Lajmet

Prifti ‘famëkeq’ dënohet me 3 vjet e gjysmë burg për nxitje të veprimeve vetëvrasëse

Gjykata në Moskë e dënoi murgun me tre vjet e gjysmë burg.

Published

on

Një prift ortodoks rus, i cili më parë kishte mohuar ekzistencën e COVID-19, është burgosur për nxitje të vetëvrasjeve, përcjell UBT News.

Prifti Sergiy (i lindur Nikolai Romanov) u arrestua në dhjetor të vitit 2020 pasi mbajti predikime që u bënin thirrje besimtarëve të “vdisnin për Rusinë”. Ai u dënua të martën për nxitje të veprimeve vetëvrasëse, shkelje të lirisë së ndërgjegjes dhe lëvizje arbitrare.

Gjykata në Moskë e dënoi murgun me tre vjet e gjysmë burg.

66-vjeçari gjithmonë e ka mohuar ekzistencën e koronavirusit dhe ka dënuar përpjekjet e qeverisë ruse për të frenuar përhapjen e virusit. Ai është gjithashtu i njohur për pretendimin e rremë se vaksinat e koronavirusit po zhvilloheshin si pjesë e një komploti të supozuar global për të kontrolluar njerëzit përmes mikroçipave.

Prifti u kërkoi ndjekësve të tij që të mos i binden kufizimeve të bllokimit teksa ishte barrikaduar në një manastir pranë Yekaterinburgut me dhjetëra mbështetës.

Ai u arrestua vitin e kaluar në manastir pas një operacioni të posaçëm gjatë natës nga forcat e policisë dhe të sigurisë.

Kisha Ortodokse Ruse ia hoqi gradën e abatit për shkelje të rregullave të monastirit për atë që gjykata e quajti mosbindje ndaj autoriteteve të Kishës Ortodokse Ruse.

Prifti në fjalë kishte shërbyer më parë si oficer policie, por më vonë ishte dënuar për vrasje, grabitje dhe sulm dhe ishte dënuar me 13 vjet burg. Pas lirimit të tij, ai kishte shkuar në një shkollë të krishterë dhe ishte bërë murg./UBTNews/

Lajmet

Komisioni Qendror i Zgjedhjeve mblidhet sot për zgjedhjet lokale 2025

Published

on

By

Komisioni Qendror i Zgjedhjeve do të mblidhet sot në orën 15:00 për diskutime në lidhje me zgjedhjet lokale të vitit 2025.

Në fokus të mbledhjes do të jenë miratimi i planit të aktiviteteve për organizimin e zgjedhjeve, si dhe përcaktimi i përbërjes së Komisioneve Komunale Zgjedhore për procesin zgjedhor që po afrohet, njoftoi KQZ-ja.

Continue Reading

Lajmet

LDK organizon mbledhje përkujtimore për ish-kryeministrin Bujar Bukoshi

Published

on

By

Në nderim të jetës dhe veprës së Bujar Bukoshit, ish-kryeministrit të Qeverisë së Kosovës në ekzil, sot do të mbahet një mbledhje komemorative nën patronatin e kryetarit të Lidhjes Demokratike të Kosovës, Lumir Abdixhiku.

Bukoshi ndërroi jetë dje në moshën 78-vjeçare. Ai ka qenë një nga figurat kryesore të udhëheqjes së Kosovës në periudhën e vështirë të viteve 1991-1999, si kryeministër i Qeverisë në mërgim.

Pas luftës, Bukoshi vazhdoi angazhimin politik si deputet dhe ministër i Shëndetësisë.

Ceremonia do të zhvillohet sot në orën 12:00, në Amfiteatrin e Pallatit të Rinisë (ish-ASK), në Prishtinë.

Continue Reading

Lajmet

Përpjekja e 30-të për konstituimin e Kuvendit, seanca vijon sot

Published

on

By

Pas shumë tentimeve pa sukses, deputetët e zgjedhur më 9 shkurt pritet të takohen sot sërish në Kuvendin e Kosovës, për të vazhduar seancën konstituive dhe për të tentuar zgjedhjen e kryetarit të Kuvendit. Kjo është përpjekja e 30-të për ta formuar legjislaturën e re.

Nën drejtimin e kryesuesit Avni Dehari, të hënën Kuvendi vijoi me pikën e mbetur në rend dite – formimin e komisionit zgjedhor për zgjedhjen e kryetarit të Kuvendit me votim të fshehtë.

Dehari i bëri thirrje edhe një herë subjekteve që ende nuk kanë propozuar anëtarët e tyre në komision (PDK, LDK, Lista Serbe dhe AAK-Nisma), por nuk pati ndonjë përgjigje nga këto grupe parlamentare.

Përbërja e deritanishme e komisionit u hodh në votim dhe u miratua me 53 vota për, pa asnjë votë kundër apo abstenim.

Seanca do të vazhdojë sot, më 11 qershor, duke filluar nga ora 11:00.

Continue Reading

Lajmet

Të akuzuarit për rastin “Banjska” sot sërish para Gjykatës

Published

on

By

Të akuzuarit në rastin “Banjska” do të paraqiten sot përsëri para Gjykatës Themelore të Prishtinës.

Në seancën e mbajtur më 9 prill, tre të akuzuarit – Blagoje Spasojeviq, Vladimir Toliq dhe Dushan Maksimoviq – u deklaruan të pafajshëm ndaj akuzave që u ngarkohen. Të tre ndodhen aktualisht në masë paraburgimi.

Në këtë proces kanë dëshmuar edhe dy zyrtarë policorë: Alban Rashiti, i cili mbeti i plagosur gjatë sulmit të 24 shtatorit 2023 në Banjskë të Zveçanit, dhe Çlirim Shaqiri, i cili gjithashtu kishte pësuar lëndime në të njëjtin incident.

Aktakuza e ngritur nga Prokuroria Speciale përfshin gjithsej 44 persona fizikë dhe një person juridik – kompania “RAD D.O.O”. Në krye të listës së të akuzuarve figuron Milan Radoiçiq.

Continue Reading

Të kërkuara