te mëlçia. Gjithashtu, shumë perime me gjethe të errëta dhe fruta deti janë burime të mira hekuri.

Patatet e ëmbla kundër flokëve të thatë dhe pa shkëlqim

Nëse flokët janë të thatë e pa jetë, patatet e ëmbla janë zgjidhje e shkëlqyer, përmbajnë antioksidues beta-karoten, që trupi e kthen në vitaminë A. Kjo vitaminë ndihmon skalpin të prodhojë yndyrën natyrale që mbron flokët nga tharja. Beta-karoteni gjendet edhe në karrotë, kungull, pjepër dhe mango.

Vezët për rritje dhe forcim

Vezët janë burim i mirë proteine dhe hekuri, dy përbërës që ndihmojnë shumë në rritjen e flokëve. Ato përmbajnë gjithashtu biotin, një lloj i vitaminës B që ndihmon në rritjen dhe forcimin e flokëve. Mungesa e biotinës mund të shkaktojë rënie të flokëve. Ajo ndihmon edhe në forcimin e thonjve të brishtë.

Continue Reading

Magazinë

Të shtëna me armë, Policia mbërrin në shtëpinë e Gordon Ramsay

Published

on

Forca të rënda policore rrethuan shtëpinë luksoze të Gordon Ramsay në Los Anxhelos pas një telefonate që doli të ishte një mashtrim.

Telefonuesi raportoi se të shtëna u qëlluan në rezidencën e shefit të famshëm në Bel Air. Ngjarja ka ndodhur rreth orës 20:40.

Policia ka reaguar menjëherë, por sipas vlerësimeve fillestare, shumë shpejt është konstatuar se informacioni ishte i rremë. Fqinjët raportuan se nuk kishte ndodhur asnjë incident dhe Gordon Ramsay nuk ishte në shtëpi në atë kohë.

Duke folur për TMZ, burime policore folën për një incident “swatting”, siç quhen shakatë me akuza të rreme që synojnë të mobilizojnë në masë forcat e sigurisë. Kjo praktikë ka marrë përmasa në SHBA, ku disa personazhe të famshëm kanë rënë viktimë e saj.

Kohët e fundit, Nicki Minaj ishte shënjestër e një shakaje të ngjashme në shtëpinë e saj në Hidden Hills, ndërsa Jennifer Aniston, Chris Brown, Rihanna, Justin Bieber dhe Tom Cruise kanë qenë të gjithë në shënjestër në të kaluarën.

Continue Reading

Magazinë

Filmi i ri “Mission Impossible” do të zgjasë 3 orë

Published

on

Continue Reading

Të kërkuara