Lajmet

Pritjet për takimin e sotëm Kurti-Vuçiq në Berlin

Violeta Haxholli nga Instituti Demokratik i Kosovës thotë se presioni më i madh duhet të drejtohet kah Serbia.

Published

4 years ago

on

Pas dhjetë muajve sot do të rikthehen takimet e nivelit të lartë të dialogut Kosovë-Serbi. Për herë të tretë kryeministri i Kosovës, Albin Kurti, do të zhvillojë takim kokë më kokë me presidentin e Serbisë, Aleksandër Vuçiq, pas takimeve me kancelarin gjerman, Olaf Scholz.

Qëndrimi i sotëm në Berlin i liderëve të Kosovës dhe Serbisë dhe përfshirja e Gjermanisë në dialog po konsiderohet t’i jep dinamikë të re procesit për arritjen e marrëveshjes finale, por edhe si mundësi e përafrimit të marrëveshjeve të pazbatuara deri më tani, përfshirë edhe ajo për targat.

Violeta Haxholli nga Instituti Demokratik i Kosovës thotë se Kosova dhe Serbia duhet t’i marrin seriozisht kërkesat që mund të vijnë nga kancelari Scholz për arritjen e marrëveshjes finale me qendër njohjen reciproke.

Në këtë drejtim, duke e cilësuar si shumë të rëndësishme edhe takimin e kryeministrit Kurti me kancelarin gjerman, Haxholli thotë se presioni më i madh duhet të drejtohet kah Serbia, pasi e njëjta po heziton në njohjen e shtetësisë së Kosovës.

“Palëve do t’iu kërkohet edhe Kosovës dhe Serbisë që të përkushtohen më shumë në procesin e dialogut dhe arritjen e një marrëveshje finale, ligjërisht të obligueshme që kërkohet tash e shumë kohë nga ana e BE-së, kërkesë në gjitha raportet zyrtare që vijnë nga BE-ja kur i drejtohen Kosovës dhe Serbisë. Vizita është padyshim shumë e rëndësishme, mendoj se roli i Gjermanisë do t’i jep një dinamikë të re procesit të dialogut, pasi vjen një kërkesë nga një shtet shumë i rëndësishme i BE-së dhe besoj se Kosova dhe Serbia do të marrin shumë seriozisht kërkesat që mund të vijnë nga kancelari gjerman. Në këtë drejtim, besoj se presioni më i madh duhet të drejtohet kah Serbia, pasi është ky shtet që refuzon të njoh shtetin e pavarur të Kosovës dhe që ka bërë pengesa në arritjen e një marrëveshje që në qendër ka njohjen reciproke”, deklaron Haxholli.

Nga ana tjetër, njohësi i procesit të dialogut, Gazmir Raci, thotë se me rëndësi të veçantë është rikthimi i dialogut të nivelit të lartë dhe veçmas në zyrën e kancelarit gjerman, Olaf Scholz. Kjo, sipas tij tregon se palët po i rikthehen dialogut me objektiv të qartë, arritjen e marrëveshjes finale.

“Me rëndësi është që takimet e nivelit të lartë po rikthehen dhe atë në zyrën e kancelarit gjerman. Kjo tregon se Gjermania socialdemokrate është po ashtu e njëjta me Gjermaninë e kancelares Merkel. Kjo është e rëndësishme për Kosovën dhe Ballkanin Perëndimor, sepse palët po i kthehen dialogut për të arritur marrëveshjen finale sa më shpejt të jetë e mundur. Takimi po mbahet edhe për shkak të zhvillimeve të fundit gjeopolitike dhe luftës në Ukrainë. Natyrisht edhe Gjermania dhe SHBA janë të interesuar që Ballkanin Perëndimor të stabilizojnë sa më shpejtë të jetë e mundur, në mënyrë që të mos jetë arenë e përplasjeve të reja të Rusisë”, tha Raci.

Takimin Kurti-Vuçiq, Violeta Haxholli e sheh edhe si mundësi për përafrimin e diskutimeve në disa marrëveshje të tjera që nuk po zbatohen, përfshirë edhe ajo për targat e automjeteve.

“Çështja e targave dhe çështja e marrëveshjeve të tjera që ende hasin në sfidat e zbatimit mund të jetë si çështje që mund të përmendet, por nuk besoj se mund të ketë ndonjë marrëveshje në këtë takim sa i përket kësaj çështje të veçantë. Besoj se diskutimi do të fokusohet në pika të trasha sa i përket procesit të dialogut në rritjen e përpjekje të dy palëve për të arritur një marrëveshje finale”, shton ajo.

Vitin e kaluar, kryeministri Albin Kurti zhvilloi dy takime me presidentin e Serbisë, Aleksandër Vuçiq, por pa arritur ndonjë progres në kuadër të dialogut Kosovë-Serbi.

Takimi i sotëm Kurti-Vuçiq do të ndodhë me prezencën e ndërmjetësuesit, njëherësh emisarit special të BE-së për dialogun, Miroslav Lajçak, i cili po ashtu do të ketë takim me kancelarin gjerman në Berlin./KP

Related Topics:
Continue Reading

Lajmet

​Bellingham dhe Foden rikthehen në kombëtaren e Anglisë

Published

12 hours ago

on

November 7, 2025

By

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Continue Reading

Lajmet

Vdes në moshën 24 vjeçare lojtari i Cowboys, Marshawn Kneeland

Published

13 hours ago

on

November 7, 2025

By

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi ​​një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

 

Continue Reading

Lajmet

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

13 hours ago

on

November 7, 2025

By

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.

Continue Reading

Lajmet

Kosova e publikon listën e të ftuarve për ndeshjet vendimtare ndaj Sllovenisë dhe Zvicrës

Published

13 hours ago

on

November 7, 2025

By

Kombëtarja e Kosovës e ka publikuar listën për dy ndeshjet e muajit nëntor ndaj Sllovenisë dhe Zvicrës.

Kapiteni Amir Rrahmani është rikthyer pasi mungoi në muajin tetor, së bashku me Baton Zabergjën. Ndërkohë, në listën rezervë kanë rënë Florent Hadërgjonaj e Florian Haxha.

Lista e plotë e Kosovës:

Portierë: Arijanet Muric, Amir Saipi, Visar Bekaj, Faton Maloku

Mbrojtësit: Amir Rrahmani, Mërgim Vojvoda, Lumbardh Dellova, Fidan Aliti, Ilir Krasniqi, Albian Hajdari, Kreshnik Hajrizi, Dion Gallapeni, Leard Sadriu

Mesfushorët dhe sulmuesit: Valon Berisha, Elvis Rexhbecaj, Leon Abdullahu, Veldin Hoxha, Lindon Emërllahu, Meriton Korenica, Ermal Krasniqi, Baton Zabërgja, Edon Zhegrova, Milot Rashica, Florent Muslija, Fisnik Asllani, Vedat Muriqi./S.K/EO/

Continue Reading

Të kërkuara