Sport

Probleme me Covid-19 në Kombëtaren e Gjermanisë

Një ka rezultuar pozitiv me Covid-19 kurse katër të tjerë janë në vet-izolim.

Published

5 years ago

on

Një lojtar nga Kombëtarja e Gjermanisë ka testuar pozitiv me Covid-19, ku edhe katër lojtarë të tjerë janë detyruar që të vet-izolohen.

Emri i lojtarit nuk është bërë i ditur, por thuhet se ai është i vaksinuar me dy vaksinat dhe momentalisht nuk ka simptoma, sipas një deklarate të lëshuar nga Federata e Futbollit Gjerman.

Të gjithë lojtarët dhe pjesa e stafit janë testuar kur kanë arritur në kampin e stërvitjes së Gjermanisë, para ndeshjeve kualifikuese drejt Kampionatit Botëror kundër Lihtenshtajnit dhe Armenisë, përcjell KosovaPress.

Vetëm një lojtar ka testuar pozitiv, por katër të tjerë kanë hyrë në vet-izolim për shkak se kanë pasur kontakte me atë.

Rreth këtij rasti ka folur drejtori i Kombëtares së Gjermanisë Oliver Bierhoff, i cili ka treguar se rastet aktive me Covid-19 janë në rritje e sipër.

“Numri i rasteve me Covid-19 ka pësuar ngritje të madhe në të gjithë shtetin. Shpresoj që lojtarët që kanë rezultuar pozitiv me Covid-19 të shërohen sa më shpejtë dhe të mos kenë simptoma”, tha Bierhoff.

Gjermania ka pësuar një ngritje të madhe të rasteve me Covid-19, ku javën e fundit ka regjistruar 169,483 raste sipas statistikave të Organizatës Botërore të Shëndetësisë, shifër kjo më e larta në shtet që nga dhjetori i vitit 2020.

Related Topics:
Continue Reading

Sport

Fatjona Kasapi i sjell Kosovës medaljen e dytë në “Taranto 2026”

Published

19 hours ago

on

August 28, 2026

By

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Continue Reading

Sport

Kosova pëson tjetër humbje të thellë në Lojërat Mesdhetare

Published

19 hours ago

on

August 28, 2026

By

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L

Continue Reading

Sport

Erza Muminoviq mbetet pa medalje në Taranto

Published

19 hours ago

on

August 28, 2026

By

Erza Muminoviq është mposhtur në luftën për medaljen e bronztë në Lojërat Mesdhetare “Taranto 2026”.

Xhudistja kosovare, në kategorinë deri në 48 kilogramë, pësoi humbje nga spanjollja Mireia Rodriguez Salvador.

Rodriguez Salvador e siguroi fitoren me “Ippon” pas vetëm 45 sekondash luftë.

Kështu, Muminoviq e përfundon garimin në Taranto pa medalje.

D.L

Continue Reading

Sport

Erza Muminoviq siguron luftën për bronz, pesë xhudistë të Kosovës në garë për medalje

Published

21 hours ago

on

August 28, 2026

By

Plot pesë xhudistë të Kosovës do të kërkojnë medalje të bronztë në Lojërat Mesdhetare “Taranto 2026”.

E pesta që ka siguruar një vend në luftën për medaljen e bronztë është Erza Muminoviq, në kategorinë deri në 48 kilogramë.

Muminoviq e mposhti algjerianen Rahma Ghaliman në repesazh, duke siguruar kështu mundësinë për të luftuar për podium.

Për medaljen e bronztë, Erza do të përballet me spanjollen Mireia Rodriguez.

Përveç saj, për medalje të bronztë do të luftojnë edhe Akil Gjakova, Dardan Cena, Flaka Loxha dhe Fatjona Kasapi.

Pesë mundësi për medalje do t’i japin Kosovës shpresë për një pasdite të suksesshme në tatamin e Tarantos.

D.L

Continue Reading

Të kërkuara