Lajmet

Problemet më të përhapura shëndetësore në moshën 60 vjeçare

Artiti e bën të vështirë jetën e një 60 vjeçari.

Published

on

Me kalimin e moshës, thonë që njeriu bëhet më i mençur, ndërkohë që sa i përket shëndetit, ekspertët konfirmojnë se ai bëhet më i ngatërruar.

Në moshën e tretë ose në dekadën e tetë të jetës, njerëzit përballen me sëmundje nga më të ndryshmet.

Hipertensioni

Hipertensioni njihet si vrasësi i heshtur sepse shfaqet pa ose me pak simptoma.

Gratë dhe burrat në të shtatëdhjetat kanë 60% më shumë shanse të vuajnë nga tensioni i lartë i gjakut.

Njerëzit e kësaj grupmoshe duhet të kufizojnë kripën, të kryejnë aktivitet fizik, dhe të hanë më shumë fruta.

Kolesteroli i lartë

Kolesteroli i lartë dallohet vetëm nëpërmjet analizave të gjakut. Ai mund të shkaktojë atak në zemër dhe trombozë.

Aktiviteti fizik dhe ushqyerja e shëndetshme janë mënyrat më të mira për ta mbajtur nën kontroll edhe në të shtatëdhjetat.

Artriti

Artiti e bën të vështirë jetën e një 60 vjeçari dhe jo vetëm atij/asaj. Artriti, reumatizma apo osteoartriti kanë lidhje të fortë me inflamacionin dhe shfaqen kur imuniteti sulmon kyçet dhe indet.

Lëvizja dhe aktiviteti fizik janë thelbësore.

Perdja e syrit

Me kalimin e kohës, syri i një personi në të shtatëdhjetat formon perden e cila pengon shikimin.

Perdja e syrit mund të hiqet nëpërmjet kirurgjisë.

Humbja e dëgjimit

Humbja e dëgjimit është një faktor rreziku i demencias, depresionit dhe shumë sëmundje të tjera. Ajo mund të ndikojë jashtëzakonisht shumë në mënyrën e të jetuarit.

Rregulli kryesor është që veshët duhet të jenë të pastruar nga dylli.

Në këtë moshë, mbajtja e pajisjeve të dëgjimit është e paevitueshme megjithatë njerëzit duhet të sigurohen që janë pajisje cilësore.

Osteoporoza

Osteoporoza është një sëmundje që gërryen kockat dalëngadalë duke shkaktuar dëme të pariparueshme. Në moshën e tretë, kockat humbin shumë prej dendësisë së tyre.

Ekspertët e AgroWeb.org këshillojnë marrjen e vitaminës D në formën e suplementit.

Pagjumësia

Me kalimin e viteve, njeriu e ka të vështirë të bëjë një gjumë të mirë e të flejë 8 deri në 9 orë. Megjithatë, në të shtatëdhjetat kjo nuk është problem deri në momentin që njeriu ndihet i lodhur gjatë ditës.

Ekspertët nuk rekomandojnë ilaçe për gjumë, përveç melatoninës e cila është hormone i gjumit.

Rregulli i artë në këtë moshë dhe jo vetëm është që nëse nuk arrini të flini brenda gjysëm ore, atëherë mos rrini në shtrat dhe përpiquni sërish më vonë./AgroWeb.org

Lajmet

Kombi pa targa godet veturën e policisë dhe ikën në Maqedoni – tre zyrtarë të lënduar

Published

on

By

Tre zyrtarë policorë kanë pësuar lëndime trupore pasi vetura e tyre është goditur nga një kombi pa targa e cila dyshohej për kontrabandë.

Gjatë ndjekjes në Kaçanik, i dyshuari pasi ka goditur automjetin, e ka braktisur të veten dhe është larguar në drejtim të panjohur në territorin e Maqedonisë së Veriut.

Tutje, policia bën të ditur se automjeti me mall të kontrabanduar është konfiskuar dhe mbetet t’i dorëzohet Doganës së Kosovës.

Rasti po hetohet nga ekipet relevante./D.B/EO

Continue Reading

Lajmet

​Demolli: Donjeta Sadiku synon të shpallet kampione në Botërorin e Boksit

Published

on

Kampionati Botëror i Boksit do të zhvillohet nga 4 deri më 14 shtator në Liverpool të Anglisë ku do të marrë pjesë edhe Kosova me katër garues të kryesuar nga boksierja Donjeta Sadiku si dhe Bashkim Bajoku, Shpëtim Bajoku si dhe Loris Idrizi.

Sekretari i Federatës së Boksit të Kosovës, Latif Demolli, thotë  se kjo federatë i ka dhënë shumë rëndësi këtij kampionati dhe se ekipi është përgatitur maksimalisht për të kërkuar rezultate të mira në këtë kampionat.

“Ne i kemi dhënë rëndësi këtij Kampionati Botëror për arsye se siç e dimë është ndër evenimentet më të mëdha për vitin 2025. Para dy javësh e kemi dërguar Donjeta Sadikun në Sheffield të Anglisë në kampin ndërkombëtar ku kanë qenë tetë shtete kurse djemtë (Shpëtom Bajoku, Bashkim Bajoku dhe Loris Idrizi) kanë qenë në Sofied të Bullgarisë ku po ashtu kanë qenë në kamp ndërkombëtar ku kanë zhvilluar përgatitje të mira për arsye se kanë pasur sparingje të cilat iu kanë munguar për arsye se në Kosovë nuk kemi aq shumë sparingje me boksierë të nivelit të lartë”, theksoi fillimisht Demolli.

Sa i përket Donjeta Sadikut, Demolli thekson se ajo është e bindur në sukses dhe se pret ta shpallet kampione e botës.

“Donjeta ka qenë në formë të mirë, ka pasur një ftohje për tre apo katër ditë por është kaluar ajo dhe është në formën e duhur dhe presim që medaljen e bronztë që ajo e ka nga Kampionati Botëror në Turqi ta shndërrojë në Liverpool në medalje të artë dhe besoj dhe shpresoj që Donjeta do të jetë kampione e botës. Kurse, nga djemtë presim që të marrim minimumin një medalje, pa marrë parasysh a është e artë, e argjendtë apo e bronztë”, shtoi tutje Demolli.

Tutje Demolli bën të ditur se edhe në këtë kampionat, ekspedita kosovare ka udhëtuar me disa telashe financiare pasi është dashur që ato të sigurohen përmes huazimeve dhe pastaj ato të kthehen kur Ministria e Sportit t’i lëshojë pagesat e rregullta.

Medalje Demolli ka thënë se pret edhe nga dy vëllezërit Bajoku në këtë kampionat.

/S.K/KP/FBK

Continue Reading

Lajmet

​Napoli e përjashton Lukakun nga lista e Championsit për arsye shëndetësore

Published

on

Napoli ka bërë publike listën e lojtarëve të regjistruar për fazën e grupeve në Ligën e Kampionëve 2025/26, ku bie në sy mungesa e Romelu Lukakut. Sulmuesi belg, i cili sezonin e kaluar ishte një figurë kyçe për skuadrën e Antonio Contes, nuk është përfshirë për arsye shëndetësore.

Gjatë ndeshjes miqësore me Olympiacosin më 14 gusht, Lukaku pësoi një dëmtim serioz në kofshën e majtë (rectus femoris), i cili do ta mbajë jashtë fushave për tre deri në katër muaj.

Për pasojë, 32-vjeçari do të humbasë të gjitha tetë ndeshjet e para të fazës së grupeve, ndërsa rikthimi i tij pritet rreth muajit dhjetor.

Duke pasur parasysh këtë mungesë afatgjatë, Conte ka vendosur të mos e regjistrojë Lukakun në listën e UEFA-s, duke llogaritur në opsione të tjera sulmuese, mes tyre edhe Rasmus Højlund, i ardhur këtë verë nga Manchester United.

Belgut i mbetet mundësia të rikthehet në skuadër nëse Napoli arrin fazën e eliminimit direkt.

/S.Z/KP/BBC/

Continue Reading

Lajmet

Nxitje e urrejtjes dhe mosdurimit, arrestohet një person në Leposaviq

Published

on

By

Policia e Kosovës ka arrestuar në Leposaviq një person të dyshuar për nxitje të urrejtjes dhe mosdurimit. Policia tha se në lokalin e të dyshuarit po shiteshin bluza me mbishkrime nacionaliste, elektro-shok dhe sprej.

Bëhet fjalë për një shtetas kosovar në pronën e së cilit njësitet policore kanë hasur gjatë patrullimit.

Në konsultim me prokurorin, njësitet policore kanë kryer bastisje edhe në shtëpinë e të dyshuarit.

Është arrestuar i dyshuari mashkull kosovar pasi njësitet policore gjatë patrullimit kanë vërejtur se në një lokal-pronë e të dyshuarit janë duke u shitur bluza me mbishkrime nacionaliste me përmbajtje të veprës penale ‘nxitje e urrejtjes dhe mosdurimit’, stikersa të ndryshëm, elektro-shok dhe sprej OC”, thuhet në raportin 24-orësh të Policisë së Kosovës.

Rasti po hetohet nga ekipet relevante policore./D.B/KP

Continue Reading

Të kërkuara