Kanye West e ka ndryshuar emrin e tij për herë të dytë në vitet e fundit.

Reperi 48-vjeçar e ndryshoi emrin në “Ye West” në vitin 2021, pasi paraqiti një peticion në një gjykatë të Los Angeles.

Megjithatë, është interesante që West ende nuk e ka shpallur publikisht emrin e ri.

Përndryshe, ai u zemërua që e thirrën me emrin e tij të lindjes.

Ai u largua nga emisioni i Piers Morgan sepse prezantuesi “guxoi” ta quante Kanye.

Prej disa ditësh, në rrjetet sociale po përflitet se Dua Lipa mund të jetë artistja që do të performojë në Super Bowl 2026, një nga ngjarjet më të mëdha sportive dhe muzikore në botë.

Megjithëse ende nuk ka një konfirmim zyrtar nga NFL apo nga vetë artistja, thashethemet kanë ndezur emocion dhe diskutime të gjera mes fansave.

Zërat nisën nga faqet e njohura të shoubiz-it si Pop Tingz në X (ish-Twitter), ku menjëherë u përhapën komentet dhe teoritë e fansave nga e gjithë bota. Dua Lipa konsiderohet një zgjedhje ideale për shkak të hiteve të saj të mëdha si “Levitating” dhe “Don’t Start Now” dhe performancave energjike që kanë mahnitur skenat më të mëdha.

Super Bowl 2026 do të zhvillohet më 8 shkurt në Levi’s Stadium në Santa Clara, Kaliforni, dhe nëse konfirmohet Dua Lipa, pritet një spektakël me përmasa historike. Fansat janë kryesisht entuziastë, megjithatë disa shprehin skepticizëm për zgjedhjen.

Pritet që emri i artistit të shpallet zyrtarisht pak muaj para ngjarjes, por tashmë emocionet dhe pritshmëritë janë në kulm.

Beyonce thuhet se ka shpërndarë në heshtje bileta falas për turneun“Cowboy Carter” për familjet me të ardhura të ulëta në Londër, pasi një numër i madh vendesh mbeten të pashitura në Tottenham Hotspur.

Superylli global 43-vjeçar, së cilën e shoqërojnë në skenë vajzat e saj Blue Ivy, 13 vjeçare, dhe Rumi, shtatë vjeçe, ka marrë kritika entuziaste për listën e saj ambicioze prej 40 këngësh, me kritikët që vlerësojnë shkallën e prodhimit dhe performancën e fuqishme të krijueses së hitit “Texas Hold’Em”.

Por, pavarësisht vlerësimeve kritike, asnjë nga gjashtë shfaqjet e saj në Londrën Veriore nuk është shitur plotësisht, duke habitur shumë njerëz marrë parasysh numrin e madh të fansave të saj.

Disa familjeve që mbështeten në mensa për të varfrit e bankat e ushqimit të komunitetit u janë dhënë bileta, organizatorët përpiqen të shmangin sikletin e seksioneve dukshëm të zbrazëta në vendin me kapacitet prej 62,000 vendesh.

Publikimi raporton se që nga nata e së hënës, qindra vende mbetën të lira për koncertin e së martës, me seksione të hapura në më shumë se 70 pjesë të stadiumit. Fansat dhe njerëzit brenda kanë treguar disa arsye për shitjet më të ngadalta. Shumë veta e kanë përmendur koston e biletave si një faktor kryesor.

Kur ato dolën në shitje për herë të parë në shkurt, paketat e nivelit të lartë arritën në 1120 euro – më e larta e çdo turneu në Mbretërinë e Bashkuar këtë vit.

Disa bileta në shitje paraprake që fillimisht kushtonin 730 euro janë ulur që atëherë në vetëm 165 euro.

Zawe Ashton dhe Tom Hiddleston po bëhen përsëri prindër. Aktorja e Broadway-t, 40 vjeç dhe ylli i serialit “Loki”, 44 vjeç, janë në pritje të fëmijës së tyre të dytë, siç ka zbuluar Ashton në një njoftim ekskluziv për Vogue.

Dyshja mori pjesë në premierën britanike të filmit të ri të Tom Hiddleston, “The Life of Chuck”, gjatë festivalit “SXSW” në Londër, ku Zawe shfaqi barkun e rrumbullakosur në tapetin e kuq. Për këtë paraqitje, ajo kishte veshur një fustan elegant në ngjyrë bojëqielli nga Emilia Wickstead.

Çifti, i cili u njoh gjatë bashkëpunimit në shfaqjen “Betrayal” më 2019, mirëpriti fëmijën e të parë në tetor të vitit 2022. Ata e mbajtën të fshehtë marrëdhënien dhe të rralla janë intervistat, Tom, në mars 2022, na tregoi se është i lumtur.

“Jam i lumtur”, tha aktori në një intervistë për Los Angeles Times, disa muaj pasi çifti kishte konfirmuar lidhjen.