Lajmet

​Prishtina kërkon kompensim financiar nga FFK pas përjashtimit pa të drejtë nga garat evropiane

Published

on

Klubi i futbollit Prishtina ka fituar rastin ndaj Federatës së Futbollit të Kosovës pasi kjo e fundit nuk e kishte licencuar këtë klub dhe kjo i kishte përjashtuar ata nga pjesëmarrja në garat evropiane.

Komisioni i Arbitrazhit Sportiv ka vendosur në favor të Prishtinës duke thënë se “Padia e Klubit të Futbollit Prishtina sh.p.k. nga Prishtina me nr. 136/2023, e datës 08.06.2023 e KF Prishtina sh.p.k kundër Federatës së Futbollit të Kosovës – FFK është e BAZUAR”.

Vendimi i plotë i KAS-it, i publikuar nga KF Prishtina:

FC Prishtina nuk është licencuar pa të drejtë nga FFK – ka vendosur KAS-KOK

KËSHILLI PËR ARBITRAZH SPORTIV (KAS) I KOMITETIT OLIMPIK TË KOSOVËS

Ka marrë VENDIM që Padia e Klubit të Futbollit Prishtina sh.p.k. nga Prishtina me nr. 136/2023, e datës 08.06.2023 e KF Prishtina sh.p.k kundër Federatës së Futbollit të Kosovës – FFK është e BAZUAR.

Anulohet Vendimi me Nr. 539-2, i datës 26.05.2023 i Komisionit të shkallës së dytë i Federatës së Futbollit të Kosovës për licencimin e klubeve për pjesëmarrje në garat e UEFA-së dhe Vendimi 534-2, i datës 19.05.2023 i Komisionit të Federatës së Futbollit të Kosovës për licencimin e klubeve për pjesëmarrje në garat e UEFA.

Ndërkohë, pas fitimit të këtij rasti, Prishtina ka paralajëmruar se do të kërkojë kompensim të dëmit material, moral dhe prishjen e imazhit të klubit.

FC Prishtina njofton se pas këtij vendimi të paligjshëm të Komisionit për Licencim të FFK-s për moslicencim të FC Prishtina, hapen rrugët ligjore për të kërkuar kompensimin e dëmit material, moral dhe prishjen e imazhit të klubit”, thuhet më tutje në njoftim it me klubit nga kryeqyteti.

Lajmet

KFOR i del në ndihmë Kosovës për shuarjen e zjarreve, hedhin mbi 43 mijë litra ujë nga ajri

Published

on

By

Misioni i NATO-s në Kosovë, KFOR, në bashkëpunim me trupat amerikane të aviacionit të vendosur në Komandën Rajonale-Lindje, po vijon ndihmën për shuarjen e zjarreve që kanë përfshirë pjesë të ndryshme të vendit.

Sipas një njoftimi zyrtar të KFOR-it, dy helikopterë ushtarakë të tipit UH-60 Black Hawk kanë realizuar një seri operacionesh ajrore për hedhjen e ujit në zonat e prekura, me qëllim mbajtjen nën kontroll të flakëve që rrezikonin jetën e banorëve dhe infrastrukturën lokale.

Gjatë dy orëve të operimit, ekipet ajrore realizuan gjithsej 18 hedhje, duke transportuar mbi 43.500 litra ujë në rajonet e përfshira nga zjarret”, thuhet në komunikatën e KFOR-it. Më tej theksohet se kjo ndërhyrje dëshmon gatishmërinë e menjëhershme dhe angazhimin e fortë të misionit të NATO-s për mbështetjen e institucioneve lokale dhe mbrojtjen e civilëve në kohë krizash.

Ndërkohë, edhe Agjencia për Menaxhimin e Emergjencave (AME) ka konfirmuar përkeqësimin e situatës në terren. Vetëm gjatë gjashtë orëve të fundit, sipas të dhënave të pranuara nga Qendra Operative e AME-së, janë regjistruar gjithsej 80 vatra zjarri në mbarë vendin – prej të cilave 35 mbeten ende aktive, ndërsa 45 janë lokalizuar.

Zonat më të goditura janë fshatrat Siqevë dhe Resnikë në Komunën e Klinës, ku situata paraqitet veçanërisht e rënduar.

Continue Reading

Lajmet

Supremja e shpall të paligjshme Rregulloren e re për Koordinatorin kombëtar për luftimin e krimit ekonomik

Published

on

By

Gjykata Supreme e ka shpallur të paligjshme dhe e ka shfuqizuar rregulloren për ndryshimin dhe plotësimin e Rregullores për themelimin dhe funksionalizimin e koordinatorit kombëtar për luftimin e krimit ekonomik.

Ky vendim vjen pasi Supremja e ka aprovuar si të themeltë kërkesëpadinë e prokurorit Shqipdon Fazliu – që ishte kryesues i Koordinatorit Kombëtar për Luftimin e Krimit Ekonomik, kundër Këshillit Prokurorial të Kosovës që e kishte miratuar rregulloren.

Ky aktgjykim merr formën e prerë menjëherë pas komunikimit të përmbajtjes dhe arsyetimit të tij palëve. Detyrohet Këshilli Prokurorial i Kosovës që të njëjtin ta publikojë në mënyrë të njëjtë sikurse të miratimit të saj”, ka thënë Supremja.

Sipas vendimit, paditësi kishte pretenduar se kishte shkelje sa i përket miratimit të rregullores.

Vendimin mund ta lexoni këtu.

Continue Reading

Lajmet

Rafuna kërkon pezullimin e vendimit të ZRRE-së: Është rritur importi dhe ka rënë eksporti

Published

on

By

Kryetari i Odës Ekonomike të Kosovës, Lulzim Rafuna, ka thënë se si pasojë e daljes së bizneseve në treg të hapur është rritur importi, ndërkaq, eksportet kanë rënë për 1.5 për qind.

Ai në konferencë për media të hënën, i bëri thirrje ZRRE-së që të pezullojë vendimin deri në shkurt të vitit 2026.

Pak ditë para skadimit të kontratave të bizneseve me KEK-un, ai tha se të njëjtët nuk kanë shumë opsione për furnizim me energji elektrike.

Të premten Dhoma e Tregtisë dhe Industrisë Kosovë e ka dorëzuar në qeveri kërkesën për shtyrjen e procesit të liberalizimit të tregut energjetik.

Në një konferencë të jashtëzakonshme për media, para objektit të qeverisë, drejtues të Dhomës së Tregtisë dhe Industrisë Kosovë kanë thënë se vendimi i Zyrës së Rregullatorit për Energji do të afektojë tek qytetarët me rritje të çmimeve, largim të punëtorëve nga puna edhe rënie të hyrave buxhetore për shtetin e Kosovës.

ZRRE ka njoftuar javën e kaluar bizneset lidhur me përfundimin e periudhës së furnizimit të garantuar nga Furnizuesi i Mundësisë së Fundit.

Po ashtu edhe KEK ditë më parë ka njoftuar se 30 korriku është data e fundit që do të furnizojë me energji elektrike të gjithë konsumatorët që nuk kanë gjetur furnizues në treg të hapur, ka njoftuar Korporata Energjetike e Kosovës (KEK).

Në anën tjetër, më 12 qershor 2025 Bordi i Zyrës së Rregullatorit për Energji në mbledhjen e tij e ka caktuar subjektin juridik KEK – si Furnizues të Mundësisë së Fundit për periudhë gjashtë (6) mujore, nga 31.07.2025 deri më 30.01.2026.

Continue Reading

Lajmet

​Prokuroria Speciale mirëpret aktgjykimin fajësues për të akuzuarit për sulmin ndaj zyrave të KKZ-së

Published

on

By

Prokuroria Speciale e Republikës së Kosovës e ka mirëpritur aktgjykimin e Gjykatës Themelore, e cila i ka shpallur fajtorë Millun Millenkoviq, Dejan Pantiq, Aleksandar Vllajiq për sulmin ndaj zyrave të Komisionit Komunal Zgjedhor (KKZ) në Mitrovicë të Veriut në dhjetor të vitit 2022. Megjithatë, në reagimin e prokurorisë thuhet se prokuroi i rastit do të shqyrtojë të drejtën e ankesës.

Millenkoviq dhe Vllajiq janë dënuar me nga pesë vjet burgim, ndërkaq Pantiq me dy vjet burgim. Gjykata Themelore ka liruar nga akuzat, Miomir Vakiq, raporton KosovaPress.

Prokuroria Speciale e Republikës së Kosovës mirëpret aktgjykimin fajësues të Gjykatës Themelore në Prishtinë, në lidhje me sulmin terrorist ndaj zyrës së Komisionit Qendror të Zgjedhjeve (KQZ), në dhjetor të vitit 2022 në Mitrovicë të Veriut. Gjykata e shkallës së parë i ka shpallur fajtorë të akuzuarit Millun Millenkoviq, Dejan Pantiq, Aleksandar Vllajiq, ndërsa ka liruar nga akuzat Miomir Vakiq. Pas pranimit të aktgjykimit të plotë, prokurori i rastit do të shqyrtojë të drejtën e ankesës”, thuhet në këtë reagim.

Prokuroria Speciale e ka vlerësuar këtë vendim si hap të rëndësishëm drejt vendosjes së drejtësisë, duke theksuar se “dërgon një mesazh se aktet e dhunës dhe kërcënimet ndaj institucioneve demokratike të Republikës së Kosovës nuk do të tolerohen”.

Aktgjykimi në rastin e sulmit ndaj zyrave të Komisionit Komunal Zgjedhor në Mitrovicën e Veriut në dhjetor të vitit 2022, është shpallur sot, më 28 korrik, në Gjykatën themelore në Prishtinë.

Prokuroria e Kosovës kishte ngritur aktakuzë në dhjetor të vitit 2023 për veprën penale “akt terrorist”. Ata akuzohen për sulm me mjete shpërthyese ndaj zyrave të Komisionit Qendror të Kosovës duke rrezikuar jetën e zyrtarëve dhe pjesëtarëve të Policisë së Kosovës.

Continue Reading

Të kërkuara