

Lajmet
Presidentja Osmani: Në momentet më të vështira familja Biden ka qenë zëri i popullit tonë
Published
4 years agoon
By
UBT newsPresidentja Vjosa Osmani të dielën në ceremoninë e dorëzimit të medaljes post-mortem për Beau Biden, tha se në momentet më të vështira familja Biden ka qenë zëri i popullit të Kosovës.
“Të paktë njerëzit sikur i ndjeri Joseph Robinette “Beau” Biden III (i treti), të cilët e kanë shfaqur aq fuqishëm këtë përkushtim ndaj vendit dhe shërbimit për të”.
“Sundimi i Ligjit, siç e dini, nuk është vetëm temë e rëndësishme për mua, por diçka së cilës ia kam kushtuar gjithë karrierën time profesionale. Kjo është një temë kaq e rëndësishme për mua ngaqë besoj se duhet të jetë synim i yni i përhershëm e t’i përcaktojë veprimet tona, meqë ndikon drejtpërdrejt në jetën e qytetarëve tanë. Unë besoj se sundimi i ligjit është parakushti themelor për suksesin tonë si vend”.
“Zoti President, më lejoni t’jua them juve dhe gjithë qytetarëve të Shteteve të Bashkuara ‘Kosova është edhe shtëpia juaj’. Flamujt amerikanë do të vazhdojnë të valëviten lart dhe me krenari në të gjithë Republikën e Kosovës, kjo është mënyra jonë për të treguar mirënjohjen tonë për mbështetjen që ju na keni dhënë përmes njerëzve si Beau dhe çdo qytetari tjetër të Shteteve të Bashkuara, që ka kontribuar për sigurinë dhe shtetësinë tonë”.
“Në momente të vështira, familja Biden u ka dhënë dritë popullit tonë”.
Pastaj, Presidentja Osmani, ia ka dorëzuar Medaljen Presidenciale Ambasadorit të Shteteve të Bashkuara të Amerikës, Philip Kosnett, për Beaue Biden, djalin e Presidentit të ShBA-së, Joe Biden.
Kosnett tha se Amerika do t’i qëndrojë gjithmonë përkrah Kosovës.
Tutje, ambasadori amerikan tha se mënyra më e mirë për të nderuar Beau Biden është që të punoni për të ardhmen.
“Është një nder për ta pranuar këtë mirënjohje në emër të presidenti i Biden. Beau Biden ka prezantuar mentalitetin më të mirë, ai e ka ditur se për të ecur përpara duhet bashkëpunim me shtetet dhe t’i mbështesim shtetet tjera. Amerikanët e respektojnë udhëtimin e Kosovës, pasi që ty dy shtete e kemi synimin njëjtë të ofrojmë barazi dhe drejtësi. E di që Kosova është e gatshme të ndërtojë një shoqëri ku të gjithë do të kenë mundësi të barabarta. Tani si asnjëherë tjerët e gjithë bota po përballet me probleme të njëjta si ngrohja globale, korrupsioni e shumë të tjera. Mënyra më e mirë për ta nderuar Beau është që të punojmë në rregullimin e problemeve. Amerika do të ju qëndroj përkrahë gjithmonë”.
Aktualitet
Rektori i UBT-së, Prof. Dr. Edmond Hajrizi pranohet anëtar në Akademinë Evropiane të Shkencave (EurASc)
Published
1 day agoon
August 1, 2025By
Driton Iseni
Themeluesi dhe Presidenti i UBT-së, Rektori, Prof. Dr. Edmond Hajrizi, është pranuar si anëtar në Akademinë Evropiane të Shkencave (European Academy of Sciences – EurASc).
European Academy of Sciences (EurASc) është një nga akademitë më prestigjioze në Evropë, që bashkon shkencëtarë dhe studiues të shquar nga e gjithë bota, me qëllim promovimin e ekselencës shkencore dhe teknologjike për të adresuar sfidat më të mëdha globale. Anëtarët e saj janë emra të njohur që kanë dhënë kontribute të mëdha në fushat përkatëse, përfshirë shumë fitues të çmimeve ndërkombëtare dhe nobelistë.
Ky është një vlerësim i rëndësishëm ndërkombëtar që njeh kontributin e jashtëzakonshëm të Prof. Hajrizit në fushën e arsimit të lartë, kërkimit shkencor, inovacionit dhe politikëbërjes në nivel rajonal dhe evropian.
“Pjesëmarrja ime si anëtar në Akademinë Evropiane të Shkencave është një vlerësim personal, por mbi të gjitha është një njohje për punën dhe përkushtimin afatgjatë të UBT-së në ndërtimin e një ekosistemi akademik dhe shkencor në përputhje me standardet evropiane. Ky është një hap i rëndësishëm drejt fuqizimit të rolit të Kosovës në hartën ndërkombëtare të dijes dhe inovacionit”, tha Rektori Hajrizi.
Akademia Evropiane e Shkencave (EurASc), në publikimin e saj në rrjetet sociale, ka vlerësuar lart kontributin e Prof. Dr. Edmond Hajrizi për përvojën e tij mbi dydekadëshe në ndërthurjen e akademisë me ekosistemet e inovacionit dhe zhvillimit ekonomik.
Nën udhëheqjen e tij strategjike dhe vizionare, UBT është konsoliduar si një nga institucionet më të avancuara të arsimit të lartë në Evropën Juglindore, duke u shndërruar në një qendër të rëndësishme për zhvillimin e inovacionit, teknologjisë dhe sipërmarrjes.
Si pjesë e angazhimeve të tij profesionale, Prof. Hajrizi ka udhëhequr me sukses dhjetëra projekte të financuara nga Bashkimi Evropian, si dhe ka kontribuar si këshilltar për institucione prestigjioze ndërkombëtare, duke promovuar transformimin digjital, prodhimin inteligjent dhe arsimin e orientuar drejt së ardhmes.
Ky pranim përfaqëson jo vetëm një sukses personal për Rektorin Hajrizi, por një arritje të rëndësishme për UBT-në dhe Kosovën në tërësi. Ai dëshmon se përkushtimi ndaj inovacionit, cilësisë akademike dhe vizionit global mund të sjellë njohje ndërkombëtare dhe ta vendosë Kosovën në hartën e qendrave të rëndësishme të dijes dhe teknologjisë.
Lajmet
Liga e Kampionëve 2025-2026, 29 klube të kualifikuara
Published
1 day agoon
August 1, 2025By
UBT News
Ka ende kohë deri në fillimin e sezonit të ri të Ligës së Kampionëve, megjithatë vështirë se ka ndonjë garë që gjeneron aq shumë pritje sa ky kompeticion. Edhe para se faza e ligës të fillojë më 16 shtator, ka disa data të rëndësishme në axhendë.
UEFA ka planifikuar tashmë shortin për fazën e ligës. Ai do të zhvillohet më 28 gusht në Nyon. Siç ndodhi vitin e kaluar, një program kompjuterik do ta kryejë procesin, pasi një short manual në formatin revolucionar do të ishte përtej mundësive.
Klubet do të ndahen në katër vazo me nga tetë ekipe secila sipas koeficientit të klubit të tyre, me Paris Saint-Germain, si fitues të Ligës së Kampionëve, që tashmë janë të vendosur në vazon e parë. Bayern (i 2-ti), Leverkusen (i 7-ti) dhe Dortmund (i 8-ti) nga Bundesliga janë midis tetë ekipeve të para. Një ekip nga vazoja e parë duhet të luajë kundër një ekipi tjetër nga vazoja e parë dhe klubeve të dyta secila nga vazot e dyta, të treta dhe të katërta në fazën e ligës.
Liga e Kampionëve 2025/26: Cilat klube janë gati për shortin?
Anglia : Liverpool , Arsenal , Manchester City, Chelsea, Tottenham, Newcastle
Spanjë : Barcelona , Real Madrid , Atlético Madrid, Athletic Club, Villarreal
Italia : Napoli, Inter, Atalanta, Juventus
Gjermani : Bayern Munich, Bayer Leverkusen, Eintracht Frankfurt , Dortmund
Francë : Paris Saint-Germain, Marseille, Monaco
Holanda : PSV, Ajax
Portugalia : Sporting CP
Belgjikë : Union Saint-Gilloise
Turqi : Galatasaray
Republika Çeke : Slavia Pragë
Greqi : Olimpiakosi
29 klube janë kualifikuar tashmë për shortin e fazës së ligës. Anglia dhe Spanja kanë siguruar secila nga një vend shtesë përmes renditjes vjetore të UEFA-s, kështu që Newcastle dhe Villarreal do të përfaqësohen. Tottenham është kualifikuar si fitues i Europa League, që do të thotë se Premier League do të ketë gjashtë klube.
Liga e Kampionëve 2025/26: Si do të luhen vendet e mbetura?
Vendet e mbetura do të përcaktohen përmes fazës kualifikuese dhe eliminatoreve.
Raundi i 1-rë kualifikues: 8/9 dhe 15/16 korrik 2025
Raundi i dytë kualifikues: 22/23 dhe 29/30 korrik 2025
Raundi i 3-të kualifikues: 5/6 dhe 12 gusht 2025
Playoff-et: 19/20 dhe 26/27. Gusht 2025
Raundi i parë kualifikues është tashmë në kulmin e tij. Megjithatë, vetëm klubet nga ligat më të ulëta do të garojnë atje. Megjithatë, në raundin e dytë kualifikues do të marrin pjesë klube të njohura si FC Copenhagen dhe RB Salzburg.
Vendimi se cilat klube do të avancojnë në fazën e ligës do të merret më 26 dhe 27 gusht me ndeshjet e kthimit të fazës eliminatore.
Lajmet
Laporta për Yamalin: Ka personalitet të fortë si Messi, është i rrallë
Published
1 day agoon
August 1, 2025By
UBT News
Presidenti i Barcelonës, Joan Laporta, ka bërë një deklaratë të fuqishme në lidhje me talentin e jashtëzakonshëm të Lamine Yamal, duke e krahasuar atë me Lionel Messin jo vetëm për cilësitë teknike, por edhe për karakterin e tij të veçantë.
Në një prononcim për mediat, Laporta u shpreh: “Lamine Yamal ka një personalitet shumë të fortë, njësoj siç kishte edhe Messi në kohën e tij. Ai nuk është thjesht një lojtar i talentuar, por është i rrallë, një prej atyre futbollistëve që lindin rrallëherë.”
Presidenti katalanas vazhdoi me vlerësimet duke theksuar nivelin elitar në të cilin tashmë ndodhet adoleshenti spanjoll:
“Yamal është një gjeni i vërtetë i futbollit. Ka arritur një nivel shumë të lartë për moshën që ka dhe kjo e bën edhe më të jashtëzakonshëm. Ne te Barcelona jemi shumë krenarë që kemi një lojtar si ai në radhët tona.”
Lamine Yamal, vetëm 18 vjeç, ka shpërthyer me paraqitjet e tij për Barçën dhe përfaqësuesen e Spanjës, duke u bërë një ndër emrat më premtues në futbollin botëror. Krahasimi me Messin nga vetë presidenti Laporta vetëm sa e forcon imazhin e tij si trashëgimtar potencial i legjendës argjentinase në “Camp Nou”.

Drita ka bërë një goditje të rëndësishme në merkato duke siguruar shërbimet e sulmuesit të njohur Kristal Abazaj. Lojtari me përvojë të madhe dhe cilësi të spikatura do të jetë tashmë pjesë e repartit ofensiv, duke i shtuar më shumë forcë dhe alternativë skuadrës nga Gjilani.
Pas një pune të përkushtuar dhe negociatash të suksesshme, drejtori sportiv Valon Zymberi arriti të finalizojë marrëveshjen me Abazajn, i cili ka firmosur një kontratë dyvjeçare me klubin.
Abazaj pritet të jetë një armë e fuqishme në dispozicion të trajnerit Ramadani, duke sjellë me vete jo vetëm eksperiencë, por edhe potencial për të bërë diferencën në fushë.

Skechers ka prodhuar atlete për fëmijë që shumë prindër i ëndërrojnë

Zbulohet diagnoza e fshehur e Hulk Hogan

Gjumi i çrregullt mund të jetë shkaktar i bllokimit të arterieve

Çorapja e ndotur e Michael Jacksonit shitet në ankand për një shifër të çmendur

Këshilla për nënat e reja që mëngjesi të jetë më pak stresues

Parashikimi i motit për sot

Rektori i UBT-së, Prof. Dr. Edmond Hajrizi pranohet anëtar në Akademinë Evropiane të Shkencave (EurASc)

Tri shenja të dukshme që mund të keni kolesterol të lartë

Meta me projekt për superinteligjencë artificiale
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit