

Lajmet
Probleme gati të njëjta me të drejtat e njeriut
Human Rights Watch, organizatë me seli në Nju Jork, publikoi të enjten raportin për vitin 2021.
Published
4 years agoon
By
Betim GashiNisja e gjykimit të parë në Gjykatën Speciale të Kosovës në Hagë dhe dënimi i parë i shqiptuar në Kosovë për përdhunim gjatë kohës së luftës janë dy ngjarjet që i veçon organizata Human Rights Watch në krye të raportit vjetor për të drejtat e njeriut – pjesa për Kosovën.
Human Rights Watch, organizatë me seli në Nju Jork, publikoi të enjten raportin për vitin 2021, i cili përmbledh kushtet e të drejtave të njeriut në mbi 100 vende dhe territore të botës.
Në pjesën për Kosovën, organizata kujton se Dhomat e Specializuara për Kosovën kanë nisur në shtator gjyqin e parë për krime të luftës.
Në raport përmendet i pandehuri Salih Mustafa, ish-komandant i Ushtrisë Çlirimtare të Kosovës, i cili akuzohet për vrasje, torturë, trajtim mizor dhe ndalim arbitrar, gjatë luftës së vitit 1999 në Kosovë.
Raporti përmend edhe dënimin e ish-policit serb, Zoran Vukotiq, për dhunë seksuale gjatë kohës së luftës.
Dënimi me dhjetë vjet burgim është shqiptuar nga Gjykata Themelore e Prishtinës, ndërsa Human Rights Watch e cilëson si “historik”.
“Në mars, Policia e Kosovës ka arrestuar një shqiptar të Kosovës, me shtetësi serbe, nën dyshimet për krime lufte kundër popullatës civile, gjatë një operacioni të forcave serbe në vitin 1999, kur janë vrarë 147 civilë”, thuhet po ashtu në raport.
Po në muajin mars, thekson raporti, Gjykata Themelore në Prishtinë dënoi dy ish-policë, Zllatan Kërstiq dhe Destan Shabanaj, për përfshirjen e tyre në një sulm në vitin 1999, në të cilin kanë mbetur të vrarë katër anëtarë të një familjeje etnike shqiptare.
Ata janë dënuar me katërmbëdhjetë vjet e gjysmë, përkatësisht shtatë vjet burgim.
Te pjesa për llogaridhënien e institucioneve ndërkombëtare, raporti i organizatës Human Rights Watch thotë se “nuk ka pasur asnjë përparim” drejt kompensimit financiar të pjesëtarëve të komuniteteve rom, ashkali dhe egjiptian, që, siç thuhet, kanë qenë viktima të helmimit në disa kampe për persona të zhvendosur, të cilat janë ngritur nga Misioni i Kombeve të Bashkuara në Kosovë (UNMIK).
Këto kampe janë përmendur edhe në raportin e vitit të kaluar të organizatës Human Rights Watch.
Në atë raport, organizata ka thënë se Kombet e Bashkuara as nuk u kanë paguar kompensim viktimave, as nuk kanë kërkuar falje.
“Diskriminimi ndaj romëve, ashkalive dhe egjiptianëve në Kosovë mbetet problem”, thuhet në raportin e publikuar të enjten.
Te pjesa për pakicat, raporti përmend edhe rastin e vrasjes së politikanit serb në Kosovë, Oliver Ivanoviq.
“Persekutimi i gjashtë të pandehurve të akuzuar për vrasjen e politikanit serb të Kosovës, Oliver Ivanoviq, në vitin 2018, ka vazhduar në Gjykatën Themelore në Prishtinë, me aktakuzën e konfirmuar në maj. Gjykimi filloi në korrik pas vonesave në vitin 2020”, thuhet në raport.
Te pjesa për të drejtat e grave, Human Rights Watch thekson se “të mbijetuarit e dhunës në familje kanë vazhduar të përballen me pengesa në marrjen e mbrojtjes” dhe me “reagim joadekuat të shtetit”.
Vlerësime të ngjashme për këtë kategori janë bërë edhe vitin e kaluar.
Në raportin e lëshuar më 2021, Human Rights Watch ka theksuar se dhuna në familje mbetet problem në Kosovë dhe se për të “ka pak ndjekje penale”.
Në raportin e ri, Human Rights Watch thotë se “një mekanizëm i vitit 2018, i ngritur për të ndihmuar në sigurimin e kompensimit financiar për rreth 20,000 të mbijetuar të dhunës seksuale në luftë, ka vazhduar të ketë arritje të kufizuara”.
Konstatim i njëjtë është bërë edhe në raportin e një viti më parë.
Në pjesën për azilkërkuesit dhe personat e zhvendosur, Human Rights Watch bën të ditur se “gjatë nëntë muajve të parë të vitit 2021, Komisionari i Lartë i Kombeve të Bashkuara për Refugjatë ka regjistruar 261 kthime vullnetare të pjesëtarëve të pakicave etnike në Kosovë nga vendet e tjera”.
Shifra është më e lartë në krahasim me periudhën e njëjtë të vitit 2020, kur janë regjistruar 245 kthime të tilla.
Human Rights Watch ndalet edhe tek orientimi seksual dhe identiteti gjinor dhe kujton se Qendra për Barazi dhe Liri e komunitetit homoseksual (LGBT) në Kosovë ka shprehur shqetësim në muajin tetor për, siç thuhet, “hetimet joadekuate” të “kërcënimeve dhe gjuhës së urrejtjes” kundër personave dhe aktivistëve LGBT, veçanërisht në mediat sociale.
Gjuha e urrejtjes në mediat sociale kundër komunitetit LGBT është përmendur si problem edhe vitin e kaluar.
Sipas raportit të ri, gazetarët po ashtu kanë vazhduar të jenë shënjestër e sulmeve, kërcënimeve dhe frikësimit, ndërsa autorët rrallë janë mbajtur përgjegjës.
“Në periudhën janar-shtator, Asociacioni i Gazetarëve të Kosovës ka regjistruar 18 raste të kërcënimeve, frikësimit dhe dhunës ndaj gazetarëve dhe mediave. Të paktën nëntë raste kanë qenë nën hetime në kohën e shkrimit [të raportit], por hetimet dhe ndjekjet penale kanë qenë të ngadalta”, shkruan Human Rights Watch.
Edhe vitin e kaluar, Human Rights Watch ka përmendur 18 raste të kërcënimeve dhe dhunës kundër gazetarëve dhe mediave.
Raporti i ri përmend edhe, siç thuhet, rritjen e tensioneve midis Serbisë dhe Kosovës, pasi autoritetet e Kosovës “kanë urdhëruar automjetet që t’i heqin targat e Serbisë kur të hyjnë në Kosovë”.
“Palët thuhet se kanë arritur kompromis në fund të shtatorit, me ndërmjetësimin e përfaqësuesit të posaçëm të BE-së, Mirosllav Lajçak”, thuhet në raport.
Ai thekson se Raporti i Progresit i Komisionit Evropian, i publikuar në tetor, ka kërkuar që Kosova të bëjë më shumë për të garantuar në mënyrë efektive të drejtat e pakicave, përfshirë romët, ashkalinjtë dhe personat e zhvendosur, si dhe për të siguruar barazinë gjinore në praktikë.
Lajmet
Arrest shtëpiak ndaj katër të pandehurve për keqpërdorim të pozitës zyrtare në Gjakovë
Published
10 hours agoon
July 25, 2025By
UBTnews
Gjykata Themelore në Gjakovë ka caktuar masën e arrestit shtëpiak në kohëzgjatje prej një (1) muaji ndaj të pandehurve A.B., E.B., A.L. dhe A.K., shtetas të Republikës së Kosovës, për shkak të dyshimit të bazuar se kanë kryer veprën penale “’Keqpërdorim i pozitës apo autoritetit zyrtare”.
Sipas kërkesës, gjatë viteve 2018 dhe 2019, ekziston dyshimi i bazuar se të pandehurit A.B., Drejtor i Drejtorisë për Urbanizëm dhe Mbrojtje të Mjedisit, dhe E.B., Udhëheqëse e Sektorit Urbanistik në Komunën e Gjakovës, duke shfrytëzuar pozitën zyrtare dhe në bashkëkryerje, me dashje dhe në kundërshtim me interesin publik, kanë lëshuar pëlqime për parcelim të paligjshëm të pronave publike në dobi të palëve të treta A.L., M.Ll. dhe Sh.B., duke u mundësuar këtyre bartjen e pronës publike në emër të tyre dhe duke dëmtuar pasurinë e Komunës së Gjakovës dhe KBI-së në Gjakovë.
Po ashtu, ekziston dyshimi se gjatë vitit 2019, A.L., Drejtoreshë për Kadastër, Gjeodezi dhe Pronë, dhe A.K., jurist, kanë tejkaluar kompetencat duke miratuar regjistrime të reja të parcelave në kundërshtim me ligjin për kadastër dhe atë për të drejtat e pronës së paluajtshme, duke i bartur në mënyrë të kundërligjshme parcela dhe objekte në emër të palëve A.L., M.Ll. dhe Sh.B., duke dëmtuar interesin publik dhe pronën e institucioneve publike.
“Me këto veprime të gjithë të pandehurit dyshohen se kanë kryer veprën penale të keqpërdorimit të pozitës apo autoritetit zyrtar, në bashkëkryerje”, thuhet në njoftim.
Në këtë procedurë Prokuroria Themelore e Gjakovës, ka kërkuar caktimin e masës së paraburgimit ndaj të pandehurve por gjyqtari i procedurës paraprake, Sulltan Dobraj, ka vlerësuar se në këtë fazë të procedurës penale masa e arrestit shtëpiak është e mjaftueshme për të siguruar praninë e katër personave të pandehur, të parandalojë përsëritjen e veprës penale dhe të sigurojë zbatimin e suksesshëm të procedurës penale.
Të pandehurit do të mbahen në arrest shtëpiak në kohëzgjatje prej një muaji, i cili do të llogaritet prej kohës së arrestimit më 23 korrik 2025 dhe do të zgjasë deri më 23 gusht 2025.
Lajmet
Punëtorët e KEK-ut do të marrin 400 euro bonus
Published
10 hours agoon
July 25, 2025By
UBTnews
Sindikata e Re e KEK-ut ka njoftuar se pas kërkesave dhe përpjekjeve të vazhdueshme, siç thuhet në njoftim, menaxhmenti ka pranuar dhënien e një bonusi prej 400 euro neto, për të gjithë punëtorët e KEK-ut.
Ky vendim sipas kësaj sindikate, përbën një njohje të merituar për punën, përkushtimin dhe përgjegjësinë e lartë të punonjësve.
“Ky vendim përbën një njohje të merituar për punën, përkushtimin dhe përgjegjësinë e lartë të punonjësve, të cilët çdo ditë përballen me sfida dhe sakrifica të mëdha”.
“Falënderojmë stafin menaxhues për reflektimin dhe gatishmërinë për të bashkëpunuar në funksion të interesit të punëtorëve dhe rritjes së mirëqenies në vendin e punës. Në fundvit do të kemi sërish mundësinë për të avancuar më tej në drejtim të ngritjes së mirëqenies së punonjësve”, thuhet tutje në njoftim.
Lajmet
Spalletti: Futbolli më ka shkatërruar jetën
Published
12 hours agoon
July 25, 2025By
UBT News
Luciano Spalletti ka folur pas dorëheqjes nga Kombëtarja e Italisë, duke pranuar se përvoja e fundit e ka rënduar shumë psikologjikisht. Spalletti pranoi se ndoshta kërkoi shumë nga lojtarët, duke u përpjekur të ushqente ndjenjën e identitetit dhe krenarisë.
“Futbolli më ka shkatërruar jetën. Nuk mund të fle pas humbjes me Norvegjinë. Kur më kërkuan të drejtoja Italinë, nuk fjeta për dy ditë. Gabimi im ishte se e shtyva shumë fort këtë ndjenjë përkatësie. Por lojtarët e mi janë të klasit të parë dhe nuk kam asnjë pendesë për zgjedhjet e bëra.”-tha ai.
Ai foli edhe për presionin e madh gjatë Kampionatit Evropian, mungesën e disa lojtarëve kyç si Chiesa dhe për dëmtimet e shumta që e vështirësuan punën. “Nga marsi deri në qershor, pësuam gola që dukeshin të pabesueshëm. Presioni ishte i jashtëzakonshëm,” shtoi ai.
Spalletti nuk i kurseu fjalët as për të kaluarën te Napoli duke shtuar se De Laurentiis i bëri një shërbim të keq dhe se fyerja më e madhe ishte që nuk i lejuan të parakalonin me autobus pas Scudetto-s.
Lajmet
Gjykata e Beogradit ia cakton 30 ditë paraburgim Lulzim Halilit
Published
13 hours agoon
July 25, 2025By
UBTnews
Gjykata e Lartë në Beograd ka caktuar masën e paraburgimit prej 30 ditësh për shtetasin shqiptar, Lulzim Halili, i arrestuar më 22 korrik nga autoritetet serbe në afërsi të qytetit Svilajnac, rreth 100 kilometra larg kryeqytetit serb.
Sipas mediave në Serbi, Halili dyshohet për përfshirje në “organizim dhe nxitje të kryerjes së gjenocidit dhe krimeve të luftës”. Pas arrestimit, ai është dërguar menjëherë në mbajtje në Stacionin Policor të Svilajnacit.
Nga ana tjetër, autoritetet kosovare shprehen se nuk janë informuar zyrtarisht për zhvillimet rreth këtij rasti. Ministria e Punëve të Jashtme dhe Diasporës e Kosovës bëri të ditur se, deri më tani, nuk ka marrë informacione nga pala serbe në lidhje me arrestimin dhe akuzat ndaj Halilit.
“Sapo të konfirmohet nëse Halili do t’i nënshtrohej masës së paraburgimit dhe do të iniciohet procedurë penale ndaj tij, Zyra Ndërlidhëse do të parashtrojë kërkesë zyrtare për vizitë në Qendrën e Mbajtjes” thuhet në një njoftim nga MPJD.
Rasti ka ngjallur shqetësime lidhur me të drejtat e të arrestuarit dhe transparencën e autoriteteve serbe në raport me institucionet kosovare.

Arrest shtëpiak ndaj katër të pandehurve për keqpërdorim të pozitës zyrtare në Gjakovë

Punëtorët e KEK-ut do të marrin 400 euro bonus

Monumenti për viktimat e gjenocidit të Srebrenicës u përurua në Paris

Spalletti: Futbolli më ka shkatërruar jetën

Gjykata e Beogradit ia cakton 30 ditë paraburgim Lulzim Halilit

Kurti: Falënderim bashkatdhetarëve për çdo përkrahje që kanë dhënë

Këshilli Prokurorial shtyn testin kualifikues për prokurorë të rinj, për shkak të temperaturave të larta

Asllani bëhet ‘problem’ për Interin

Çfarë i ndodh trupit kur konsumoni shumë mish?
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore