

Lajmet
Prishtina drejt qytetit pa barriera, për lehtësim të qarkullimit të personave me nevoja të veçanta
Published
1 month agoon
By
UBTnewsKryetari i Prishtinës, Përparim Rama, dhe ambasadorja e Vullnetit të Mirë për Kosovën në IHRC, Elvana Shala, prezantuan sot ecurinë e fushatës “Prishtina pa barriera”, e cila synon përmirësimin e qasjes për personat me nevoja të veçanta.
Rama tha se në tri vitet e fundit kanë ndërhyrë në 22 lokacione.
Ai shtoi se puna në disa zona ka arritur deri në 90 për qind të realizimit dhe se fushata do të vazhdojë deri në heqjen e çdo pengese për lëvizje të lirë në kryeqytet.
“Kur para tre vjetësh nënshkruam memorandumin e bashkëpunimit për ‘Prishtina pa barrier’ morëm një zotim të qartë: ta bëjmë kryeqytetin tonë të qasshëm dhe të barabartë për të gjithë. Sot, mund të them me bindje se ky zotim po kthehet në realitet. Gjatë kësaj periudhe kemi ndërhyrë në 22 lokacione të ndryshme në qytet. Në shumë prej tyre kemi ulur trotuaret, kemi vendosur rampa sipas standardeve, kemi liruar hapësirat e bllokuara dhe kemi përmiresuar ndriçimin publik. Në qendrat e mjekësisë dhe institucionet arsimore kemi instaluar rampa, ashensorë dhe tualete të përshtatshme për personat me aftësi të kufizuara. Në hapësirat e trafikut urban kemi filluar vendosjen e itinerareve dhe kemi përshtatur biletaritë për qasje më të lehtë.
Në disa zona puna ka arritur deri në 90 për qind të realizimit, ndërsa në të tjera jemi në fazat fillestare, por me plan të qartë për përfundim. Përveç ndërhyrjeve fizike, kemi zbatuar edhe fushata vetëdijesuese, kemi forcuar inspektimin dhe kemi standardizuar mënyrën se si projektohen hapësirat publike për të garantuar lëvizje të lirë dhe të sigurt për të. Ky është një proces i përbashkët, që po e transformon Prishtinën në një qytet pa barriera. Falënderoj të gjithë ata që kanë dhënë kontributin e tyre dhe ju siguroj se nuk do të ndalemi, derisa çdo pengesë të zëvendësohet me një mundësi për lëvizje të lirë”, tha Rama.
Ambasadorja e Vullnetit të Mirë për Kosovën në IHRC, Elvana Shala, tha se “Prishtina pa barriera” nuk është vetëm për personat me nevoja të veçanta, por për të gjithë ata që hasin vështirësi në lëvizje, përfshirë të moshuarit, prindërit me fëmijë në karrocë dhe çdo qytetar tjetër.
“Prishtina pa barriera nuk është vetëm për personat me nevoja të veçanta, por për të gjithë njerëzit me vështirësi në lëvizje, përfshirë edhe të moshuarit, me fëmijë me karroca dhe të gjithë të tjerët. Kemi bërë në total numrin e lokacioneve 22 me mesataren e përfundimit 58.5 për qind të të gjitha punimeve të planifikuara. Kemi pasur ndihmesë edhe nga të gjithë qytetarët e Prishtinës që kanë dërguar foto të lokacioneve. Me së shumti kemi hasur në mungesë uljesh të trotuareve, të mbajtësve të shkallëve”, tha ajo.
Aktualitet
Arti dhe Media Digjitale në fokus – UBT mbledh studiues e profesionistë nga mbarë bota
Published
11 hours agoon
September 20, 2025By
Driton Iseni
UBT ka kënaqësinë të ftojë studiues, profesionistë dhe krijues nga fusha të ndryshme për të marrë pjesë në Konferencën e 14-të Ndërkombëtare për Artin dhe Median Digjitale, e cila këtë vit zhvillohet në kuadër të Konferencës Ndërkombëtare të UBT-së për Biznes, Teknologji dhe Inovacion. Ky edicion vjen me fokus të veçantë mbi “Qëndrueshmërinë dhe Reziliencën”, si dy shtylla kryesore të zhvillimit në epokën digjitale.
Konferenca do të jetë një platformë e rëndësishme për shkëmbimin e dijeve dhe përvojave mes akademikëve, studentëve të programeve pasuniversitare, kandidatëve të doktoraturës, studiuesve të rinj dhe ekspertëve të industrisë. Synimi është të krijohet një hapësirë bashkëpunimi ku diskutohen tendencat më të reja dhe sfidat që lidhen me ndërthurjen e artit dhe teknologjisë.
Fushat që do të trajtohen:
- Konferenca mbulon një spektër të gjerë temash, përfshirë:
- Sfidat e artit dhe medias digjitale në epokën moderne;
- Përdorimi i teknologjisë kreative në art dhe media digjitale;
- Teknologjitë e reja që po transformojnë artin;
- Performanca artistike në kohën e artit digjital;
- Ndikimi i artit digjital në kulturën bashkëkohore;
- E ardhmja e galerive dhe muzeve;
- Ndikimi i teknologjisë në art dhe edukim;
- Shprehjet kreative dhe interaktive;
- Ndërveprimi njeri-kompjuter.
Datat kryesore të konferencës:
Dorëzimi i abstrakteve: 10 tetor 2025
Njoftimi për pranimin: 17 tetor 2025
Rishikimi shkencor (peer review): 17 tetor 2025
Regjistrimi i hershëm: 17 tetor 2025
Regjistrimi i vonuar: 20 tetor 2025
Dorëzimi i punimeve të plota: 14 nëntor 2025
Udhëzime për aplikim:
Punimet e paraqitura duhet të jenë origjinale, të papublikuara më parë dhe jo në proces shqyrtimi në konferenca apo revista të tjera. Tekstet duhet të jenë deri në 6 faqe dhe të përmbushin standardet e pranuara të konferencës. Punimet që nuk përmbushin kriteret e formatimit nuk do të merren në shqyrtim.
Për më shumë informacion mbi kriteret e aplikimit dhe procesin e regjistrimit, pjesëmarrësit ftohen të vizitojnë faqen zyrtare të konferencës në webfaqen e UBT-së: Konferenca e UBT-së
Kjo konferencë pritet të shndërrohet në një ngjarje unike ku arti, teknologjia dhe inovacioni takohen për të ndërtuar një të ardhme më kreative, më të qëndrueshme dhe më gjithëpërfshirëse.
Aktualitet
UBT hap thirrjen për pjesëmarrje në Konferencën Ndërkombëtare mbi Artet Performuese 2025
Published
1 day agoon
September 19, 2025By
Driton Iseni
UBT ka hapur thirrjen për pjesëmarrje në Konferencën e 14-të Ndërkombëtare për Arte Performuese, e cila organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion, me fokus të veçantë këtë vit tek Qëndrueshmëria dhe Rezilienca.
Ky aktivitet shkencor ndërkombëtar është i rishikuar nga ekspertë akademikë (peer reviewed) dhe ka për synim të sjellë së bashku studiues, praktikues, doktorantë, studentë pasuniversitarë, si dhe profesionistë të industrisë për të shkëmbyer njohuri, përvoja dhe qasje të reja në fushën e artit performues.
Datat e rëndësishme:
- Dorëzimi i abstrakteve: 10 tetor 2025
- Njoftimi i pranimit: 17 tetor 2025
- Rishikimi nga ekspertët: 17 tetor 2025
- Afati i hershëm i regjistrimit: 17 tetor 2025
- Afati i vonshëm i regjistrimit: 20 tetor 2025
- Dorëzimi i punimeve të plota: 14 nëntor 2025
Fushat që mbulon konferenca përfshijnë, por nuk kufizohen vetëm tek:
- Zhvillimi i teatrit pas luftës në Kosovë
- Roli i muzikës në ndërtimin e karakterit skenik
- Përgatitja psikologjike e aktorit në interpretimin e roleve
- Përgatitja fizike dhe rëndësia e saj për zhvillimin e aktorit
- Kinematografia para dhe pas luftës në Kosovë dhe trajtimi i temave të luftës
- Ndikimi i maskave greke në krijimin e maskave të teatrit modern
- Audicionet, monologët dhe përzgjedhja e tyre
- Teatri për fëmijë dhe të rinj
- Teatri si terapi për fëmijë dhe të rritur
- Inteligjenca Artificiale (AI) në aktrim
Konferenca synon të nxisë dialogun ndërdisiplinar dhe të krijojë një platformë unike për të diskutuar sfidat dhe prirjet e reja në artet performuese, duke i lidhur ato me zhvillimet globale në teknologji dhe shoqëri.
Punimet e paraqitura duhet të jenë origjinale, të papublikuara më parë dhe jo në proces shqyrtimi në ndonjë konferencë tjetër. Gjatësia maksimale e punimit është 6 faqe, sipas standardeve të specifikuara në faqen zyrtare të konferencës.
Për më shumë detaje dhe aplikim, vizitoni: KONFERENCA E UBT-së
Aktualitet
Von Der Leyen: Rusia e ka treguar plotësisht përbuzjen ndaj diplomacisë dhe ligjit
Published
2 days agoon
September 19, 2025By
UBT News
Presidentja e Komisionit Evropian, Ursula von der Leyen, në deklaratën e saj tha se Rusia e ka treguar plotësisht përbuzjen ndaj diplomacisë dhe ligjit ndërkombëtar gjatë muajit të fundit, duke kritikuar sulmet më të mëdha me dronë dhe raketa ndaj Ukrainës.
Ajo veçoi sulmet ruse në Kiev që goditën zyrën e BE-së në kryeqytet, si dhe shkeljet me dronë rusë në Poloni dhe Rumani.
“Këto nuk janë veprimet e dikujt që dëshiron paqe”.
Paketa e 19-të e sanksioneve vjen si përgjigje ndaj kësaj përshkallëzimi nga Putini, shpjegoi Von Der Leyen duke paraqitur elementët kryesorë të asaj që propozohet.
Ajo tha se BE-ja do të kërkojë të shkurtojë të ardhurat e Rusisë nga lëndët djegëse fosile, duke ndaluar importin e LNG-së ruse në tregjet evropiane.
118 anije shtesë nga “flota hije” ruse do të shtohen në listën e sanksioneve, që tani arrin në 560 anije.
Ajo shtoi se kompanitë kryesore të tregtimit të energjisë Rosneft dhe Gazpromneft tani do të jenë nën ndalim të plotë transaksionesh, dhe kompani të tjera do t’i nënshtrohen ngrirjes së aseteve.
“Në tre vjet, të ardhurat e Rusisë nga nafta në Evropë kanë rënë me 90%. Ne tani po e mbyllim këtë kapitull përgjithmonë. Ne po forcojmë luftën tonë kundër shmangies së sanksioneve. Ndërsa taktikat e shmangies bëhen më të sofistikuara, sanksionet tona do të përshtaten për të qëndruar përpara. Për herë të parë, masat tona kufizuese do të godasin platformat e kriptovalutave dhe do të ndalojnë transaksionet në kriptovaluta. Ne po listojmë banka të huaja të lidhura me sistemet alternative të pagesave të Rusisë. Dhe po kufizojmë transaksionet me entitete në zonat ekonomike speciale”, tha Von Der Leyen.
Paketa do të shtojë kufizime të reja direkte të eksportit për artikujt dhe teknologjitë e përdorura në fushëbetejë, duke ndikuar në 45 kompani në Rusi dhe në vende të treta./S.K/KP/
Aktualitet
Komanda e Forcave Tokësore realizoi garën “Ujku Garues 2025”
Published
2 days agoon
September 19, 2025By
UBT News
Gara tradicionale “Ujku Garues 2025”, është përmbyllur me sukses, aktivitet ky i cili realizohet nga Komanda e Forcave Tokësore ku marrin pjesë ekipe nga njësitë e Forcës së Sigurisë së Kosovës.
Këtë vit, pjesëmarrës ishin 21 ekipe dhe aktiviteti u mbajt në kazermën “Ushtarët e NATO-s” në Istog.
“Garën e ka fituar, Policia Ushtarake e FSK-së, dhe është shpërblyer me vendin e parë. Vendi i dytë i takoi Kompanisë B nga Regjimenti i Parë i Këmbësorisë dhe vendi i tretë shkoi për Kompaninë MB nga Regjimenti i Parë i Këmbësorisë”, njoftoi Forca e Sigurisë së Kosovës.
Gara “Ujku Garues” për herë të parë është mbajtur në vitin 2015 si rezultat i shkëmbimit të përvojave mes nënoficerëve të FSK-së dhe atyre të kontigjentit slloven.
Garën e karakterizon aspekti organizativ, vlerësues, shpirti garues, profesionalizmi dhe angazhimi maksimal i ekipeve./S.K/KP/

Arti dhe Media Digjitale në fokus – UBT mbledh studiues e profesionistë nga mbarë bota

UBT hap thirrjen për pjesëmarrje në Konferencën Ndërkombëtare mbi Artet Performuese 2025

Von Der Leyen: Rusia e ka treguar plotësisht përbuzjen ndaj diplomacisë dhe ligjit

Komanda e Forcave Tokësore realizoi garën “Ujku Garues 2025”

Caktohet stadiumi ku do të luhet ndeshja Barcelona-PSG

Zhegrova kthehet fuqishëm në Juventus ndaj Borussia Dortmundit

Qeveria bart 904 mijë euro për subvencionet e efikasitetit të energjisë

Edhe një aktakuzë në mungesë për krime lufte

Mourinho: Gabim që shkova te Fenerbahce, po kthehem te niveli im
Të kërkuara
-
Aktualitet4 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26