Bota

Princesha e Uellsit, Kate Middleton, njofton rikthimin në detyrat publike pas përfundimit të kimioterapisë

Published

on

Në një video thellësisht personale dhe prekëse, Princesha Kate Middleton ka shpërndarë lajmin se do të rikthehet në detyrat e saj publike pas përfundimit të kimioterapisë. Videoja e shpërndarë përmban pamje intime me familjen e saj, duke përfshirë princin William dhe fëmijët e tyre, princin George, princeshën Charlotte dhe princin Louis, duke shijuar natyrën dhe momentet e ngrohta familjare.

Në video, Kate flet hapur për përvojën e saj të vështirë me kancerin, duke e përshkruar atë si një periudhë jashtëzakonisht të vështirë për familjen e saj. “Kanceri është kompleks, i frikshëm dhe i paparashikueshëm për të gjithë,” shprehet ajo. Ajo gjithashtu thekson se, edhe pse ka përfunduar kimioterapinë, rruga e saj drejt shërimit të plotë është e gjatë dhe kërkon që ajo të vazhdojë të ecë hap pas hapi.

Kate tregon gjithashtu se është shumë e emocionuar për të rikthyer në aktivitetet e saj publike dhe për të ndërmarrë angazhime të tjera në muajt e ardhshëm, kur të jetë e mundur. Ajo shprehet se “pavarësisht gjithçkaje që ka ndodhur më parë, unë hyj në këtë fazë të re të rimëkëmbjes me një ndjenjë të rinovuar shprese dhe vlerësimi për jetën”.

Pjesë e kësaj rikthimi është edhe një pjesëmarrje e mundshme në koncertin e Krishtlindjeve në Westminster Abbey, i cili është bërë një ngjarje e rëndësishme në kalendarin mbretëror. Kate ka filluar të punojë me ekipin e saj për këtë projekt dhe shpreson të angazhohet në një program të lehtë të detyrave publike për pjesën e mbetur të vitit, duke reflektuar nevojën e saj për një rikuperim të plotë.

Ajo ka marrë një mori mesazhesh mbështetjeje nga publiku dhe ka shprehur mirënjohjen e saj për gjithë ata që i kanë qëndruar pranë gjatë kësaj periudhe. “Mirësia, empatia dhe dhembshuria e të gjithëve kanë qenë vërtet përulëse,” ka thënë ajo.

Videoja e xhiruar në gusht në Norfolk tregon një notë pozitive, me pamje të familjes së saj duke kaluar kohë të bukur së bashku në natyrë dhe duke u angazhuar në aktivitete të thjeshta, si lojërat në fusha dhe lojërat me letra nën një pemë.

Videoja përfundon me një mesazh inkurajues për të gjithë ata që janë duke u trajtuar për kancerin: “Për të gjithë ata që po vazhdojnë rrugëtimin e tyre kundër kancerit – unë mbetem me ju krah për krah. Nga errësira, mund të dalë drita, kështu që ajo dritë le të shkëlqejë,” përfundon Princesha Kate./UBTNews/

Bota

Gjykata e Apelit në SHBA shpall tarifat e Trumpit të paligjshme

Published

on

By

Një gjykatë apeli në Shtetet e Bashkuara ka shpallur shumicën e tarifave të vendosura nga presidenti Donald Trump si të paligjshme. Vendimi përfshin tarifat e “reciproke” që Trumpi kishte vendosur për shumicën e shteteve në botë, si dhe ato të vendosura mbi Kinën, Meksikën dhe Kanadanë.

Gjykata e Apelit për Qarkun Federal hodhi poshtë argumentin e administratës Trump se tarifat ishin të lejuara nga një ligj i fuqive ndërkombëtare, i cili jep mundësinë për masa ekonomike në rast urgjence. Sipas gjykatës, vendosja e tarifave ishte e pavlefshme dhe në kundërshtim me ligjin.

Ky vendim nuk do të hyjë në fuqi deri më 14 tetor, për t’i dhënë administratës Trump kohë të apelonte çështjen në Gjykatën Supreme të Shteteve të Bashkuara.

Përmes një deklarate, Trumpi e ka kritikuar vendimin, duke theksuar se, nëse ky vendim mbetet në fuqi, mund të ketë pasoja të rënda për ekonominë e SHBA-së. “Nëse mbetet në fuqi, vendimi do ta shkatërronte SHBA-në,” ka thënë ai.

Continue Reading

Bota

Administrata Trump miraton shitjen e armëve prej 825 milionë dollarësh për Ukrainën

Published

on

Administrata Trump ka miratuar një shitje armësh me vlerë 825 milionë dollarë për Ukrainën, e cila do të përfshijë raketa me rreze të gjatë veprimi dhe pajisje të ngjashme për të rritur aftësitë e saj mbrojtëse.

Përpjekjet e ShBA-së për të ndërmjetësuar paqen midis Ukrainës dhe Rusisë duket se kanë ngecur.

Departamenti i Shtetit njoftoi të enjten se kishte njoftuar Kongresin për shitjen e raketave me municion sulmi me rreze të gjatë veprimi dhe sistemeve të navigimit për Ukrainën. Shitja do të mbulojë 3,350 raketa ERAM, 3,350 njësi GPS, së bashku me komponentë, pjesë këmbimi dhe aksesorë të tjerë, si dhe trajnim dhe mbështetje teknike, shkruan AP.

Ai tha se Ukraina do të përdorte fonde nga aleatët e NATO-s, Danimarka dhe Holanda.

Continue Reading

Bota

Kremlini: Të interesuar për negociata, por nuk do të ndalim sulmet ndaj Ukrainës

Published

on

Rusia po vazhdon me operacionin e saj ushtarak në Ukrainë, por mbetet e interesuar për të vazhduar procesin e negociatave.

Kjo vije si rezultat për të arritur objektivat  përmes mjeteve politike dhe diplomatike, ka deklaruar zëdhënësi i Kremlinit, Dmitry Peskov, shkruan ANSA.

“Operacioni special ushtarak vazhdon. Sulmet kundër infrastrukturës ruse, shpesh infrastrukturës civile ruse, nga regjimi i Kievit vazhdojnë. Forcat ushtarake ruse do të vazhdojnë të kryejnë misionin e tyre”, shtoi ai.

”Ato vazhdojnë të sulmojnë vende ushtarake dhe infrastrukturë të lidhur me ushtrinë. Sulmet janë të suksesshme dhe objektivat e tyre janë shkatërruar”, theksoi ai.

Continue Reading

Aktualitet

Dita Botërore kundër testeve bërthamore

Published

on

Data 29 gusht shënon Ditën Ndërkombëtare kundër Testeve Bërthamore, një ditë që bën thirrje për një ndërprerje globale të testimeve bërthamore.

Kjo datë është zgjedhur pasi është 50-vjetori i testit të parë bërthamor të kryer nga Shtetet e Bashkuara. Gjatë pesëdhjetë vjetëve të fundit, më shumë se 1000 teste bërthamore janë kryer në mbarë botën.

Këto teste kanë pasur pasoja shkatërruese jo vetëm për ata që jetojnë pranë vendeve të testimit bërthamor, por edhe për mjedisin dhe shëndetin e njeriut.

Testimi bërthamor është një aktivitet i rrezikshëm dhe i papërgjegjshëm që duhet të ndërpritet sa më shpejt të jetë e mundur.

Dita Ndërkombëtare kundër Testeve Bërthamore është një kujtesë e rëndësishme e rreziqeve që sjell testimi bërthamor dhe pse duhet të ndalet.

Thelbi i rezolutës ishte se duhet bërë çdo përpjekje për t’i dhënë fund testeve bërthamore në mënyrë që të shmangen efektet shkatërruese dhe të dëmshme në jetën dhe shëndetin e njerëzve dhe se fundi i testeve bërthamore është një nga mjetet kryesore për arritjen e synimi i një bote pa armë bërthamore.

Nisja për këtë ditë u bë nga Republika e Kazakistanit, duke zgjedhur 29 gushtin si datën e respektimit për t’u lidhur me mbylljen e zonës së testit bërthamor të Semipalatinsk në të njëjtën datë në 1991.

Continue Reading

Të kërkuara