Sport

Presidenti i UEFA-s: Kam parë shumëçka në jetë, por jo njerëz si Agnelli dhe Ed Woodward

Published

4 years ago

on

Presidenti i UEFA-s, Alexander Ceferin, i ka kritikuar ashpër patronin e Juventusit, Andrea Agnelli, si dhe shefin e Manchester United, Ed Woodward, duke i quajtur gënjeshtarë dhe tinëzarë.

Juventusi i Agnellit dhe Unitedi i Woodwardit janë në mesin e 12 klubeve të mëdha evropiane që e krijuan një Superligë Evropiane të dielën, raporton Gazeta Express.

Superliga do të jetë garë e mbyllur dhe do t’i japë fund garës më të famshme evropiane për klube, Ligës së Kampionëve, nëse jetësohet.

UEFA vazhdimisht e ka kundërshtuar krijimin e një lige të tillë dhe është mbështetur edhe nga FIFA për këtë.

Duke folur për Agnellin, njërin prej ideatorëve të kësaj lige, Ceferin tha: “Nuk do të flas shumë për Agnellin, ai është ndër zhgënjimet më të mëdha, vërtet zhgënjim i madh. Kurrë s’e kam parë një njeri i cili mund të gënjejë në atë mënyrë vazhdimisht. Vërtet e pabesueshme. Fola më të dielën pasdite dhe ai më tha se ishin thjesht thashetheme dhe se nuk kishte asgjë të vërtetë në to. Ai tha se do të më telefononte, por në fakt e kishte fikur telefonin”.

Ndërsa në lidhje me shefin e Unitedit, ai shtoi: “Kam parë shumë gjëra në jetën time, por kurrë nuk kam parë njerëz si ata. Unë dhe Ed Woodward nuk kemi biseduar shumë, por të enjten e kaluar ai më telefonoi dhe më tha se ishte i lumtur me reformat (në Ligën e Kampionëve) dhe se i përkrahte ato. Gjëja e vetme për të cilën donte të fliste ishte fair play financiar, por në fakt e kishte nënshkruar marrëveshjen për Superligë”. 

Related Topics:
Continue Reading

Sport

18 vite mik me topin e basketbollit! Drilon Hajrizi vjen me një rrëfim krejtësisht ndryshe

Published

1 day ago

on

May 17, 2025

By

Pjesë e emisionit “n’RITËM” me autore dhe moderatore Albina Zeneli, ishte basketbollisti i njohur Drilon Hajrizi.

Ai jep kontribut në KB Trepca e foli për fitoren kundër Bashkimit me rezultat 80:74, e po ashtu tregoi pak detaje sa i përket përballjes së radhës që do ta kenë të dielen nga ora 19:00 në Prizren, e në rast se ky ekip fiton bëhet kampion duke e mbrojtur titullin.

Tash e 18 vite si një sportist profesionist, Driloni jep ca këshilla edhe për studentët e rinj duke theksuar se ky profesion është njëherë pasion por gjë me rëndësi unike sigurisht që sipas tij është shkollimi sepse mendon se është e vetmja metodë që nuk të lë pa financa.

Për më shumë detaje ju ftojmë ta ndiqni intervistën e plotë në linkun e mëposhtëm. /UBT News/

https://www.facebook.com/campusradio100.7/videos/649951138079163

Continue Reading

Sport

Xherdan Shaqiri zgjedhet lojtari më i mirë i javës në ligën elitare të Zvicrës

Published

4 days ago

on

May 14, 2025

By

Ylli kosovar Xherdan Shaqiri është zgjedhur lojtari më i mirë i javës në kampionatin elitar të Zvicrës.

Swiss Football League ka shkruar se ky ndoshta ishte vendimi më i lehtë i gjithë sezonit.

Kjo pasi që nga rikthimi i XS te skuadra e Bazelit, sulmuesi ka shkëlqyer gjatë edicionit.

Shaqiri ka përjetuar një sezon të jashtëzakonshëm në Superligën e Zvicrës, duke arritur ta rikthejë ekipin te titulli kampion pas tetë vitesh.

Continue Reading

Sport

Xabi Alonso, së shpejti trajner i Real Madridit

Published

6 days ago

on

May 12, 2025

By

Shumë shpejt, Xabi Alonso pritet të të konfirmohet si trajner i ri i Real Madridit.

Spanjolli ka njoftuar ditë më parë për largimin e tij nga Bayer Leverkuseni, ndërsa tani ka arritur marrëveshje me klubin e madrilenëve.

Kjo,sipas ekspertit të transferimeve, Fabrizio Romano.

“Xabi Alonso te Real Madrid! Historia e konfirmuar dhe marrëveshja e nënshkruar për Xabin si trajner i ri deri në vitin 2028. Stafi i kompletuar, kontrata në fuqi dhe një marrëveshje tre-vjeçare për Alonson, me Realin që planifikon që ai fillojë në Kupën e Botës për Klube”.

“Lamtumira e Ancelottit së shpejti, pastaj epoka e Xabit”, ka shkruar Romano.

Continue Reading

Sport

Legjenda e mundjes Sabu vdes në moshën 60 vjeçare

Published

6 days ago

on

May 12, 2025

By

Sabu , një nga legjendat e mundjes profesionale , ndërroi jetë papritur në moshën 60 vjeç. Shkaku i vdekjes së mundësit, emri i vërtetë i të cilit ishte Terry Branc, ende nuk është bërë i ditur.

Sabu e kishte bërë ndeshjen e tij të fundit një javë më parë, gjë që shënoi tërheqjen e tij nga ringu, ai ishte bërë i famshëm për ndeshjet e tij jashtë fushave me shkallë, karrige, tavolina, tela me gjemba dhe objekte të tjera.

Nuk ishte rastësi që atij iu dha nofka: Maniaku vetëvrasës, vrasës dhe që sfidon vdekjen.

Sabu, i cili ishte nipi i The Sheik, një ish-yll i mundjes, kishte qenë dy herë kampion i peshave të rënda ECW dhe tre herë kampion i tag teams. Mundësi 60-vjeçar e kaloi pjesën më të madhe të karrierës së tij në ECW në vitet ’90 përpara se të transferohej në WWE në mesin e viteve 2000.

Continue Reading

Të kërkuara