

Lajmet
Presidentja e Maqedonisë së Veriut fal 10 të dënuar
Published
10 months agoon
By
UBTnewsPresidentja e Maqedonisë së Veriut, Gordana Silanovska-Davkova, i ka falur të mërkurën dhjetë të burgosur, përfshirë edhe ish-kryetarin e Komunës së Manastirit, Vladimir Taleskin, duke ia hequr një vit nga dënimi me burg për keqpërdorim të detyrës.
Taleski ishte dënuar në mars 2020 me shtatë vjet burg për keqpërdorim të detyrës zyrtare në rastin “Transportuesi”, lidhur me organizimin e transportit të nxënësve në këtë komunë. Atij iu llogaritën në dënim edhe tri vjetët e kaluara në paraburgim para aktgjykimit të vitit 2020.
Taleski vlerësohet se kishte shkaktuar dëm të përgjithshëm prej rreth 360.000 eurosh. Sipas vendimit të publikuar në Gazetën Zyrtare, një ditë më parë, presidentja fali edhe nëntë persona tjera, duke zëvendësuar dhe shkurtuar dënimet e tyre me kusht. Në njoftim nuk janë dhënë detaje për veprat penale për të cilat ishin dënuar.
Silanovska-Davkova i fali ata për nder të festës së 23 Tetorit – Ditës së Luftës Revolucionare Maqedonase, një festë shtetërore në Maqedoninë e Veriut
Presidenti maqedonas zakonisht fal të burgosur gjatë festave shtetërore, ndërsa falja e tyre bazohet në arsye të ndryshme si, sjellja e mirë, shkaqe familjare, gjendja shëndetësore.
Në mesin e 10 të falurve nga presidentja është edhe Marjan Efremovi, i akuzuar në rastin “Spiuni”, i cili përfitoi një shkurtim të dënimit prej tre muajsh. Efremovit në vitin 2014 u dënua me 15 vjet burgim, nën akuzat për “shoqëri kriminale, spiunazh, keqpërdorim të detyrës zyrtare dhe shantazh”. Efremov më herët kishte punuar në Agjencinë për Zbulim. Por, Silanovska-Davkova u kritikua për këtë vendim.
Lidhja Socialdemokrate (LSDM) në opozitë, vendimin e presidentes e cilësoi si “skandaloz dhe tronditës”, duke pretenduar se “janë falur kriminelë të dënuar, dhe anëtarë të klaneve të drogës”.
“Silanovska-Davkova ka mbrojtur kriminelët dhe narko-klanet me këto vendime. Kjo është një goditje ndaj drejtësisë dhe sigurisë së qytetarëve”, tha të mërkurën zëdhënësja e LSDM-së, Bogdanka Kuzevska, në një konferencë për media.
Edhe nga partia E Majta (Levica), vendimin e presidentes e quajtën “skandaloz”. “Vendimi skandaloz i presidentes Silanovska të falë kriminelë të cilët janë pjesë të narko grupeve tregon se edhe pushteti i saj ka “borxhe” ndaj nëntokës kriminale”, thanë nga Partia E Majta, duke kërkuar nga presidentja që ta tërheqë vendimin.
Pas reagimeve në opinion, Silanovska-Davkova, në një deklaratë për TV21, tha se tani po e sheh se “personazhet janë me të vërtetë interesantë, në kuptimin negativ të fjalës”, por shtoi se “vendimet janë marrë mbi bazë të analizave së veprave për të cilat janë dënuar dhe jo të personave konkretë”.
Kujtojmë se në Maqedoninë e Veriut, vendimet për falje kalojnë në disa faza procedurale. Fillimisht, kërkesa për falje paraqitet në gjykatë, e cila më pas e dërgon në Ministrinë e Drejtësisë. Aty shqyrtohen të gjitha dokumentet dhe përgatitet një propozim që dorëzohet në Presidencë.
Brenda Presidencës, Komisioni për Falje shqyrton secilën kërkesë, së bashku me rekomandimet e Ministrisë së Drejtësisë, dhe vendos me shumicën e votave. Propozimi i komisionit i paraqitet presidentit, i cili merr vendimin përfundimtar bazuar në këtë rekomandim dhe propozimin e Ministrisë së Drejtësisë.
Aktualitet
Lidership, strategji dhe politika publike në një program të vetëm në Master në UBT
Published
2 hours agoon
August 23, 2025By
Driton Iseni
Aftësimin analitik në bërjen e politikave publike dhe përgatitjen tuaj në rolet e lidershipit në rrafshin kombëtar dhe ndërkombëtar për një karrierë të bujshme, ua bën të mundur UBT përmes programit të nivelit master, Politika Publike dhe Menaxhim.
Ky program studimi iu ofron të gjitha mundësitë për të përmbushur synimet tuaja në vlerësimin e opsioneve dhe politikave për shërbimet publike, duke ndërthurur analizën e politikave publike, menaxhimin e financave publike, teknologjinë e informacionit, zhvillimin e lidershipit, menaxhimin e burimeve njerëzore dhe analizimin e të dhënave.
Studentët e nivelit master të programit Politika Publike dhe Menaxhim në UBT, do të kenë mundësi të përfitojnë praktikat më të njohura ndërkombëtare nga ekspertët dhe profesionistët më të mirë që ka vendi nga kjo fushë, e që gjenden në UBT.

Sekretari i përgjithshëm i NATO-s Mark Rutte ka siguruar presidentin Volodomyr Zelensky se Aleanca Veri-Atlantike do të vazhdojë të mbështesë Kievin zyrtar në përballje me agresionin ushtarak rus.
Ai në një konferencë për media në Kiev me presidentin e Ukrainës theksoi se ndihma e NATO-së do të vazhdojë të rritet.
“Tri vjet e gjysmë pas pushtimit në shkallë të plotë të Rusisë, Ukraina vazhdon të qëndrojë e fortë. Dhe miqtë dhe partnerët tuaj në NATO vazhdojnë të qëndrojnë me ju. Mbështetja jonë është e palëkundur dhe vazhdon të rritet. Përfshirë, siç thatë edhe ju, përmes Listës së re të Kërkesave me Prioritet për Ukrainën- PURL- që mbështet një rrjedhë të rëndësishme të armëve vdekjeprurëse amerikane në Ukrainë përmes financimit të ofruar nga Aleatët e NATO-s. Në më pak se një muaj, kjo tashmë ka nënkuptuar 1.5 miliardë dollarë shtesë në pajisje thelbësore, mbrojtje ajrore. Municione. Dhe më shumë. Paketa të mëtejshme do të pasojnë”, tha Rutte.
Ai shtoi se po punojnë së bashku në NSATU, komandën e NATO-s në Gjermani – për të siguruar që forcat ukrainase të kenë atë që u nevojitet.
Rutte ka folur edhe mbi takimin e së hënës në Uashington, së bashku me presidentin e SHBA-së dhe shumë udhëheqës evropianë, për të shfrytëzuar mundësinë për t’i dhënë fund kësaj lufte të tmerrshme dhe për të sjellë paqe dhe siguri pas kaq shumë vuajtjesh.
“Presidenti Trump e ka bërë këtë një përparësi – jo vetëm duke thyer bllokimin me Putin, por duke e bërë të qartë se Shtetet e Bashkuara do të përfshihen në ofrimin e garancive të sigurisë për Ukrainën. Garancitë e forta të sigurisë do të jenë thelbësore – dhe kjo është ajo që po punojmë tani për ta përcaktuar. Në mënyrë që kur të vijë koha që ju të hyni në atë takim dypalësh – të keni forcën e padyshimtë të miqve të Ukrainës pas jush. Duke siguruar që Rusia do të mbështesë çdo marrëveshje. Dhe kurrë, kurrë më nuk do të përpiqet të marrë një kilometër katror të Ukrainës”, tha Rutte.
Bota
Pekini kundërshton tarifat e SHBA-së për tarifat 50% ndaj Indisë
Published
19 hours agoon
August 22, 2025By
UBT News
Ambasadori kinez në Indi, Xu Feihong, tha se Pekini kundërshton fuqimisht tarifat e larta të Uashingtonit ndaj Delhit dhe bëri thirrje për bashkëpunim më të madh midis Indisë dhe Kinës.
Xu e krahasoi SHBA-në me një ngacmues, duke thënë se ajo kishte përfituar prej kohësh nga tregtia e lirë, por tani po përdor tarifat si një “kartolinë negociuese” për të kërkuar çmime të tepruara nga vendet e tjera.
“SHBA-të kanë vendosur tarifa deri në 50% ndaj Indisë dhe madje kanë kërcënuar për më shumë. Kina e kundërshton fuqimisht këtë. Heshtja vetëm sa e trimëron ngacmuesin”, tha Xu të enjten, shkruan BBC.
Më parë këtë muaj, Trump vendosi një gjobë prej 25% ndaj Indisë, përveç tarifave prej 25% për blerjen e naftës dhe armëve nga Rusia. Shkalla e re do të hyjë në fuqi më 27 gusht.
Importet e shtuara të naftës së papërpunuar ruse të lirë nga Delhi që nga lufta në Ukrainë kanë shkaktuar një tendosje në lidhjet e saj me SHBA-në dhe kanë ndikuar në negociatat për një marrëveshje tregtare.
India ka mbrojtur blerjet e saj të naftës ruse, duke argumentuar se si një importuese e madhe e energjisë, duhet të blejë naftën më të lirë të disponueshme për të mbrojtur miliona indianë të varfër nga rritja e kostove. Ajo gjithashtu ka theksuar se administrata Biden i kishte thënë Indisë të blinte naftë ruse për të krijuar tregje botërore të energjisë.
Aktualitet
73 raste të dhunës në familje për një javë
Published
19 hours agoon
August 22, 2025By
UBT News
Zyra për Mbrojtje dhe Ndihmë të Viktimave, që funksionon në kuadër të Zyrës së Kryeprokurorit të Shtetit, ka trajtuar gjithsej 78 raste të reja gjatë periudhës 15 – 22 gusht 2025, në të gjitha regjionet e Republikës së Kosovës.
Sipas të dhënave zyrtare, pjesa më e madhe e rasteve, konkretisht 73 kanë të bëjnë me dhunën në familje, duke reflektuar edhe njëherë përmasat shqetësuese të këtij fenomeni në shoqëri.
“Përveç rasteve të dhunës në familje, janë trajtuar edhe dy raste të dhunimit, një rast i ngacmimit seksual, një rast i sulmit seksual, një rast i lëndimit të lehtë trupor”, thuhet në njoftim.

Ekspertët tregojnë pse natyra e forcon përqendrimin

Zakoni i mëngjesit që ju ndihmon të reduktoni dhjamin rreth barkut

Zhvillohet pajisja e re me bazë diamanti që detekton më lehtë kancerin

Lidership, strategji dhe politika publike në një program të vetëm në Master në UBT

Taylor Swift nuk shkëlqen vetëm në skenë, Zoë Kravitz zbulon “dhuntinë e fshehtë” të saj

Nga Serie A te Liga e Kampionëve, Allegri zbulon objektivat e Milanit këtë sezon

Si ndikon mbajtja e një ditari në shëndetin tonë mendor dhe emocional?

Mëngjesi që të bën lëkurën më të këndshme, ja ç’thonë mjekët

Moti sot: Me diell dhe vranësira të dukshme
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit