Sport

Prishtina dënohet rëndë nga FFK, e pëson edhe Ballkani

Prishtina u dënua me dy ndeshje zyrtare të radhës t’i zhvilloj jashtë fushës së saj.

Publikuar

2 vjet më parë

më

Komisioni disiplinor i shkallës së parë, në mbledhjen e mbajtur me datë 09.09.2022 shqyrtoi procedurat e hapura nga Komisioni i Garave pas përfundimit të ndeshjeve të xhiros së pestë të Albi Mall Superligës.

Pas shqyrtimit komplet të materialit të siguruar nga zyrtarët e ndeshjeve dhe incizimeve televizive mori vendim për dënimin e FC Prishtinës me dy ndeshje zyrtare të radhës jashtë fushës së vetë (jashtë qytetit të Prishtinës), si dhe një gjobë prej 1200 euro.

Kjo për shkak të lëshimeve në organizimin e ndeshjes, ku pati sulm të tifozëve “Plisat”, ndaj atyre të Ballkanit, “Xhebrailat”.

Në anën tjetër, me gjobë u dënua edhe FC Ballkani, për shkak se tifozët shkaktuan dëme në stadiumin “Fadil Vokrri”.

Vendimet e plota nga Komisioni disiplinor:

FC ”Ballkani”. Tifo grupi ”Xhebrailat”, të vendosur në tribunën veriore kanë demoluar tri (3) ulëse, ndërkaq në tualetin e kësaj tribune kanë dëmtuar katër (4) mbajtëse të letrave, një mbajtëse të dyerve të hekurit dhe është dëmtuar xhami (dritarja). Sipas raporteve te zyrtareve të ndeshjes Prishtina-Ballkani dhe përfaqësuesve zyrtar të ekipeve. Bazuar në nenin 52 paragrafi 1 pika C dhe neni 10 paragrafi 2 pika A të Rregullores disiplinore; Dënohet me gjobë ne shumë prej 1000 euro. Afati i pagesës është 8 tetë ditë kur vendimi bëhet i plotfuqishëm. (Rregullorja disiplinore neni 11 paragrafi 1). Po ashtu, obligohet FC “Ballkani”, që dëmin e shkaktuar nga tifo grupi “Xhebrailat”, në stadiumin “Fadil Vokrri” ta paguajë në afat prej 15 ditëve kur vendimi bëhet i plotfuqishëm. Shuma e dëmit të shkaktuar përcaktohet me vendim të organit kompetent.

FC “Prishtina”. Lëshim në organizimin e ndeshjes. 15 minuta para fillimit të ndeshjes tifozët vendas ”Plisat”, kalojnë rrethojat e tribunës jugore dhe përmes shtegut të atletikës, pa i penguar askush, vërsulen në anën veriore, në tribuna ku ishin tifozët mysafirë ”Xhebrailat”, i sulmojnë fizikisht dhe si rezultat i kësaj përleshje tre (3) simpatizues të ekipit mysafir marrin lëndime trupore, njeri nga të cilët dyshohet të jetë lënduar nga mjeti i mprehtë (thikë). Tifo grupi ”Plisat”, në minutën e 8, ofendon në kor ekipin dhe tifozët mysafir, ndërkaq në minutat 13, 14 dhe 33 të njëjtit kanë ndezur mjete piroteknike tymuese dhe shurdhuese të fuqishme, me ç`rast kanë dëmtuar barin sintetik. Në minutën e 15, një tifoz ka kaluar rrethojën dhe nga ana lindore përmes fushës së lojës ka kaluar në tribunën përendimore të stadiumit. Sipas raporteve të zyrtarëve të ndeshjes Prishtina-Ballkani dhe xhirimeve televizive.

I. Bazuar në nenin 53 paragrafi 1 pika D i Rregullores disiplinore FC “Prishtina”, dënohet me dy ndeshje zyrtare të radhës jashtë fushës së vetë. (Jashtë qytetit të Prishtinës).

II. FC “Prishtina”: Bazuar në nenin 52 paragrafi 1 pika C dhe neni 10 paragrafi 2 pika A të Rregullores disiplinore; Dënohet me gjobë ne shumë prej 1200 euro. Afat i pagesës është 8 tetë ditë kur vendimi bëhët i plotfuqishëm. (Rregullorja disiplinore neni 11 paragrafi 1).

III. Obligohet FC “Prishtina”, që dëmin e shkaktuar nga tifo grupi “ Plisat” , në stadiumin “ Fadil Vokrri” ta paguajë në afat prej 15 ditëve kur vendimi bëhet i plotfuqishëm. Shuma e dëmit të shkaktuar përcaktohet me vendim të organit kompetent.

Etiketa
Vazhdo të lexosh

Sport

Roma ka zyrtarizuar trajnerin për sezonin e ardhshëm

De Rossi do të vazhdojë të drejtoj skuadrën e tyre edhe për sezonin 2024/2025.

Publikuar

9 orë më parë

më

18 Prill, 2024

nga

Ryan dhe Dan Friedkin, pronarët e skuadrës së Romës, kanë njoftuar sot (e enjte) përmes një komunikate zyrtare se trajneri aktual, Daniele De Rossi do të vazhdojë të drejtoj skuadrën e tyre edhe për sezonin 2024/2025.

Friedkin në komunikatën e tyre u shprehën të kënaqur me punën e teknikut italian deri më tani dhe kështu bashkëpunimi mes palëve do të vazhdojë edhe për sezonin e ardhshëm.

“Pas takimit të djeshëm me Daniele De Rossi, ne jemi të kënaqur të njoftojmë se ai do të vazhdojë si trajner i AS Roma pas këtij sezoni”, thuhet fillimisht.

“Në mandatin e tij të shkurtër si kryetrajner, ndikimi pozitiv që lidershipi i tij ka sjellë në të gjithë klubin ka treguar historinë e vet”.

“Daniele udhëheq me respekt dhe kurajo, ndërsa forca dhe besimi i tij i rrënjosur në klub janë vërtet në linjë me vlerat, qytetin dhe tifozët e pashembullt të Romës”.

“Ne do të vazhdojmë të punojmë së bashku sa më shumë që të jetë e mundur për të ofruar një të ardhme që tifozët e AS Roma e meritojnë”.

“Nuk mund të ishim më të lumtur sesa të ndërtonim një projekt afatgjatë me Danielen. Detaje të tjera do të vijojnë në ditët në vijim. Forza Roma!”, përfundon komunikata.

De Rossi mori timonin e skuadrës kryeqytetase pas eksperiencës së Jose Mourinhos i cili u shkarkua në janarin e këtij viti.

Deri më tani ai ka regjistruar 11 fitore , tre barazime dhe dy humbje./UBTNews/

Vazhdo të lexosh

Sport

​Sot mbyllet faza e çerekfinales së Ligës së Kampionëve

Me fillim nga ora 21:00 stadiumi “Allianz Arena” do të jetë nikoqir i ndeshjes së kthimit mes Bayern Munichut dhe Arsenalit.

Publikuar

2 ditë më parë

më

17 Prill, 2024

nga

Pas dy ndeshjeve të mbrëmshme ku Paris Saint-Germain eliminoi Barcelonën dhe Borussia Dortmundi e eliminoi Atletico Madridin, sot do të mësohen edhe dy gjysmëfinalistët e fundit të kësaj gare.

Me fillim nga ora 21:00 stadiumi “Allianz Arena” do të jetë nikoqir i ndeshjes së kthimit mes Bayern Munichut dhe Arsenalit.

Ndeshja e parë në “Emirates” të Londrës u mbyll me rezultat të barabartë 2:2, andaj sot pritet të jetë një ndeshje e zjarrtë me të dy skuadrat që e dëshirojnë një vend në gjysmëfinale.

Ndërkaq, ndeshja kryesore do të zhvillohet në stadiumin “Etihad”, ku kampioni aktual evropian, Manchester City e pret në shtëpi Real Madridin.

Ndeshja e kaluar në “Santiago Bernabeu” u mbyll me shifrat 3:3, rezultat ky që lë gjithçka të hapur sa i përket skuadrës që eliminohet sot.

Ndeshjet e sotme:

21:00 Manchester City – Real Madrid

21:00 Bayern Munich – Arsenal

Vazhdo të lexosh

Sport

Shtyhen ndeshjet gjysmëfinale në kuadër të Kupës së Kosovës

Kjo për shkak se dita e nesërme është shpallur ditë zie nga presidentja e Kosovës, Vjosa Osmani, pas vrasjes në Pejë.

Publikuar

2 ditë më parë

më

16 Prill, 2024

nga

Ndeshjet e parapara për t’u zhvilluar nesër në kuadër të Kupës së Kosovës janë shtyrë për javën tjetër (24 prill). Kjo për shkak se dita e nesërme është shpallur ditë zie nga presidentja e Kosovës, Vjosa Osmani, pas vrasjes në Pejë.

Përballjet që ishte paraparë të zhvillohen nesër me fillim nga ora 15:00 ishin:

Drita – Prishtina dhe Ballkani – Suhareka./UBTNews/

Vazhdo të lexosh

Sport

Mbrojtësi i Atletico Madridit flet para duelit ndaj ish-skuadrës së tij

“Atmosfera është shumë e ngrohtë, si në shtëpi, por ne e dimë se nuk do të jetë një ndeshje e lehtë”, tha fillimisht ai.

Publikuar

2 ditë më parë

më

16 Prill, 2024

nga

Mbrojtësi i Atletico Madridit, Axel Witsel ka folur në konferencë për shtyp përpara duelit të dytë të ndeshjes çerekfinale të Champions League kundër Borussia Dortmundit.

32-vjeçari belg ishte aktivizuar më parë te Borusia Dortmundi, ku edhe tregoi për eksperiencën e mëhershme, duke shtuar se janë në dijeni që është një ndeshje mjaft e vështirë.

“Signal Iduna Park është i ngjashëm me stadiumin tonë. Atmosfera është shumë e ngrohtë, si në shtëpi, por ne e dimë se nuk do të jetë një ndeshje e lehtë”, tha fillimisht ai.

Witsel poashtu theksoi se diferenca e përballjes do të vërehet në 15 minutat e para.

“Ne duhet të luajmë me të njëjtin intensitet siç luajmë në shtëpi, gjithçka vendoset nesër. Në këtë fazë nuk është e lehtë, duhet ta fillojmë ndeshjen fuqishëm. 15 minutat e para do të jenë shumë të rëndësishme”, përmbylli mbrojtësi i Atleticos./UBTNews/

Vazhdo të lexosh

Të kërkuara