Lajmet

Princi i Lihtenshtajnit akuzohet për vrasjen e ariut më të madh në Evropë

Published

5 years ago

on

Grupi mjedisor “Agent Green” pretendon se Princi Emanuel von und zu Liechtenstein mori një leje për të qëlluar një ari femër, por se në vend të saj qëlloi një ari 17-vjeçar që me gjasë llogaritet ariu më i madh në BE

Aktivistët e mjedisit dyshojnë se princi i Lihtenshtajnit vrau ndoshta ariun më të madh në Bashkimin Evropian gjatë një ekspedite gjuetie në Rumani në mars të këtij viti, transmeton Anadolu Agency (AA).

Grupi mjedisor “Agent Green” pretendon se Princi Emanuel von und zu Liechtenstein mori një leje për të qëlluar një ari femër, por se në vend të saj qëlloi një ari 17-vjeçar, që me gjasë llogaritet ariu më i madh në BE, shkruan BBC.

Zyra e Princit të Lihtenshtajnit tha se ata nuk e dinin prapavijën e kësaj “çështje private dhe personale”. Por, theksuan se natyra është “një nga shqetësimet themelore të familjes së tij dhe element qendror i angazhimit të tyre për qëndrueshmërinë mjedisore dhe sociale”.

Nuk është konfirmuar që princi të kishte leje gjuetie, por “Agent Green” tregoi një dokument që duket të jetë një leje qeveritare për shoqatën e gjuetisë në Covasna, në të cilën princit i jepen disa ditë në mars për gjueti dhe ku potencohet vdekja e një ariu në fshati Oidula në Transilvani.

Organizata mjedisore kombëtare e Rumanisë ka nisur një hetim mbi vrasjen e ariut.

Gjuetia e arinjve ngjyrë kafe u ndalua në Rumani në vitin 2016 sepse kjo kafshë mbrohet sipas një direktive të BE-së. Megjithatë, gjuetia për arinjtë “problematikë” që shkaktojnë dëm është e lejuar dhe aktivistët thonë se problemi nuk zgjidhet me të shtëna.

“Për të marrë leje, duhet të provoni se keni plotësuar të gjitha kushtet e nevojshme. Sapo të hiqni arinjtë e mëdhenj nga popullata, filloni të destabilizoni popullsinë, ashtu që ky ari ka luajtur një rol vendimtar. Pa arinj si Arthuri, ekziston rreziku i çiftëzimit të të afërmve të ngushtë”, shpjegoi Gabriel Paun nga grupi mjedisor “Agent Green”.

Related Topics:
Continue Reading

Lajmet

Sot prezantohen rezultatet e çmimeve të pronave banesore

Published

4 minutes ago

on

December 4, 2025

By

Agjencia e Statistikave të Kosovës (ASK) mban sot konferencën për media me rastin e publikimit të të dhënave për Indeksin e Çmimeve të Pronave Banesore (IÇPB) në Republikën e Kosovës.

Ky indeks publikohet për herë të parë në Kosovë pas kërkesave të shumta nga përdoruesit e statistikave zyrtare.

“Ky publikim shënon një hap të rëndësishëm në zhvillimin e statistikave ekonomike dhe harmonizimin me standardet ndërkombëtare për analizën e tregut të patundshmërive”, njofton ASK.

Në këtë konferencë do të flasin Avni Kastrati, Drejtor Ekzekutiv i ASK-së, Hekuran Murati, Ministër në detyrë i Financave, Punës dhe Transfereve (MFPT), Ahmet Ismaili, Guvernatori i BQK-së, Avni Ahmeti, Drejtor Ekzekutiv i Agjencisë Kadastrale të Kosovës.

Kurse prezantimi i rezultateve, do të bëhet nga Arlinda Mataj, Udhëheqëse e Divizionit të Statistikave të Çmimeve në ASK./S.K/EO/

Continue Reading

Lajmet

​Aksidentohen 8 vetura në Gjermani, dëmet mbi 100 mijë euro

Published

8 minutes ago

on

December 4, 2025

By

Në Sttuttgart asgjë nuk funksionoi në rrugën drejt Fellbach në trafikun e orës së pikut, kur gjatë një aksidenti u përfshin tetë automjete.

Shkaku i aksidentit është ende i paqartë, tha një zëdhënës i policisë duke shtuar se fatmirësisht nuk kishte persona të lënduar.

Zëdhënësi i policisë tha se dëmet materiale kapin shifrën 120 mijë euro dhe se rruga në drejtim të Fellbach, rrethi Rems-Murr-Kreis, ishte e mbyllur./S.K/KP/

Continue Reading

Lajmet

​Kupa e Italisë, në çerekfinale përballja shqiptare Gjimshiti – Zhegrova

Published

16 minutes ago

on

December 4, 2025

By

Atalanta mposhti Genoa me rezultat 4:0 dhe siguroi çerekfinalen e Kupës së Italisë në futboll.

Golat për skuadrën nga Bergamo i shënuan Berat Gjimshiti (19’) Marten De Roon (54’), Mario Pashaliq (81’), Honest Ahanor në minutën e dytë të kohë shtesë.

Atalanta në çerekfinale do të takohet me Juventusin për të cilin luan Edon Zhegrova.

Takimet do të zhvillohen më 4 dhe 11 shkurt të vitit të ardhshëm.

Gjysmëfinalet e Kupës së Italisë janë planifikuar për 4 mars (ndeshja e parë) dhe 22 prill (ndeshja e dytë).

Finalja është planifikuar për datën 13 maj 2026, sipas traditës në stadiumin Olimpik në Romë./S.K/KP/

Continue Reading

Lajmet

Parashikimi i motit

Published

18 minutes ago

on

December 4, 2025

By

Sot në vendin tonë pritet të mbajë mot kryesisht i vranët dhe herë pas here edhe me riga shiu.

Sipas Institutit Hidrometeorologjik të Kosovës, temperaturat minimale do ë sillen ndërmjet 1 deri 3 gradë celsius, ndërsa ato maksimale ndërmjet 7-10 gradë celsius.

Era do të fryjë nga jugperëndimi, me shpejtësi 1-5 metër për sekondë./S.K/KP/

 

Continue Reading

Të kërkuara